“Məktəb “əks göstəriş” istəyir, Səhiyyə Nazirliyi “sıxlıq” var deyir – Müəllim nə etsin?!

media f03a307dddaf16e9a0c9d97769f8c5e3 vgrt5oa07mlxk8jzqeiw 620x326

Ölkəmizdə ənənəvi tədris bərpa olunur. Bu barədə təhsil naziri Emin Əmrullayev Operativ Qərargahın brifinqində məlumat verib.Nazir tədrisin həftədə 5 gün olmaqla təşkil ediləcəyini qeyd edib:”22 sentyabr 1-4-cü siniflər, 29 sentyabrdan 5-11-ci siniflər, 29 sentyabrdan ali təhsil müəssisələrində tədris ənənəvi formada bərpa olacaq”.

Məlumdur ki, vaksin olunmayan şəxslərdən əks-göstəriş sertifikatı tələb olunur. Ancaq bununla bağlı müəyyən nöqsanlar var. Məsələn, Səhiyyə Nazirliyi əks-göstəriş vərəqəsinin verilməsində müəyyən sıxlığın müşahidə olunduğunu bildirir. Təhsil Nazirliyi isə ənənəvi tədris zamanı bu sertifaktın önəmli olduğunu vurğulayır.

Mövzu barədə fikirlərini “Sherg.az”la bölüşən Təhsil Nazirliyi yanında İctimai Şuranın sədr müavini, təhsil üzrə mütəxəssis Nadir İsrafilov qeyd edib ki, ənənəvi təhsilin bərpasına dair qərarın qəbul edilməsi gözlənilən idi. Çünki Nazirliyin dayanıqlı təhsilə mövqeyi həmişə pozitiv olub:

“Əsas odur ki, uzun sürən intizara son qoyuldu, çoxlarını maraqlandıran suallara aydınlıq gətirildi. Ən başlıcası isə böyük əksəriyyətin arzu və istəyinə uyğun olaraq tədrisin ənənəvi formada başlanmasına kollegial qərar verildi. Hesab edirəm ki, verilən qərar bu gün üçün ən optimal variantdır”.

“Tədrisə niyə sentyabrın 15-i deyil, məhz 22-si və 29 başlanılır?” sualına gəlincə, ekspert diqqətə çatdırıb ki, bu, işə mərhələli keçidin təmin edilməsi ilə bağlı məsələdir:

“Bir də ki, tədrisin bir-iki həftə geriyə çəkilməsi, müddət baxımından elə də bir mahiyyət daşımır».

N.İsrafilovun sözlərinə görə, ənənəvi tədrisə başlanılması,heç də əyani təhsilin bütün il boyu davamlı və dayanıqlı olacağı barədə kimlərdəsə arxayınlıq yaranmasına əsas vermir:

“Hər şey mətbuat konfransında da xüsusi olaraq vurğulandığı kimi, vaksinasiyadan, təhsil müəssisələrində sanitar-epidemioloji qaydalara və digər təhlükəsizlik normalarına necə riayət olunmasından asılı olacaq.

Yoluxmanın səviyyəsinə müvafiq olaraq lokal yanaşma tətbiq oluna bilər, ayrı-ayrı siniflərin distant təhsilə cəlb olunması, ayrı-ayrı məktəblərin müvəqqəti qapanması da istisna olunmur.

Bu kimi halların qarşısının alınması üçün, orta ümumtəhsil məktəblərində müəyyən məhdudiyyətlər, ali məktəblərdə müəyyən limit tətbiq edilməsi nəzərdə tutulur. Əyani təhsilin davamlılığı – təhsil və təhlükəsizliyin vəhdətinin təmin edilməsindən asılı olacaq.Sual doğuracaq müəyyən məqamlara bunlar yeri gəldikcə nəzərə alınacaq və tənzimlənəcək.

Vaksinasiya və əks göstəriş sertifikatı ilə əlaqədar hər hansı bir problemə görə heç kəs təhsildən kənar qalmayacaq. Yəqin ki, yaxın vaxtlarda ictimailəşəcək qaydalarda bütün bu məqamlar öz əksini tapacaq”.

 

araz.az xəbər portalı.

ALİ VƏ ORTA MƏKTƏBLƏRDƏ DƏRSLƏR BU TARİXDƏ AÇILIR - Nazir açıqlama verdi, detalları açıqladı

emin emrullayev konfransjpg 1624810049

Sentyabrın 22-də ibtidai siniflərdə, sentyabrın 29-da isə orta və yuxarı siniflərdə əyani dərslərə başlanacaq.

araz.az xəbər verir ki, bu barədə təhsil naziri Emin Əmrullayev 2021-2022-ci tədris ilinin təşkilinə dair keçirilən brifinqdə məlumat verib.

Onun sözlərinə görə, sentyabrın 29-dan həmçinin ali təhsil müəssisələri, kolleclər və digər təhsil müəssisələri açılacaq.

"Orta məktəblərdə isə 5 günlük dərs qrafiki olacaq", - deyən nazir bildirib ki, bəzi təhsil müəssisələrində isə 6 günlük qrafik olacaq. Ali təhsil müəssisələrində isə tələbələrin say ilə bağlı məhdudiyyət olacaq. Mühazirələrdə, təxminən, 50-60 tələbənin iştirakı mümkün olacaq".

