Şamaxıda Rəcəbovlar ailəsini dövlət qurumlarından narazı salmaqda məqsəd nədir? GİLEY

800px Şamaxı rayon icra hakimiyyətinin binasıMəlumdur ki, hər bir vətəndaşın hüququ ilə bağlı məsələlər Azərbaycan Respublikası Konstitusiyasının 52-ci maddəsində öz əksini tapıb. Bu maddədə göstərilir ki, Azərbaycan dövlətinə mənsub olan, onunla siyasi-hüquqi bağlılığı, habelə qarşılıqlı hüquq və vəzifələri olan şəxs Azərbaycan Respublikasının vətəndaşıdır. Bundan əlavə, hər bir şəxs dövlətə münasibətdə bir sıra hüquqlara sahibdir və dövlət qurumlarından ona aid hüquqların müdafiəsini, qorunmasını tələb etmək və s. məhz həmin şəxsə verilən ixtiyardır. Haqqında bəhs etdiyimiz Şamaxı rayon sakini 2014-cü ildən bugünə kimi Azərbaycan Respublikası Konstitusiyasının ona verdiyi hüquqlardan istifadə etməsinə baxmayaraq, hələ də o, pozulmuş hüquqlarının bərpası yöndə məqsədinə nail ola bilməyib. Belə bir səbəbdəndir ki, redaksiyamıza Şamaxı rayonu, Muğanlı kənd sakini Rəcəbov Yadigar Ağadadaş oğlu adlı şəxs tərəfindən şikayət ərizəsi daxil olub. Adı çəkilən bu şəxs yazmış olduğu ərizəsində qeyd edir: “2011-ci ildə Muğanlı kəndində yaşayan 47 ailənin fərdi yaşayış evi baş verən torpaq sürüşməsi nəticəsində yararsız vəziyyətə düşdü və bu hadisədən sonra, Azərbaycan Respublikasının Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstitunun və Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisləri, yerli icra hakimiyyəti orqanının nümayəndələrinin iştirakı ilə fərdi yaşayış evlərinə baxış keçirdilər, hətta yarasız vəziyyətə düşən evlərlə bağlı adı çəkilən qurum əməkdaşları tərəfindən akt da tərtib olundu. Tərtib olunan akt əsasında 47 ailəyə digər ərazidə yeni fərdi yaşayış evlərinin tikilməsi və bunun üçün Azərbaycan Respublikasının Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərinşaatlayihə” İnstituna layihə-smeta sənədlərinin hazırlanması barədə göstəriş də verildi.WhatsApp Image 2022 06 19 at 14.18.23

     Qeyd edim ki, torpaq sürüşməsi hadisəsi baş verdikdən sonra, yerli icra hakimiyyəti orqanları nümayəndələrinin iştirakı ilə 47 ailədə yaşayan şəxslərin ümumi siyahısı dəqiqləşdirildi və ailə üzvlərinin sayı barədə toplanmış məlumatlar və s, məhz aidiyyatı üzrə dövlət qurumlarına da təqdim olundu. Layihə-smeta sənədləri hazırlandıqdan sonra fərdi yaşayış evlərinin inşaasına başlanıldı və 2014-cü ildən evlər zərərçəkən ailələrə verilməyə başlanıldı. Tərtib olunmuş siyahıda 7 nəfərdən ibarət ailə üzvlərimiz 46-cı sırada olsaq da, aidiyyatı dövlət qurumları bizə verilməli olan evi hələ də verməyiblər.  Bununla bağlı dəfələrlə aidiyyatı dövlət qurumlarına şikayət ərizələri göndərsəm də, üz-üzə qaldığımız problem həll olunmur ki, olunmur. Sonuncu dəfə yazdığım ərizəmə 03 mart 2022-ci il tarixdə Şamaxı RİH Aparatının baş memarı cənab Ceyhun Əbilhəsənovun imzası ilə təsdiq olunmuş  Ş-06-461 saylı məktubla cavab verilib. Məktubda qeyd olunur: “Yaşayış evlərinə dəymiş ziyanın aradan qaldırılması məqsədilə həmin tikililərin yenidən tikilməsi, bərpa işlərinin aparılması və evləri qəzalı kimi qiymətləndirilmiş vətəndaşların evlə təmin olunması Fövqəladə Hallar Nazirliyinin səlahiyyətindədir”. Əslində bu cür cavabın verilməsi, Yadigar Rəcəbova qarşı göstərilən sayğısızlıqdır, Fövqəladə Hallar Nazirliyinin əməkdaşlarını zərbə altında qoymaqdır. O halda sual oluna bilər ki, RİH Aparatında baş memar vəzifəsini daşıyan cənab Ceyhun Əbilhəsənov, görəsən Muğanlı kənd sakininə belə bir cavabı nəyə əsaslanaraq verib?WhatsApp Image 2022 06 19 at 15.53.36

