Prezidentin köməkçisi Mehman Əliyevin iddialarına cavab verdi: "...hakimiyyətin mövcud siyasətini ləkələmək istəyir"- Müsahibə

2016-10-28-20-44-34eli-hesenov-yenn.jpg

“Mehman Əliyevin iddiaları kökündən yanlış mülahizələrdir”

Araz.az xəbər verir ki. Azərbaycan Prezidentinin İctimai-siyasi məsələlər üzrə köməkçisi Əli Həsənov musavat.com-a "Turan"ın baş redaktoru Mehman Əliyevin iddiaları ilə bağlı maraqlı müsahibə verib.
 
Mia.az həmin müsahibəni təqdim edir:
 
- Əli müəllim, Azərbaycan Prezidentinin media siyasətinin həyata keçirilməsinə məsul olan köməkçisi kimi Mehman Əliyevin həbs olunması və sonradan da azadlığa buraxılmasında sizin hansısa iştirakınız olubmu?
 
- Təəssüf edirəm ki, Mehman Əliyev heç bir fakta söykənmədən bir neçə müsahibə və açıqlamasında bu tipli əsassız iddialar irəli sürüb və sizin də qeyd etdiyiniz kimi, Azərbaycan dövlətinin informasiya siyasətinin həyata keçirilməsinə, həmçinin ölkədə qanunçuluğun qorunmasına məsul olan yüksək ranqlı dövlət məmurları haqqında mənfi rəy formalaşdırmaq istəyib. Mehman Əliyev iddia edib ki, onun həbsi Cənab Prezidentin köməkçisi kimi mənim və Baş prokuror Zakir Qaralovun təşəbbüsü ilə ali rəhbərlik səviyyəsində müzakirə olunaraq həyata keçirilib. O, hətta daha da irəli gedərək, həbs qərarının guya 2018-ci il prezident seçkiləri ilə bağlı olduğunu, Mehmanın hansısa ciddi islahat konsepsiyasının mövcudluğunu və Administrasiyaya təqdim edildiyini, həmin sənədin sonradan mənim əlimə keçdiyini və daha sonra bu həbsə qərar verildiyini iddia edib. Tam qətiyyətlə bildirirəm ki, bu iddia absurddur və qətiyyən həqiqətə uyğun deyil. Kökündən yanlış fikir və mülahizələrdir, dövlətin informasiya siyasətini və bu işə birbaşa məsul şəxs kimi mənin reputasiyamı qaralamaq məqsədi daşıyır.
 
- Sizcə, bu iddiaların ortaya atılmasında məqsəd nədir?
 
- Mehman Əliyev məqsədyönlü şəkildə səsləndirdiyi bu tipli açıqlamalara heç özünün də inanacağı qədər sadəlövh insan deyil. O, Azərbaycan dövlətinin media siyasətinin 90-cı illərdən başlayaraq necə formalaşdığını və həyata keçirildiyini, bu siyasətin keçən dövrdəki effektli nəticələrini, xarici dairələrin onun rəhbərlik etdiyi agentlik və digər qurumlar vasitəsilə ölkədaxili proseslərə müdaxilə cəhdlərini və buna nail ola bilmədiklərini çox yaxşı bilir. Qoy mənə dünyada ölkə göstərsin ki, orada dövlət öz mediasını idarə etməyə çalışmır və başlı-başına buraxır. Odur ki, Mehman Əliyev də nə dediyinin fərqindədir və bu fikirlərin səsləndirilməsi sadəcə olaraq onun aldığı növbəti tapşırıqdır...
 
"Hər ikimiz də siyasətə elə həmin dövrdən qoşulmuşuq və ikimiz də əliyevçi olmuşuq. Sadəcə o, Əbülfəz Əliyevi, mənsə Heydər Əliyevi təbliğ etmişəm"
 
