Mətbuat Şurası ustad jurnalist Nəsir İmanquliyevin 110 illik yubileyi ilə bağlı toplantı keçirib -- FOTO

WhatsApp Image 2021 12 22 at 22.38.37

       Bu gün Azərbaycan jurnalistikasının görkəmli siması, böyük ziyalı, pedaqoq, alim Nəsir İmanquliyevin anadan olmasından 110 il ötür. Bu münasibətlə, Azərbaycan Mətbuat Şurasının təşkilatçılığı ilə, ustad sənətkarla bağlı anım tədbiri keçirilib. Yubiley toplantısı barədə Mətbuat Şurasından araz.az-a daxil olan məlumatda deyilir ki, tədbir iştirakçılarının bir qrupu öncə II Fəxri Xiyabanda ustad jurnalist Nəsir İmanquliyevin məzarını ziyarət edib, məzarı önünə əklil qoyublar.WhatsApp Image 2021 12 22 at 22.39.22
       Sonra toplantı keçirilib. Tədbiri açan MŞ sədri Əflatun Amaşov öz çıxışında, Nəsir İmanquliyevin Azərbaycan milli mətbuatında və publisistikasında Həsən bəy Zərdabi, Mirzə Cəlil, Əli bəy Hüseynzadə, Üzeyir Hacıbəyli ənənələrinin davamçısı olmaqla yanaşı, özünəməxsus parlaq ziyalı obrazı yaratmış şəxsiyyət olduğunu xüsusi vurğulayıb. Xüsusi olaraq onu da qeyd edib ki, Nəsir İmanquliyevin həyat və yaradıcılığı jurnalist peşəkarlığı ilə ziyalı cəsarəti və mərdliyinin bənzərsiz və təkrarsız nümunəsidir. “Nəsir müəllimin ömür yoluna diqqət yetirən zaman, onun haqqında söylənilən fikirləri oxuduqca düşünürsən ki, bir adam necə bu qədər geniş fəaliyyət diapazonuna malik ola bilərdi? Hesab edirəm ki, bunu yalnız və yalnız Vətənini, xalqını sidq ürəklə sevən insan bacarardı. Nəsir müəllim əməli ilə xalqını sevməyin son dərəcə böyük örnəyi idi və örnək kimi də qalacaq.WhatsApp Image 2021 12 22 at 22.39.22 1       Onun ana dilimizə qarşı basqılara mətanətlə sinə gərməsi, inadkarlığı, mərdliyi heyrət doğurur. Bildiyiniz kimi, o zaman “Yeni yol” qəzeti nəşr olunurdu. O qəzetdə Azərbaycan dili, milli kimlik məsələlələri qabardılırdı. Sovet sistemi buna qarşı çıxaraq nəşrin fəaliyyətini dayandırdı. Həmin vaxt Nəsir müəllim Azərbaycan rəhbərliyinə, şəxsən Mircəfər Bağırova etiraz məktubu ünvanladı”, -- deyən Ə. Amaşov həmçinin bildirib ki, N. İmanquliyevin jurnalistlik fəaliyyətində “Bakı” və “Baku” axşam qəzetləri müstəsna önəm daşıyıb. Ustad qələm sahibinin qurucusu olduğu və 30 il redaktorluq etdiyi bu nəşrlər Azərbaycan jurnalistikasına yeni ahəng və ruh gətirib. MŞ sədri çıxışında eyni zamanda N. İmanquliyevi tələbələrin sevimlisi olan tələbkar pedaqoq, qayğıkeş müəllim kimi xarakterizə edən cəhətlərdən də söz açıb.WhatsApp Image 2021 12 22 at 22.40.28
       Azərbaycan Dövlət İnformasiya Agentliyinin Baş direktor müavini Dağbəyi İsmayılov özünün jurnalist kimi formalaşmasında Nəsir İmanquliyevin böyük rolunun olduğunu vurğulayıb. O bildirib ki, Nəsir müəllim tələbkarlığı ilə redaksiyanı nizamda saxlamaq qabiliyyətinə malik idi. Redaksiyada yaradıcı mühit, böyük məsuliyyət formalaşdırırdı. Tənqidlə ictimai əhəmiyyət daşıyan məsələlərə sanki nəfəs verirdi: “Biz gənc jurnalistlər Nəsir müəllimin məsləhətləri sayəsində yazdığımız yazıların doğurduğu reaksiyadan onun necə düzgün istiqamət müəyyənləşdirdiyini hiss edirdik və bu bizi ruhlandırırdı”.
       Uzun illər “Bakı” və “Baku” qəzetlərində çalışmış, hazırda bu nəşrlərin Baş redaktoru olan Ağahüseyn Hüeseynov bildirib ki, Nəsir İmanquliyev Azərbaycanın həm mətbu, həm də ictimai-siyasi həyatında böyük şəxsiyyətdir. “Mən xüsusən Nəsir müəllimin kadr seçimi üzərində dayanmaq istərdim.WhatsApp Image 2021 12 22 at 22.40.28 1       O, bir ünsiyyəti ilə müəyyənləşdirirdi ki, qarşısında dayanan adamdan jurnalist çıxacaq, ya yox. Unikal duyumu vardı. Böyüklə böyük, kiçiklə kiçik idi. Qəzet əməkdaşlarının hər birinin qəlbinə yol tapmağı bacarırdı. Yaratdığı məsuliyyət mühiti hamını yaradıcılığa səsləyirdi”, -- deyə, A. Hüseynov əlavə edib.
       “Fikirlərdə, düşüncələrdə əbədi qalmaq hər kəsə nəsib olan xöşbəxtlik deyil. Nəsir müəllim belə şəxsiyyət idi. O, yaradıcılıqda yaşıl işıq kimi xatırlanır”, -- deyən Azərbaycanın əməkdar jurnalisti, yazıçı-publisist Flora Xəlilzadə, tələbəsi olduğu Bakı Dövlət Universitetinin jurnalistika fakultəsində təhsil alarkən, ustad qələm sahibi olan pedaqoqla bağlı xatirələrindən söz açıb. Onun tələbələrə qayğısını ifadə edən konkret misallar göstərərək, vurğulayıb ki, Nəsir İmanquliyevin malik olduğu ali keyfiyyətlərdən söz açmaqla, onların hamısı haqqında danışmaq mümkün deyil.WhatsApp Image 2021 12 22 at 22.40.28 2
       Veteran jurnalist Məzahir Süleymanzadə isə çıxışında Nəsir İmanquliyevin rəhbərlik etdiyi “Bakı” qəzetinin dil və üslub xüsusiyyətləri baxımından digər dövrü nəşrlərdən fərqləndiyini deyib. “Qəzetdəki materiallar elə dildə yazılırdı ki, hamı onu rahat başa düşürdü. Buna xalq dili deyilir. Baxmayaraq ki, nəşr rəsmi status daşıyırdı, onun mövzu dairəsi həddən artıq geniş idi, ənənəvi konyukturanın tələblərini aşırdı. Bu cəhətlər qəzetə pupulyarlıq qazandırmışdı. İnsanlar köşklər qarşısında növbədə dururdular ki, “Bakı”nı alsınlar. Bütün bunlar isə şübhəsiz Nəsir İmanquliyevin səriştəsindən, zirəkliyindən, yenilikçiliyindən irəli gəlirdi”, -- deyən M. Süleymanzadə ustad jurnalisti pedaqoq kimi də xarakterizə edən keyfiyyətlərdən söz açaraq, onu da bildirib ki, Nəsir İmanquliyevin tələbələrindən olmaq böyük xoşbəxtlikdir.WhatsApp Image 2021 12 22 at 22.42.03
