Şamaxı RİH-nin başçısı Rəcəbovlar ailəsinə məxsus problemi həll etməyə cəhd göstərmir, səbəb?

Təəssüflər olsun ki, bu qədər yayımlanan yazıların qarşılığında cənab Tahir Məmmədov, Muğanlı kəndində bir ailənin üz-üzə qaldığı problemin araşdırılması yöndə, hələ də aidiyyatı qurumlara heç bir tapşırığını verməyib        

1596545540_478b9cd2-3c1a-4c42-bd33-5c91193c4333.jpeg

      Bəlkə də, 2012-ci ilin mart ayında Şamaxı rayonunun Muğanlı kəndində baş torpaq sürüşməsi hadisəsinin yaratdığı fəsadların nəticələri, 2019-cu ilin fevralında bu rayonda və ətraf ərazilərdə baş verən zəlzələnin əmələ gətirdiyi fəsadların nəticələrindən heç də geridə qalmır. Söz yox ki, hər iki hadisə fövqəladə hadisə olduğundan, bu hadisələrin qarşılığında vətəndaşlara dəyən ziyanın aradan qaldırılması dövlətimizin üzərinə düşən əsas vəzifələrdəndir. Sual oluna bilər ki, görəsən baş verən bu təbiət hadisələrindən sonra hər kəsin üz-üzə qaldığı zərər tam şəkildə aradan qaldırıldımı? Yəni, vətəndaş məmunluğu özünü doğrulda bildimi? Əsla yox! Çünki, Şamaxı rayonu, Muğanlı kənd sakini mərhum Rəcəbov Yadigar Ağadadaş oğlunun ailə üzvlərinə məxsus fərdi yaşayış evi ilə bağlı yaşanan problem hələ də həll olunmayıb. Qeyd edək ki, 2014-cü ildən bu ailənin üzvləri onlara qarşı düzülüb-qoşulan haqsızlıqla bağlı bir çox dövlət qurumlarını məlumatlandırsalar da, bu gün də ortada heç bir nəticə yoxdur.

     Deyəsən FHN-nin Tikintidə Təhlükəsizliyə Nəzarət Dövlət Agentliyinin əsas işi, göndərilən məktublara şablom xarakterli cavablar verməkdən ibarətdir

Ortada olan yalnız və yalnız cənab Kəmaləddin Heydərovun rəhbərlik etdiyi FHN-nin Tikintidə Təhlükəsizliyə Nəzarət Dövlət Agentliyindən verilən şablom xarakterli cavabların varlığıdır. Diqqət yetirmək lazımdır ki, bu dövlət qurumu ictimailəşdirilən bir çox problemlərlə bağlı əməli addımlarını atmaq əvəzinə, istər PA-dan, NK-dən, istərsə də Nazirliyin özündən göndərilən məktublara başdansovdu cavablar verməklə məşğul olur və bununla da qarşı tərəf öz işlini bitmiş hesab edir.

ARAZMKTUBU

Amma, bu heç də belə deyil! Faktdır ki, Tikintidə Təhlükəsizliyə Nəzarət Dövlət Agentliyi üzərinə düşən vəzifəni vaxtlı-vaxtında yerinə yetirmədikcə, yerlərdə vətəndaş narazılığı baş qaldırır, insanların dövlət qurumlarına olan inamı heçə enir. Bu sırada Şamaxı Rayon İcra Hakimiyyəti əməkdaşlarının fəaliyyətsizliyi də, heç də diqqətdən kənarda qalmayan məsələlərdəndir. Qeyd edək ki, Azərbaycan Respublikası Prezidentinin 30 oktyabr 2018-ci il tarixli Sərəncamı ilə, Şamaxı Rayon İcra Hakimiyyətinə başçı təyin olunan Tahir Nadir oğlu Məmmədov, bugünə qədər bir neçə dəfə ictimailəşdirdiyimiz, əksər dövlət qurumlarını məlumatlandırdığımız bu problemlə bağlı hələ də susmaqda davam edir. Faktdır ki, bu gün o, ölkə rəhbəri İlham Əliyev cənablarının imzaladığı Sərəncam əsasında Şamaxı RİH-nin başçısı vəzifəsini daşıyır. Deməli, RİH-nin başçısı vəzifəsini daşıyan Tahir Məmmədov, bu gün Şamaxı rayonu ərazisində baş verən, yaxud da gələcəkdə baş verə biləcək problemlərlə bağlı məsuliyyət daşıyır. Məsələnin diqqəti cəlb edən tərəfi odur ki, Muğanlı kənd sakini mərhum Rəcəbov Yadigar Ağadadaş oğlunun ailə üzvlərinə məxsus fərdi yaşayış evi ilə bağlı yaşanan problemlərin incəliklərini, ötən yazılarımızda bir neçə dəfə tam çılpaqlığı ilə ictimailəşdirmişik.

  Mərhum Yadigar Rəcəbovun ailə üzvlərini üç dövlət qurumunun əməkdaşları “düzdə qoyurlar”

 Yəni, yazıb qeyd etmişdik ki, 2012-ci ilin mart ayında Şamaxı rayonunun Muğanlı kəndi ərazisində baş verən torpaq sürüşməsi hadisəsindən sonra, FHN-nin Tikintidə Təhlükəsizliyə Nəzarət Dövlət Agentliyinin, ETSN-nin Milli Geoloji Kəşfiyyat Xidmətinin və yerli icra hakimiyyəti orqanları nümayəndələrinin iştirakı ilə 47 ailədə yaşayan şəxslərin ümumi siyahısı dəqiqləşdirilir və hər ailəyə dair məlumatlar aidiyyatı üzrə dövlət qurumlarına da təqdim olunur. Həmin vaxt Muğanlı kəndində evləri qəzalı, həyətyanı torpaq sahələri yarasız vəziyyətə düşən sakinlərin fərdi yaşayış evləri ilə bağlı tərtib olunan ilkin siyahıda, Yadigar Rəcəbovun ailə üzvləri 46-cı sırada (7 nəfər olmaqla) olurlar. Çox keçmir ki, bu kəndin daha təhlükəsiz ərazisində yeni fərdi yaşayış evlərinin inşaası həyata keçirilir və evlər 2014-cü ildə zərərçəkən sakinlərə paylanır. Evlər ailələrə paylanarkən, Şamaxı RİH Aparatından Yadigar Rəcəbova da zəng olunur və ona qeyd olunan əraziyə gəlməsi bildirilir. Telefon zəngindən sonra o, teztələsik həmin əraziyə gedir və evlərin paylanması işlərinə diqqət yetirir. Evlərin paylanması işləri həyata keçirilərkən Şamaxı RİH Aparatında çalışan əməkdaş tərtib olunmuş ümumi siyahıda olan şəxslərin adlarını birbir çəkir. Həmin siyahı üzrə o, Yadigar Rəcəbovun da adını çəkir, o halda yaxın məsafədə dayanan və evlərin paylanması işlərinə rəhbərlik edən Şamaxı RİH başçısının müavini, RİH-in Sosial-iqtisadi inkişafın təhlili və proqnozlaşdırılması şöbəsinin müdiri mərhum Ağamustafa Vahidov (Bu şəxs 08 dekabr 2017-ci ildə vəfat edib. Allah rəhmət eləsin!) ərazidə olan şəxslərin  gözləri önündə “Evlər o siyahı üzrə deyil, mənim əlimdə olan siyahı üzrə paylanacaq” deyir. Bəli, əslində bu belə də olur.

