Xiaomi dünyanın üçüncü ən böyük smartfon istehsalçısı oldu

894746SsS

Xiaomi üç əsas bazar məlumat təminatçısı Canalys, IDC və Counterpoint Research-ə görə, 2020-ci ilin iyul, avqust və sentyabr ayları üzrə üçüncü ən böyük smartfon istehsalçısı oldu.

araz.az ted.az-a istinadən bildirir ki, Xiaomi üçüncü rübdə 46,5 milyon cihaz satıb. Şirkətin bu mövqeyi tutmasında Hindistandakı əhəmiyyətli qazanclar və üçüncü rübdə ümumi satış həcminin 53%-ni təşkil edən Çin mərkəzidir.

Counterpoint Market Monitor Service-in son araşdırmasına görə, Xiaomi bazar payını əvvəlki rüblə müqayisədə 75% artıraraq, ümumi göstəricidə 13%-ə yüksəldib.

Xüsusilə Xiaomi-nin Redmi 9 seriyasının giriş səviyyəli cihazları, həm Hindistan, həm də Çində yaxşı performans göstərib.

araz.az

“Qurdlar vadisi”nin başlayacağı tarix açıqlandı

kurdlar vadisiTürkiyənin məşhur seriallarından biri “Qurdlar vadisi”nin başlayacağı tarix məlum məlum olub.

Turkustan.info Türkiyə mediasına istinadən xəbər verir ki, serialın baş qəhrəmanlarından birini canlandıran aktyor Cahid Kayaoğlu öz Feysbuk səhifəsində “Qurdlar vadisi”nin 2021-ci ilin sentyabr ayından etibarən yenidən başlayacağını açıqlayıb.

Qeyd edək ki, “Qurdlar vadisi” Türkiyədə ən uzunömürlü seriallardan biridir. 13 illik yayımın ardından 2016-cı ildə çəkilişləri dayandırılmışdı. 

araz.az

300 nəfər əhalisi olan və pula ehtiyac duyulmayan ada -FOTO=7

 AZpressAZ 7fc522f9d1031f4c06d034d39 oLatın Amerikası və Afrikanın ortasında, Atlantik Okeanının cənubunda Tristan de Cunha adlı ada yerləşir. Hazırda adada cəmi 300 nəfər sakin yaşayır.

Məlumata görə, ada 1506-cı ildə admiral Tristao de Cunha tərəfindən kəşf edilib və onun şərəfinə də bu cür adlandırılıb.

araz.az  "musavat.com"a istinadən xəbər verir ki, dünya ölkələrindən uzaq olan bu adaya getmək çox çətindir. Tristan de Cunha İngiltərənin tabeliyindədir. Lakin onun Britaniya ilə arasındakı məsafə çox uzaqdır. Belə ki, ada İngiltərənin paytaxtı Londondan 8600 kilometr məsafədədir. Adaya ən yaxın yaşayış məntəqəsi 2400 kilometr məsafədə Cənubi Afrika Respublikasının Keyptaun şəhəridir.

Tristan de Cunha adasında, hər birindən 1 ədəd olmaqla supermarket, xəstəxana, poçt məntəqəsi, məktəb, muzey və şirniyyat evi vardır.

Adada demək olar ki, puldan istifadə edilmir. Çünki kənd təsərrüfatı və heyvandarlıqla məşğul olan ada sakinlərinin pula ehtiyacı yoxdur.

Yerli sakinlər kartof əkir, qoyunçuluqla məşğul olurlar. Qoyunlara xüsusi nəzarət edirlər ki, onlar adanın bütün otunu otlayıb qurtarmasınlar və ya sakinlərdən kimsə daha çox varlanmasın.
Sakinlərin bir qismi isə balıqçılıqla məşğul olur.

Bütün adada torpaq ada sakinlərinə məxsus olduğundan kənar adamların gəlib burada məskunlaşması qadağandır. Britaniya adaya üç il müddətinə müəllim və bəzən polis göndərir. Onlar icma üzvü olmadıqlarından burada əkib-becərə, qoyun saxlaya, balıq tuta bilmirlər. 

araz.az

136 yaşında ata oldu, öləndə nəvəsinin 100 yaşı vardı: Dünyanı heyrətləndirən KİŞİ...

big 1599167177 musiBu gün dünyanın ən uzunömürlü adamı Şirəli babanın anım günüdür.