       Əməkdar mədəniyyət işçisi, Azərbaycan Respublikası Milli Televiziya və Radio Şurasının üzvü, şairə, publisist və nasir Telli Pənahqızı Nəsir İmanquliyevin ictimai-siyasi, mədəni həyatda örnək şəxsiyyət olmaqla yanaşı, əvəzsiz liderlik xüsusiyyətlərini də daşıdığını bildirib: “Onun fikirləri, tövsiyələri insanın formalaşmasına müstəsna təsir göstərirdi. Nəsir müəllim hər birimizin həyatında gəzərgi kölgə, mayak idi. Nə qədər ki, xatirələrimiz var o, daim yaddaşlarda qalacaqdır. Xatirələr isə bitib-tükənmək bilmir. Bu gün çox böyük şükranlıq hissi ilə onu xatırlayıram”.WhatsApp Image 2021 12 22 at 22.42.04
       Azərbaycanın əməkdar artisti, televiziya aparıcısı Nailə İslamzadə də bildirib ki, nurlu siması, ali keyfiyyətləri ilə dəyər daşıyıcısı, məktəb olan insanlardan söz açmaq, onların həyat və fəaliyyətinin müxtəlif istiqamətlərini yada salaraq, ruhlarına ehtiram göstəmək mənəvi borcdur. Nəsir İmanquliyev də belə şəxsiyyətlərdəndir. Onun xatirəsi hər zaman yaddaşlarda qalacaq, söz sənətinin davamçıları tərəfindən əziz tutulacaqdır.WhatsApp Image 2021 12 22 at 22.42.05
       Veteran jurnalist, “Bakı” və “Baku” qəzetlərinin Baş redaktor müavini Ənvər Məşədiyev öz çıxışında N. İmanquliyevin rəhbərliyi altında sözügedən qəzetlərdə çalışdığı illərə ekskurs edib. O deyib ki, bu qəzetlər o dərəcədə böyük potensiala malik idilər ki, onun əməkdaşları müxtəlif sahələr üzrə çıxan nəşrlərin də hazırlanıb çapa verilməsində yaxından iştirak edirdilər. Nəsir müəllim özünün tükənməz enerjisi ilə bu işlərin hamısına rəhbərliyi həyata keçirirdi.WhatsApp Image 2021 12 22 at 22.42.05 1
       MŞ-nin sədr müavini, Beynəxalq Avrasiya Mətbuat Fondunun rəhbəri Umud Rəhimoğlu bildirib ki, Nəsir İmanquliyev yüksək mənəvi keyfiyyətləri ilə sağlığındaykən axirəti qazanmış simadır. “Əlbəttə, onun şəxsi xarakteri bütövlükdə cəmiyyətin, xalqın mənafelərinin təminatına səfərbər olmuşdu. Hesab edirəm ki, Nəsir müəllim kimi insanlarla cəmiyyət daha da möhkəm olur”.
     “Milli jurnalistikamızda “Molla Nəsrəddin”, “Füyuzat” məktəbi olduğu kimi, “Bakı” məktəbi də var. Bu məktəb Nəsir İmanquliyevin məktəbidir ”, -- deyən filologiya elmləri namizədi, jurnalist və publisist, Nəsir İmanquliyev irsinin tədqiqatçısı Şərəf Cəlilli vurğulayıb ki, ustad jurnalist tarixi özünün həyatı ilə yaradan və yaşadan simadır. WhatsApp Image 2021 12 22 at 22.42.05 2       “Türkoloji qurultayın Bakıda keçirilməsindən sonra respublikaya təzyiqlər başlamışdı. Bu basqılara qarşı Nəsir İmanquliyev mübarizə aparırdı. “Yeni yol” qəzeti bağlandıqdan sonra Bakıda Mircəfər Bağırova, Moskvada isə Stalinə etiraz məktubu göndərmişdi. Bu cəsur və qorxmaz hərəkətləri ilə həyatını təhlükəyə atmışdı. Böyük Vətən Müharibəsi illərində cəbhəyə yollanmış və “Döyüşən Krım” qəzetində mühüm fəaliyyət yolu keçmişdi. Həmin qəzetdə sonradan Azərbaycan ədəbi mühitində öz sözünü demiş böyük simalar çalışırdılar. Nəşr cəbhədə döyüşən azərbaycanlılar arasında böyük populyarlıq əldə etmişdi. Müharibədən sonra Nəsir müəllim “Kommunist” qəzetinə gəldi.       Burada fəaliyyətini davam etdirdi”, -- deyən Ş. Cəlilli onu da vurğulayıb ki, “Bakı” və “Baku” axşam qəzetləri ilə Nəsir İmanquliyev yaradıcılıq yolunda zirvəyə yüksəldi. Ş. Cəlilli çıxışında eyni zamanda N. İmanquliyevin radio yaradıcılığı ilə bağlı məqamlardan da söz açıb. O bildirib ki, ustad qələm sahibi böyük cəsarət nümayiş etdirərək, Azərbaycan radiosunda “Oxu tar, səni kim unudar” adlı müsabiqə təşkil etmişdi. Radioda ana dilində proqramların geniş yer alması, həmçinin futbol şərhlərinin Azərbaycan dilində səslənməsi bilavasitə N. İmanquliyev şəxsiyyətinin xidmətlərinin nəticəsi olmuşdu.WhatsApp Image 2021 12 22 at 22.42.06
       “Xalq qəzeti”nin Baş redaktor müavini Tahir Aydınoğlu bildirib ki, N. İmanquliyev ötən sərin 60-70-ci illərində Bakı Dövlət Universitetinin jurnalistika fakultəsini şöhrətləndirən müəllim idi. T. Aydınoğlu eyni zamanda vurğulayıb ki, ustad sənətkar jurnalistə ictimai xadim obrazı qazandıran şəxsiyyət kimi də tarixdə və onun neçə-neçə tələbələrinin yaddaşında əbədi qalacaqdır.WhatsApp Image 2021 12 22 at 22.42.06 1
       Toplantıda çıxış edənlərdən “İki sahil” qəzetinin Baş redaktorunun birinci müavini İsmayıl Hacıyev, MŞ-nin icraçı katibi Şəmsəddirn Əliyev, Azərbaycanın əməkdar jurnalisti Aydın Ağazadə, veteran jurnalist Oqtay Ərgünəş və başqaları Nəsir İmanquliyevin Azərbaycanın ədəbiyyatında, incəsənətində özünün koloriti ilə fərqlənmiş tanınmış şəxsiyyətlərin sırasında yer aldığını vurğulayıblar. Onlar bildiriblər ki, ustad jurnalistin həyat və fəaliyyəti bütövlükdə söz sənətinin təntənəsiydi.WhatsApp Image 2021 12 22 at 22.42.07

