Sürücülərin nəzərinə

yolsiyahi

Bakı Nəqliyyat Agentliyi paytaxt yollarındakı sıxlığa dair vəziyyəti açıqlayıb.

BNA-dan verilən xəbərə görə, hazırda Qara Qarayev prospekti -“Koroğlu” m/st-sı istiqamətində, 20 Yanvar dairəsi - Ziya Bünyadov prospekti istiqamətində, Moskva prospekti - şəhər istiqamətində, Yusif Səfərov küçəsi- Heydər Əliyev prospekti istiqamətində, Babək prospekti - mərkəz istiqamətində, Sabunçu-şəhər yolu, mərkəz istiqamətində nəqliyyat vasitələrinin hərəkətində sıxlıq müşahidə olunur.

Sıxlıq səbəbindən hazırda bütün istiqamətlərdə marşrut xətləri üzrə avtobusların hərəkətində çətinliklər var

 

 

araz.az

Sabah hava çiskinli olacaq

yagis

Azərbaycanda sabaha-martın 29-na hava proqnozu açıqlanıb.

Milli Hidrometeorologiya Xidmətindən verilən məlumata görə, martın 29-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman, çiskinli olacaq.

Cənub-qərb küləyi gündüz şimal-şərq küləyi ilə əvəz olunacaq. Havanın temperaturu gecə 5-8 dərəcə isti, gündüz 11-15 dərəcə isti olacaq.

Bakıda gecə 6-8 dərəcə isti, gündüz 13-15 dərəcə isti olacaq. Atmosfer təzyiqi normdan yüksək 772 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Martın 29-da Azərbaycanın rayonlarında havanın əsasən yağmursuz keçəcəyi, lakin gecə və səhər bəzi dağlıq ərazilərdə yağıntılı olacağı ehtimalı var. Ayrı-ayrı yerlərdə duman olacaq. Şərq küləyi əsəcək. Havanın temperaturu gecə 2-6 dərəcə isti, gündüz 10-15 dərəcə isti, dağlarda gecə 0-5 dərəcə şaxta, yüksək dağlıq ərazilərdə 5-8 dərəcə şaxta, gündüz 5-10 dərəcə isti olacaq.

Martın 29-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

 

 

araz.az

Azərbaycanda hansı universitetlərin saxta diplomları satılıb?

pulllllllll

Azərbaycan Müəllimlər İnstitutu, Kooperasiya Universiteti, Kənd Təsərrüfatı Akademiyası və başqa təhsil müəssisələrinin diplomlarını alan şəxslər var ki, onları işə daxil olmaq istəyəndə bu sənədlərin saxta olduğunu öyrəniblər. Hikmət Babayev deyir ki, işə qəbul zamanı Təhsil Nazirliyindən diplomunun təsdiqlənməsini istəyiblər. Nazirlikdən isə sorğuya cavab gəlib ki, sistemdə belə bir diplom yoxdur, ona verilmiş sənəd saxtadır.

Bu məsələ ilə əlaqədar 7 nəfər cinayət məsuliyyətinə cəlb edilib. Onların arasında Gəncə Dövlət Universitetinin Fiziki tərbiyə və çağırışaqədərki mülki müdafiə kafedrasının müdiri vəzifəsində işləmiş Ələddin Məmmədov, kafedranın laborantı olmuş Elmir Qasımov, "İsmayıllı Olimpiya İdman Kompleksi" MMC-nin sabiq direktoru Tofiq Hümbətov, Azər İmamquliyev və Mehralı Yusifov da var. Digər iki təqsirləndirilən isə qadındır – Sevinc Orucova və Cəmilə Hacıyeva. Onlar həbsdə deyil, barələrində istintaq və məhkəmə dövrü üçün başqa yerə getməməyə dair iltizam-qətimkan tədbiri seçilib. Adları çəkilən 7 nəfərin işi hazırda Bakı Ağır Cinayətlər Məhkəməsində araşdırılır.

Saxta diplomlar, möhürlər

Cinayət işinin materiallarında iddia olunur ki, Gəncə Dövlət Universitetində kafedra müdirinin otağından axtarış zamanı 37 nəfərin adına diplom və başqa sənədlər tapılıb. Bu diplomlar müxtəlif ali və orta ixtisas təhsil müəssisələrinə aid olub. Olimpiya Kompleksinin keçmiş rəhbərinin maşınından da 62 nəfərin adına diplom, müxtəlif adamların şəxsiyyət vəsiqələri, bank kartlarının aşkarlandığı iddia olunur. İddiaya görə, onlar həm də saxta möhürlər hazırlayıblar.