Onun haqqında maraqlı faktları təqdim edirik.

Şirəli Fərzəli oğlu Müslümov 1805-ci il martın 26-da Lerik rayonunun Barzavu kəndində doğulub. Ömrünün böyük hissəsini Lerik dağlarında çobanlıq etməklə keçirən Şirəli baba 3 dəfə evlənib və 23 övlad sahibi olub.

Onun iki arvadının adı məlum deyil. Amma yazılanlara inansaq, ölən gününə kimi yaddaşı iti imiş. Sonucu arvadı isə Xatun Nuriyeva olub. Və deyilənə görə, Şirəli Müslimov 136 yaşında olanda Xatun xanımın ondan bir qız uşağı da dünyaya gətiribmiş.

1966-cı ildə Azərbaycan Kinostudiyası tərəfindən onun haqqında "Şirəli dağdan endi" adlı sənədli film çəkilib. Uzun ömürlülüyünə görə Ginnesin Rekordlar Kitabına düşüb.

Onun yaşını təsdiqləyən yeganə sənəd pasportu olub. Doğum haqqında şəhadətnaməsi və ya onu əvəz edən hər hansı sənəd olmadığından, onun yaşı şübhə doğurub. Şirəli Müslümov haqqında yayımlanan məlumatlar SSRİ dövrünə təsadüf etdiyindən, Fransız tarixçisi və sosioloqu Moşep Ud Tovem keçən əsrin 60-cı illərində çap olunmuş özünün "Qafqaz xalqları və onların mədəniyyəti" kitabında Şirəli Müslümovun doğum tarixinin düzgün olmamasını göstərməklə, 100 ilə yaxın yaşamasını, ölüm tarixinin isə 1973-cü ilə təsadüf etdiyini qeyd edib.

Gallery

Bəziləri iddia edir ki, guya, Şirəli babanın 168 il yaşamağı haqda deyilənlər sovet dövrünün ucuz təbliğat formalarından biri olub. Guya Şirəli Müslümov kimi uzunömürlüləri turistlərin qabağına çıxarıblar ki, qoy əcnəbilər görsünlər ki, sovet insanları sadə əmək hesabına necə çox yaşaya biliblər. Ancaq Lerik uzun ömürlülər diyarı olduğundan onun 168 yaşında vəfat etməsinə inananlar daha çoxdur.

Şirəli Müslimovun qida rasionu barədə yazılanlar da birmənalı deyil. Deyilənə görə, o, pendir, meyvə, tərəvəz və balla qidalanırmış. Ancaq bulaq suyu içirmiş. Tez-tez Bakıya müxtəlif tədbirlərə, çəkilişlərə çağırılan Şirəli babaya xüsusi diyetoloqlar tutulurmuş. Bir dəfə Bakıya 10 günlük səfərində Müslümov diyetik yeməklərdən bezir və nümayişkaranə şəkildə “Mənə ət verin, ət” deyə az qala üsyan edir.

Gallery

Heç kimdən kömək istəmədən, gözləmədən bütün işlərini, o cümlədən ağır işlərini özü görüb. O, saxladığı sürü ilə müntəzəm olaraq hər gün 15-20 km yol qət edir, xəstə vaxtında belə bir iş tapıb məşğul olmalısan deyirmiş. Tənbəllik ölümü tezləşdirir.

Ölümünə qədər özü əkib becərər, fiziki aktivliyini daim saxlayar, çox yeməz, daha çox dağda, yaylaqda çoban yeməkləri ilə qidalanarmış.

Gallery

Bulaq suyundan başqa suyu içə bilməyib, Eləcə də o heç vaxt satışda olan çaylardan içməyib. Yığdığı dağ, çəmən, çöl bitkilərindən çaya uyğun olanlarını dəmləyib. Nadir hallarda qənd yeyib.

Lerikdən başqa heç yerdə yaşamayıb, iqlimini dəyişməyib və müəyyən dövrlərdə paytaxta, rayon mərkəzinə köçmək təkliflərindən imtina edib.

Gallery

Siqaret çəkmirdi, içki içmirdi, nadir halda bayramlarda kənddə özlərinin düzəltdiyi üzüm çaxırından içib. “İşi çox olan, böyük ailə saxlayan adamın içməyə vaxtı olmaz” deyib. Bircə dəfə dilinə siqaret vurubmuş, onda da özünü pis hiss edib, həkim köməyinə ehtiyac duyub.

