Hərbi bileti olmayanlar harda işləyə bilər? – Azərbaycanda qadağa yox imiş…

herbi bilet foto

Vətəninin keşiyində dayanmaq, hərbi xidmət keçmək yetkinlik yaşına çatan hər bir sağlam vətəndaşın borcudur.

Bəzən obyektiv və subyektiv səbəblərdən hərbi xidmətə getməyən şəxslərə süni maneələr yaradılır.

Bu maneə özünü əsasən dövlət orqanlarına işə düzəlmək istəyərkən göstərir.

Bəs görəsən Azərbaycan Respublikasının qanunlarına görə, hərbi bileti olmayan şəxslər dövlət orqanında işləyə bilərmi? Yaxud, işə qəbul edilərkən onlardan hərbi bilet tələb edilə bilərmi? Bir sözlə, hərbi xidmətdə olmayanlar harada işləyə bilərlər?

araz.az   xəbər verir ki, Vətəndaşların Əmək Hüquqlarını Müdafiə Liqasının sədri Sahib Məmmədov Cebhe.info-ya açıqlamasında deyir ki, qanunvericilikdə hərbiləşdirilmiş qurumlardan başqa digər orqanlara hərbi xidmət keçməməyə görə işə qəbulu qadağan edən hər hansı müddəa yoxdur:

“Hərbi xidmət keçməməyə görə işə qəbul edilməsindən imtina olunması Əmək Məcəlləsinə ziddir. Əmək Məcəlləsində qeyd olunur ki, əmək müqaviləsi bağlanarkən işçi əmək kitabçası, habelə şəxsiyyətini təsdiq edən sənədi və dövlət sosial sığorta şəhadətnaməsini (ilk dəfə əmək fəaliyyətinə başlayanlar istisna olmaqla) təqdim edir. Bu sənədlərdən əlavə hər hansı sənədin tələb edilməsi qanunsuzdur. Əlbəttə işləyə bilərlər. Hərbi xidməti keçməməyin üzrlü səbəbləri var. Bəlkə də bəzi hüquq mühafizə orqanları qadağalar qoyur, ola bilər. Amma dövlət qulluğundan azad olunanlar imtahan verib işə qəbul olunurlar”.   /Yenisabah.az/

Fazil Mustafa: “Məmurlar Xəzər dənizindən insanlarımızı məhrum edirlər”

fazil 1

“Ötən ay Azərbaycan dövləti Türkmənistanla Xəzərdəki resursların istifadəsi ilə bağlı memorandum imzalayaraq böyük bir tarixi addım atdı. Bunun ardınca Azərbaycan xalqı ilə imtiyazlı sahibkar-məmurlar arasında da Xəzərlə insafla davranılması barədə memorandum imzalanmalıydı”.

araz.az   xəbər verir ki, bunu Milli Məclisin deputatı Fazil Mustafa deyib.
O qeyd edib ki, məmurlar, imtiyazlı sahibkarlar Xəzər dənizinə gedən yolları harada əllərinə imkan düşürsə, bağlayırlar:
“Ləhiş, Kürdəxanı, Pirşağı bağlarından döngə ilə dənizə çıxmaq istərkən görürsən ki, qarşına hündür hasarlar çıxır və dalana dirənirsən. Bizdə dənizlə tikinti arasında mühafizə zolağı haradasa 50 metr olmalıdır. İllərdir qanunun bu tələbinə əməl olunmur, üstəlik də “el yolu” deyilən dənizə çıxışlara da ya hasarla, ya da şlaqbaumla əngəl yaradırlar. İmtiyazlı məmurlar istənilən şəkildə obyektlər tikərək bu nemətdən insanlarımızı məhrum edirlər.
Digər yandan da ekoloqlar xəbərdarlıq edirlər ki, Xəzər dənizinin səviyyəsi xeyli aşağı düşəcək, indiki sahildən 20 metrdən çox aralanacaq və böyük ekoloji fəlakət yaşanacaq. Əslində mən buna ekoloji fəlakət kimi baxmıram. Bu, sadəcə mistik ədalətin təntənəsi kimi anlaşılmalıdır. Xəzər illərdir gözləyirdi ki, adamlar insafa gəlib dənizin içinə girməzlər, onu hasarlamazlar, qumunu daşıyıb aparmazlar, balıqlarını məhv etməzlər.
Ancaq görəndə ki, azərbaycanlı mentalitetini dəyişmək mümkün deyil, dəniz özü məğlubiyyətini qəbul edib geri çəkilməli oldu. Erməni orada özünə “dənizdən dənizə” deyib saxta bir xəyal qurub, biz isə böyür-başımızda “dənizə” bir ilahi nemət kimi hələ də dəyər verə bilmirik”. (demokrat.az)