Mən Mehmanı gəncliyindən tanıyıram. 1980-ci illərin sonu 90-cı illərin əvvəlində M.V.Lomonosov adına Moskva Dövlət Universitetində onunla paralel təhsil almışıq. O, jurnalistika, mənsə tarix fakültəsində oxuyurduq. Hər ikimiz də siyasətə elə həmin dövrdən qoşulmuşuq və ikimiz də əliyevçi olmuşuq. Sadəcə o, Əbülfəz Əliyevi, mənsə Heydər Əliyevi təbliğ etmişəm. Mehman da, mən də öz mövqeyimizdə, dünyagörüşümüzdə həmişə sabit, prinsipial və sadiq olmuşuq. Biz mövqe fərqimizi qoruyub saxlamışıq və bu amil ümumi münasibətmizə heç zaman mənfi təsir göstərməyib. Düşünürəm ki, heç indi də göstərməməlidir. Mehman Azərbaycanın inkişafını və xalqımızın firavan gələcəyini öz mövqeyinə uyğun təsəvvür edir, mənsə başqa cür – bu firavanlığın və inkişafının məhz indiki iqtidarın təmin etdiyini və gələcəkdə də edəcəyinə əminəm. 
 
O ki qaldı Mehmanın ciddi-cəhdlə keçmiş həbsini konkret vəzifəli şəxslərin, o cümlədən də mənim adımla bağlamağına və bu məsələni siyasiləşdirmək cəhdinə, bunu da yaxşı anlayıram. O, özünü və ətrafdakıları adi jurnalist deyil, daha yüksək statuslu bir şəxs olduğuna inandırmaq istəyir. Olsun, buna bizim etirazımız yoxdur. Amma bizim üçün, hökumətimiz üçün Mehman Əliyev də digər KİV təsisçilərindən və rəhbərlərindən fərqlənmir. O həm jurnalistdir, həm sahibkardır, həm də xarici fond və qurumlarla işləyir. Deməli, bəlli öhdəliyi olan məsul şəxsdir. Amma kim olursa-olsun, ölkənin qanunları qarşısında, o cümlədən vergi öhdəlikləri qarşısında heç bir əlavə üstünlüyə, immunitetə malik deyil.
 
- Ümumiyyətlə, Mehman Əliyevin həbsi ilə bağlı siyasi dairələrdə hansısa müzakirə aparılması faktı olubmu?
 
- Sizə artıq məlumdur ki, 2017-ci ilin avqustunda "Turan” İA-nın direktoru kimi onunla bağlı vəzifə səlahiyyətlərindən sui-istifadə, vergi öhdəliklərindən yayınma və qanunsuz sahibkarlıq maddələri ilə ittiham irəli sürülmüş və Yasamal Rayon Məhkəməsinin qərarı ilə barəsində 3 ay müddətinə həbs qətimkan tədbiri seçilmişdi. Bununla bağlı birmənalı bəyan edirəm ki, onun həbsi məsələsi Cənab prezidentin yanında xüsusi müzakirə olunmayıb ki, həmin müzakirələrdə də hansısa məmurlar iştirak etsin. Mehman Əliyev müvafiq orqan tərəfindən konkret maddə ilə günahlandırılaraq məhkəmənin qərarı ilə saxlanılıb. Bundan sonra, o, özü barəsində seçilmiş məhkəmə qərarının dəyişdirilməsi ilə bağlı Azərbaycan Prezidentinə müraciət ünvanlamışdı, dövlət başçısı da həmin müraciətə dərhal münasibət bildirərək aidiyyəti orqanlara həbs qətimkan tədbirinin dəyişdirilməsi imkanına baxılmasını tövsiyə etmişdi. Təbii ki, cənab Prezidentin tövsiyəsi humanizm prinsiplərinə əsaslanıb və dövlət başçısının 2017-ci il 10 fevral tarixli Sərəncamında əks olunmuş ideya və prinsiplərə tam uyğun olub.
 
Buna görə də bu gün aidiyyəti dövlət strukturlarının qanuni fəaliyyəti, məhkəmə orqanının obyektiv qərarı ilə dövlət başçısının müvafiq tövsiyəsi arasında ziddiyyət axtarmaq, həm də bundan çıxış edərək yüksək ranqlı məmurlar haqqında əsassız iddialar irəli sürmək və məlum hadisəni siyasiləşdirmək cəhdi yolverilməzdir.
 