1973-cü ilin yanvarında o, sonuncu dəfə tibbi yoxlamadan keçəndə müəyyən olunub ki, 161 sm boyu olan Müslümovun çəkisi 56 kq-dır, dəqiqədə 16 dəfə nəfəs alıb-verir. Ürəyinin bir dəqiqədə döyüntüsü 76 dəfədir. Təzyiqi isə yüzün altmışa olub.

Gallery

Şirəli Müslümov ömrünün son illərini yataqda keçirib. Oxuyub – yazmağı isə, ümumiyyətlə bacarmırmış. Şirəli baba ilk dəfə ölümündən bir il əvvəl xəstələnib. Və 1973-cü ildə vəfat edib. O, dünyasını dəyişəndə isə nəvəsinin artıq 100 yaşı varmış. (kulis.az)

35 il ölkəsinə rəhbərlik edən türk düşməni – Tamahkar Jivkov

big 1598789447 jivII dünya müharibəsindən sonra Bolqarıstanda sosialist rejimi bərqərar olunanda və kommunistlər hakimiyyətə gələndə, çoxları elə düşünüb ki, ölkənin mövcud problemləri öz həllini tapacaq. Bu baxımdan Bolqarıstanda yaşayan türklər də kommunistlərin “hamı bərabərdir” şüarına inanaraq uzun illər qarşılaşdıqları problemlərin həllinə ümid bağlayıblar. 

Amma hər şey əksinə olub, onilliklər boyu təhsil, dil, mədəniyyət və s. sahələrdə sərt məhdudiyyətlərlə üzləşən türklər kommunist rejimində daha sərt münasibətlə üzləşiblər. Elə bu səbəbdən də 1940-cı illərin sonlarından bu ölkədə yaşayan türklər ölkəni kütləvi şəkildə tərk etməyə başlayıblar. Bolqarıstan Kommunist Partiyası Mərkəzi Komitəsinin birinci katibi Vılko Çervenkov nəinki bu axının qarşısının alıb, əksinə, şərait yaradıb. Sözsüz ki, türklərin ölkəni kütləvi şəkildə tərk etməsi Bolqarıstanın iqtisadiyyatına öz təsirini göstərib, işçi qüvvəsinin kəskin şəkildə azalması, xüsusilə türk mütəxəssislərin eyni vaxtda öz iş yerlərini tərk etməsi bütün sahələrdə öz mənfi təsirini göstərib.

Ölkə iqtisadiyyatını iflic vəziyyətə aparan bu proses SSRİ-nin diqqətindən yayınmayıb. 1951-ci ildə İosif Stalin Vılko Çervenkonu Moskvaya dəvət edib. Müzakirə zamanı kütləvi miqrasiyanın yaradacağı fəasadlar müzakirə olunub və Stalin tərəfindən türklərin Bolqarıstandan axınının qarşısını almaq tövsiyə edilib. Əslində, Stalin türklərin Bolqarıstandan çıxarılmasının tərəfdarı olub, bununla bağlı o, gələcək planlarını da hazırlayıb. Amma mövcud dövr, “zəif” Bolqarıstan üçün bu prosesin müvəqqəti dayandırılması məqbul sayılıb.

Stalin bu görüşdən sonra vəziyyəti yerində araşdırmaq, təbliğat işləri aparmaq üçün kommunist şair Nazim Hikməti Bolqarıstana göndərib. Nazim Hikmət Bolqarıstanda hakimiiyyətin türklərə qarşı amansız münasibətinin şahidi olduqdan sonra ölkə rəsmilərinə fikrini açıq şəkildə bildirməkdən çəkinməyib: “Siz sosialist deyil, əsl faşistsiniz!”

Moskvaya qayıtdıqdan sonra Nazim Hikmət İosif Stalinə və Mərkəzi Komitəyə geniş məktub göndərib. Bundan sonra Kreml Bolqarıstanda yaşayan türklər üçün məktəbin açılmasına, türk dərnəklərinin yaradılmasına imkan yaradıb. Amma Moskvanın bu ədalətli addımının ömrü çox qısa olub.

