Qarabağ regional ədliyyə idarəsi nə iş görəcək? – AÇIQLAMA

modern.az edliye 667 e1611560244861ş

İşğaldan azad olunmuş ərazilərdə müvəqqəti xüsusi idarəetmənin təşkilinə dair dövlət başçısının tapşırıqlarına uyğun olaraq Ədliyyə Nazirliyi tərəfindən qarşıda duran vəzifələrin mütəşəkkil və operativ icrasının təmin olunması məqsədilə nazirliyin rəhbərliyindən və aidiyyəti məsul şəxslərindən ibarət Qərargah yaradılıb”.

araz.az-ın məlumatına görə, bunu Ədliyyə Nazirliyinin Təşkilat-nəzarət baş idarəsinin rəis müavini, Qarabağ regional ədliyyə idarəsinin rəisi vəzifəsini icra edən Sübhi Kazımov bildirib.

O bildirib ki, vətəndaşların ədliyyə institutlarına əlçatanlığı məqsədilə ədliyyə idarəsi artıq fəaliyyətə başlayıb:

“Ədliyyə orqanlarının qarşısında duran digər vəzifələr müəyyən edilib və onların mütəşəkkil icrasına başlanılıb.

Qarabağ regional ədliyyə idarəsi Ermənistanın müharibə və insanlıq əleyhinə cinayətləri, işğalçılığa və separatçılığa dəstək xarakteri daşıyan iqtisadi və digər qeyri-qanuni fəaliyyəti ilə bağlı milli və beynəlxalq qanunvericiliyin təhlili, işğaldan azad olunmuş ərazilərdə ədliyyə və məhkəmə infrastrukturuna dəymiş ziyanın dəqiqləşdirilməsi və bu orqanların fəaliyyətinin təmin olunması məqsədilə zəruri tədbirlərin görülməsi məqsədilə yaradılıb”. (modern.az)

25 yanvar və 5 noyabr “Daşaltı əməliyyatı”: 29 ilin fərqi – Video

Screenshot 1 99

 

Qarabağın qədim kəndi olan Daşaltıdayıq. 29 il əvvəl bu kənddə tariximizin qanlı səhifəsi yazılıb. Həmin hadisənin ildönümü üçün buradayıq. İlk dəfədir məşum ”Daşaltı əməliyyatı”na qalib bir xalqın gözü ilə, öz acı keçmişinə baxırmış kimi baxırıq…

Şuşanın mərkəzindən təxminən 3 kilometr cənubda, Cıdır Düzündən aşağıda, Daşaltı çayının sahilində yerləşir bu kənd. Daşaltı Şuşa qalasının bina olduğu nəhəng qayalığın altında yerləşdiyindən belə adlanır.

Şuşalılar Cıdır düzündən Daşaltı çayının sahilinə enən cığıra “Qırx pilləkən” deyir. 10 otaqlı “Xəzinə-qala”da buradadır. Böyük Daşaltı mağarasının bir hissəsi olan bu mağarada ölkəmizin 30 illik işğal dönəmizndə bizdən oğurlanan tarixi var. Ermənilər ötən illər ərzində saxta “arxeoloji qazıntılar” aparıb bu yerləri özlərinə aid etmək istəsələr də, bir şey alınmayıb. Bu yerlər, bu yerlərin hər daşı, cığırı, mağarası bizimdir.

1991-92-ci illərdə Daşaltını, ardından da mədəniyyət və ruhaniyyat beşiyimiz olan Şuşanı ələ keçirə bilmişdi bədnam qonşularımız. Bu gün “Daşaltı əməliyyatı”nı və digər hərbi məğlubiyyətlərimizi Şuşa zəfəri əvəzləyib. Müzəffər ordumuzun 44 günlük müharibədə göstərdiyi şücaət, nümayiş edirdiyi döyüş qabiliyyəti modern müharibə adı ilə hərb dərsliklərinə düşüb.

1992-ci il yanvarın 25-də gerçəkləşən “Daşaltı əməliyyatı” o dövrdə yeni yaranan Müdafiə Nazirliyinin planladığı ilk əməliyyat idi. Bu əməliyyat 2 dəfə təxirə salınmışdı. 3-cü cəhd isə uğurlu olmamışdı.

Bu əməliyyat yanvarın 25-də, axşam 12-də başlanıb və yanvarın 26-ı axşam saatlarında uğursuzluqla başa çatıb. Səbəb kimi bələdçilərin hücum tağımlarından birini Köhnə Nəbilər kəndi əvəzinə Təzə Nəbilərə aparıb çıxarması, ermənilərin əməliyyatın nə vaxt başlanacağını, hücumun hansı istiqamətlərdən olacağını 3 gün əvvəldən bilmələri, hücumda olan tağımlarımız arasında əlaqənin olmaması göstərilirdi. Hücumda cəmi 1 piyadaların döyüş maşını olub. Zabit və əsgərlərimiz ermənilərin güclü bazaya çevirdiyi Daşaltını azad etmək üçün qəhrəmanlıq, şücaət göstərsələr də, gözlənilən nəticəni əldə etmək mümkün olmamışdı.

O əməliyyatda iştirak edən və şəhid olan hər bir əsgərimizin, zabitimizin ruhu qarşısında baş əyirik. Onlar qələbə qazanmağımız üçün canlarından keçiblər…

O dövrdə yenicə müdafiə naziri təyin edilən Tacəddin Mehdiyevin şəxsən rəhbərlik etdiyi əməliyyatda Müdafiə Nazirliyinin yeni yaranmış 120 nəfərlik I taboru, Müdafiə Nazirliyi Kəşfiyyat Xidmətinin rəis müavini Riad Əhmədovun 11 nəfərlik diversiya dəstəsi iştirak edib. Şuşa könüllüləri də “Daşaltı əməliyyatı”na dəstək veriblər.