Səməndər QURBANOV,
Rəşad CƏFƏRLİ,

araz.az xəbər portalının xüsusi müxbirləri.

"Nizami Gəncəvi bu gün bütün bəşəriyyətə məxsusdur!" -- MOLDOVA MEDİASINDAKI MÖVZULARIN ANA XƏTTİ

WhatsApp Image 2021 12 21 at 17.36.21

       Moldova mətbuatı, bu ölkədə dahi Azərbaycan şairi və mütəfəkkiri Nizami Gəncəvinin 880 illik yubileyinə həsr olunmuş bir sıra mədəni tədbirləri geniş işıqlandırıb. Bu barədə, Azərbaycanın Moldovadakı səfirliyindən araz.az xəbər portalına daxil olan xəbərdə deyilir ki, ilk öncə, Səfirliyin önündəki bağçada Nizami Gəncəvinin barelyefinin rəsmi açılışı olub və mətbuat bu tədbiri geniş işıqlandırıb. Media qeyd edib ki, tədbirdə Moldovanın mədəniyyət naziri Sergey Prodan, Yazıçılar Birliyinin sədri, müxtəlif ölkələrin səfirləri, müxtəlif icmaların üzvləri, ziyalılar, çoxsaylı ictimaiyyət nümayəndələri iştirak ediblər.WhatsApp Image 2021 12 21 at 17.34.28
       "O, bu gün bütün bəşəriyyətə məxsusdur. Hələ XII əsrdə qələmə aldığı əsərlərində, kitablarında hamımıza, müasir cəmiyyətə, indiki nəslə həyatın müdrikliyini çatdırmağa çalışıb ki, biz sülh və harmoniya şəraitində yaşayaq, bir-birimizi düzgün anlayaq, təbiətə anlayışla nəcib davranaq. Onun şeirlərində hələ də öyrənə bilərsiniz ki, sevgi sərvətdən, ədəb gücdən dəyərlidir”, -- deyən Azərbaycanın Moldovadakı fövqəladə və səlahiyyətli səfiri Qüdsi Osmanovun tədbirlərdə çıxışına mətbuat materiallarında geniş yer ayrılıb. Diplomatın çıxışlarındakı "Kişineuda Nizami Gəncəvinin barelyefinin açılışı, Azərbaycan və Moldova münasibətləri üçün çox əlamətdar hadisədir" sözlərindən ibarət fikir, bu materiallardakı mövzuların ana xəttini təşkil edib.WhatsApp Image 2021 12 21 at 17.34.50
       Daha sonra, Səfirliyin və Moldova Milli Kitabxanasının, iki ölkənin mədəniyyət nazirliklərinin dəstəyi ilə təşkil etdikləri “Nizami Gəncəvi irsi mədəniyyətlərarası dialoq kontekstində” adlı mədəni tədbir barədə də, media vasitələri ictimaiyyətin diqqətinə geniş yazı və verlişlər çatdırıb. Həmin yazı və verilişlərdə bildirilib ki, bu tədbirdə mədəniyyət naziri Sergey Prodan, Azərbaycanın Moldovadakı səfiri Qüdsi Osmanov, Moldova Yazıçılar Birliyinin sədri Teo Kiriak, Nizaminin aforizmlər kitabını tərcümə edən şair İon Hadirko, mədəniyyət və incəsənət xadimləri iştirak ediblər. Mədəniyyət naziri Sergey Prodan çıxışında xüsusi olaraq onu vurğulayıb ki, Nizami Gəncəvi böyük mədəniyyət xadimidir, onun yaradıcılığı dünya ədəbiyyatına təsir göstərir.Məhz buna görə də, o, Azərbaycan Səfirliyinin binası qarşısında şairin barelyefinin açılışı mərasimində böyük məmnuniyyətlə iştirak etdiyini dəfələrlə dilə gətirib. Öz növbəsində, Azərbaycanın Moldovadakı səfiri Qüdsi Osmanov da, Nizami yaradıcılığının əsrlər boyu nadir mədəni dəyərlər xəzinəsində layiqli yer tutduğunu vurğulayıb. WhatsApp Image 2021 12 21 at 17.35.09