"Mehman Əliyevin hazırkı xüsusi fəallığı və həbsi ilə bağlı ictimai rəydə yanlış fikir formalaşdırmaq cəhdinin özü də bizdə məqsədyönlü fəaliyyət təəssüratı yaradır"
 
M.Əliyevin hazırkı xüsusi fəallığı və həbsi ilə bağlı ictimai rəydə yanlış fikir formalaşdırmaq cəhdinin özü də bizdə məqsədyönlü fəaliyyət təəssüratı yaradır. Əvvəla, o, Azərbaycanda siyasi motivlərlə həbslərin həyata keçirildiyini nümayiş etdirmək, bununla da həm yerli, həm də beynəlxalq ictimaiyyətin gözündə hakimiyyətin mövcud siyasətini ləkələmək istəyir. 
 
Digər tərəfdən isə, bu tipli müsahibələrin, açıqlamaların məqsədli şəkildə fəaliyyət göstərən reket saytlarda tirajlanması məsələnin kökündə bəlli dairələrin maraqlarının dayandığı barədə düşünməyə əsas yaradır. Görünür, bu qüvvələr öz cılız ambisiyalarını reallaşdırmağa çalışarkən onun yekun nəticəsi barədə düşünmürlər. Təbii ki, bu da yalnız təəssüf doğura bilər.
 
Hesab edirəm ki, hər bir şəxs, o cümlədən də Mehman Əliyev məsuliyyətli davranmağı bacarmalı, reallıq hissini itirərək yanlış informasiyalar və istiqamətləndirmələrin təsiri altına düşməməlidir.
 
 

Oliqarx Maliyyə idarəsinin rəisi Rəşid Manafovun topdağıtmaz varidatı – SİYAHI

Neftcala-idare-696x348.jpg

Araz.az xəbər verir ki, Azərbaycanın rayonlarında illərdən bəri vəzifə başında oturanlar arasında az sayda məmurlar var ki, onlar da bəziləri kimi oliqarxlaşmış hesab olunurlar. Bu sırada öndə gedənlər arasında Neftçaladan olan məşhur idarə rəisi də var.

Qeyd edək ki, sözügedən rayonun Maliyyə İdarəsinə 16 ildir eyni adam rəhbərlik edir. Rəşid Manafov Neftçalada «oliqarx məmurlar»ın başında dayanır. Hətta icra başçısı İsmayıl Vəliyev belə sərvət məsələsində onunla ayaqlaşa bilməyən şəxs kimi qəbul edilir. Halbuki Vəliyevin də böyük maddi imkanları və geniş biznesi var.

Daxil olan məlumatlarda vurğulanır ki, Rəşid Manafovun təkcə Neftçalada deyil, Bakıda da biznesi, evləri və mülkləri mövcuddur. Mənbə iddia edir ki, bu biznes sahələri mebel istehsalından tutmuş, ticarət mərkəzlərinə qədər hər şeyi əhatə edir.

Məlumatda deyilir ki, Rəşid Manafovun obyektləri aşağıdakı kimi sıralanır. Hərçənd bunun da tam siyahı olmadığı vurğulanır:

– Neftçala Avtovağzalının yaxınlığındakı mebel sexi;
– Rayon bazarındakı dəyəri xeyli baha olan Məişət Evi; (bu hədiyyə olaraq yaxınına verilib)
– Neftçalanın mərkəzində 8 ticarət mərkəzi; 
– Tikinti-quraşdırma şirkəti;
– 1000 hektardan çox torpaq sahəsi;
– Tikintisi davam etdirilən onlarla ticarət obyekti və sairə. 

Bu siyahıda adı keçən tikinti-quraşdırma şirkəti kifayət qədər diqqət çəkəndir. Ona görə ki, Neftçalada İsmayıl Vəliyevlə birləşən Rəşid Manafov bir sıra tenderlərin qalibləri kimi çıxış ediblər. Dövlət büdcəsindən abablıq və quruculuq işlərinə görə ayrılmış vəsaitlərin silinməsi üçün nəzərdə tutulmuş həmin şirkətin işlərini isə başqaları həyata keçirib.

Qeyd edək ki, Neftçala Maliyyə İdarəsinin müdirinin təkcə biznesdə deyil, idarəetmədə də əli var. Məsələn, onun bacısı oğlu Aydın Aslanov hazırda rayon bələdiyyəsinin sədridir. Aslanov əvvəllər Qarabağ Müharibəsi Veteranları və Şəhid Ailələri İctimai Birliyinin Neftçala rayon təşkilatına sədirlik edib. «Amma onun Qarabağ müharibəsinə nə vaxt getdiyi və hansı istiqamətdə döyüşdüyü barədə nə bilən var, nə də eşidən».