Adları çəkilən təqsirləndirilən şəxslərə qarşı CM-in 178.3.1 (mütəşəkkil dəstə tərəfindən dələduzluq), 32.312 (rüşvət verməyə təhrik), 320-ci (rəsmi sənədi saxtalaşdırma və ya saxta sənəddən istifadə) maddələri ilə ittiham irəli sürülüb.

Onlar verilən ittihamlar üzrə özlərini qismən təqsirli bilirlər.

Hikmət Babayev deyir ki, məqsədi ancaq rüşvət verib diplom almaq deyildi. Ali təhsil almaq istəyirdi: "Mehralı müəllimi, Ələddin müəllimi tanıyıram. Ələddin müəllimə müraciət edib ali təhsil almaq istədiyimi dedim. Bir müddət sonra Müəllimlər İnstitutunun Gəncə filialının diplomunu verdi. Buna görə 2 min 500 dollar pul ödəmişəm. Sonradan diplomun saxta olduğunu bildim".

İmtahanın qiyməti 150 manat

Onun sözlərinə görə, pulun bir hissəsini təqsirləndirilən kafedra müdirinə, qalanını isə Mehralı Yusifova çatdırıb. İki dəfə də imtahanlara görə pul ödədiyini deyən Babayev vurğulayıb ki, hər dəfənin qiyməti 150 manat idi.

Təqsirləndirilən Hümbətovun vəkili şahid qismində dindirilən Babayevin də rüşvət verməyə görə cinayət məsuliyyətinə cəlb olunmasını məqsədəuyğun sayıb.

Qarşı tərəfin onun təklifinə cavabı belə olub: "Mənə olan olub onsuz da. Kasıb adamam, bundan sonra mən həbs edilsəm, siz nə qazanacaqsız...".

Məhkəmədə qardaşına saxta diplom almış Vidadi Babayev də başlarına gələnləri danışıb: "Qardaşım Qazaxıstanda təhsil alıb, Azərbaycanda isə təhsilini davam etdirmək istəyirdi. Razılaşmaya görə, Gəncə Müəllimlər İnstitutuna gətiriləcəkdi. Həmin vaxt pulu verdik. Qardaşım işə düzəlmək istəyəndə Təhsil Nazirliyinə sorğu verdik. Nazirlikdən dedilər ki, diplom saxtadır...".

Məhkəmə araşdırmaları davam edir.

Təqsirləndirilən şəxslərə ittiham verilmiş maddələrdə 10 ilə qədər azadlıqdan məhrumetmə cəzası nəzərdə tutulub.

AzadlıqRadiosu

DYP-dən yol polisinin rüşvət alması ilə bağlı açıqlama – VİDEO

1616827972.ypx

Yol polisi əməkdaşı tərəfindən Şəmkir rayonu ərazində “KamAZ” sürücüsündən rüşvət alınması ilə bağlı yayılan məlumatlar həqiqəti əks etdirmir.

araz.az xəbər verir ki, bunu APA-ya açıqlamasında Baş Dövlət Polisi İdarəsinin İctimaiyyətlə əlaqələr şöbəsinin rəisi Namidan Piriyev deyib.
Qurum rəsmisi bildirib ki, yayılan məlumatlar əsassızdır: “Araşdırma nəticəsində polisin sürücüdən pul alması faktı təsdiqini tapmayıb. Sadəcə həmin nəqliyyat vasitəsinin sürücüsü yük daşıma qaydalarını pozduğu üçün posta dəvət olunub, barəsində inzibati protokol tərtib olunub və inzibati məsuliyyətə cəlb edilib”.

araz.az

Azərbaycanın bu bölgəsində toylara icazə verildi – SON DƏQİQƏ

toy nisan

Naxçıvan MR-da toylara icazə verilib.

araz.az Turkustan.info-ya istinadən bildirir ki, Azərbaycan 24-ə bu barədə Naxçıvan MR-dan məlumat daxil olub.

Məlumata görə şadlıq evlərinə qonaqların sayı 40 nəfəri keçməməklə toy məclislərini təşkil etmək icazəsi verilib.Elə bu gün bir toy məclisinin keçirildiyi bildirilir.

araz.az

7 -dən səhifə 148

Əlaqəli xəbərlər