       Səfir, həm də Azərbaycanın mədəniyyət nazirinin Nizami Gəncəvinin əsərlərindən ibarət kitabların Moldova Milli Kitabxanasına hədiyyə edilməsinə dair məktubunu tədbir iştirakçılarına oxuyub. Diplomat qeyd edib ki, son illər Moldova -- Azərbaycan mədəni əlaqələri geniş şəkildə inkişaf edib. Qüdsi Osmanov onu da bildirib ki, bu il Bakıda, YUNESKO-nun mənzil qərargahında, Vaşinqtonda, Los -- Ancelesdə... yubiley tədbirləri, Nizami Gəncəvinin yaradıcılığına həsr olunmuş beynəlxalq konqreslər keçirilib.WhatsApp Image 2021 12 21 at 17.35.22

       Mətbu orqanlar keçirilən bu tədbirlərdəki digər çıxışlara da geniş yer ayırıb.
Sonda onu da qeyd edək ki, bu tədbirlər barədə rumın və rus dillərində
daha ətraflı məlumatı Moldovanın TV kanallarından və internet media resurslarından ala bilərsiniz.

Rəşad CƏFƏRLİ.

araz.az xəbər portalının xüsusi müxbiri.

Partiya sədrindən Prezidentə xoş arzulu YUBİLEY AD GÜNÜ TƏBRİKLƏRİ

dahi önder

     2021-ci ilin dekabr ayının 24-də müstəqil dövlətimizin yeni tarixini yazan lideri İlham Heydər oğlu Əliyevin yubiley ad günüdür. Bu münasibətlə, Azərbaycan Respublikasının 60 yaşını tamamlayacaq Prezidentinə və Ali Baş Komandanına müxtəlif ünvanlardan xoş arzulu təbriklər bir başqa ahəngə gəlməkdə davam edir. Ad günü münasibətlə, dövlət başçısına Azərbaycan Respublikaçılar Partiyasının çoxsaylı üzvləri adından və şəxsən öz adından partiya sədri Sübut Əsədovun göndərdiyi bu dəfəki təbrikin məzmunu da, əvvəlkilərdən fərqli xarakterdədir və elə, bu təbrikdəcə, bunun səbəbinə aydınlıq gətirilir. Məhz buna görə də, araz.az həmin təbriki, nöqtəsinə -- vergülünə toxunmadan dərc etməyi lazım bildi:

imagesprezident

"Azərbaycan Respublikasının Prezidenti, Ali Baş Komandan möhtərəm İlham Əliyev cənablarına!

       Çox hörmətli İlham müəllim!   

     Doğma Azərbaycanımızın və qüdrətli xalqımızın yeni tarixini yazan lideri kimi,
2021-ci ilin dekabr ayının 24-də yubiley ad gününüzü ən yüksək ali hisslərlə qeyd etməkdən, bu gözəl günə dahi liderə məxsus başqa bir ahəng qatmaqdan qürur duyacağıq. Çünki bu dəfəki doğum günü yubileyiniz öncəsi, hakimiyyət başında, Ulu Öndərimiz -- atanız Heydər Əliyev yolunun uğurlu davamçısı olaraq, onun ən əziz bir arzusunu gerçəkləşdirmisiniz.
Konkret desək, bu yubileyiniz Vətənimiz Azərbaycan üçün çox əlamətdar bir hadisəyə – Dağlıq Qarabağda sülh razılaşmasının əldə edildiyi, Azərbaycanın suverenliyinin və ərazi bütövlüyünün bərpa olunduğu dövrə təsadüf etdi. Bu möhtəşəm nailiyyət rəhbər kürsüsündə nümayiş etdirdiyiniz iradə, qətiyyət və müdriklik sayəsində mümkün oldu. İradəli və qətiyyətli bir lider olaraq: "Qarabağ Azərbaycandır və nida işarəsi", -- deməyiniz əhalidə vətənpərvərlik hissini gücləndirdi, onların dövlətə olan inam və etibarını artırdı.
     Əslində, Qarabağ münaqişəsi, son bir neçə onillikdə dünyada həllini tapan yeganə dondurulmuş münaqişə idi. Bir də ki, dövlət rəhbəri, Ali Baş Komandan olaraq, Sizin rəhbərliyinizlə 44 günlük Vətən Müharibəsində Azərbaycanın əldə etdiyi möhtəşəm qələbədən sonra, regionda tamamilə yeni bir vəziyyət yarandı. ATƏT-in Minsk Qrupunun Fransadan və ABŞ-dan olan həmsədrlərini qəbul edərkən, özünüzün söylədiyiniz kimi, Ermənistan - Azərbaycan - Dağlıq Qarabağ münaqişəsinin həlli regionda vəziyyəti dəyişdirdi.
     Bəli, Azərbaycan 30 ilə yaxın davam edən münaqişənin həllinə hərbi və siyasi vasitələrlə nail oldu. İşğalçı Ermənistanı döyüş meydanında məğlub edərək, düşməni kapitulyasiya sənədini imzalamağa məcbur etdi.Ölkə başçısı, Ali Baş Komandan olaraq, doğma Azərbaycanımızın işğal olunmuş torpaqlarını geri qaytarmağa nail oldunuz. 2020-ci il uzun zaman həyata keçirdiyiniz məqsədyönlü və strateji hədəflərə yönələn siyasətinizin ən parlaq zirvəsi oldu. 30 ilə yaxın müddət ərzində işğal altında qalan torpaqlarımız düşməndən azad edildi, ərazi bütövlüyümüz təmin olundu, xalqımızın doğma Vətən həsrətinə son qoyuldu.