                       Rəcəbovlar ailəsi üzvlərinin adları ilkin siyahıdan niyə çıxarılır?

Mərhum Yadigar Rəcəbovun övladları redaksiyamıza çatdırdıqları məlumatlarda bildirirlər ki, “2014-cü ildə atamız Şamaxı RİH Aparatında vəzifə sahibi olan və evlərin paylanması işlərinə cavabdehlik daşıyan şəxslərin “bığının altından” keçmədiyi üçün, ailə üzvlərimizin adları ilkin siyahıdan çıxarılır.

ARAZMKTUBWCWNCW

 Az sonra isə, bizim ailəyə verilməli olan evi Şamaxı RİH-nin əməkdaşları hansısa maraqlar əsasında başqa bir ailəyə verirlər”. Məsələnin diqqəti cəlb edən halı odur ki, Rəcəbovlar ailəsinin üzvlərinə qarşı belə bir haqsızlıq baş verdiyi üçün, Yadigar Rəcəbov ailə üzvləri adından möhtərəm Prezidentə, FHN-nə, Şamaxı RİH Aparatına bir neçə şikayət ərizələri və teleqramlar göndərir. Bu şəxsin atdığı belə bir addımdan üç gün sonra isə, Rəcəbovlar ailəsinə verilməli olan evə yerləşdirilmiş ailəni Şamaxı RİH əməkdaşları həmin evdən çıxarırlar və ev ötən 8(səkkiz) il ərzində boş qalır. Rəcəbovlar ailəsindən redaksiyamıza daxil olan başqa bir məlumata görə, (Yadigar Rəcəbov 05-008-2022-ci il tarixdə rəhmətə gedib. Allah rəhmət eləsin!) dünyasını dəyişdikdən bir neçə gün sonra, 2014-cü ildə evdən çıxarılmış ailə Şamaxı RİH-nin əməkdaşları himayədarlığı ilə təkrar həmin evə yerləşdirilir.

      2014-cü ildə Yadigar Rəcəbov RİH əməkdaş(lar)ının “bığının altından” keçmir, ona görə də olmazın oyuna düşürlər

   Bütün bunlar onu söyləməyə əsas verir ki, Rəcəbovlar ailəsi üzvlərinin 2014-cü ildən belə bir problemlə üz-üzə qalmalarının kökündə, məhz RİH-də vəzifə sahibi olan şəxslərin günahı olduqca böyükdür.  Bundan əlavə, həmin ildə FHN-nin Tikintidə Təhlükəsizliyə Nəzarət Dövlət Agentliyinin, ETSN-nin Milli Geoloji Kəşfiyyat Xidmətinin və yerli icra hakimiyyəti orqanı nümayəndələrinin qol qoyduqları saxtakarlıq da, məhz bu ailənin üzvlərini fərdi yaşayış evi əldə etmək hüququndan məhrum edir. Belə bir haqsızlıqların baş verməsinə əsas səbəb, Yadigar Rəcəbovun evlərin paylanması işlərinə məsul olan vəzifə sahiblərinin “bığının altından” keçməməsi olur. Çünki, dolaşan söz-söhbətlərdə o da qeyd olunur ki, 2012-ci ildə baş verən torpaq sürüşməsi hadisəsindən sonra Muğanlı kəndində evləri qəzalı, həyətyanı torpaq sahələri yarasız vəziyyətə düşən sakinlərə 2014-cü ildə yeni fərdi yaşayış evləri verilərkən, 47 ailədə olan şəxslərin ailə üzvləri RİH tərəfindən “toskı”ya otuzdurulur. Yəni, hər ailədən müəyyən məbləğdə “şirinlik” tələb olunur. Söz yox ki, səslənən belə bir ittiham dolaşan söz-söhbətlərdəndir.

                            Səbəb nədir ki, Şamaxı RİH-nin başçısı özünə qarşı inamsızlıq yaradır?

      Hörmətli oxucular! Biz bir media qurumu olaraq Şamaxı rayonu, Muğanlı kənd sakini mərhum Rəcəbov Yadigar Ağadadaş oğlunun ailə üzvlərinə məxsus fərdi yaşayış evi ilə bağlı yaşanan problemi bir neçə dəfə ictimailəşdirmişik və bu problemin əmələ gəlməsi səbəbləri haqda redaksiyamıza daxil olan məlumatları həm geniş ictimaiyyətin diqqətinə, həm də aidiyyatı dövlət qurumlarına çatdırmışıq. Təəssüflər olsun ki, bu qədər yayımlanan yazıların qarşılığında Şamaxı RİH-nin başçı cənab Tahir Məmmədov, rəhbərlik etdiyi rayonun Muğanlı kəndində bir ailənin üz-üzə qaldığı problemin araşdırılması yöndə, aidiyyatı dövlət qurumlarına heç bir tapşırığını vermir. Niyə, hələ ki, bu bəlli deyil! Axı, Şamaxı RİH-nin başçı səlahiyyət sahibi olan şəxsdir və o, 2014-cü ildə Rəcəbovlar ailəsinə qarşı düzülüb-qoşulmuş haqsızlığın araşdırılması üçün, bu gün hüquq-mühafizə orqanlarına lazımi tapşırıqlarını verə bilər. Əgər bu problemin əmələ gəlməsi səbəbləri araşdırılıb əsl həqiqətlər üzə çıxarılarsa, o halda hər kəsin, o cümlədən Yadigar Rəcəbovun ailə üzvlərinin də rayon rəhbərliyinə olan inamı daha da artar.