Araşdırmalarımız davam edir. Gələn yazımızda Rəşid Manafovun Rekert jurnalist Habil Vəliyevlə qaranlıq əməllərindən yazı dərc edəcəyik.xeberdar.net

Qarşı tərəfi də dinləməyə və mövqeyini dərc etməyə hazırıq.

Paytaxt.org

“Şapka Mamed”in örtülü bazarı – Beynəlxalq Bankla bağlı hesabatların gizlədilməsinin şok təfərrüatları

z-11-300x200.jpg

Əkrəm Həsənov: “ABB-nin kreditlərinin qaytarılması adı ilə həmin banka borcu olanların əmlakını əlinə keçirir”

Araz.az musavat.com-a istinadən xəbər verir ki, “Aqrarkredit”in İdarə Heyətinin rəhbəri Məmməd Musayev Azərbaycan Beynəlxalq Bankında (ABB) aparılan işlərlə bağlı hesabat verməyə tələsmir. Halbuki ABB bu il özəlləşdirilməyə çıxarılmalıdır. 3 il əvvəl Azərbaycan Beynəlxalq Bankının toksik kreditləri  “Aqrarkredit” QSC-yə təhvil verilmişdi.

Məsələ burasındadır ki, 2015-ci il iyulun 15-də prezident İlham Əliyevin Beynəlxalq Bankın dövlətə məxsus səhmlərinin özəlləşdirilməsi ilə bağlı fərmanında deyilirdi ki, bank özəlləşdirilməyə çıxarılmazdan əvvəl sağlamlaşdırılmalıdır. Bu iş isə “Aqrarkredit” QSC – bank olmayan kredit təşkilatına həvalə olunmuşdu. Nəticədə bankın problemli kreditlərinin təmizlənməsi üçün 10 milyard manat ayrılmışdı. Həmin vaxt deyilirdi ki, problemli kreditlərdən təmizlənmiş bank özəlləşdirilməyə çıxarılacaq. Dövlət başçısının fərmanında vurğulanırdı ki,  son illər bankın idarə edilməsi və investisiya-kredit siyasətində yol verilmiş nöqsanlar, o cümlədən riskli investisiya layihələrinin maliyyələşdirilməsi bankın maliyyə vəziyyətinin pisləşməsinə, problemli aktivlərinin artmasına və likvidliyinin azalmasına səbəb olub, bu da bankın dövlət payının özəlləşdirilməyə çıxarılmasına səbəb olub. Həmin vaxt Cahangir Hacıyev Azərbaycan Beynəlxalq Bankının rəhbərliyindən uzaqlaşdırılanda elan olundu ki, bankın 4 milyard problemli krediti var. Artıq 3 il keçib, Cahangir Hacıyev 15 illik həbsə məhkum olunub. Azərbaycan Beynəlxalq Bankının yeni rəhbərləri bankı müflisləşmə bataqlığından çıxarmaq əvəzinə problemli kreditlər 10 milyarda qədər artırıblar. Həmin vaxt vəziyyətdən çıxış yolu kimi bankın 10 milyard manata yaxın problemli kreditini alıb “Aqrarkredit” təşkilatına ötürülməsi yolu seçildi. Faktiki dövlət banka əlavə 10 milyard vəsait verdi. Məmməd Musayevi tanıyanlar hələ o dövrdə onun bankın problemli kreditlərini təmizləmək iqtidarında olmadığını deyirdilər. Bildirirdilər ki, “Aqrarkredit” SSRİ-dən qalma üsullarla idarə olunan geridə qalmış bir qurumdur.

