"Özləri üçün çalışan Deputatlar" - Sorğu

mm.jpg
Milli Məclisin büdcəsinə 2 milyon manat əlavə vəsait ayrılıb
 
Bu barədə "Turan" İnformasiya Agentliyi məlumat yayıb. 
 
Məlumatda bildirilir ki, 2018-ci ildə Milli Məclisin saxlanılması xərcləri 25 milyon 432 min manat təşkil edəcək. Bu da dövlət büdcəsi layihəsində nəzərdə tutulandan 1,2 milyon manat çoxdur. 
 
Məlumatda həmçinin deputatların maaşlarının artması ehtimalı vurğulanır. 
 
"Prezident İlham Əliyevin dekabrın 26-da dərc edilən "2018-ci ilin dövlət büdcəsi haqqında" Azərbaycan Respublikası Qanununun tətbiq edilməsi barədə fərmanına əsasən, hər deputatın əmək haqqına ayda 800 manat əlavə olunur", - agentlik yazır.  
 
Agentliyin yaydığı xəbərdə qeyd olunur ki, 2016-cı ildə parlamentin saxlanmasına 23 milyon 469,7 min manat xərclənib: "2017-ci ildə qanunvericilik orqanına 471 min manat çox vəsait ayrılıb. 2017-ci ilə nisbətən 2018-ci ildə seçilmiş deputatlar üçün xərclər 2 milyon manat artacaq. Azərbaycanın parlamenti 125 deputatdan ibarətdir".
 
Ölkə başçısının 2017-ci il dekabrın 25-də imzaladığı sərəncamla minimum əməkhaqqı 130 manat müəyyənləşdirilib. Yəni 116 manat olan minimum əməkhaqqı 14 manat artırılıb.
 
 

Məmur özbaşınalığına son!..

Bunu, nədən, ölkəmizin sağlam mühitli
xoş gələcəyinə çağırış olaraq qəbul etməyək?!

Əslində, ikinci sərlövhədəki suala həmişə cavab olub. Sadəcə, tarixin bütün dövrlərində Azərbaycan xalqının taleyinə təsir göstərən xoşagəlməz nəhəng proseslər, yaşanan tükürpədici kataklizmalar bu çətinliklərlə mübarizəni daim mümkünsüz edib. Doğrusu, taleyimizə yazılmış bu çirkinliklərin acı fəsadlarından sığortalanmağımız bu günədək tam mümkün olmayıb. Olduqca təəssüfləndiricidir ki, belə acı reallıqları qəbul etmək məcburiyyətində qalmışıq.

Masallını sarsıdan qətl hadisəsinin istintaq gedişindəki qanunsuzluqlara Rusiyadan sərt reaksiya

Araz.az saytı və “İrəvanın səsi” qəzeti Masallıda baş verən sarsıdıcı bir ölüm hadisəsi barədə dəfələrlə yazıb. Yazılarda qeyd olunub ki, qətli törədənlər hələ də azadlıqdadır. Oğlu öldürülən ata qan ağlayır, istintaqçı isə, öz bildiyini edir. İstintaq prosesinin gedişindəki biabırçılıq dolu özbaşınalıq və qanunsuzluq, sözün həqiqi mənasında, tükürpədicidir. Ölkə mətbuatında olduğu kimi, Rusiyada da, bu biabırçılığa ciddi reaksiya olub. Belə ki, mərkəzi ofisi Novosibirsk şəhərindəki Türkdilli Xalqlarla Slavyan Xalqları Arasında “Sodrujestvo” Əməkdaşlıq Fondu adından, qurumun İdarə Heyətinin sədri Fərman T. Rəsulov Azərbaycan Respublikası Prezidenti Aparatınin hüquq-mühafizə orqanları ilə iş şöbəsinin müdiri Fuad Ələsgərova və Azərbaycan Respublikasının Baş prokuroru Zakir Qaralova, bu qətlin istintaq prosesinin gedişinə dərin narazılıq ifadəsi olan məktub ünvanlayıb.

Qəssaba media mükafatı: Təəssüf ki, mətbuata hörmətsizliyə qurumlarımız və həmkarlarımız ciddi reaksiya vermədilər

Mətbuatımızın bu cür acınacaqlı durumu ürək ağrıdır
1508055752_1.jpgAzərbaycan mətbuatında böhranın davam edib, daha da dərinləşməsini hamımız bilirik. Bu - sirr deyil, sübuta ehtiyacı olmayan bir aksiomadır. Bu, bir yana, qəzetçi kimi, bizi daha çox yandırıb, yaxan, daha çox məyus edən hazırki qəzetçilikdə baş verən biabırçılıq və iyrəncliklərdir. Bu da onu göstərir ki, jurnalistika dəstəmiz qədim maarifçi ruhu özündə daşımır. Müasir mətbuatın da, ilk sələfləri kimi, yoxsul olmasını yaxşı bilirik. Lakin mətbuatda pul əldə etmək üçün, sələflərimizdən fərqli olaraq, olduqca iyrənc üsullara əl atılır. Bir sözlə, klassik mətbuat kimi, müasir jurnalistika ağılı, xeyirxahlığı, əbədiyyəti yaymaq əvəzinə. cəmiyyətə ağılsızlığı və dəyərsizliyi daşıyır.

23 -dən səhifə 28

Əlaqəli xəbərlər