             Ölkə rəhbərinin verdiyi tapşırıqları cənab Tahir Məmmədov necə yerinə yetirir?

    Qeyd edək ki, Azərbaycan Respublikasının Prezidenti İlham Əliyev cənabları hansı şəxsi şəhər və rayonlara icra başçısı vəzifəsinə təyin edirsə, həmin şəxsə “Sizə böyük etimad göstərilir və əminəm ki, siz bu etimadı doğruldacaqsınız, öz işinizlə vətəndaşların rəğbətini qazanacaqsınız və ölkəmizdə gedən islahatları dərinləşdirmək üçün əməli səylər göstərəcəksiniz. Siz daim insanlarla təmasda olmalısınız, onların problemlərini onlardan eşitməlisiniz, laqeyd olmamalısınız. Yəni, bütün məmurlar qarşısında mənim tərəfimdən qoyulan vəzifələr bundan ibarətdir. Çünki, hər bir dövlət məmuru Prezident başda olmaq şərti ilə xalqın xidmətçisidir. Mən bunu dəfələrlə öz çıxışlarımda demişəm və icra başçılarını vəzifəyə təyin edərkən demişəm” deyə lazımi tapşırıqlarını verir. O halda sual oluna bilər ki, görəsən  Şamaxı RİH-nin başçı cənab Tahir Məmmədov, ölkə rəhbərinin bu yöndə verdiyi tapşırıqları lazımınca yerinə yetirirmi? Əsla yox! Çünki, bu qədər yazıların qarşılığında RİH başçısının mərhum Yadigar Rəcəbovun ailə üzvlərinə qarşı göstərdiyi sayğısızlıq, məhz qeyd olunanları tam şəkildə sübut etməyə əsas verir. Qarşı tərəfin də mövqeyini dinləyə bilərik.

Mövzuya qayıdacağıq.

araz.az xəbər portalı.

Azərbaycanın “ən fərasətli” oğlanı: 60 illik yolu az müddətdə necə qət etdi?

resize (6).jpeg

Son günlər Naxçıvanda baş verən hadisələr bir sıra qaranlıq mətləbləri üzə çıxarıb. DTX-nın muxtar respublikanın müxtəlif dövlət qurumlarında keçirdiyi əməliyyatlar fonunda oradakı vəzifəli şəxslərin oğurladıqları milyonların aşkarlanması “Naxçıvan xanı” Vasif Talıbovu da gündəmə gətirib. Daha dəqiq desək, təxminən 30 ilə yaxındır Naxçıvan MR-in Ali Məclisinin sədri vəzifəsini tutan Talıbovun oğlu Seymur Talıbov haqda yayılan məlumatlar cəmiyyətdə birmənalı qarşılanmayıb.

araz.az bildirir ki, konkret.az Seymur Talıbovun ölkənin “ən fərasətli” oğlanı olduğunu sübuta yetirən maraqlı məlumatlar əldə edib. Həmin məlumatlara görə, 1988-ci il təvəllüdlü, 34 yaşlı Seymur Talıbovun iş və təhsildə qazandığı “uğurlar”ı sözün əsl mənasında gündəm yaradıb. Məlum olub ki, “Naxçıvan xanı”nın oğlu 2003-cü ildə orta təhsilini başa vuraraq 15 yaşında Bakı Dövlət Universitetinin Beynəlxalq hüquq və beynəlxalq münasibətlər ixtisasına qəbul olunub. Belə yaşda tələbə adını qazanan Seymur Talıbovun “uğur”ları bununla yekunlaşmayıb. Belə ki, Seymur Talıbov 2007-ci ildə hüquq ixtisasının bakalavr, 2007-2010-cu illərdə isə magistr pilləsini başa vurub. Talıbovun təhsil karyerası öz “çiçəklənmə” dövrünü 2009–2010-cu illərdə London City Universitetində Beynəlxalq siyasət üzrə magistr təhsili alarkən yaşayıb.

Milyonçunun ərköyün oğlunun iş karyerası da təhsildəki kimi “uğurlu” olub. Belə ki, o, 2011-ci ilin yanvar ayından Naxçıvan Dövlət Universitetinin Beynəlxalq münasibətlər kafedrasında müəllim kimi fəaliyyətə başlayıb. Oxumağı özünə bir nömrəli vəzifə hesab edən Seymur Talıbov 2012-ci ildə Naxçıvan Dövlət Universitetində beynəlxalq hüquq ixtisası üzrə qiyabi doktorantura təhsili alıb. 2013-cü ildə Böyük Britaniyanın Oksford Universitetində Said Biznes Məktəbinin “Executive Education” Liderlik və İdarəçilik proqramından məzun olub. 2014-cü ildə “Regional enerji təhlükəsizliyinin beynəlxalq hüquqi problemləri” mövzusunda dissertasiya müdafiə edərək hüquq üzrə fəlsəfə doktoru alimlik dərəcəsinə yiyələnib. Oxuya-oxuya “iş karyerası”nı da düşünən Seymur Talıbov 2013-cü ildən NDU-da baş müəllim kimi fəaliyyət göstərib.

Atası “Naxçıvan xanı” olan oğul Talıbov bir alimin 60-70 ildə keçdiyi yolu cəmisi 20 il ərzində qət edib. Belə ki, 2016-cı ildən Naxçıvan Dövlət Universitetinin beynəlxalq əlaqələr üzrə prorektoru, 2017-ci ildən Naxçıvan Dövlət Universitetinin “Beynəlxalq münasibətlər” kafedrasının dosenti kimi fəaliyyət göstərən Seymur Talıbov 2015-ci ildə Naxçıvan Muxtar Respublikası Ali Məclisinin V çağırış, 2020-ci ildə isə VI çağırış deputatı “təyin edilib”.