Bank sektoru üzrə ixtisaslaşmış iqtisadçı ekspert, hüquqşünas Əkrəm Həsənov müflis olmuş bankların problemli kreditlərinin “Aqrarkredit”ə verilməsinin zərərli olduğunu bəyan etmişdi.  Demişdi ki, “Aqrarkredit” rəhbərliyi qeyri-peşəkar, yalnız öz mənfəətlərini güdən şəxslərdir. Rəhbəri Məmməd Musayev “Şapka Mamed” kimi tanınır: “Beləsi problemli kreditləri necə qaytaracaq? Reallıqda bu gün Məmməd Musayevə fövqəladə səlahiyyətlər verilib. Məhkəmələr onun bir sözünü iki etmir, tapşırıq var ki, hamı ona kömək etsin və o, kreditləri qaytarsın. Qaytarırmı? Məlumat yoxdur! ”Şapka Mamed” ictimaiyyət qarşısına indiyədək çıxıb məlumat vermir ki, nə işlə məşğuldur və nə edə bilib? Reallıqda isə Azərbaycan Beynəlxalq Bankın kreditlərinin qaytarılması adı ilə həmin banka borcu olanların əmlakını əlinə keçirir. Ortada olan yalnız budur”.

Keçmiş maliyyə naziri Saleh Məmmədov da ötən ilin mayında beynəlxalq mediada Azərbaycan Beynəlxalq Bankı ilə əlaqəli yazılara müəllif yazısı isə cavab vermişdi. Sabiq nazir Beynəlxalq Bankın Azərbaycan dövlətinə  məxsus bank olduğunu vurğulamaqla bankla əlaqəli proseslərin şəffaf aparılmasına çağırış etmişdi.

Sitat: “Bu məsələləri Azərbaycan rəsmiləri tam açıqlamalıdırlar, mətbuat vasitəsilə, əmanətçilərini, səhmdarlarını, həmçimnin beynəlxalq maliyyə kredit təşkilatlarını tam bilgiləndirməlidirlər. Bu panikanın və uyğun olaraq nəticələrinin aradan qaldırılması üçün mənə elə gəlir ki, gecikdirmədən ciddi tədbirlər görülməlidir:

Dövlətin və ya hökumətin bəyanatla çıxışı və situasiyaya tam aydınlıq gətirilməsi, mediada gedən sədaların əsassız olmasını və Azərbaycan dövlətinin real imkanlarının açıqlanması.

Maliyyə Nazirliyinin, Mərkəzi Bankın, ABB-nin, MBNP-nın ayrı-ayrılıqda mətbuatda çıxışı, ilk dərc edən media qruplarına məsələ üzrə izahat göndərilməsi və izahatın dərc olunmasına nail olunması, saytlarda geniş informasiya yerləşdirilməsi.

Bankın sağlamlaşdırılması üzrə tədbirlərin Beynəlxalq Valyutafondu ilə razılaşdırılması və tədbirlər planının geniş müzakirəsinin təşkil olunması.

Bütün səhmdarlara, müştərilərə, əmanətçilərə vəziyyət barədə sakitləşdirici məlumat verilməlidi, onlarla ciddi izahat işi aparılmamlıdır.

Bu tədbirlər zənn edirəm, gözlənilən maliyyə çaxnaşmasından bankı və ümumiyyətlə, ölkənin iqtisadiyyatını xilas edə bilər”.

Tale Heydərov 15 milyona “Əlincə”nin bazasını alır: Ronaldinyo akademiyaya baş məşqçi gətrilir

1516730633_untitled-1.jpg

“Qəbələ”nin prezidenti Tale Heydərov “Əlincə”nin bazasını alır.
 
Araz.az bildirir ki, bu barədə  kulubdan Fanat.az-a bildirilib. Klub prezidenti 15 milyon manat qiyməti olan stadionu və digər tikililəri, o cümlədən sözügedən klubun rəhbərinə məxsus otellə yaxından maraqlanb və almağa qərar verib.
 
Bir müddət öncə mətbuat səhifələrində satıldığı bildirilən idman qurğusunun qiymətiylə bağlı razılaşmaq başlıca hədəfdi. Fövqəladə hallar naziri Kamaləddin Heydərovun oğlu bu iş üçün artıq 2 nəfər ayırıb və danışıqlar davam etdirilir. (paytaxt.org)
 
Məqsəd kompleksi Ronaldinyonun adını daşıyacaq futbol akademiyasının ixtiyarına verməkdi.

Bir "qala"nın sirri: Heydər Əliyev Cavid Qurbanovu işdən qovubmuş, amma o hələ də...