Onun sözlərinə görə, ali təhsil sistemində üzbəüz təhsilə keçiddə böyük auditoriyalarda mühazirələrin əleyhinəyik: "Bununla bağlı qaydalar hazırlanır. Təhsil işçiləri mütləq qaydada vaksinasiyadan keçməli və ya əks göstəriş sertifikatını təqdim etməlidirlər. Bu, müəllimlərə də aiddir. Bununla bağlı hər hansı güzəşt edəcəyimizi planlaşdırmırıq".

Nazir deyib ki, distant və ya hibrid təhsil forması nazirliyin seçimi, istəyi deyil: "Ölkədə pandemiya hələ də davam edir. Vaksinasiya faizləri artdıqca vəziyyət yaxşıya doğru dəyişməlidir. Hansısa məktəblərdə və ya ali təhsil müəssisələrində yoluxma sayı arta bilər və indiki vəziyyətdə bu qaçılmazdır: "Mövcud epidemioloji vəziyyət nəzərə alınaraq məhdud qapanmalara getməyə məcbur ola bilərik".

Nazir əlavə edib ki, valideynlərdən heç bir COVID-19 pasportu tələb edilmir.

Onun sözlərinə görə, pasportu olmayan valideynin övladının məktəbə buraxılmaması məsələsi yoxdur: "Ancaq məktəbin daxilinə girmək istəyən şəxsin pasportu olmalıdır".

 

araz.az xəbər portalı.

600-dən çox bal toplayan abituriyent universitetə qəbul ola bilməyib

1630908684 1553670485 imtahan

III ixtisas qrupunda 500-520 arası bal toplayan 2 abituriyent, IV ixtisas qrupu üzrə 600-610 arası bal toplayan 1 abituriyent ali məktəbə qəbul ola bilməyib.


araz.az  xəbər verir ki, müsabiqə şərtlərini ödəyən və ixtisas seçimi edib, ali məktəblərə qəbul ola bilməyən abituriyentlər barədə statistik rəqəmləri açıqlayıb:

I ixtisas qrupu üzrə:

340-350 arası bal toplayan 2 abituriyent
300-dən çox bal toplayan 3 abituriyent
200-dən çox bal toplayan 8 abituriyent
100 bal limiti keçməyən 2068 abituriyent

II ixtisas qrupu üzrə

370-380 arası bal toplayan 1 abituriyent
300 - dən çox bal toplayan 13 abituriyent
200-dən çox bal toplayan 37 abituriyent

100 bal limiti keçməyən 69 abituriyent

III ixtisas qrupu üzrə:

510-520 arası bal toplayan 1 abituriyent
500-510 arası bal toplayan 1 abituriyent
400 dən çox bal toplayan 14 abituriyent
300 dən çox bal toplayan 89 abituriyent
200 dən çox bal toplayan 557 abituriyent

IV ixtisas qrupu üzrə:

600-610 arası bal toplayan 1 abituriyent
550-560 arası bal toplayan 1 abituriyent
500 dən çox bal toplayan 16 abituriyent
400 dən çox bal toplayan 39 abituriyent
300-dən çox bal toplayan 68 abituriyent
200 dən çox bal toplayan 85 abituriyent

 

araz.az xəbər portalı.

Sentyabrın 15-də dərslərlə bağlı VACİB XƏBƏR

bandicam 2021 09 05 12 29 49 463

Azərbaycanda yeni tədris ilinin başlamasına sayılı günlər qalıb. 

Qarşıdan növbəti tədris ilində ənənəvi təhsil bərpa olunacaq, yoxsa distant təhsil davam etdiriləcək?

araz.az redaktor.az-a istinadən bildirir ki, millət vəkili Musa Quliyevin dediyinə görə, tədrisin hansı formada (ənənəvi, məsafədən, yoxsa hibrid) başlaması koronavirusla bağlı yaranmış şəraitdən asılı olacaq:

"Müvafiq hökumət qurumlarımız vəziyyəti dərindən öyrənir, bu baxımdan ən düzgün olan qərarı verəcəklər. Bizim isə vətəndaş kimi vəzifəmiz və borcumuz  hökumətimizin qəbul etdiyi qərarlara riayət etmək olmalıdır".

 

araz.az xəbər portalı.

Təhsil naziri şöbə müdirini vəzifədən azad edib

bandicam 2021 08 14 13 41 46 612

Göygöl Rayon Təhsil Şöbəsinin müdiri Elbrus Atayev vəzifəsindən azad edilib.

araz.az
-ın məlumatına görə, bununla bağlı təhsil naziri Emin Əmrullayev müvafiq əmr imzalayıb.

Məlumata görə, E. Atayev öz xahişi ilə işdən azad olunub.

O, 12 il idi Göygöl Rayon Təhsil Şöbəsinə rəhbərlik edirdi

 

 

araz.az xəbər portalı.

1 -dən səhifə 39

Əlaqəli xəbərlər