Beləliklə, 1988-ci ildə anadan olan və 2003-cü ildə orta məktəbi bitirən Seymur Talıbovun cəmisi 20 ilə belə bir “inkişaf yolu” keçməsi dünya tarixində misli görünməyən bir hadisə kimi Ginnesin “Rekordlar” kitabına düşməyə layiqdir. Bu baxımdan, onun Naxçıvan Ali Məclisinə deputat seçilməsi yox, məhz təyin edilməsini isə atası Vasif Talıbovun övladına “hədiyyəsi” kimi dəyərləndirilə bilər.

araz.az xəbər portalı.

 

İşdən çıxarılan jurnalist “Yeni Azərbaycan” qəzetinə qarşı məhkəmə iddiasını uddu

1667494000_capture.png
Nərimanov Rayon Məhkəməsi tanınmış jurnalist Qaşqay Ziyəddinoğlunun işdən azad edilməsi haqqında qərarın ləğvi, işə bərpa olunması və işburaxma dövrü üçün əməkhaqqının ödənilməsi barədə Qərar qəbul edib.  
        Bu barədə, araz.az-a daxil olan məlumata görə, 30 noyabr, 2022-ci il tarixində siyasi elmlər üzrə fəlsəfə doktoru Qaşqay Ziyəddinoğlunun (Qaşqay Ziyəddin oğlu Ramazanovun) Yeni Azərbaycan Partiyasının (YAP) rəsmi mətbu orqanı olan “Yeni Azərbaycan” qəzetinə qarşı məhkəmə iddiası əsasında, Nərimanov Rayon Məhkəməsinin hakimi Aytən Novruzovanın sədrliyi ilə baxış iclası keçirilib. 
       Jurnalistin özü mediaya açıqlamasında da bildirib ki, baxış iclasında iddiaçı jurnalistlə yanaşı, “Yeni Azərbaycan” qəzetini təmsil edən vəkil, Dövlət Əmək Müfəttişliyinin Bakı Şəhər İdarəsinin numayəndəsi də iştirak edib. Əvvəlcə iddiaçı Qaşqay Ziyəddinoğlu çıxış edərək, qanunsuz işdən uzaqlaşdırıldığını əmək qanunvericiliyinə əsasən, geniş şəkildə izah edib. Daha sonra, Dövlət Əmək Müfəttişliyinin Bakı Şəhər İdarəsinin nümayəndəsi işlə bağlı fikrini bildirib. "Yeni Azərbaycan" qəzetinin Baş redaktoru Alqış Musayevin tutduğu vəkil də çıxış edərək, cavabdeh tərəfin haqlı olduğunu iddia edib.
         Bundan sonra, məhkəmə heyəti müşavirəyə gedib. Müşavirədən sonra, Nərimanov Rayon Məhkəməsinin hakimi Aytən Novruzova iddianın təmin edilməsi, o cümlədən jurnalist Qaşqay Ziyəddin oğlu Ramazanovun  işdən azad edilməsi haqqında qərarın ləğvi, işə bərpa olunması və işburaxma dövrü üçün əməkhaqqının ödənilməsi barədə məhkəmənin Qərarını elan edib.
          Sonda onu da xatırladaq ki, ilk hazırlıq iclası cari ilin sentyabr ayının 27-də baş tutan məhkəmə iddiası, jurnalist Qaşqay Ziyəddinoğlunun qanunsuz olaraq işdən azad edilməsinə görə qaldırılmışdı.
araz.az xəbər portalı.

"Eldar" Kiçik Müəssisəsinin başında duran Əkbərov qardaşları, amansız düşmən kimi, sanki xanım iş adamı Tahirə Mirzəyevanın üstünə "səlib yürüşünə çıxıblar"

SKRİNŞOTLEZGİCÖREYİ

Qardaşlar qişas almaq üçün, xanım iş adamıyla bərabər, oğlu Namiq Mirzəyevə də acı günlər yaşadırlar

Bu ilin mart və aprel aylarında araz.az-ın dərc etdiyi iki araşdırma yazısında, adları günahkar kimi hallandırılan və “Eldar” Kiçik Müəssisəsində bütün səlahiyyətləri öz əllərində cəmləyən iki qardaş -- Zahid və Surac Əkbərovlar tərəfindən, xanım iş adamı Tahirə Mirzəyevanın və oğlu Namiq Mirzəyevin başlarına gətirdikləri oyunlardan yazılıb. Elə, bu yazımız da, həmin yazıların davamıdır. Hədsiz ictimai qınaq yaradan epizodlarının çoxluğu səbəbindən, ötən yazılar sosial şəbəkələrdə, ayrı-ayrı saytlarda və mətbu vasitələrdə də geniş tirajlanıb. Əkbərov qardaşları, bundan sonra, amansız düşmən kimi, sanki xanım iş adamının və onun köməkçisi, oğlu Namiq Mirzəyevin üstlərinə "səlib yürüşünə çıxıblar". Onlardan qişas almaq üçün, qardaşlar hər cür amansız vasitəyə əl atıblar. Hətta ədalət carçılarını -- məhkəmə hakimlərini, məhkəmə icraçılarını, hüquq-mühafizə orqanlarının əməkdaşlarını belə "ələ almaqla", istədiklərinə nail olaraq, indiyədək onlara acı günlər də yaşadıblar. Bir sözlə, "ağına-bozuna baxmadan" onları dəstəkləyərək, tərəflərində olduqlarını açıq-aşkar nümayiş etdirməkdən çəkinməyən hakimlər və məhkəmə icraçıları, hüquq-mühafizə orqanlarının işçiləri tamamilə onların xeyrinə çıxardıqları ədalətsiz qərar və qətnamələrlə, tərtib etdikləri saxta protokol və digər rəsmi sənədlərlə, birbaşa, dövlət başçısının iş adamlarını hərtərəfli dəstəkləməsi əleyhinə olduqlarını da ortaya qoyublar. Çıxarılan belə qərar və qətnamələr, tərtib olunan saxta protokol və sənədlər, "əl-qollarını daha da geniş açmaları" üçün, Əkbərov qardaşlarına günü-gündən sanki yeni bir "ruh verib".

