Mərhum prokurorluq əməkdaşının atası Rüstəm Usubovla görüşə çağrıldı

1554278378_rustam.jpg

Artıq bir neçə gün idi ki, iş adamı Bəybala Hüseynovun oğlu, hansı ki, Baş Prokuror yanında Korrupsiyaya qarşı Mübarizə Baş idarəsində əvvəlcə texniki işçi, sonra isə rütbə verilərək müstəntiq vəzifəsinə təyin olunacağı nəzərdə tutulmuş Hüseynov Emin Bəybala oğlunun 18 avqust 2017-ci il tarixdə müəmmalı ölümü ilə bağlı olay əksər media qurumlarının gündəmini zəbt edən mövzulardan birinə çevrilmişdi.

Mərhumun atasının açıqlamasına görə o, baş verən olayla bağlı bu günə kimi ölkə rəhbəri cənab İlham Əliyevə, Birinci vitse-prezident Mehriban xanım Əliyevaya və digər dövlət qurumlarının rəhbər şəxslərinə dəfələrlə müraciətlər etsə də, son anda nəyəsə nail ola bilməmişdi. Elə ki, ölüm faktı ilə bağlı olay media qurumlarında ictimailəşdi, o hada müəyyən addımlar da atıldı.

Mərhum prokurorluq əməkdaşının atası Rüstəm Usubovla görüşə çağrıldı

 

Belə ki, Bəybala Hüseynovun bildirdiyinə görə o, bu gün bu məsələ ilə bağlı Baş Prokurorluğa çağırılmış və onu saat 11:00-da Baş Prokurorun 1-ci müavini cənab Rüstəm Usubov qəbul edib. Düşünürük ki, belə bir qəbuldan sonra yaşanan olayla bağlı lazımi araşdırmalar aparılacaq və əsl həqiqətlər də aşkara çıxarılacaq. Yəni, lazımi istintaq işləri aparılacaq və ölüm faktında iştirakı olan hər kəs qanun qarşısında da cavab verəcək.
Mövzu diqqətimizdədir.

GundemXeber.Az

Əlaqəli xəbərlər