     Bu böyük qələbənizlə xalqımızın qəhrəmanlıq salnaməsini yaratdınız. Dövlət başçısı postunda, Azərbaycanın ərazi bütövlüyünü bərpa edən lider kimi, adınızı əbədi olaraq tarixə yazdırdınız və 44 günlük Vətən Müharibəsinin əsl qəhrəmanına çevrildiniz. Vətən Müharibəsi Xalq -- Prezident birliyini və həmrəyliyini bir daha təsdiqlədi. Harada yaşamasından asılı olmayaraq, bütün azərbaycanlılar dövlətimizin başçısı, müzəffər Ali Baş Komandan kimi, ətrafınızda yumruq kimi birləşdi. O cümlədən, 50-dən artıq siyasi partiya Sizinlə bir, həmrəy olduğunu bəyan etdi. Bu partiyalardan biri də, rəhbəri olduğum və daim Sizin siyasətinizə dəstək olan Azərbaycan Respublikaçılar Partiyasıdır. Bu Bəyanatla, ölkəmizdə vətəndaş həmrəyliyinin, ümummilli məsələlərdə müxalifət - iqtidar münasibətlərinin bir kənara qoyulması ilə yanaşı, Sizin milli maraqların qorunmasına xidmət edən prinsipial mövqeyiniz, tutduğunuz düzgün yolun dəstəklənməsi idi. Dövlətimizin başçısı olaraq, Vətən Müharibəsinin gedişində nəyi nə zaman etmək lazım olduğunu bir daha işğalçı Ermənistana və ona havadarlıq edən dövlətlərə nümayiş etdirdiniz.Bu qələbələrimiz Ermənistanı diz çökdürdü, kapitulyasiya aktını imzalamağa məcbur etdi. Artıq, bu gün, müqəddəs Azərbaycan Bayrağımız Şuşanın, Qarabağın düşmən işğalından azad edilmiş digər ərazilərinin üzərində dalğalanır!

     Biz çox şadıq ki, noyabrın 10-da Azərbaycan və Rusiya prezidentləri, Ermənistanın Baş naziri üçtərəfli Bəyanatı imzalamaqla, Azərbaycanın hərbi -- siyasi Qələbəsini dünyaya təqdim etdilər. Bununla da, Vətənimiz Azərbaycan bölgədə yeni təhlükəsizlik və əməkdaşlıq formatının yaradılması üçün, mühüm işlər görmüş oldu. Bundan sonra isə, Azərbaycanın regiondakı geosiyasi statusunun və rolunun artacağı şübhəsiz idi və artıq bu deyilənlər də mövcuddur. Bütün bunlara görə, dahi bir liderimiz olaraq, xalqımız, Sizə, daim minnətdar olacaq! Çox şadıq ki, Siz, atanız Heydər Əliyevin yolunu ləyaqətlə davam etdirir, ölkəmizin və xalqımızın mənafelərini ən yüksək səviyyədə müdafiə edirsiniz. Ümummilli Liderimiz Heydər Əliyev bizimlə olmasa da, Sizin layiqli rəhbərliyiniz altında onun möhtəşəm ideyaları, siyasəti, fəlsəfəsi, azərbaycançılıq fəlsəfəsi, ideologiyası bizimlə bərabər yaşayır. Konkret desək, onun yaratdığı müasir Azərbaycan yaşayır və müstəqilliyinə daha möhkəm qovuşan Azərbaycan dövləti böyük sürətlə inkişaf edir. Siz dünya miqyaslı nüfuzlu siyasi xadim kimi təkcə doğma ölkəmizdə deyil, onun hüdudlarından kənarda da, haqlı olaraq, dərin hörmət qazanmısınız. Sizin Prezidentliyiniz dövründə Azərbaycan Respublikasının özünü regional lider kimi təsdiq edib. Bu, siyasi bir partiya olaraq, bizim üçün son dərəcə xoşdur.
     Bu yerdə, bir daha onu qeyd etmək istərdik ki, Sizin prezidentliyiniz illərində Vətənimiz Azərbaycan iqtisadi, sosial və mənəvi həyatın bütün sahələrində də misli görünməmiş nailiyyətlər qazanıb, dünyada hörmətli, güclü və nüfuzlu bir dövlətə çevrilib. Siz, görkəmli milli lider olaraq, doğma Azərbaycanımızın iqtisadiyyatda və sosial sahədə nailiyyətlərinə görə, haqlı olaraq, fəxr ediləsi, beynəlxalq aləmdə nüfuz qazanmış müasir dinamik dövlət kimi inkişaf etməsi üçün çox böyük, vacib və daha mühüm iş görmüsünüz. Xalqımız sabitliyə, dayanıqlı sosial-iqtisadi inkişafa, tərəqqiyə, müstəqil siyasətə səs verməklə, azad və demokratik Azərbaycanımızın xoşbəxt və firavan gələcəyini təmin edib.
     Bir daha dünyaya nümayiş olunub ki, Azərbaycan bütün azadlıqların təmin olunduğu müasir, demokratik bir ölkədir. Çünki Azərbaycanda demokratik yönlü islahatlar daha dərin xarakter daşıyıb. Dövlət idarəçiliyi sistemində köklü islahatlar və kadr dəyişiklikləri aparılıb ki, bu da Azərbaycanın uğurlu ölkə kimi inkişafını təmin edib. Prezident kürsüsündə əhalinin rifahının yüksəldilməsi məqsədi ilə, icra etdiyiniz dövlət siyasətinin davam olaraq, uğurlu iri sosial paketlər təsdiqləyib, onları hərtərəfli reallaşdırmısınız. Uğurlu siyasətiniz, Azərbaycanın mədəniyyətlərarası və dinlərarası dialoqun inkişafında vacib rol oynadığını və oynamaqda davam edəcəyini də təsdiqləyib həmişə.