1954-cü ildə Bolqarıstanın siyasi həyatında və Kommunist Partiyasında siyasi qruplaşmalar yarananda və bu səbəbdən də Vılko Çervenkov kommunistlər arasında nüfuzunu itirəndə həmin dövrdə Mərkəzi Komitənin katibi vəzifəsində olan Todor Jivkov yaranmış vəziyyətdən səmərəli istifadə edərək Bolqarıstan Kommunist Partiyası Mərkəzi Komitəsinin baş katibi vəzifəsinə yiyələnə bilib. Bununla yanaşı o, həm də Bolqarıstan Respublikası Nazirlər Sovetinin sədri vəzifəsinə də sahib olub.

Todor Jivkovun Kremllə əlaqələri çox sıx olub. O, Moskvadan o qədər asılı vəziyyətdə qalıb ki, həmin dövrdə Bolqarıstanı “SSRİ-nin 16-cı respublikası” adlandırıblar və təbii ki, Bolqarıstan Jivkovun vasitəsi ilə Moskvadan idarə olunub.

Todor Jivkov hakimiyyətə gəlməyi ilə türklərə qarşı daha amansız münasibət sərgiləməyə başlayıb. Əslində, bu münasibətin kökündə erməni barmağı olub. Belə ki, II dünya müharibəsi sona çatdıqdan sonra Moskvada və Leninqradda sosialist düşərgəsinə daxil olan ölkələr üçün kadrlar hazırlayan mərkəzlər fəaliyyətə başlayıb. Mərkəzlərin yaradılmasında təminat, təchizat, dövlət büdcəsindən vəsaitlərin ayrılması, kadrların cəlb olunması və digər təşkilati məsələlər Mikoyana, Jdanova (onun vəfatından sonra Suslova), Molotova həvalə edilib. Mikoyan bu səlahiyyətindən istifadə edərək həmin mərkəzlərə erməni politoqları, alimləri cəlb edib. Bu mərkəzlərdə təhsil alıb təlimatlandırılanların bəziləri işlədikləri ölkələrdə türklərə qarşı əks-təbliğat aparıblar. Todor Jivkov da öz növbəsində bundan istifadə edərək Bolqarıstanda yaşayan türklərə qarşı aqressiv siyasət aparıb.

Todor Jivkovun Bolqarıstandakı 35 illik hakimiyyəti dövründə ölkədə fəaliyyət göstərən azsaylı türk məktəbləri, teatrlar, dərnəklər, türk mədəniyyət mərkəzləri demək olar ki, tam fəaliyyətini dayandırıb. Ölkədə türklərin bolqarlaşdırılması prosesi geniş vüsət alıb, türklərin ad və soyadları, türk adı ilə bağlı məkanların adları dəyişdirilib. Todor Jivkov bütün mümkün variantlardan istifadə edərək türk izini Bolqarıstandan birdəfəlik silməyə cəhd edib. Hətta Naim Süleymanoğlu kimi zəmanəsinin ən məşhur idmançısının, bir olimpiadada 3 rekord qırmış atletin ad-soyadı Naum Şalamanova dəyişdirilib.
Qeyd edək ki, Todor Jivkov 1911-ci ildə Bolqarıstanın paytaxtı Sofiya şəhəri yaxınlığındakı Pravets kəndində anadan olub. İlk əmək fəaliyyətinə mətbəədə çapçı kimi başlayan Jivkov 1932-ci ildən Bolqarıstan Kommunist Partiyasına üzv olub, 1934-cü ildən isə partiya orqanlarında işləməyə başlayıb. II dünya müharibəsi başlanan ərəfədə Sofiya şəhərinin Yuçbunarski rayonunun katibi olan Jivkov maharibə zamanı partizan hərəkatının yaradılmasında iştirak edən fəallardan biri olub. 9 sentyabr 1944-cü ildə Bolqarıstanda kütləvi silahlı qiyam zamanı Todor Jivkov Sofiyada cəmləşən milli azadlıq birləşmələrinə rəhbərlik edib, faşist diktaturasının devrilməsində və Bolqarıstanda kommunist hakimiyyətinin qurulmasında əsas fiqurlardan biri sayılıb.

Bu hadisədən sonra siyasi populyarlığı artan Todor Jivkovun karyerasında sürətli irəliləyiş başlayıb, Mərkəzi Komitənin və Siyasi Büronun üzvü seçilib. 1948-ci ildə o, Sofiya şəhər partiya komitəsinin birinci katibi vəzifəsinə gətirilib. Bir il bu vəzifədə çalışdıqdan sonra Bolqarıstan Kommunist Partiyası Mərkəzi Komitəsinə katib təyin edilib. O, 1954-cü ildə hakimiyyəti tam ələ keçirib və 35 il ölkənin birinci kürsüsündə əyləşib.