Kəndə daxil olmuş bir neçə tağım düşmənin güclü müqaviməti nəticəsində xeyli itki verərək geri çəkilməyə məcbur olub. Əməliyyatda Azərbaycan ordusu Şuşa rayon könüllüləri ilə bir yerdə 96 şəhid verib. Onlarla əsgərimiz hələ də itkin sayılır. Ermənilər isə 72 canlı qüvvə və bir neçə texnika itirib.

Daşaltıda olarkən 1-ci Qarabağ müharibəsində həmin o əməliyyatda iştirak etmiş qazimiz Niyazi Quliyevlə görüşdük. Müsahibimiz 120 nəfər döyüşçüdən möcüzə nəticəsində sağ qalmış 30 nəfərdən biridir. Deyir ki, tariximizin məşum səhifələrindən olan “Daşaltı əməliyyatı”nın növbəti ildönümünü zəfərlə, qələbə sevinci ilə qarşılayır:

“O döyüşdə şəhid olmuş qardaşlarımızın qanı yerdə qalmadı. Biz and içmişdik ki, o qanı yerdə qoymayacağıq. Bu gün Daşaltı azaddır, şəhidlik zirvəsinə qalxmış döyüş yoldaşlarımızın ruhu əminəm ki, şaddır. Burada, Daşaltıda, kəndi azad etmiş ordumuzun zabit və əsgərləri var, onlar bu ərazidə illərlə möhkəmlənmiş düşməni 1 günün içində darmadağın ediblər. Hər birini salamlayır, döyüşdə göstərdikləri şücaətə görə hər birini alqışlayıram”.

Xatırladaq ki, Daşaltı kəndi 2020-ci il noyabrın 5-də, səhər saat 5-də başlayan və növbəti gün düşmənin tam məhvi ilə nəticələnən əməliyyatla azad olunub. Bundan sonra Şuşa zəfəri gerçəkləşib, noyabrın 8-də Müzəffər Ordumuz Şuşanı da işğaldan azad etməyə müvəffəq olub.

Kəndə olarkən Daşaltının azad olunması əməliyyatının iştirakçısı xüsusi təyinatlı Vüqar Səfərovla görüşə bildik. Vüqar Səfərov dedi ki, Daşaltı azad olunandan sonra ətrafda Şuşaya hucuma maneə ola biləcək düşmən qüvvəsi qalmayıb:

“Ermənilər Şuşadan üzü aşağı Daşaltını atəş altında saxlaya bilirdilər. Şuşaya doğru qarış-qarış irəlilədik. Düşmən silahı doldurarkən qabağa qaçır, atəş açanda mövqe tuturduq. O qədər sevinc içində idik ki, dağlara necə dırmaşdığımızı belə unutmuşduq. Ermənilər bizi dağın başında görəndə təşviş içində qaçırdılar”.

araz.az   Musavat.com-a istinadən videoreportajı təqdim edir:

 

Azərbaycanda karantin rejimi daha da yumşaldıldı

karantin

Yanvarın 25-dən Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qismi yumşaldılır.

araz.az  xəbər verir ki, bununla bağlı Nazirlər Kabineti yanında Operativ Qərargahın yaydığı məlumatda bildirilir.

Qeyd olunur ki, dünyada, o cümlədən Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. 

Eyni zamanda bir sıra ölkələrdə və Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin yumşaldılması qərara alınıb.

Azərbaycan Respublikası Nazirlər Kabinetinin müvafiq qərarına əsasən, 2021-ci il 25 yanvar saat 00:00-dan etibarən ölkə ərazisində aşağıdakı iş və xidmətlərin fəaliyyətinə icazə verilir:

  • -ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, “Mall”ların fəaliyyəti istisna olmaqla);
  • -bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);
  • -muzey və sərgi zallarının fəaliyyəti;
  • -şəhərlərarası və rayonlararası hərəkət. 

2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur. 

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

Bakı metropolitenində sərnişindaşımanın fəaliyyətinə tətbiq olunan məhdudiyyət hazırda qüvvədə qalır. 

Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət, eləcə də digər qadağalar isə xüsusi karantin rejiminin sonunadək tətbiq olunacaqdır.

Qeyd edək ki, xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburidir. Həmçinin sosial məsafə, tibbi maska və digər qoruyucu vasitələrdən ictifadə etmək zəruridir.   

Ölkədə karantin postları ləğv olundu

karantin 4ka

 

Azərbaycanda 5 şəhər və 12 rayona giriş-çıxış bərpa olunub.

araz.az  xəbər verir ki, bu barədə Nazirlər Kabineti yanında Operativ Qərargahın yaydığı məlumatda bildirilib.

Yanvarın 25-i saat 00:00-dan Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisinə, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayonlarında giriş-çıxış bərpa olunub.  /Modern.az /

Qadağanın son günü postlarda nə baş verir? – VİDEO

karantin 4

Sabahdan etibarən rayon və şəhərlərarası gediş-gəlişə nəzarət edən postların ləğv ediləcəyi səbəbindən Bakıya girişdə böyük tıxac yaranıb. 

araz.az “Qafqazinfo”ya istinadən bildirir ki, Ələt qəsəbəsindəki karantin postunda nəqliyyat vasitələrinin hərəkətində sıxlıq müşahidə olunur.

Həmin görüntüləri təqdim edirik:

 

2 -dən səhifə 100

Əlaqəli xəbərlər