   Ümidvarıq ki, Şamaxı rayon İcra Hakimiyyətində vəzifə sahibi olan məsul şəxslər, 2014-cü ildən Muğanlı kənd sakininin üz-üzə qaldığı belə bir problemin həlli yöndə lazımi addımlarını atıb, müvafiq qərarlarını verəcəklər. Bu yöndə araşdırmamız davam edəcək.

araz.az xəbər portalı.

   P.S. Hörmətli oxucular! Biz belə bir olayla bağlı lazımi araşdırmalarımızı davam etdirib, Muğanlı kənd sakini Yadigar Rəcəbovgilin 7 nəfərdən ibarət ailə üzvlərinin hansı səbəbdən xoşagəlməz süründürməçiliklə üz-üzə qalmalarının əsl mahiyyətini, məhz çox yaxın günlərdə geniş ictimaiyyətin diqqətinə çatdıracağıq. Odur ki, bizi izləməyi unutmayın.

MTN-işində adı hallanan iş adamının övladlarından növbəti əməl – Saxta nömrəli avtomobildə…

isadamiMTN-işində adı hallanan iş adamı Yaşar Cabbarovun övladları dəbdəbəli həyat tərzləri ilə yenidən gündəmə gəliblər.

araz.az  SİTAT.İNFO-ya istinadən bildirir ki,  Cabbarov qardaşları “tik-tok” sosial şəbəkəsində bahalı avtomobillərinin fotolarını paylaşıblar. Fotolardan lüks avtomobillərin dövlət nömrə nişanın saxta olduğu aydın olur. Yəni, iş adamının övladları paytaxt Bakıda saxta nömrə ilə maşın sürürlər.

Bundan əlavə, Cabbarovun oğlanlarından biri polis akademiyasının müdavimidir. İndidən polis forması ilə fotolar çəkdirir, xoşagəlməz hərəkətlər edir. Saxta nömrə ilə maşın sürür. Onun sürdüyü avtomobillərin nömrəsinə diqqət etsəniz, aydın görəcəksiniz.
Xatırladaq ki, daha əvvəl də iş adamının övladları itlərinə “antrikot” yedizdirib, ayaqqabılarını qiyməti 15-20 min manata olan “Vertu” markalı telefonla sildiklərini videoya çəkərək, sosial şəbəkə hesablarında paylaşmışdılar.

araz.az xəbər portalı.

Könül Mansirovanın həkim nəvazişi Səmayə nənənin yaddaşından çıxmayacaq, heç zaman unudulmayacaq