1516803266_cavid2.jpg

Araz.az bildirir ki. mövcud  hakimiyyətinin önəmli ismlərindən biri də “Azərbaycan Dəmir Yolları” Qapalı Səhmdar Cəmiyyətinin rəhbəri Cavid Qurbanovdur. Bu il 60 yaşına qədəm qoyan Cavid Qurbanov söz-sənət ocağında dünyaya göz açıb. Babası Ağdabanlı şair Qurban həm də Aşıq Şəmkirin atasıdır. Bu cür ziyalı bir ailədə dünyaya gələn Cavid Qurbanov kimi insanların hakimiyyətdə təmsil olunması ilk baxışdan xeyli sevindiricidir. Ona görə “ilk baxışdan” deyirik ki, söz ocağının yetirməsi olan Cavid müəllim də, sən demə, digər “iri məmurlar” kimi ağ süddən çıxmış qaşıq deyilmiş. Hər halda bu gün informasiya vasitələrini bəzəyən xəbərlərdən belə çıxır.

Çox şərhə ehtiyac duymadan RealMedia.az saytının Cavid Qurbanov barədə bu gün dərc etdiyi bir yazını  kiçik ixtisarla Ovqat.com oxucularına təqdim edirik:

“1995-ci ildə prezident Heydər Əliyevin, “işində yol verdiyi nöqsanlara və vəzifəsindən sui-istifadə etdiyinə görə” istinad edilmiş fərmanı ilə “Azəravtoyol” DŞ-nin sədri vəzifəsindən azad edildikdən sonra barəsində cinayət işi başlanılmaqla, Azərbaycan Respublikasının Baş Prokurorluğu tərəfindən axtarış elan edildi. Bir müddət RF-də gizləndikdən sonra, həmin vaxt Baş Prokuror işləyən Eldar Həsənova edilən, əslən Kəlbəcər rayonundan olan bir neçə nüfuzlu şəxslərin xahişi nəzərə alınaraq, axtarış götürüldü. Bundan sonra ölkəyə geri qayıdan Cavid Qurbanov bir müddət işsiz qalır və sonradan Azərbaycan Dövlət Dəmir Yolu İdarəsinin tabeçiliyindəki tikinti trestlərindən birinə müdir vəzifəsinə təyin edilir.

Dəmir yolu relslərinin və şpalların yenilənməsi adı altında faktiki olaraq dəyişilməyən avadanlıqlar dəyişibmiş kimi sənədləşdirilməklə külli miqdarda vəsaitlər silinir. RF-də fəaliyyət göstərən və həmin vaxt qeydiyyatı ləğv edilmiş “Cİ-AYMARKET” MMC-nin direktoru Elyar Dəmirovun vasitəsi ilə “Sigma & co” firması ilə 14 milyon manatlıq maliyyə əməliyyatı edilir və sonuncu MMC-nin direktoru Eldar Məmmədova çatacaq “pay” ünvana çatdırılmır.

Həmin 14 milyon manat vəsait Cavid Qurbanov və əhatəsində bu işi görmüş şəxslər arsında bölünərək, Eldar Məmmədova heç 1 qəpik də verilmir. (24saat.org)”

Maraqlıdır ki,  RealMedia.az saytının bu gün 24saat.org-a istinadən verdiyi bu xəbər Cavid Qurbanov barədə qələmə alınan ilk ifşaedici material da deyil. Bundan bir neçə il öncə bir çox saytlar da bənzər məlumatları yayırdılar. Amma Cavid Qurbanov bütün bu ifşaedici materiallara baxmayaraq, hələ də hakimiyyətin ən aparıcı fiquru olmaq səlahiyyətini qoruya bilib.

Baxmayaraq ki, Xural.com-un 2 İYUL 2013-cü il tarixində dərc etdiyi “Heydər Əliyev Cavid Qurbanovu işdən qovubmuş… – FOTOFAKTLAR” sərlövhəli yazısında mərhum Prezident Heydər Əliyevin C.Qurbanovun işdən qovalanması barədə imzaladığı fərmanın rəsmini belə ictimailəşdirmişdi. Həmin yazını da kiçik ixtisarla təqdim edirik:

“TİA.az “Azəryolservis”ASC-nin sədri, deputat Cavid Qurbanov haqqında məqalə dərc edib. Məqalə mərhum prezident H.Əliyevin C.Qurbanov haqqında verdiyi fərmanla maraq doğurur. Fərmanda deyilir ki, Cavid Qurbanov işdə buraxdığı ciddi nöqsanlara və vəzifəsindən sui istifadə etdiyinə görə, “Azəravtoyol” Dövlət Şirkətinin prezidenti vəzifəsindən azad edilsin.

