SMS icazə ilə bağlı hazırlıqlara başlanıldı

sms12

Şirkətlərdə şəxsiyyət vəsiqələri toplanır.

Məlumatda bildirilir ki, buna səbəb son günlər koronavirusa yoluxmada müşahidə olunan kəskin artım və bunun yaratdığı "karantin təhlükəsi”dir.

Belə ki, artıq bəzi şirkətlər aprelin 5-dən SMS-icazə tətbiq ediləcəyi ilə bağlı işçilərinə xəbərdarlıq ediblər. Hətta onlar portalda qeydiyyatdan keçmək etmək üçün əməkdaşların şəxsiyyət vəsiqələrini yığmağa başlayıblar.

Qeyd edək ki, Bakı, Sumqayıt, Gəncə, Şəki şəhərləri və Abşeronda 5 apreldən əyani tədrisin dayandırılacağı rəsmən açıqlanıb.

Axar.az

Gömrük Akademiyasında Azərbaycanlıların Soyqırımı Günü ilə bağlı tədbir keçirilib

Copy of 01.jpgDövlət Gömrük Komitəsinin Akademiyasında 31 Mart – Azərbaycanlıların Soyqırımı Gününə həsr olunmuş tədbir keçirilib.

Akademiyadan ARAZ.AZ-a bildirilib ki, əvvəlcə31 Mart soyqırımı qurbanlarının, həmçinin Azərbaycanın ərazi bütövlüyü və suverenliyi uğrunda canını fəda etmiş şəhidlərin, o cümlədən Birinci və İkinci Qarabağ müharibəsi şəhidlərinin xatirəsi bir dəqiqəlik sükutla yad edilib.  

Ardını oxu...

Sürücülərin nəzərinə

yolsiyahi

Bakı Nəqliyyat Agentliyi paytaxt yollarındakı sıxlığa dair vəziyyəti açıqlayıb.

BNA-dan verilən xəbərə görə, hazırda Qara Qarayev prospekti -“Koroğlu” m/st-sı istiqamətində, 20 Yanvar dairəsi - Ziya Bünyadov prospekti istiqamətində, Moskva prospekti - şəhər istiqamətində, Yusif Səfərov küçəsi- Heydər Əliyev prospekti istiqamətində, Babək prospekti - mərkəz istiqamətində, Sabunçu-şəhər yolu, mərkəz istiqamətində nəqliyyat vasitələrinin hərəkətində sıxlıq müşahidə olunur.

Sıxlıq səbəbindən hazırda bütün istiqamətlərdə marşrut xətləri üzrə avtobusların hərəkətində çətinliklər var

 

 

araz.az

Azərbaycanda sərt karantin tətbiq ediləcək

karantin89

Dünyada və Azərbaycanda koronavirusa yoluxanların sayı durmadan artır. Belə ki, ötən sutka ərzində dünyada 486 min 741 nəfər koronavirusa yoluxub, 6 min 888 nəfər isə bu virus səbəbindən dünyasını dəyişib. Göstərici ötən ayla müqayisədə iki dəfəyə yaxın çoxdur.

Azərbaycanda da yoluxma sayı sürətlə artır. Belə ki, martın 28-də Azərbaycanda 1831 nəfər koronavirusa yoluxub. Bayram tətilinin bitməsi ilə əlaqədar ölkədə martın 29-dan etibarən ictimai nəqliyyatın, bir çox iş yerlərinin fəaliyyəti bərpa olunub. Məntiqlə indi yoluxma daha da arta bilər.

Bəs indiki situasiyada sərt karantin rejimi tətbiq ediləcəkmi?

Hazırda hər kəsi bu sual düşündürür. Həm dünyada, həm də Azərbaycanda insanlar artıq qapanmadan, karantindən beziblər. Bunu dövlətlər də gözəl anlayırlar. Ona görə də mümkün qədər sərt karantin rejimi tətbiq edilmir. Lakin mütəxəssislər bildirirlər ki, COVİD-19-a qarşı dərmanın olmadığı zamanda ən effektiv qorunma yolu sosial izolyasiya, qapanmaqdır.

Mütəxəssislər də düşünürlər ki, əgər vəziyyət nəzarətdən çıxarsa və yoluxma sayı artarsa, o zaman sərt karantin tətbiq edilə bilər. Professor Adil Qeybulla “Yeni Müsavat”a bildirib ki, indiki zamanda karantin qaydalarına əməl etmək lazımdır. Professorun sözlərinə görə, yoluxma sayı bu cür artan templə davam edərsə, sərt karantini görəcəyik.  Adil Qeybulla bildirib ki, ötən ilin yay aylarındakı vəziyyət yaranmadan müəyyən qaydalar tətbiq edilməlidir.

Hələ ki karantinin sərtləşdiriləcəyi ilə bağlı heç bir rəsmi məlumat olmasa da, paytaxtda koronavirusun yayılması səbəbindən ard-arda məktəblər bağlanır və ya distant təhsilə keçir. Təhsil Nazirliyindən isə bildirilib ki, yeni qərar olarsa, bu barədə ictimaiyyətə məlumat veriləcək.