  xəstəxana Məlumdur ki, 2-ci Dağlıq Qarabağ müharibəsi də yaxın tariximizdə elə bir silinməz izlər buraxdı ki, həmin izlər içində xalqımızın vətənpərvərlik hissinin varlığı, hər kəsin qəlbində Vətəninə, torpağına bağlılığın göstəricisi, şanlı Azərbaycan Ordusunda döyüşkənlik əhvali-ruhiyyəsinin yüksək olması və s. daha çox özünü qabarıq şəkildə göstərdi. Belə bir səbəbdən də, cəmi 44 gün ərzində yağı düşmənin “başı əzildi”, otuz ilə yaxın müddət ərzində davam edən işğal siyasətinə son qoyuldu və xalqımızın nəyə qabil olduğu bütün dünyaya bəyan oldu. Söz yox ki, Vətən müharibəsinin davam etdiyi günlərdə xalqımızın vətənpərvər oğul və qızlarının şanlı Azərbaycan Ordusuna göstərdiyi dəstək də, məhz bu müharibədə parlaq qələbələr əldə etməyimizə çox böyük təsirini göstərdi. Yəqin ki, müharibənin davam etdiyi günlərdə əslən Ağdam rayonundan olan, uzun illər ərzində Bərdə şəhərinin cəbhə bölgəsinə yaxın ərazisində məskunlaşan və öz təqaüdü hesabına Azərbaycan Ordusunun əsgər və zabitlərinə “Qarabağ aşı” bişirən Səmayə Əhmədova (Səmayə nənə) haqda geniş ictimaiyyət az-çox məlumatlıdır. Bəli, Səmayə nənə ömrünün ahıl çağlarında unutqanlıq etmədi, o, müharibənin davam etdiyi günlərdə Ordumuzun yağı düşmən üzərində parlaq qələbələr əldə etməsi üçün bacardığı köməkliyi göstərdi, özünün mənəvi dəstəyini ifadə etdi. Söz yox ki, bu cür addımları atmaq, yaşlı bir nənə olaraq onun ürəyindən keçən istək olur. Səmayə nənənin bu yöndə atdığı addımlar barədə bəzi televiziya kanallarında, sosial şəbəkə istifadəçilərinin paylaşımlarında və s. məlumatların yayılması, məhz onun adının daha da məşhur olmasına səbəb oldu. WhatsApp Image 2022 05 30 at 10.51.34Bəli, bu gün o, 44 günlük Vətən müharibəsində göstərdiyi xidmətlərin qarşılığında hər kəs tərəfindən hörmət-izzətlə qarşılanır, lazımi qayğı ilə əhatə olunur. Məsələn, hər kəsin Səmayə nənə deyə tanıdığı Səmayə Əhmədova, bir neçə gün bundan öncə səhhətində əmələ gələn problemlə bağlı Respublika Neyrocərrahiyyə Xəstəxanasının poliklinika şöbəsində olarkən, o, istər bu səhiyyə müəssisəsinin rəhbərliyi, istərsə də həkimləri, ələlxüsus ixtisasca nevroloq-həkim olan Könül Əkbər qızı Mansirova tərəfindən çox böyük hörmətlə-izzətlə qarşılanır, lazımi qayğı ilə əhatə olunur. WhatsApp Image 2022 05 30 at 10.51.11Yəni, Könül xanım Səmayə nənənin səhhətində əmələ gələn problemin aradan qaldırılması yöndə ona lazımi dəstəyini ifadə edir. Belə ki, o, ahıl yaşına çatmış nənəyə qarşı elə bir isti münasibətini bəsləyir ki, bəlkə də Könül xanımın atdığı addım ona yeni bir ömür payı bəxş edir. Əslində, bu cür yanaşma, belə bir isti münasibətin varlığı heç zaman Səmayə nənənin yaddaşından çıxmayacaq, o, bunu heç zaman unutmayacaq. Bütün bunlar onu söyləməyə əsas verir ki, istər Respublika Neyrocərrahiyyə Xəstəxanasnın rəhbərliyi, istərsə də kollektiv üzvlərinin hər biri unutqan deyillər. Belə ki, hal-hazırda bu səhiyyə müəssisəsində nəinki Səmayə nənəyə qarşı, hətta 44 günlük Vətən müharibəsində xidməti olan hər kəsə qarşı da, oxşar münasibətin bəslənilməsi haqda lazımi məlumatlara malikik. Baş verənlər onu sübut edir ki, bizim xalq dünya xalqları içərisində öz müdrikliyi ilə seçilən, lazım gəldikdə öz qətiyyətli iradəsini ortaya qoymağı bacaran, hər an ləyaqətini və şərəfini müdafiə etməyi bacaran xalqdır. Eşq olsun xalqımıza! Eşq olsun xalqımızın qətiyyətli, vətənpərvər, döyüşkən oğul və qızlarına!

