Dövlət Gömrük Komitəsinin Akademiyası – 7 il

DGKA.JPGDövlət Gömrük Komitəsinin Akademiyası 7 yaşını qeyd edir.

Araz.az-ın məlumatına görə, Azərbaycan Prezidentinin 2012-ci il 24 yanvar tarixli 1972 nömrəli sərəncamına əsasən yaradılmış Dövlət Gömrük Komitəsinin Akademiyası ali və əlavə təhsil proqramlarını həyata keçirən, fundamental və tətbiqi elmi tədqiqatlar aparan xüsusi təyinatlı dövlət ali təhsil müəssisəsidir.

Akademiyanın yaradılmasında əsas məqsəd gömrük orqanlarında xidmət etmək üçün yüksək ixtisaslı, peşəkar mütəxəssislərin hazırlanması, gömrük orqanlarında xidmətə qəbul olunan əməkdaşlar üçün ixtisasartırma təlimlərinin təşkili, əlavə təhsil və gömrük sahəsində elmi-tədqiqat işlərinin aparılmasıdır. Müasir dövrdə informasiya texnologiyalarının sürətli inkişafı bir sıra sahələr üzrə, o cümlədən gömrük orqanlarında xidmətə qəbul üçün müasir tələblərə cavab verən ixtisaslı kadrların hazırlanmasının vacibliyini zəruri edir.

2014/2015-ci tədris ilində sentyabrın 15-də Dövlət Gömrük Komitəsinin Akademiyası ilk tədris ilinə başlayıb. 2018-ci ildə Akademiyanı bitirən ilk məzunlar artıq gömrük orqanlarında çalışırlar. 2018/2019-cu tədris ilində Akademiyaya qəbul olan tələbələrin orta bal göstəriciləri “İqtisadiyyat” ixtisası üzrə 529, “Hüquqşünaslıq” ixtisası üzrə isə 610 bal olub.

Akademiyada kadr hazırlığından əlavə gömrük orqanlarına xidmətə yeni qəbul olunmuş əməkdaşlar üçün xidmətə ilkin hazırlıq və gömrük orqanlarında çalışan əməkdaşlar üçün ixtisasartırma proqramları da həyata keçirilir.

Əlaqəli xəbərlər