IMG-20221129-WA0000.jpg

Göründüyü kimi, dəhşət doğuran belə qanunsuzluqlara, əvvəllər olduğu kimi, indinin özündə də, daha çox məhkəmələrdə əl atılır və bütün bunlar dövlət rəhbərinin əhalinin güzəranını yaxşılaşdırmaq, ölkədə sahibkarlıq fəaliyyətini daha da inkişaf etdirmək, yeni iş yerləri açmaq, cəmiyyətdə qarşılıqlı anlaşma və dialoq yaratmaq, vətəndaş məmnunluğunu hər sahədə təmin etmək sahəsində apardığı böyük işlər fonunda baş verir. Çox təəssüf ki, belə bir şəraitdə bir çox vəzifə sahibləri, hətta ədalət carçıları belə, ictimai və dövlət mənafeyini deyil, şəxsi maraqlarını hər şeydən üstün tuturlar. Bu isə, getdikcə artan ictimai narazılığın başlıca səbəbinə çevrilir.

Doğrudan da, araz.az-ın həmin və indi dərc etdiyi bu yazılarında barəsində danışılan xanım iş adamı, xeyli müddətdir ki, təhlükə məngənəsindədir və bu çətinlikdən necə çıxacağına ümidi qalmayıb. Çünki əsas günahkarlardan başqa, haqq-ədalət müdafiəçiləri belə, xeyli sərmayə qoyub, yaratdığı iş yerində başına oyun açmaqdan, zərrə qədər də olsa, çəkinmək istəmirlər. Baxmayaraq ki, külli miqdarda pulunu xərcləyərək, icarəyə götürdüyü obyektdə özünə hər bir şəraitə malik çörəkbişirmə sexi quran bu kiçik sahibkarın başına olmazın müsibətlər gətirənlər, xeyli müddətdir onun biznesinə daha ciddi formada tənəzzül dövrü yaşadırlar. Hərtərəfli ziyana düsən iş adamı isə, nə edəcəyini bilmir. Çünki başına gətirilənlərə görə hərtərəfli kömək üçün, aidiyyatı digər dövlət qurumları rəhbərlərinin adlarına yazdığı şikayət xarakterli çoxsaylı müraciətləri də, indiyədək yaxşı bir nəticə verməyib. Bu biganəliyin və saymamazlığın ən pis nəticəsi isə odur ki, adını yuxarılarla bağlayan, istədiyini etməkdən çəkinməyən əsas günahkarın -- icarədarın, eləcə də ona yaxın olanların xətrlərinə dəyən tapılmır ki, tapılmır! Elə, bu xoşagəlməz halın özü, hədsiz ictimai qınağın yaranmasına səbəb əsas amildir. Ortada isə, ictimai qınağın yaranmasına səbəb digər amillər də var. Bunlarla və xanım iş adamının üzləşdiyi bütün qanunsuzluqlarla daha ətraflı tanış olmaları üçün, araz.az-ın dəyərli oxucularının, http://araz.az/index.php/dizh-r/manset/19973-khanim-is-adamindan-baki-s-h-r-nizami-rayon-m-hk-m-sinin-hakiml-ri-el-dz-d-m-hk-m-idzrasdzisi-hazhda-sok-i-ddi-a linki ilə, 23.04.2022-ci il tarixində saytda dərc olunan yazını oxumaları kifayətdir.

Yeri gəlmişkən, onu da qeyd edək ki, əlaqədar dövlət qurumlarında bu işə ədalətli yanaşılmadığını görən və ümidi hər yerdən kəsilən xanım iş adamı, istəyinin reallaşması ümidiylə, ölkə başçısına, Birinci vitse-prezidentə və Məhkəmə-Hüquq Şurasına, eləcə də ölkənin media vasitələrinin rəhbərlərinə üz tutaraq, əsas günahkarlar tərəfindən başına gətirilənlərin qısa xülasəsi olan Müraciətini, kömək üçün, bir daha onların adlarına ünvanlayıb. Bu barədə bizə məlumat verən sahibkarın oğlu Namiq Mirzəyev, onu da bildirdi ki, deyilənlər bir yana, Surac və Zahid Əkbərov qardaşları tərəfindən, anasının və onun başlarına gətirilən digər xoşagəlməzliklər heç vaxt unudulası deyil: "Ümumiyyətlə, başımıza açılan oyunlarla bağlı, az da olsa, şikayət xarakterli bütün müraciətlərimizdə yazmışıq. Yeri gəlmişkən, bir daha demək istəyirəm ki, Bakı şəhəri, Nizamı rayonu, Məmmədov küçəsi, 160 F ünvanında yerləşən və “Eldar” Kiçik Müəssisəsinə məxsus 304,7 kv.m ümumi sahəli qeyri-yaşayış yerinin 120 kv.m-lik hissəsini, əvvəli 2021-ci ilin avqust ayının 16-sı, sonu isə, 2023-cü ilin oktyabr ayının 16-sı müəyyən edilən və rəsmi şəkildə təsdiqini tapan İcarə Müqaviləsi ilə, çörək və digər un məmulatları istehsal edən sex açmaq üçün, icarəyə götürdük. Elə, həmin vaxtdan, sexin normal şəkildə işini qurmaq üçün, əlimizdən gələni etdik. Tez bir zamanda tam düzəldib, lazımi qiymətli avadanlıq və əşyalarla təmin edərək, çörəkbişirmə sexini işə saldıq və işinin yaxşı getməsi üçün, yorulmadan çalışdıq. Çox keçmədən istəyimizə çatıb, istehsal etdiyimiz keyfiyyətli çörək və digər un məmulatları üçün alıcılar da topladıq. Nəticədə, müqavilə ilə müəyyən edilən icarə haqqını, üstəlik, işçilərin əmək haqqını verməkdə çətinliyə düşmədik.