Mirzə

28 May- Müstəqillik Günü şanlı tariximizin silinməz səhifəsidir

1653649006 whatsapp image 2022 05 27 at 14.54.48Hər kəsə məlumdur ki, Azərbaycan xalqı əsrlər boyu azad istəyi ilə yaşamış və milli istiqlalına qovuşmaq yolunda mübarizələr də aparmışdır. Belə ki, XX əsrin əvvəllərində yaranmış tarixi-siyasi şəraitə uyğun olaraq Azərbaycanda milli-azadlıq hərəkatı güclənir və həmin tarixi dönəmdə demokratik ruhlu qüvvələr, bir çox mütəfəkkirlər, siyasi xadimlər və s. ölkəmizin müstəqilliyi, xalqımızın azadlığı uğrunda mübarizəyə qoşulurlar. Nəhayət, Çar Rusiyasının süquta uğraması səbəbindən, müstəqil dövlət yaratmaq üçün əlverişli tarixi şərait yaranır və 28 may 1918-ci ildə Azərbaycan Demokratik Respublikası (ADR) elan olunur. Qeyd edək ki, həmin gün xalqımızın tarixində olduqca əlamətdar bir gün olur. Yəni, ötən əsr tariximizin bu günü Azərbaycan Demokratik Respublikasının yarandığı, xalqımızın misli-bərabəri olmayan fəlakətlərdən qurtulduğu, Şərq aləmində ilk demokratik dövlətin əsasının qoyulduğu tarixi bir gün olur. Onu da qeyd etmək yerinə düşər ki, ilk demokratik Cümhuriyyətin Azərbaycan torpağında yaranmasına əsas səbəb, xalqımızın XIX əsrin sonu XX əsrin əvvəllərində milli müstəqillik, azadlıq duyğuları, milli özünüdərk hissi ilə yaşaması olur. Məhz, həmin ilərdə qabaqcıl tarixi şəxsiyyətlər, tanınmış simalar, mütəfəkkirlər, ziyalılar və s. xalq arasında milli-azadlıq, müstəqillik duyğularını təbliğ edirlər, milli dirçəliş, milli oyanış əhval-ruhiyyəsini yayırlar. Bu yöndə atılan addımların nəticəsi olaraq, Cümhuriyyətin qurulması üçün lazımi əsaslar yaranır. Qeyd edək ki, müstəqil, azad, demokratik respublika qurmaq istəyini qarşısına əsas məqsəd qoyan Azərbaycan Xalq Cümhuriyyəti, cəmi 23 ay ərzində fəaliyyət göstərir ki, həmin aylar ərzində xalqın milli mənlik şüuru özünə qaytarılır, öz müqəddəratını təyin etməyə qadir olduğu əyani şəkildə nümayiş etdirilir. Unutmaq olmaz ki, gərgin və mürəkkəb tarixi-siyasi şəraitdə fəaliyyət göstərmiş Cümhuriyyətin qurucuları 23 ay ərzində demokratik dövlət quruculuğu, iqtisadiyyat, mədəniyyət, təhsil, hərbi quruculuq və sair kimi sahələrdə çox böyük işlər görürlər və atdıqları addımları ilə xalqımızın tarixində silinməz izlər də buraxırlar.

Qeyd edək ki, bu gün bizi həmin vaxtdan 104 illik tarixi biz zaman ayırsa da, Azərbaycan Xalq Cümhuriyyətinin fəaliyyətinə, onun şanlı tariximizdə oynadığı rola, cümhuriyyət liderlərinin xalqımızın və dövlətimizin qarşısında göstərdikləri xidmətlərinə hər zaman yüksək qiymət verilmişdir. Qədirbilən xalqımız bu gün də Cümhuriyyətin qurucularını böyük ehtiramla yad edirlər, onları heç zaman unutmurlar. Baxmayaraq ki, 1920-ci ilin aprelində Azərbaycan Xalq Cümhuriyyəti qırmızı bolşevik istilası nəticəsində süqut etdi, amma onun aşılamış olduğu müstəqillik ideyaları xalqımızın yaddaşına birdəfəlik həkk olundu və heç zaman unudulmadı. 1991-ci ildə xalqımız ikinci dəfə özünün müstəqil yaşamaq hüququnu əldə etdikdən sonra, Azərbaycan Xalq Cümhuriyyətinin ideallarını yaşatmaq və bu tarixi varislik üzərində yeni müstəqil, suveren Azərbaycan dövləti qurmaq bir daha bizlərə nəsib oldu. Unutmayaq ki, cəmi 23 ay ərzində fəaliyyət göstərmiş Azərbaycan Xalq Cümhuriyyəti tarixinin bütün səhifəsi hər bir azərbaycanlı üçün əzizdir, yaddaqalandır və bu tarixi dönəmdə qürur hissi ilə sevindiyimiz çox mühüm hadisələr baş vermişdir ki, onlardan biri, bəlkə də birincisi 14 yanvar 1920-ci ildə Cümhuriyyətin Paris Sülh Konfransında müstəqil dövlət kimi tanınması olmuşdur. Bundan əlavə, milliyətindən, cinsindən asılı olmayaraq hər kəsə bərabər hüquqların verilməsi, dövlət sərhədlərinin müəyyən olunması, Azərbaycan dövlətçiliyi atributlarının qəbul edilməsi, ana dilinin dövlət dili elan olunması yöndə də ciddi addımlar atılır ki, bütün bunlar Azərbaycanın gələcək müstəqilliyi üçün lazımi əsaslar yaradır. Cümhuriyyətin varlığı dövründə ümummilli faciələrə yol açan qanlı səhifələr də olmuşdur. Belə ki, mənfur qonşumuzun başbilənləri və onlara havadarlıq edənlərin quldur dəstələri, Cümhuriyyətinin 23 aylıq varlığı dövründə İrəvanda, Naxçıvanda, Qarabağda, Şamaxıda, Qubada və s. kimi ərazilərdə dinc əhaliyə amansız divan tuturlar, hər cür iyrənc vasitələrə əl atırlar.