     Sizin vətəndaş mövqeyiniz və siyasi mərdliyiniz, xarakterinizin möhkəmliyi və öz qüvvənizə inam həqiqi liderin parlaq cəhətləridir. Öz ölkənizə səmimi sevgi və onun əsl mənafelərini qorumaq istəyiniz həmvətənlərinizin – Azərbaycan Respublikası vətəndaşlarının Sizə dərin hörmət və ehtiramını daha da artırır.

     Əminik ki, həyata keçirdiyiniz siyasət ölkəmizə daha böyük uğurlar və qələbələr gətirəcəkdir. Sizin Azərbaycan Prezidenti vəzifəsində səmərəli fəaliyyətiniz ölkə vətəndaşlarının inamı və etibarı ilə, gözəl ölkəmizin firavanlaşması naminə gördüyünüz işə bütün xalqımızın verdiyi yüksək qiymətlə dəstəklənir. Bəli, Sizin vətəndaş mövqeyiniz və siyasi mərdliyiniz, xarakterinizin möhkəmliyi və öz qüvvənizə inam həqiqi liderin parlaq cəhətləridir. Siz yüksək şəxsi keyfiyyətləriniz, qətiyyət və müdrikliyiniz sayəsində xalqın mənafe və amallarını həyata keçirən uzaqgörən və peşəkar siyasi xadim kimi çox böyük nüfuzunuzu hər gün uğurla təsdiqləməyə nail olursunuz. Rəhbəri olduğunuz öz ölkənizə səmimi sevgi və onun əsl mənafelərini qorumaq istəyiniz həmvətənlərinizin – Azərbaycan Respublikası vətəndaşlarının Sizə dərin hörmət və ehtiramını daha da artırır.
     Sizin dövlət başçısı postunda bütün sahələrdə həyata keçirdiyiniz praqmatik siyasət ölkəmizin inkişafına və insanların rifahına öz töhfəsini verməkdədir. Möhtərəm cənab Prezident, Sizin bacarıq və qətiyyətiniz sayəsində bu gün ölkəmiz beynəlxalq aləmdə sabit, öz üzərinə düşən öhdəlikləri vaxtında yerinə yetirən bir ölkə kimi qəbul olunur. Dövlətin beynəlxalq mövqelərinin möhkəmlənməsi üçün daim səy göstərir, Azərbaycan iqtisadiyyatının və sosial həyatının inkişaf etməsinə qayğı ilə yanaşır, ölkədə idmanın tərəqqisinə ciddi diqqət yetirirsiniz. Xarici ölkələrin Azərbaycanda səmərəli fəaliyyətinin müsbət nəticəsidir ki, onlar, respublikamızla tarixi dostluq əlaqələrini, mehriban qonşuluq münasibətlərini və qarşılıqlı faydalı ticari-iqtisadi əməkdaşlığı yüksək qiymətləndirirlər.
     Bütün bunlara görədir ki, bu gözəl gün Sizin üçün, ailəniz üçün, doğma-yaxınlarınız üçün bayram olmaqla bərabər, rəhbəri olduğum partiyanın çoxsaylı kollektivi üçün, ələlxüsus bütün Azərbaycan üçün də, gözəl bayramdır.
Sizi doğum gününüz münasibətilə ürəkdən təbrik edir, cansağlığı, işlərinizdə böyük uğurlar arzulayırıq. Doğma respublikanızın və onun əhalisinin rifahı naminə Sizə yeni zəfərlər, möhkəm cansağlığı, tükənməz enerji və firavanlıq arzu edirik.
Doğum gününüz münasibətilə Sizi bir daha səmimi qəlbdən təbrik edir, möhkəm cansağlığı, ailə səadəti və ölkəmizi daha yüksək zirvələrə aparan yolda böyük uğurlar arzulayırıq! Ad gününüz öncəsi, Sizə, səmimi təbriklərimizi və ən xoş arzularımızı bildirməkdən olduqca məmnunuq!

Dərin hörmət, böyük ehtiram və səmimi duyğularla,
Azərbaycan Respublikaçılar Partiyası adından:

Sübut ƏSƏDOV,
partiyanın sədri".

WhatsApp Image 2021 12 20 at 20.04.41

Rəşad CƏFƏRLİ,

araz.az xəbər portalının xüsusi müxbiri.                                                  

                                                                REDAKSİYADAN:

     İlham Heydər oğlu Əliyev 1961-ci il dekabrın 24-də Bakı şəhərində anadan olub. 1977-ci ildə Moskva Dövlət Beynəlxalq Əlaqələr İnstitutuna daxil olub. Oranı bitirdikdən sonra, 1982-ci ildə İnstitutun aspiranturasına qəbul olub. 1985-ci ildə dissertasiya müdafiə edərək, tarix elmləri namizədi dərəcəsi alıb. 1985-1990-cı illərdə Moskva Dövlət Beynəlxalq Əlaqələr İnstitutunda müəllim işləyib. 1991-1994-cü illərdə özəl biznes sahəsində çalışıb və bir sıra istehsalat-kommersiya müəssisələrinə rəhbərlik edib.
     1994-cü ildən, 2003-cü ilin avqust ayınadək Azərbaycan Respublikası Dövlət Neft Şirkətinin vitse-prezidenti, sonra isə, Birinci vitse-prezidenti olub. "Heydər Əliyevin neft strategiyası"nın həyata keçirilməsində fəal iştirak edib. İki dəfə -- 1995-ci və 2000-ci illərdə Azərbaycan Respublikasının Milli Məclisinə üzv seçilib. 1997-ci ildən Azərbaycan Milli Olimpiya Komitəsinin Prezidentidir (2016-cı ildə dövlət başçısı bu vəzifəyə yenidən seçilib).
      1999-cu ildə hakim Yeni Azərbaycan Partiyasının sədr müavini, 2001-ci ildə sədrin birinci müavini, 2005-ci ildə isə, partiyanın sədri seçilib.
2001-2003-cü illərdə Avropa Şurası Parlament Assambleyasında (AŞ PA) Azərbaycan Respublikası Milli Məclisinin nümayəndə heyətinin rəhbəri olub. 2003-cü ilin yanvar ayında Avropa Şurası Parlament Assambleyasının sədr müavini, AŞ PA-nın Büro üzvü seçilib.
2003-cü ildə Azərbaycan Respublikasının Baş naziri vəzifəsinə təyin edilməsi ilə əlaqədar olaraq, İlham Əliyevin deputat səlahiyyətlərinə xitam verilib. Həmin ilin avqust ayının 4-də Milli Məclis tərəfindən Azərbaycan Respublikasının Baş naziri vəzifəsinə təsdiq edilib.
     2003-cü ilin oktyabr ayının 15-də Azərbaycan Respublikasının Prezidenti seçilib. Prezident seçkilərində seçicilərin 76 faizindən çoxu İlham Əliyevin lehinə səs verib. 2003-cü il oktyabrın 31-də vəzifəsinin icrasına başlayıb. 2008-ci il oktyabrın 15-də keçirilən seçkilərdə seçicilərin 88,73 faiz səsini toplayan İlham Əliyev ikinci dəfə Azərbaycan Respublikasının Prezidenti seçilib. Həmin il oktyabrın 24-də vəzifəsinin icrasına başlayıb. 2013-cü il oktyabrın 9-da İlham Əliyev seçicilərin böyük əksəriyyətinin səsini (84,54 faiz) qazanaraq, bir daha, beş il müddətinə Azərbaycan Respublikasının Prezidenti seçilib. Oktyabrın 19-da vəzifəsinin icrasına başlayıb. 2018-ci il aprelin 11-də keçirilən Azərbaycan Prezidenti seçkilərində İlham Əliyev seçicilərin 86,02 faiz səsini toplayaraq, yenidən inamlı qələbə qazanıb. Həmin il aprelin 18-dən vəzifəsinin icrasına başlayıb.

 "Araz" Media Qrupunun və araz.az xəbər portalının kollektivi də, bu gözəl təbriklərə qoşularaq, Prezident İlham Əliyevə ad günü münasibətilə səmimi qəlbdən gələn ən gözəl arzularını çatdırır!   

 

Moldovada Nizami Gəncəvi İli münasibətilə silsilə tədbirlər təşkil edilib - Foto

211689 438x7f22ej

     Dahi Azərbaycan şairi və mütəfəkkiri Nizami Gəncəvinin 880 illik yubileyi münasibətilə Azərbaycan və Moldova Mədəniyyət nazirliklərinin dəstəyi ilə ölkəmizin Moldovadakı Səfirliyi və Moldova Milli Kitabxanası tərəfindən “Nizami Gəncəvi irsi mədəniyyətlərarası dialoq kontekstində” adlı birgə konfrans təşkil edilib. 211691 4zypiiddm5

     Azərbaycanın Moldovadakı Səfirliyindən araz.az-a verilən məlumata görə, konfransda Moldova Respublikasının mədəniyyət naziri Sergiu Prodan, Yazıçılar Birliyinin sədri Teo Kiriyak, deputat Vitaliy Jakot, Elmlər Akademiyasının müxbir üzvü İon Hadırke, tanınmış jurnalist İqor Volnitski, şair Arkadi Suçeveanu, yerli ədəbiyyatşünaslar, Moldovadakı diplomatik korpusun əməkdaşları, eləcə də Moldovada yaşayan müxtəlif icmaların nümayəndələri, həmvətənlərimiz və yerli media nümayəndələri iştirak edib.WhatsApp Image 2021 12 19 at 03.28.37

     İlk öncə, Moldovanın mədəniyyət naziri S.Prodan çıxış edərək, konfrans iştirakçılarını salamlayıb, dahi mütəfəkkir Nizami Gəncəviyə həsr edilmiş konfransın Moldova və Azərbaycan arasında mədəniyyət sahəsində əməkdaşlığa əhəmiyyətli töhfə verəcəyinə əminliyini bildirib.

     Daha sonra, səfir Qüdsi Osmanov Moldova Milli Kitabxanasına Azərbaycanın görkəmli şairinə həsr edilmiş konfransın və Nizami Gəncəvinin yaradıcılığına dair kitablardan ibarət sərginin təşkilində göstərdiyi yardıma görə təşəkkürünü bildirib. Səfir Nizami irsinin öyrənilməsinin xalqlararası əlaqələrin qurulması və möhkəmləndirilməsi baxımından vacib olduğunu vurğulayıb. Eyni zamanda, Q.Osmanov ölkəmizin mədəniyyət naziri Anar Kərimovun bu əlamətdar yubileylə bağlı müraciətini konfrans iştirakçılarının diqqətinə çatdırıb.WhatsApp Image 2021 12 19 at 03.28.38

     Öz növbəsində, Moldova parlamentinin hakim Fəaliyyət və Həmrəylik partiyasının deputatı V.Jakot çıxışında Nizami Gəncəviyə həsr edilmiş konfrans mədəniyyətlərarası dialoqun uğurla davam etdirilməsinə zəmin yaratdığını bildirib, Azərbaycan mədəniyyətinin, eləcə də Nizami irsinin Moldovada təbliğində fəal və nümunəvi iştirakına görə ölkəmizin Səfirliyi ilə yanaşı Moldovada yaşayan azərbaycanlılara minnətdarlığını dilə gətirib.WhatsApp Image 2021 12 19 at 03.28.38 1