İndi isə, anamın biznesi tənəzzülə uğrayıb. Sexin qapısı bağlı qalıb, isimiz-gücümüz məhkəmələrdə və hüquq-mühafizə orqanlarındadır. Nə edəcəyimizi bilmirik. Bir daha onu da qeyd edim ki, İcarə Müqaviləsində göstərilən vaxtda, cavabdehin təqsiri ucbatından, lazımi qiymətli avadanlıq və əşyalarla təmin etdiyimiz sexin qanunsuz bağlı qalması nəticəsində, indiyədək iş adamı olaraq, anamın biznes fəaliyyətini tamamilə dayandırıb. Çünki hərtərəfli ziyana düşüb və çoxdandır ki, gəlir əldə edə bilmir. Əkbərov qardaşlarının isə, heç nə veclərinə deyil. Məhkəmədə yalandan deyirlər ki, sex bağlı qalıb. Amma məlum olur ki, o, bunu da yalan deyir. İcarə müqaviləsinə görə, bizim ixtiyarımızda olan sexi, sən demə, "Ləzgi çörəyi" bişirən sex kimi, icarəyə verib. İcarəçi isə, orada qalan bizim qiymətli avadanlıq və əşyalardan istifadə edib. Eləcə də, orada qalan 82 ədəd un tayından da, xəbər yoxdur.

Di gəl ki, onlar bu işi o yerə çatdıra bildilər ki, nə qədər etsək də, hakim sexin normal vəziyyətdə olmasını və işinin yaxşı getməsini özündə əks etdirən və redaksiyanıza da təqdim etdiyim video-görüntüləri və foto-faktları belə, əsas fakt və inkaredilməz dəlil kimi bizdən qəbul edib, işin içinə qoymadı. Axı, iş normal getməyibsə, sex necə təkrar icarəyə verilib?! Özü də, bərli-bəzəkli "Ləzgi çörəyi" reklamı altında!..

Konkret olaraq, demək istəyirəm ki, ciddi məsələyə çevrilən belə bir ciddi işin hüquq pozuntularıyla aparılması, qanunlara məhəl qoyulmaması və ədalətin bu dərəcədə tapdalanması ilə, bizi dərindən məyus etdilər. Əlbəttə, bu qanunsuz və ədalətsiz işin arxasında şəxsi marağın dayanması da şəksizdir. Yoxsa, məhkəmə hakimləri və məhkəmə icraçısı arxayınlıqla bu miqyasda qanunsuzluqlara rəvac verməzdilər. Çünki onlar da açıq-aydın görürdülər ki, qarşı tərəf milli ənənə, biznes əxlaqı, vicdan və ədalət anlayışlarını bir kənara qoyaraq, bizim yaratdığımız sexin fəaliyyətini iflic etmək üçün, bütün resursları işə salıb. Anam öz Müraciətində də, bu məqama daha çox diqqət çəkməyi yuxarılarda oturanların hamısından xahiş edib. Sonda isə, məcburiyyətdən, yenə məhkəməyə, bu dəfə Bakı Kommersiya Məhkəməsinə müraciət etməyi qərara alıb. Lazım gəlsə, Ali Məhkəməyə, Konstitusiya Məhkəməsinə də müraciət etməyi qərara almışıq".

Xanım iş adamının Bakı Kommersiya Məhkəməsinə ünvanladığı həmin İddia Ərizəsini, olduğu kimi, dərc edirik:

"Mən, Mirəzyeva Tahirə Səyyaf qızı, 16 avqust, 2021-ci il tarixdə, cavabdeh “Eldar” Kiçik Müəssisəsinin adından çıxış edən Əkbərov Zamir Əkbər oğlu ilə icarə müqaviləsi bağlamışdım. Müqaviləyə görə, icarəyə verən “Eldar” Kiçik Müəssisəsi Bakı şəhəri, Nizami rayonu, İ. Məmmədov küçəsi, ev, 8 ünvanında yerləşən 43 saylı qeyri-yaşayış sahəsinin 120 kv/m-ni mənə icarə vermişdi. İcarə müddəti 16.08.2023-cü il tarixinədək müəyyən edilmişdi. Müqavilənin şərtlərinə görə, müqavilə vaxtının bilməsinə 1 ay qalmış, tərəflər həmin Müqavilənin pozulmasına dair heç bir təklif irəli sürməzlərsə, icarə müddəti daha bir il müddətinə uzadılmış hesab edilir.

Müqavilənin şərtlərinə görə, icarə haqqı 120 manat müəyyən olunmuşdu. Müqavilənin şərtlərinə görə, icarəçi, 16.02.2022-ci il tarixinədən əvvəl çıxarsa, sonrakı altı aylıq icarə haqqını ödəməyi öhdəsinə götürür. Müqavilənin 7-ci bəndinə görə, müqavilənin ləğv edilməsi, tərəflərin bir ay qabaqcadan yazılı ərizəsinə müvafiq olaraq, həyata keçirilir.

03.10.2021-ci il tarixində, Etibarnamə ilə, “Eldar” Kiçik Müəssisəsini təmsil edən Əkbərov Surac Zamir oğlu, icarəyə götürülmüş obyektin açarını məndən almış və icarə haqqını 800 manat ödəyəcəyim barədə məlumat vermiş, əks halda isə, obyektdən çıxmağımı tələb etmişdi. Bu zaman, obyektdə 82 ədəd unla dolu kisə (hər birinin qiyməti 42 manat) var idi. Həmin tarixdən həmin obyektdə fəaliyyətim dayandırıldı. Bundan əlavə, obyektdə mənə məxsus olan 1 ədəd üç gözlü peç, dəyəri 500 manat, xamır qarışdıran, dəyəri 1500 manat, 10 kisə duz, dəyəri 56 manat, 2 ədəd çörək daşıyan araba, -dəyəri 500 manat, 55 ədəd çörək bişirən list, dəyəri 500 manat, soyuducu, dəyəri 200 manat, 2 ədəd tərəzi, dəyəri 70 manat və çörək şkafı, dəyəri 100 manat olan əmlaklarım da orada qaldı. Həmin əmlaklarımı və ya onların dəyərini cavabdehdən tələb edirəm. Bundan əlavə, biz Müqavilə bağlayarkən, razılaşmışdıq ki, mən, ən azı 2 il orada işləyəcəm. Lakin cavabdeh buna imkan vermədi, bu Müqavilənin şərtlərinə əməl etmədi və məni oradan çıxardı. Mənim həmin yerdən gündəlik qazancım ən azı 50 manat idi. Ona görə də, hesab edirəm ki, müqavilə bağlanan gündən, yəni 16.08.2021-ci il tarixdən, 16.08.2023-cü il tarixə kimi, cəmi 730 gün üçün, hər gün 50 manat əldən çıxmış gəlir, yəni 36500 manat pul da, cavabdehdən alınıb, mənə verilməlidir.