Sosializm sisteminin süquta uğraması, SSRİ-nin çökməsi ilə Todor Jivkovun siyasi fəaliyyəti də sona çatıb. Amma o, siyasi səhnədən rahatlıqla gedə bilməyib. Bolqarıstan hakimiyyətinə gələn yeni siyasi qüvvələr Todor Jivkovu 1989-cu ildə istefaya göndərdikdən sonra onun haqqında ittihamlar irəli sürülüb.

İstintaq araşdırmaları zamanı Todor Jivkov külli miqdarda dövlət vəsaitinin mənisəmədə, vəzifəsindən sui-istifadədə, ölkənin iqtisadiyyatını dağıtmaqda və hakimiyyətdə olduğu illərdə Bolqarstan türklərinə qarşı cinayət əməlləri törətməkdə ittiham olunub. Aşkar olunub ki, 72 dəbdəbəli mənzilə, xaricdə istehsal olunan 67 avtomobilə sahib olan Todor Jivkov 24 milyon ABŞ dolları həcmində dövlət vəsaitini mənimsəyib.

1992-ci ilin sentyabrın 4-də Todor Jivkov məhkəmənin hökmü ilə 7 il azadlıqdan məhrumetmə cəzasına məhkum edilib. Səhhətində olan ciddi problemlərə görə o, məhkəmədən cəzasının yüngülləşdirilməsini xahiş edib. Məhkəmə onun xahişini nəzərə alaraq cəzasını ev dustaqlığı ilə əvəz edib. 1997-ci ildə isə Todor Jivkov ölkədən çıxmamaq şərti ilə ev dustaqlığından da azad edilib. Türklərə qənim kəsilən Jivkova cəmisi bir il azadlıqda qalmaq nəsib olub. O, 1998-ci ildə, 87 yaşında vəfat edib.

 

 

 

 

 

 

 

 

araz.az

İnsana çip taxmaq neçəyə başa gələcək?

5f4bbd8f70660 155849ec 9375 4b82 b62f 13fe0bfe3828 850Tanınmış amerikalı iş adamı, o cümlədən nevrologiya sahəsində "Neuralink” startapının təsisçisi olanİlon Maskinsanlara tibbi məqsədlərlə çip taxmaq barədə danışıb.

"Report” xəbər verir ki, "YouTube”dən söylədiyi nitq zamanı Mask həmin əməliyyatın ümumi qiymətini bir neçə min dollar təşkil edəcəyini deyib.

"Neuralink” şirkətində bununla bağlı cərrahiyə əməliyyatını gələcəkdə tam avtomatlaşdıracaqlarına, nəticənin gözə dəyməyəcəyinə ümidvar olduqları da

bildirilib.

Qeyd edək ki, "2016-cı ildə yaradılan "Neuralink” Alzheimer sindromu, demans, onurğa beyni zədəsi kimi nevroloji xəstəlikləri müalicə etmək üçün bəzi orqanlara kompüter çipi taxmaq istiqamətində işlər görür.

İ.Mask dünən təqdimat keçirərək iki ay əvvəl donuzun beyninə "Neuralink”in taxdığı çipi tam zərərsiz çıxararaq nümayiş etdirib.

araz.az

Dünyanın ən bahalı qoyunu fantastik qiymətə satıldı

1598722998 1598719329 1598719320 1598718798 121218 lot two auldhouseburn lot214 18354 8203Böyük Britaniyada dünyanın ən bahalı qoyunu satılıb.

Asiya.az "İndependent”-a istinadən xəbər verir ki, qoyun Şotlandiyada "Scottish National Texel Sale” auksionunda hərrəca çıxarılıb.

O, rekord qiymətə - 367,5 min funt sterlinqə (828,308 AZN) satılıb.

"Double Diamond” (İkiqat brilliant) ləqəbli qoyun ilk dəfə 10,5 min funt sterlinqə (23,665 AZN) təqdim edilib.

Əvvəlki rekord 2009-cu ildə Şotlandiyanın Lanark şəhərində auksionda 231 min funt sterlinqə (520,650 AZN) satılan qoçun qiyməti olub. 

 

 

araz.az

1 -dən səhifə 40

Əlaqəli xəbərlər