Mövcud durumu təhlil edən təhsil eksperti Kamran Əsədov Baku.ws saytına bildirib ki, hazırda Azərbaycanda bütün məktəblərin bağlanması lüzumsuz addım olardı: “İlk növbədə qeyd edim ki, təhsil müəssisəsində kütləvi yoluxma varsa, uşaqlar məktəbdən valideynlərini, yaşlı insanları yoluxdurursa, həmin məktəbdə distant, onlayn təhsilə keçməyin tərəfdarıyam. Amma bunun tam şəkildə bütün təhsil müəssisələrində yox, yalnız yoluxma halları baş vermiş təhsil müəssisələrində həyata keçirilməsi lazımdır. Yəni hansı məktəbdə yoluxma halları varsa, yalnız o məktəblərdə tədrisi onlayn qaydada həyata keçirmək lazımdır".

Bugünlərdə bir sıra ölkələrdə sərt karantin rejimi tətbiq edilib. Avstriyanın şərq əyalətlərində (Vyana, Aşağı Avstriya və Burqenland) koronavirusa yoluxma hallarının artmasını nəzərə alaraq, bu əyalətlərin qubernatorları Səhiyyə Nazirliyi ilə sərt karantin rejiminin tətbiqinə dair razılığa gəliblər.

Sərt karantin rejiminin 1-6 aprel tarixlərində qüvvədə olacağı elan edilib.

Qazaxıstanda COVİD-19-a yoluxma sayında kəskin artım müşahidə olunur. Almatı şəhər dövlət sanitar baş həkimi Jandarbek Bekşinin əmri ilə şəhərdə sərt karantin rejimi aprelin 12-dək uzadılıb.

İtaliya hökuməti Pasxa həftə sonlarında ölkə daxilində karantin tətbiq edəcək. Karantin 3-5 aprel tarixlərini əhatə edəcək. Fərmana əsasən üç günlük tətil zamanı ölkədə “qırmızı” zonanın qaydalarında nəzərdə tutulmuş ən sərt məhdudiyyətlər fəaliyyət göstərəcək...

Onu da qeyd edək ki,  çinli alimlər və Ümumdünya Səhiyyə Təşkilatının (ÜST) mütəxəssisləri Çində apardıqları birgə elmi fəaliyyətin yekununda yeni növ koronavirusun yarasalardan insanlara bilinməyən aralıq heyvan vasitəsilə keçə biləcəyi qənaətinə gəliblər.

Bu, indiyə qədər açıqlanan ən etibarlı nəzəriyyədir.

Qeyd olunur ki, mütəxəssislər COVİD-19-un laboratoriyadan sızma nəticəsində yaranması versiyasından imtina ediblər. Bununla yanaşı, onlar infeksiyanın mənşəyi ilə bağlı tədqiqatları davam etdirmək niyyətindədirlər.

Mütəxəssislər ümumilikdə COVİD-19-un yaranmasında dörd əsas versiyanı sadalayıb. Bunlardan biri koronavirusun hələlik hansı olduğu bilinməyən aralıq heyvan vasitəsilə yarasalardan insanlara keçməsidir. Bu cür heyvanın kərtənkələ, pişik  ola biləcəyi ehtimal olunur. Eyni zamanda mütəxəssislər infeksiyanın birbaşa yarasalardan insana ötürülməsinin az ehtimallı olduğunu düşünürlər.

Mütəxəssislər həmçinin yarasaların koronavirusu dondurulmuş qidalara “yapışdıra” biləcəyini qeyd ediblər.

 

 

araz.az 

Sabah hava çiskinli olacaq

yagis

Azərbaycanda sabaha-martın 29-na hava proqnozu açıqlanıb.

Milli Hidrometeorologiya Xidmətindən verilən məlumata görə, martın 29-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman, çiskinli olacaq.

Cənub-qərb küləyi gündüz şimal-şərq küləyi ilə əvəz olunacaq. Havanın temperaturu gecə 5-8 dərəcə isti, gündüz 11-15 dərəcə isti olacaq.

Bakıda gecə 6-8 dərəcə isti, gündüz 13-15 dərəcə isti olacaq. Atmosfer təzyiqi normdan yüksək 772 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Martın 29-da Azərbaycanın rayonlarında havanın əsasən yağmursuz keçəcəyi, lakin gecə və səhər bəzi dağlıq ərazilərdə yağıntılı olacağı ehtimalı var. Ayrı-ayrı yerlərdə duman olacaq. Şərq küləyi əsəcək. Havanın temperaturu gecə 2-6 dərəcə isti, gündüz 10-15 dərəcə isti, dağlarda gecə 0-5 dərəcə şaxta, yüksək dağlıq ərazilərdə 5-8 dərəcə şaxta, gündüz 5-10 dərəcə isti olacaq.

Martın 29-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

 

 

araz.az

6 -dən səhifə 148

Əlaqəli xəbərlər