Ümumi şəkildə götürdükdə XX əsr tariximizi bir neçə mərhələyə bölə bilərik. Yəni, Demokratik Cümhuriyyətin qurulması üçün əsrin əvvəllərində yaranmış tarixi şərait birinci mərhələni təşkil edir ki, bu mərhələdə Azərbaycan mədəniyyətində, təhsilində, milli mətbuatında və digər sahələrində olduqca mühüm nailiyyətlər əldə olunur. İkinci mərhələdə Çar Rusiyasının süquta uğraması səbəbindən, ilk dəfə dövlət müstəqilliyinin əldə olunduğu dövr olur ki, bu tarixi mərhələdə Azərbayan Xalq Cümhuriyyəti 23 ay ərzində atdığı addımları ilə dövlətçilik atributlarını, yəni parlamenti, hökuməti, ordusunu formalaşdırır, pul vahidini dövriyyəyə buraxır və müstəqil, suveren bir dövlətə çevrilir. Üçüncü mərhələ 1920-ci ilin aprelindən 1991-ci ilədək olan dövrü əhatə edir ki, bu mərhələdə SSRİ-nin yaranması səbəbindən Demokratik Cumhuriyyətin varlığına son qoyulur. XX əsrin sonlarında isə Azərbaycan tarixinin dördüncü mərhələsi başlayır ki, biz həmin tarixi vaxtdan müstəqil dövlət olaraq gələcək taleyimizi özümüz müəyyən etməyə başladıq. Artıq bu gün xalqımız öz taleyinin, öz torpaqlarının, öz ölkəsinin sahibidir. 1993-cü ildə xalqımızın təkidli tələbi ilə ikinci dəfə hakimiyyətə qayıdan mərhum prezidentimiz Heydər Əliyevin gərgin əməyi, dərin zəkası sayəsində müstəqil Azərbaycan Respublikası öz varlığını qoruyub saxlaya bildi. Azərbaycanın müstəqilliyi dönməz və əbədi oldu. Bu gün əlçatmaz, ünyetməz xidmətlərinin qarşılığında Azərbaycan xalqı Ulu Öndərə borcludur. Ona görə də biz onu Ümummilli Lider adlandırırıq. Bir sözlə, Heydər Əliyev XX əsrin Azərbaycan xalqına bəxş etdiyi tarixi şəxsiyyət idi. Faktdır ki, Ulu Öndərin dühası o qədər əhatəli, o qədər çoxşaxəli idi ki, onu on milyonluq azərbaycanlıların taleyi deyil, məhz bütün dünyaya səpələnmiş azərbaycanlıların taleyi narahat edirdi. Heydər Əliyev Bakıda Dünya Azərbaycalılarının Birinci Həmrəyliyi Forumu keçirilən zaman etdiyi dərin məzmunlu nitqində vurğulamışdı ki, “Bu gün mən ona görə xoşbəxtəm ki, dünyanın hər güşəsindən gəlmiş soydaşlarımızla birgəyəm. Onları bir araya gətirmək mənə qismət olmuşdur. Mən bundan böyük xoşbəxtlik görmürəm!” O, son dərəcə diqqətli olması ilə də müdrik şəxs olduğunu hər zaman sübuta yetirirdi. Yəni, Heydər Əliyev elə bir istedada, elə bir qabiliyyətə malik tarixi şəxsiyyət idi ki, o, hər zaman böyüklə də, uşaqla da, ziyalı ilə də öz dilində danışmağı bacarırdı. Tarix sübut etdi ki, Heydər Əliyev əməli addımları ilə, məhz hər kəsin sabaha olan inamını özünə qaytarmağı bacardı. Onu da bildirək ki, 1991-ci ildə xalqımız ikinci dəfə müstəqil yaşamaq hüququnu əldə etdikdən sonra, Azərbaycan Respublikası özünün qədim dövlətçilik ənənələrinə sadiq qaldığını ortaya qoydu və Xalq Cümhuriyyətinin siyasi, mənəvi varisi olmaqla, məhz onun üçrəngli bayrağını, gerbini, himnini qəbul etdi. Xalqımız Cümhuriyyətin istiqlalını bütün dünyaya yaydığı 28 May gününü, məhz həmin vaxtdan Respublika Günü olaraq təntənə ilə qeyd etməkdədir.