Mülki Məcəllənin 389.1 -ci maddəsinə görə, mülki hüquq və vəzifələrin müəyyənləşdirilməsi, dəyişdirilməsi və ya xitamı haqqında iki və ya bir neçə şəxsin razılaşması Müqavilə sayılır. Həmin Məcəllənin 421.1-ci maddəsinə görə, Müqavilənin dəyişdirilməsi və ləğv edilməsi, əgər, bu Məcəllədə və ya Müqavilədə ayrı qayda nəzərdə tutulmayıbsa, tərəflərin razılaşması ilə mümkündür. Həmin Məcəllənin 425.2-ci maddəsinə görə, öhdəlikləri icra edərkən, tərəflər Müqavilənin yerinə yetirilməsinə zəmin yaratmaq üçün, birgə hərəkət etməli və Müqavilənin məqsədinə çatmağa maneçilik törədə biləcək və ya öhdəliklərin icrasını təhlükəyə məruz qoya biləcək hər cür hərəkətlərdən çəkinməlidirlər. Həmin Məcəllənin 430.1-ci maddəsinə görə, əgər bu Məcəllədə ayrı qayda nəzərdə tutulmayıbsa, öhdəliyin icrasından birtərəfli imtinaya və onun şərtlərini birtərəfli dəyişdirməyə yol verilmir.

Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 149 -- 150-ci maddələrini rəhbər tutaraq, Məhkəmədən

XAHİŞ EDİRƏM:

Cavabdeh “Eldar" Kiçik Müəssisəsindən mənə məxsus olan 82 kisə un, hər kisənin qiyməti 42 manat olmaqla, cəmi 3444 manat, 1 ədəd üç gözlü peç, dəyəri 500 manat, xəmirqarışdıran, dəyəri 1500 manat, 10 kisə duz, dəyəri 56 manat, 2 ədəd çörək daşıyan araba, dəyəri 500 manat, 55 ədəd çörək bişirən list, dəyəri 500 manat, soyuducu, dəyəri 200 manat, 2 ədəd tərəzi, dəyəri 70 manat və çörək şkafı, dəyəri 100 olan əmlaklarımın və ya onların ümumi dəyərinin 6870 manat pulunun alınıb, mənə verilməsi, həmçinin 16.08.2021-ci il tarixdən, 16.08.2023-cü il tarixə qədər, cəmi 730 gün, hər gün üçün 50 manat, əldən çıxmış ümumi 36500 manat gəlirin, mediasiya üçün ödədiyim 200 manat, 234 manat, 117 manat, 261 manat dövlət rüsumlarının cavabdehdən alınıb, mənə verilməsi barədə qətnamə çıxarasınız!".

Bir müddətdir naəlac qalan iş adamı inanır və ümid edir ki, bu yüksək səlahiyyət sahibləri və ölkə mətbuatının rəhbərləri bu ciddi məsələyə biganə qalmayacaq, onların bu işə müdaxilələri ilə, tezliklə ədalət bərpa olunacaq, haqq öz yerini tapacaq.

Bəli, şikayətçinin bu İddia Ərizəsindən də, əvvəl yazdıqlarından və rəsmi nümayəndəsinin dediklərindən də, məlum olur ki, baş verən bu olaylar zamanı ciddi zərbə alaraq, külli miqdarda ziyana düşən, hər şeyini itirən də iş adamı olub. Ortada qazananlar isə, ədaləti və haqqı tapdalayan günahkarlar, bir də onlara tərəfdar olmaqdan çəkinməyərək, haqsız yerə ədalətsiz Qərar və Qətnamə çıxaran, protokollar tərtib edən hakimlər və məhkəmə icraçısıdır.

Bu yerdə onu da qeyd etməyi lazım bildik ki, iş adamı öz Müraciətində ölkə mətbuatının rəhbərlərindən, vicdanlı və obyektiv jurnalistlərdən dönə-dönə onu da xahiş edir ki, bu məsələni daim diqqətdə saxlasınlar. Medianı hakimlərin onun vətəndaş hüquqlarını pozmağa yönəlik ədalətsiz Qərar və Qətnamə qəbul etmələri barədə ictimaiyyəti daha ətraflı məlumatlandırmağa çağıran şikayətçinin çətin durumda olduğunu nəzərə alıb, araz.az xəbər portalı olaraq, baş verənləri daim diqqətdə saxlayacağıq. Yazıda qeyd olunanlala bağlı, mətbuat haqqında qanunların tələblərinə uyğun olaraq, qarşı tərəfin mövqeyini işıqlandırmağa hazır olduğumuzu da, öncədən bildiririk.

Fərhad MƏMMƏDOV,
Səməndər QURBANOV,
araz.az xəbər portalının xüsusi müxbirləri.

Zaur Mikayılovun Tovuzdakı əməkdaşları sadə sakinlərə “qan qusdururlar” - ŞOK FAKTLAR

16184033571647926248_1000x669.jpg

Şahin Əsgərov:

“Yəni, kim əkin sahəsini suvarmaq üçün daha çox pul verirsə, suvarma suyu həmin şəxslərə verilir”
Ölkəmizdə su təsərrüfatı sahəsi əsas strateji sahələrindən biri hesab olunsa da, deyəsən uzun illərdən bəri
Tovuz Suvarma Sistemləri idarəsinin rəisi vəzifəsindən “ikiəlli yapışan” Nəsrəddin Əsəd oğlu Aslanov, hələ də
bu sahənin əhəmiyyətinə “gözucu qiymət” verməkdə davam edir. Media üzərindən apardığımız
araşdırmalardan, bəzi mənbələrdən əldə etdiyimiz səhih məlumatlardan və s. aydın olur ki, idarə rəisi vəzifəsini
daşıyan bu şəxsin yeni sakinlərdən bəzilərinə qarşı sərgilədiyi kin-kudurət artıq “pik nöqtə”yə çatıb. Çünki,
rayon sakinlərdən bəzilərinin redaksiyamıza ünvanladıqları şikayət məktubların məzmunlarından bəlli olur ki,
Nəsrəddin Aslanovun rəhbərlik etdiyi Tovuz Suvarma Sistemləri idarəsinin əməkdaşları, bu gün də imkansız
sakinlərə “qan qusdurmaq”la məşğuldurlar.