Yeni sürücülük vəsiqələrinin hansı özəllikləri var? – VİDEO

suruculuk vesiqesi

Artıq bir müddətdir ki, Azərbaycanda yeni növ sürücülük vəsiqələrinin verilməsinə başlanıb. Yeni vəsiqələrdə bəzi dəyişkliklər edilib. Belə ki, bu vəsiqələrin təmassız oxunması mümkün olacaq. Yeni vəsiqələrə kateqoriyalarla bağlı da əlavələr edilib.

araz.az   Xəzər TV-yə istinadən xəbər verir ki, yeni vəsiqələr sayəsində vətəndaşlarımızın xarici ölkələrdə üzləşdiyi daha bir problem də arada qalxacaq.

Ölkəmizdə yeni növ sürücülük vəsiqələri əvvəlkindən fərqlənir.

Yeni sürücülük vəsiqəsi dizaynına və rənginə görə də digərlərindən seçilir. Baş Dövlət Yol Polisi idarəsinin şöbə rəisi Namidan Piriyev bildirir ki, yeni növ sürücülük vəsiqələri İSO/ İEC 7810 kimlik kartlarının fiziki xüsusiyyətlərinə dair beynəlxalq standartların tələblərinə cavab verir.

Daha bir yenilik isə kateqoriyalarla bağlıdır.

Namidan Piriyev vurğuladı ki, Artıq yeni vəsiqənin sayəsində vətəndaşlarımızın ölkə xaricində yaşadığı əsas problemlərdən biri də aradan qalxacaq.

Namidan Piriyev qeyd etdi ki, yeni növ milli vəsiqələr beynəlxalq konvensiyaya üzv olan ölkələrin ərazisində tanınır. Digər ölkələrə səfər edən vətəndaşlar beynəlxalq sürücülük vəsiqələri də ala bilərlər. Şöbə rəisi vurğuladı ki, beynəlxalq vəsiqlər milli vəsiqələrlə birlikdə təqdim olunarsa, etibarlı sayılacaq.

Azərbaycanda koronavirusa yoluxanların sayı artdı – FOTO

koronavirus 8

Azərbaycanda bu gün koronavirus infeksiyasına 223 yeni yoluxma faktı qeydə alınıb,176 nəfər müalicə olunaraq sağalıb və evə buraxılıb.

araz.az  xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada 2 nəfər COVID-19-dan vəfat edib.

İndiyədək ölkədə ümumilikdə 233 424 nəfərin koronavirus infeksiyasına yoluxması faktı müəyyən edilib, onlardan 228 012 nəfər müalicə olunaraq sağalıb, 3 204 nəfər vəfat edib. Hazırda 2 208 aktiv xəstə var.

Son sutka ərzində yeni yoluxma hallarının müəyyənləşdirilməsi ilə əlaqədar 8 043, bu günə qədər isə ümumilikdə 2 563 101 test icra olunub.

Maşınları cərimə meydançalarında qalanlar – Sizi sürpriz gözləyir

masin

Vaqif Əsədov: “Avtomobillərin utilizasiya edilməsi ilə bağlı qanunvericilikdə bir maddənin olmasının tərəfdarıyam”

Ərşad Hüseynov: “Həmin avtomobillərin taleyi ilə bağlı məsələlərə hüquqi aydınlıq gətirilməlidir”

Cərimə meydançalarında illərlə öz sahibini gözləyən avtomobillər var. Bəzən qəza nəticəsində yararsız vəziyyətə düşən və ya qismən zərər görən avtomobillər cərimə meydançasına aparılır, daha sonra həmin nəqliyyat vasitələrinə illərlə sahib çıxan tapılmır ki, tapılmır…

Bəlkə də həmin şəxslər düşünürlər ki, avtomobillərini nə vaxtsa gedib götürə bilərlər. Amma onlar xəbərsizdirlər ki, cərimə meydançalarında uzun müddət qalan avtomobillərin sahibərini gözlənilməz sürprizlər gözləyir. Bəs, bu sürprizlər nədən ibarətdir?