H.Əliyev tərəfindən verilən bu fərman 1994-cü il noyabrın 25-də imzalanıb. Azərbaycanın müxtəlif hissələrində çəkilən yolların keyfiyyətsizliyi haqqında dəfələrlə yazmışıq. Bunun səbəblərini araşdırmağa çalışmışıq. Bu barədə məlumat almaq baxımından TİA-da dərc olunan məqalənin bəzi hissələrini Oxucularımıza təqdim edirik:

“TİA.az olaraq nəzərə çatdırırdıq ki, “Azəryolservis”ASC-nin sədri, deputat Cavid Qurbanovun ölkənin ən iri məmur-oliqarxlarından birinə çevrilməsi üçün keçdiyi yolun özü müəmmalıdır.

Məsələ ondadır ki, 1994-cü ildə Heydər Əliyev Cavid Qurbanovu vəzifədən qovmuşdu. Onun işdən çıxarılması ilə bağlı sərəncamda Qurbanovun vəzifə səhlənlkarlığına, özbaşınalıqlara, ciddi nöqsanlara yol verdiyi əks olunur.

 

Çoxları buna inanmırdı. Həmin fərman isə yazıdakı fotoda öz əksini tapıb. Fərman niyə icra olunmadı, deyə bilmərik. Yalnız onu deyə bilərik ki, onun günəşi kimlərinsə sayəsində 2002-ci ildən sonra yenidən parlamağa başladı.

Bu gün o, yenə də öz işindədir.

TİA.az olaraq öncələrdə qeyd etmişdik ki, hazırda Yeni Azərbaycan Partiyasının əsas simalarından biri kimi təqdim olunan, iri kapital sahibi  Cavid Qurbanov mərhum prezident Heydər Əliyev dönəmində də post sahibi ola bilmişdi. O, 1993-94-cü illərdə “Azəravtoyol” Dövlət Şirkətinə prezident idi. Həmin vaxt işinin “peşəkarı” olan C.Qurbanov nə qədər kənarda dayanıb sərvət sahibinə çevrilmək istəsə də, onun fəaliyyəti ilə bağlı lazımi dairələrə məlumatlar çatdırılır. Bu o zamana qədər davam edir ki, sonda məsələ prezident Heydər Əliyevə çatır. Cavid Qurbanov bir günün içində prezidentin əmri ilə tutduğu vəzifədən kənarlaşdırılır.

 

… Bir muddət Rusiyada müxtəlif bizneslərlə məşğul olan Cavid Qurbanov keçmiş baş prokuror Eldar Həsənovun sıradan çıxacağı anı gözləyirdi. Bir zamanlar baş prokurorun imkanlarından bəhrələnən Cavid Qurbanovla Eldar Həsənov sonralar ciddi qarşıdurmaya getmişdilər və Cavid Qurbanovun Heydər Əliyev tərəfindən kənarlaşdırılmasının ən yaxşı məqamlarını yəqin ki, Eldar Həsənov bir zaman açıqlayacaq…

Cavid Qurbanov tutduğu vəzifədə yerini möhkəmlətmək üçün yeni-yeni əlaqələr qurmağa başladı. O, Nazim İbrahimov, Ziya Məmmədovun vasitəsi ilə öz yerini bərkidib və bu gün Ziya Məmmədovla əlbir dövlət büdcəsinə əl qoyub.

Cavid Qurbanov yol çəkilişlərinə nəzarətin böyük bir hissəsini əlində cəmləşdirə bilməsini hətta nəqliyyat naziri özü də qəbul edə bilmir, onun müəyyən imkanlarını məhdudlaşdırmağa çalışır. Faktiki olaraq ölkənin ən önəmli məmurları dövlətçiliyə, ilham Əliyev siyasətinə xidmət etmək əvəzinə pul davası aparırlar.