Bəli, bu gün ölkəmizin sükanı etibarlı əllərdədir. Çünki, Azərbaycan Respublikasının Prezidenti İlham Əliyev cənabları elə bir siyasi məktəbin yetirməsidir ki, onun idarə etdiyi ölkənin həyatında hansısa formada boşluq ola bilməz. Buna əsas səbəb, möhtərəm Prezidentin siyasi arenasının güclü olmasıdır. Ona görə də xalq Heydər Əliyev kursunun davam etdirilməsini hər zaman dəstəkləmiş və bu gün də dəstəkləməkdədir. Hal-hazırda hər kəs ölkəmizin ümumi inkişafından razı olduğunu dilə gətirir. Bugünkü reallıqlar isə onu söyləməyə əsas verir ki, tezliklə Azərbaycan Respublikası dünyanın daha inkişaf etmiş dövlətləri ilə bir sırada duracaq. Bəli, biz bu gün ümummilli lider Heydər Əliyev siyasi kursunu davam etdirən Prezident İlham Əliyevlə birlikdəyik və Ulu Öndərin arzularının həyata keçirilməsinə daim öz dəstəyimizi ifadə edirik. 2020-ci ilin 27 sentyabrında başlayan və 44 gün ərzində davam edən Vətən müharibəsində parlaq qələbələr əldə etməyimiz, yaxın tariximizin şanlı səhifəsi oldu. Ulu Öndərin də ən böyük arzusu itirilmiş torpaqlarımızı yağı düşmən tapdağından azad etmək idi. Bəli, biz buna möhtərəm Prezidentimizin qətiyyəti, Azərbaycan Ordusunun yenilməzliyi, xalq-iqtidar birliyi sayəsində nail olduq. Çox şükürlər olsun ki, artıq Azərbaycan xalqı “məğlub xalq” adını üzərindən götürüb və bu gün biz başımızı dik tuturuq, alnı açıq gəzirik.

Onu da qeyd edək ki, hal-hazırda Ermənistan ilə Azərbaycan Respublikası arasında dövlətlərarası münasibətləri tənzimləyəcək sülh müqaviləsinə dair ciddi müzakirələr davam etdirilməkdədir. Belə bir səbəbdəndir ki, bu ilin 22 mayında Brüsseldə Azərbaycan Respublikasının Prezidenti İlham Əliyevin Avropa İttifaqı Şurasının Prezidenti Şarl Mişellə və Ermənistan Respublikasının baş naziri Nikol Paşinyan ilə üçüncü görüşü baş tutmuşdur. Baş tutan bu görüş zamanı Cənubi Qafqazda vəziyyət, hər iki ölkənin Avropa İttifaqı ilə münasibətlərinin inkişafı, humanitar məsələlər, minaların təmizlənməsi, əsirlərin azad edilməsi və s. kimi məsələlərlə bağlı ətraflı müzakirələr həyata keçirilmişdir. İnanırıq ki, bu yöndə aparılan müzakirələr zamanı İlham Əliyev şəxsiyyəti, müdrikliyi, qətiyyəti bir daha özünü göstərəcək. Çünki o, ulu öndər Heydər Əliyev siyasi məktəbinin yetirməsidir. Sevindirici haldır ki, əgər Cumhuriyyətin yarandığı gün 1990-cı ildən Respublika Günü olaraq qeyd olunurdusa, 15 oktyabr 2021-ci il tarixdə isə Respublika Gününün adı dəyişdirildi və həmin gün Müstəqillik Günü olaraq təsdiq olundu. Bəli, hal-hazırda hər kəs bugünün sevincini qürur hissi ilə qeyd edir və qalib Azərbaycan dövlətində yaşaması ilə, bu dövlətin vətəndaşı olması ilə fəxr edir. Çünki, bu gün Azərbaycan elə bir dövlətdir ki, onun müstəqilliyi əbədidir, dönməzdir!