Bakı Şəhər Baş Polis İdarəsi (BŞBPİ) Dövlət Yol Polisi İdarəsinin İctimayyətlə əlaqələr şöbəsinin rəisi, polis polkovniki Vaqif Əsədov AYNA vasitəsilə həmin sürprizlərin nələrdən ibarət olduğunu bir-bir izah edib.

Image result for Vaqif Əsədov

Onun sözlərinə görə, sahibi avtomobilini cərimə meydançasından götürən zaman müəyyən ödənişlər etməlidir: “Həmin avtomobilin evakuatorla meydançaya gətirildiyinə və hər gün meydançalarda saxlandığına görə müəyyən olunan vəsaitin ödənilməsi ilə şəxs öz avtomobilini cərimə meydançasından götürə bilər”.

Polkovnikin sözlərinə görə, 2019-cu ildə cərimə meydançalarında təxminən 600 sahibsiz avtomobil var idi ki, onların sahibləri tapılıb, həmin avtomobillərin utilizasiya edilməsi üçün avtomobil sahiblərinin özləri ilə razılığa gəlinib: “Müxtəlif cərimə meydançalarında uzun müddət qəzalı vəziyyətdə və ya yararsız vəziyyətdə olan avtomobillərin sahiblərini tapdıq və onlarla profilaktik söhbətlər apardıq. Onlara məsələni izah etdik, hüquq və vəzifələrini başa saldıq və həmin avtomobillər birbaşa utilizasiya üçün göndərildi. Yəni, dövlət nömrə nişanları və qeydiyyat şəhadətnamələri utilizasiya üçün təhvil verildi və onlar çıxdaş edildi. Avtomobillərin sahibləri özləri maşınlarını metalloma təhvil verdilər”.

“Hətta elə də olur ki, avtomobilə sahib çıxan olmur. Çətinlik bu zaman yaranır. Çünki utilizasiya ilə bağlı qanunvericilikdə konkret tələb olmadığından həmin avtomobillər şəhərdən kənarda olan ərazilərdə xüsusi mühafizə xidmətinin iştirakı ilə saxlanılır.

Amma çox zaman həmin insanlara izah edilir ki, həmin avtomobilin illərlə cərimə meydançalarında qalması ailə büdcəsinə əlavə ziyan yaradır. Çünki hər gün üçün 1 AZN məbləğində ödəniş etməli olurlar”, – Əsədov əlavə edib.

V.Əsədov sahibsiz qalan avtomobillərin aqibətinin qanunvercilik qaydasında həll olunmasının tərəfdarıdır: “Avtomobillərin utilizasiya edilməsi ilə bağlı qanunvericilikdə bir maddənin olmasının tərəfdarıyam. Çünki nəqliyyat vasitəsi maxsimum altı, doqquz ay qaldıqdan sonra avtomobilin orda qalma səbəbi araşdırılır. Əgər şəxs öz avtomobilinə sahib çıxmırsa, avtomobilin utilizasiyaya getməsi üçün qanunda bununla bağlı bir tələb olmalıdır”.