     Konfransda dahi şair və mütəfəkkirin yaradıcılığına dair hərtərəfli fikir mübadiləsi aparılması məqsədilə  Moldovanın Yazıçılar Birliyinin sədri T.Kiriyak, Elmlər Akademiyasının müxbir üzvü İ.Hadırke, şair A.Suçeveanu, jurnalist İ.Volnitski, həmyerlimiz Yasin Seyidov və digərləri çıxış edib, konfrans iştirakçıları tərəfindən Nizami Gəncəvinin əsərlərindən götürülmüş azərbaycan və rumın dilində nümunələr səsləndirib.WhatsApp Image 2021 12 19 at 03.28.39

     Eyni zamanda, konfransda səfir və moldovalı ədəbiyyat xadimlərinin görüşünə əsasən, Azərbaycan kitablarının rumın dilinə və Moldova kitablarının azərbaycan dilinə tərcümə edilərək, gələn il çoxsaylı şair və yazıçıların iştirakı ilə Azərbaycanın mədəniyyət beşiyi olan Şuşada tədbir təşkil edilməsinə dair təşəbbüs qonaqların diqqətinə çatdırılıb.WhatsApp Image 2021 12 19 at 03.28.39 2

     Konfrans çərçivəsində Nizami Gəncəvi yaradıcılığına dair azərbaycan, rumın, rus və ingilis dilində kitablardan ibarət sərgi təşkil edilib. Sərgidə Azərbaycan Respublikasının Mədəniyyət Nazirliyi tərəfindən göndərilmiş dahi şairin həyat və fəaliyyəti ilə bağlı kitablar Moldova Milli Kitabxanasının kitab fonduna hədiyyə edilib. Kitab sərgisi konfrans iştirakçıları tərəfindən maraqla qarşılanıb.211690 7bxzx841wf

     Konfrans və kitab sərgisi Moldovanın aparıcı kütləvi informasiya vasitələri tərəfindən geniş işıqlandırılıb.

Rəşad CƏFƏRLİ,

araz.az xəbər portalının xüsusi müxbiri.

Ustad Şirməmməd Hüseynovun xatirəsi Mətbuat Şurasında keçirilən anım tədbirində yad edildi

 WhatsApp Image 2021 12 17 at 18.51.30

     17 dekabr görkəmli mətbuat tədqiqatçısı, alim, müasir jurnalistikamızın patriarxı, professor Şirməmməd Hüseynovun anadan olduğu gündür. Bu münasibətlə, Azərbaycan Mətbuat Şurasında da, anım tədbiri keçirilib. Bu barədə, Mətbuat Şurasından araz.az-a daxil olan məlumatda deyilir ki, toplantını açan təşkilatın sədri Əflatun Amaşov unikal zəkaya, fundamental biliyə, böyük natiqlik qabiliyyətinə malik Şirməmməd Hüseynovun 95 illik ömründə nəinki Azərbaycan jurnalistikası qarşısında, bütövlükdə ictimai fikir tariximizdə müstəsna xidmətlər göstərdiyini xüsusi vurğulayıb.Xüsusi olaraq onu da bildirib ki, o, bir institutun həyata keçirə bilməyəcəyi işi görüb.WhatsApp Image 2021 12 17 at 18.51.27     Böyük alimin Azərbaycan Xalq Cümhuriyyətinin qurucularının miras qoyduqları irsin öyrənilməsindəki fədakar əməyindən bəhs edən Əflatun Amaşov daha sonra vurğulayıb ki, Şirməmməd Hüseynov uzun və mənalı həyatında elmi xəzinə yaradıb. Bu xəzinə özlüyündə gələcəyin tədqiqatçıları və alimləri üçün son dərəcə müstəsna əhəmiyyət daşıyan mənbədir. Mətbuat Şurasının sədri, həm də Ş. Hüseynovu tələbkar pedaqoq kimi xarakterizə edən məqamlardan da ətraflı söz açıb.WhatsApp Image 2021 12 17 at 18.51.29

     “Mən ona hər zaman Ali Ruh deyə müraciət edirdim. O, həqiqətən də ali şəxsiyyət idi. Həm özünə, həm də ətrafdakılara münasibət baxımından son dərəcə həssas xarakter daşıyıcısıydı. Şirməmməd müəllimlə bağlı xatirələri saymaqla bitirmək mümkün deyil. Böyüklə böyük, kiçiklə kiçik, eyni zamanda son dərəcə prinsipial insan idi. O, yalnız alim deyildi, eyni zamanda ideoloq idi, məfkurə qaynağıydı. Şirməmməd müəllimin Azərbaycan jurnalistikası, bütövlükdə elmi qarşısındakı xidmətləri öyrənilməli və cəmiyyətə çatdırılmalıdır. WhatsApp Image 2021 12 17 at 18.51.26

     Bu, bütövlükdə XX əsr tariximizə dəyər olar”, -- deyə, Ə. Amaşov vurğulayıb.
Toplantıda çıxış edənlərdən “Xalq qəzeti”nin Baş redaktor müavini Tahir Aydınoğlu, əməkdar jurnalist Tofiq Yusif, MŞ İdarə Heyətinin üzvü, “Bayraqdar.info” saytının Baş redaktoru Azər Həsrət, MŞ-nin icraçı katibi Şəmsəddin Əliyev və başqaları Ş. Hüseynovla bağlı xatirələrini dilə gətiriblər. Onlar ustad jurnalisti xarakterizə edən cəhətlərdən söz açaraq, onu ləyaqət mücəssəməsi, ayrıca jurnalistika məktəbi kimi dəyərləndiriblər.

Rəşad CƏFƏRLİ,
araz.az xəbər portalının xüsusi müxbiri.

1 -dən səhifə 43

Əlaqəli xəbərlər