Aqil MƏMMƏDOV,
Millət vəkili.

Sahil Babayev Lerik məhkəməsinin saxta qərarla yaşını artırdığı 4 nəfərin pensiyasını kəsdi – İnanılmaz saxtakarlıq

sahil 1 768x511Əmək və Əhalinin Sosial Müdafiəsi Nazirliyi tərəfindən məqsədli şəkildə pensiyaçıların sayının azaldılması əhalinin yoxsul təbəqəsi arasında böyük narazılıqlara səbəb olmaqdadır.

araz.az bildirir ki, AzToday.az-ın   dərc etdiyi “Sahil Babayev son 3 ayda daha 23 min pensiyaçını “zərərsizləşdirdi” – Nemət Əliyev statistikanı açıqladı” başlıqlı yazıda bu il yanvarın əvvəlinədək 1 milyon 200 min nəfərə düşən pensiyaçıların sayı aprelin əvvəlinədək 1 milyon 177 min nəfərə qədər azalmasından bəhs olunurdu.

Cəmiyyətdə böyük ajiotaja səbəb olan yazıya Əmək və Əhalinin Sosial Müdafiəsi Nazirliyi rəsmi reaksiya verməsədə, redaksiyamızla əlaqə saxlayan və adının çəkilməsini istəməyən nazirlik əməkdaşı statistik rəqəmlərin düz olduğunu, ancaq gerçəkliyi tam əks etdirmədiyini bildirib. AzToday.az-a açıqlamasında nazirlik əməkdaşı söyləyib ki, pensiyası kəsilən vətəndaşlar arasında saxta yollarla dövlətdən müavinət alanlar az deyil:

“Nazirlik saxta pensiyalarla bağlı yüzlərlə şəxs barədə məhkəməyə mürcaiət edərək, pensiyalarının kəsilməsinə nail olub. Nazirlik və məhkəmə tərəfindən aparılan araşdırmalar zamanı məlum olub ki, hətta pensiya yaşını məhkəmələrin saxta qərarları əsasında artıran vətəndaşlar var. Yerli məhkəmələr hansısa maraqlar əsasında vətəndaşların yaşının artırılması barədə qərar veriblər. Nazirlik tərəfindən aşkar olunan bu cür hallarla bağlı yuxarı məhkəmə instansiyalarına müraciət edib, həmin şəxslərin pensiyasının kəsilməsinə nail olmuşuq. Məhkəmə proseslərində ifadə verən vəzifəli şəxslər belə saxtakarlıq etdiklərini etiraf ediblər.
Təkcə Lerik rayon Məhkəməsinin 4 nəfərin yaşının artırılması barədə çıxardığı qərarlar Apellyasiya Məhkəməsi tərəfindən ləğv olunub. Həmin şəxslər bir-neçə ay ərzində dövlətdən müvafiq məbləğdə pensiya alıblar. Saxta yollarla dövlətdən alınan pensiyanın geri qaytarılması istiqamətində işlərə tərəfimizdən hələ başlanılmayıb”.

 Aparılan araşdırmalar zamanı məlum olub ki, sözügedən Lerik qeydiyyatında olan 4 sakin tərəfindən yaşının artırılması üçün Lerik rayon Məhkəməsinə böyük məğləğdə rüşvət verilib. Həmin şəxslərin pensiyası kəsiləndən sonra belə məhkəməyə verdikləri pullar geri qaytarılmayıb.

Lerik Rayon Məhkəməsinin hakimi Atabəy Kiçibəyov

Məsələ ilə əlaqədar Lerik rayon Məhkəməsinin hakimi Atabəy Kiçibəyovla əlaqə saxlamaq cəhdlərimiz alınmadı. Mövzu ilə bağlı araşdırmalarimiz davam edir…

araz.az xəbər portalı.

1 -dən səhifə 156

Əlaqəli xəbərlər