Image result for Ərşad Hüseynov

Nəqliyyat üzrə ekspert Ərşad Hüseynov isə AYNA-ya deyib ki, əslində cərimə meydançasında avtomobil müəyyən müddətə qədər saxlanılmalıdır: “Cərimə meydançlarında sahibsiz qalan avtombillərin saxlanc haqqını Tarif Şurası müəyyən edib. Həmin avtomobillərin cərimə meydançalarından götürülməsi ilə bağlı dəqiq hüquqi mexanizm yoxdur. Dəqiq hüquqi mexanizmin olmaması ölkəmizdə avtomobilləşmənin doğurduğu fəsadların təzə-təzə görüməyə başlamasıdır. Məsələn, hansı ölkədə ki, yüksək dərəcədə avtomobilləşmə var, onlar 30-40 il əvvəl bu məsələni hüquqi olaraq həll ediblər. Bu sistem Rusiya və Avropada çoxdan tətbiq edilib. Əgər hər hansı bir nəqliyyat vasitəsi cərimə meydançaları kimi ictimai yerlərdə uzun müddət baxımsız qalırsa, həmin rayonun icra hakimiyyəti, bələdiyyəsi və yaxud da bu, yol polisinin mühafizə olunan duracağıdırsa, bu, Dövlət Yol Polisinin özü ola bilər. Həmin qurumlar sahiblərinə xəbərdarlıq edirlər ki, müəyyən müddət ərzində gəlin, avtomobilinizi götürün”.

“Əgər həmin avtomobil sahibi avtomobilini götürməzsə, o zaman həmin qurumlar məhkəmədə iddia qaldırırlar ki, həmin nəqliyyat vasitələrinin məcburi utilizasiyası ilə bağlı məhkəmə qərar çıxarsın. Məhkəmə də məsələni araşdırır. Araşdırma da ondan ibarətdir ki, qısa vaxtda həmin avtomobilin mülkiyyətçisi kim olub? Buna niyə sahib çıxan yoxdur? Araşdırmadan sonra həmin avtomobil utilizasiyaya verilir və yaxud da təkrarən emala aparılır”, – ekspert qeyd edib.

Ə.Hüseynov hesab edir ki, bu qanun bizdə yoxdursa, biz yalnızca avtomobilin sahibini tapmağa məcburuq: “Bunun başqa yolu yoxdur”.

Ekspertin sözlərinə görə, elə maşınlar var ki, həmin cərimə meydançalarına elə problemlərlə düşürlər ki, problemi aradan qaldırıb, həmin nəqliyyat vasitəsini ordan götürmək təzəsini almasından daha baha başa gəlir:

“Elə hallar da olur ki, ağır yol-nəqliyyat qəzası zamanı maşının sahibi elə maşındaca dünyasını dəyişir. Həmin şəxslərin yaxınları onun avtomobilini heç görmək istəmirlər. Burada da mənəvi-psixoloji məsələ faktor olaraq göstərilir. Bu tipli məsələlərdə də maşınların aqibəti heç nə ilə nəticələnir. Bütün bu məsələlərə görə mütləq utilizasiya proqramı olmalıdır. Həmin avtomobillərin taleyi ilə bağlı məsələlərə hüquqi aydınlıq gətirilməlidir”.

Kiçik bir araşdırmamız nəticəsində məlum oldu ki,  Almaniyada bu cür yararsız avtomobillər ilə Dövlət Yol Polisi ümumiyyətlə məşğul olmur. Bu işin icrası avtomobil sahibi və sığorta şirkətinin üzərinə düşür. Əgər avtomobilə baxış keçirən zaman qərar alınırsa ki, o, artıq tamamilə yarasızdır, o zaman sahibinə sənəd təqdim olunur. Həmin sənəd əsasında maşın sahibi sığorta şirkətinə dəyən ziyanı ala bilir. Avtomobili qeydiyyatdan çıxarır və onu utilizasiyaya aparır. Bütün bunlara cavabdehliyi avtomobil sahibi daşıyır. O, istədiyi yerdə maşını atıb gedə bilməz – çünki olduqca böyük cəriməsi var. İstifadəyə yarasız avtomobil mütləq utilizasiya verilməli və ordan da onu təsdiq edən sənəd almalıdır.

Azərbaycana gəldikdə isə utilizasiya ilə bağlı qanun hələ ki, müzakirə mərhələsindədir. Sənəd qəbul olunarsa, dayanacaqlarda illərlə qalan avtomobil müəyyən vaxtdan sonra utilizasiya olunacaq.

1 -dən səhifə 130

Əlaqəli xəbərlər