 WhatsApp 2022 12 01 в 00.03.42

Məsələn, Tovuz rayonu, Qovlar şəhəri, Xəqani küçəsi, ev-13 ünvanında yaşayan Əsgərov Şahin Kərəm oğlu,
uzun müddətdir ki, suvarma suyuna həsrət qalıb. Bu şəxs redaksiyamıza çatdırdığı video-müraciətində qeyd edir
ki, “Bizim ailə üzvlərinin 1ha.78 sot torpaq sahəsi var və həmin torpaq sahəsinə yonca qarışıq taxıl əkmişik.
Artıq payız fəslinin sonlarıdır və hal-hazırda əkin sahəmizin suvarılmasına ehtiyac var. Şəxsən mən oktyabr
ayının ilk günlərindən yonca qarışıq taxıl sahəmizi suvarmaq üçün, dəfələrlə idarənin rəhbər şəxslərinə
müraciət etmişəm. Hər dəfə mənə “Bir qədər gözləməli olacaqsınız, hələ sizə su verə bilmərik” deyə cavab
verirlər. Bəli, həqiqətən də bu belə olur. Çünki, suvarma suyunun verilməsinə cavabdehlik daşıyan məsul
şəxslər, o cümlədən Rafiq və Bəhruz adlı şəxslər idarə rəisinin verdiyi “nataraz tapşırıqlar”ı əsas tutaraq
addımlarını atırlar. Yəni, kim əkin sahəsini suvarmaq üçün daha çox pul verirsə, suvarma suyu həmin
şəxslərə verilir. Bir sözlə, Nəsrəddin Aslanovun rəhbərlik etdiyi Tovuz SSİ-nin əməkdaşlarını imkansız
ailələrin, o cümlədən bizim ailənin taleyi heç bir halda düşündürmür, onları daha çox pul, var-dövlət əldə
etməyin yolları düşündürür. Qeyd edim ki, bizə məxsus yonca qarışıq taxıl sahəsinin sağ və sol hissələrində ayrı-
ayrı şəxslərə məxsus sahələr var. Hazırda SSİ-nin rəhbər şəxsləri qeyd olunan taxıl sahələrinin suvarılması
zamanı heç bir problem yaratmırlar. Elə ki, biz də minbir əzab-əziyyətlə ərsəyə gətirdiyimiz sahəmizi suvarmaq
istəyirik, o halda bu qurumun əməkdaşları “Növbəniz çatanda sizə də su verərik” deyib, açıq-aşkar şəkildə bizi
“fırlatmaqla” məşğul olurlar. Yəni, oktyabr ayının əvvəlindən indiyə kimi suvarma suyuna həsrət qaldığımızdan,
heç cür taxıl sahəmizi suvara bilmirik. Belə bir səbəbdən də, yonca qarışıq taxıl əkdiyimiz sahə tamamilə
quruyub və sahəni gəmiricilər məhv etməkdədirlər. Qeyd edim ki, bu qurumun əməkdaşları 1 ha əkin
sahəsinin suvarılması üçün, imkanlı şəxslərdən 50 AZN pul alırlar və günlərini kafelərdə yeyib –içməkdə
keçirirlər. Yəni, Tovuz SSİ idarəsində elə bir idarəçilik qaydası qurulub ki, aşağıda pulları Qaqarin adlı şəxs yığır
və o, toplanan pulları özündən yuxarı vəzifə sahiblərinə çatdırır. Elə ki, aidiyyatı üzrə dövlət qurumlarına şikayət
edəcəyimi deyirəm, o halda SSİ-də çalışan bəzi vəzifə sahibləri “Get kimə, hansı vəzifə sahibinə istəyirsən
şikayətini çatdır. Biz bir kimsəni “priznavat” etmirik” deyə cavab verirlər. O halda sual oluna bilər ki, görəsən
Tovuz SSİ-nin əməkdaşlarının belə bir ayrıseçkiliyə yol vermələrinin kökündə nələr durur? Məgər, bizim
ailənin üzvləri də bu ölkənin vətəndaşları deyilmi? Bizim suvarma suyundan istifadə etmək hüququmuz
yoxdurmu?

 WhatsApp 2022 12 01 в 00.03.47
Baxmayaraq ki, ölkə Prezidentinin 27 iyul 2020-ci il tarixli “Su ehtiyatlarından səmərəli istifadənin təmin
edilməsi ilə bağlı əlavə tədbirlər haqqında” Sərəncamında, həmçinin müxtəlif tədbirlər zamanı əhalinin su ilə
təminolunmalarının yaxşılaşdırılması və bu yolda əmələ gələn problemlərin aradan qaldırılması ilə bağlı
möhtərəm Prezident tərəfindən lazımi tapşırıqlar verilsə də, hələ də Tovuz SSİ-nin əməkdaşları verilmiş
tapşırıqları qulaqardına vurmaqla məşğul olurlar. Buna misal olaraq Şahin Əsgərovun oktyabr ayının
əvvəlindən indiyə kimi suvarma suyuna həsrət qalması, məhz ölkə rəhbərinin verdiyi tapşırıqların əleyhinə
getmək olduğunu sübuta yetirir. Sözsüz ki, belə bir yanaşmanın kökündə xəyanət amili əsas rol oynayır ki, bu da
son anda sadə sakinlərin dövlət qurumlarına olan inamının heçə enməsinə öz təsirini göstərir. O halda sual oluna
bilər ki, hal-hazırda Tovuz SSİ-nə rəhbərlik edən və əksər vaxtlarda iş başında tapılmayan Nəsrəddin Aslanov,
görəsən belə bir idarəçiliyi ilə hara gedir? Axı, bu şəxsin etibar etdiyi vəzifə sahibləri suvarma suyu ilə rayon
ərazisində “bazar açırlar”, imkansız şəxsləri olmazın məşəqqətlərə düçar edirlər? Deməli, imkansız şəraitdə
yaşayan yerli sakinlərin belə məşəqqətlərdən xilas olmaları üçün, rəhbərlik Nəsrəddin Aslanova “dur”
deməlidir ki, haqq-ədalət bərpa olunsun. Yoxsa, ...


Qarşı tərəfində mövqeyini dinləyə bilərik.

Mövzuya qayıdacağıq.

MirzƏ

1 -dən səhifə 111

Əlaqəli xəbərlər