Lakin Cavid Qurbanov yol çəkilişi sistemini öz əlinə keçirdiyindən istədiyi mənimsəmələri edə bilir. Məsələn, hansısa ərazidə yol çəkmək üçün rəsmi şəkildə tender elan olunur. Tenderdə iştirak edən firmalar təkliflərini göndərir. ilkin seçimdən, məsələn, 4 şirkət keçir. (Məlum olur ki, bu şirkətlərin hər birinin sahibi özgə adamdır. Amma hamısının yaxalığında Cavid Qurbanova sədaqət andı var. Hətta bəziləri iddia edir ki, bu şirkətlərin əsl sahibi elə Cavid Qurbanovun özüdür. Bunu yəqin ki, sübut etmək çətin deyil. Hüquq mühafizə orqanları kiçik istintaq aparsalar, bu sübut oluna bilər. Beləliklə, tenderdən keçən şirkətlər arasında iş başlayır və qaliblər yol çəkilişini həyata keçirirlər. Hər yerdə olduğu kimi burda da “şapka” əməliyyatının hansı formada həyata keçirildiyini bilmədiyimizdən kimin nə qədər elə bu ərəfədə qazandığını demək çətindir. Amma bildiyimiz budur ki, Cavid Qurbanovun rəhbərliyi ilə yol çəkilişi başlayır. Ən sürətli başlayan isə mənimsəmələr olur. Yeni texnikanın alınması, materialların alınması, işçilərin pullarının silinrnəsi və sair metodlarla ayrılan vəsaitin yarıdan çoxu mənimsənilir.

Mənimsəmələr bununla bitmir. Daha sohra başlanır yolların yenidən təmiri, bərpası, yamanması. Bu prosesin gedişində də milyonlarla vəsait yox edilir.

Son vaxtlar C.Qurbanov işinı bir az da ehtiyatlı tutmağa başlayıb. Belə ki, yol çəkilişi və digər bu kimi təmir-bərpa işləri “Azərinşaatservis” MMC ilə birgə aparılır. Məsələnin mahiyyəti isə tamamilə müəmmalıdır. Bu şirkət de-fakto Ziya Məmmədova aiddir. Lakin diqqəti yayındırmaq və mənimsəmələri pərdələmək üçün “Azərinşaatservis” MMC-yə milliyətcə kürd olan Türkiyə vətəndaşı Bülənt Karani rəhbərlik edir. Onun başqa ölkənin vətəndaşı olaraq hansı hüquqla Azərbaycanda böyük bir şirkətə rəhbər vəzifəyə təyin olunması da müəmmalıdır. Bildirilir ki, sözügedən şirkət 2003-cü ildə iki yerli şirkət tərəfindən təsis edilib. Lakin maraqlıdır ki, təsisçi şirkətlərin adına heç yerdə rast gəlinmir və bu barədə ictimaiyyətə açıqlama verilmir. Şirkətin internet saytında yazılanlardan da görünür ki, “Azərinşaatsevis” MMC əsasən avtomobil və dəmir yollarının tikintisi istiqamətində fəaliyyət göstərir və monopolist şirkətdir.

84,3 km-lik Hacıqabul-Kürdəmir avtomobil yolu və Ələt-Astara avtomobil yolunun 22 km (80-102 km) hissəsinin tikintisini “Bakı dairəvi şose yolu”nun tikintisi layihəsini də bu şirkət həyata keçirir. Bununla yanaşı, Ələt-Masallı avtomobil yolunun 0-9 km hissəsinin yenidənqurulması, Yevlax-Gəncə Avtomobil yolunun 4 hərəkət zolağına genişləndirilməsi, Axalkalaki-Kartsaxi (Türkiyə sərhəddi) dəmiryolu nun tikintisi layihələri də sözügedər şirkətə həvalə olunub.

Ən əsası isə odur ki, “Azərinşaatservis” dövlət təminatı ilə alınan xarici kreditləri və büdcə pullarını göyə sovurmaqla məşğuldur. Bu şirkət tender elan edir, tenderlərin hamısını kağız üzərində “Polat” şirkəti udur, lakin bütün işlər “Azərinşaatservis”ə verilir. Burada mənimsənilən məbləğlər də Ziya Məmmədovla Cavid Qurbanov arasında bölüşdürülür. Bu pulların hesabına da onlar Azərbaycanın ən iri oliqarxlarına çevriliblər”.

Qaynaq: (http://www.xural.com/heydər-əliyev-cavid-qurbanovu-isdən-qovubmus-fotofaktlar/)

18 -dən səhifə 29

Əlaqəli xəbərlər