Aygün Kazımovanı Rəsul Quliyevlə nə bağlayır? - Xalq artisti barədə bilmədiklərimiz

1656520166 15Yəqin ki, bir şərq ölkəsində, həm də sovetin tərkibindən təzə çıxmış ölkədə onun etdiklərinə kimsənin cəsarəti çatmazdı.

araz.az  oxu24.com-a istinadən bildirir ki,  şou-biznesimizin sərhədlərini genişləndirən, səsindən daha ötə səhnədki davranışları, gözəlliyi ilə irəli gedən, daim özünə nömrə bir dedirtməyi bacaran Xalq artisti Aygün Kazımova...

Aygün Kazımova 26 yanvar 1971-ci ildə Bakının Nizami rayonunda dünyaya gəlib. Atası Ələsgər Kazımov Naxçıvan Muxtar Respublikası Sədərək rayonundan, anası Fizzə Kazımova İrəvan mahalı Zəngibasar rayonu Seyidlər kəndindəndir. Ailənin dördüncü — sonuncu övladıdır. Aygün Kazımova uşaqlıqda pika xəstəliyindən əziyyət çəkib. İfaçı bu xəstəliyini ilk dəfə 2015-ci ildə etiraf edib.

Qeyd edək ki, bu xəstəliyin yaranma səbəbi nadir psixi pozuntudur. Bu xəstəliyin daşıyıcıları PİKA (pozuntulu iştah) sindiromuna yoluxurlar. Sözügedən pozuntuya məruz qalan insanlar təbaşir, daş kömür, daş yeyirlər.

Aygün 1977-ci ildə 12 saylı məktəbin 1-ci sinfinə gedir. 8-ci sinifdə oxuyarkən atasını itirir. Hələ orta məktəbdə təhsil alarkən o, həndbol üzrə yığma komandanın qapıçısı və kapitanı idi. İlk dəfə böyük səhnəyə 9-cu sinif oxuyan zaman Ozan qrupunun solisti olaraq səhnəyə çıxır. 9cu sinfi bitirib orta məktəbdən uzaqlaşıb. 1986-cı ildə Mədəni Maarif texnikumuna daxil və bu təhsilini də yarımçıq saxlayır. 18 yaşı tamam olan kimi 1989-cu ilin 24 dekabında gənclik sevgisi – keçmiş həyat yoldaşı İlqar İbrahimovla evdən qaçır. 1990-cı ilin 7 oktyabrında qızı İlqarə Kazımova dünyaya gəlir.

Çox qısa müddət sonra Aygün Kazımova 1991-ci ildə həyat yoldaşından ayrılır. Buna əsas səbəb isə, özünün dediyinə görə həyat yoldaşının Aygünə səhnəyə çıxmağa icazə verməməsi, tüfeyli həyat tərzi keçirməsi, Aygünü hər gün incitməsi olub.

Məlumata görə, Aygün Kazımova ilk ərindən hələ də boşanmayıb.

Onun ilk həyat yoldaşı məhkumluq həyatı da yaşayıb.

1998-ci ildə ACP lideri Rəsul Quliyevin qardaşı oğlu Rza Quliyev Bakıda hava limanında həbs olunarkən xalq artisti Aygün Kazımova gözüyaşlı şəkildə telekanallara müsahibə verərək, eks-spikerin qohumu ilə evli olduğunu bildirmişdi. Daha sonra Aygün Kazımovanın eks energetika naziri Natiq Əliyevin oğlu Fərhad Əliyevlə eşq yaşayıb. 2002-ci ildə Türkiyə mətbuatında, xüsusilə Hürriyət qəzetində Aygün Kazımova və "Best Model Of the Turkey" yarışmasının finalisti Mert Kılıçın eşq macərası yaşadığı ilə bağlı silsilə məqalələr dərc olunmuşdu.

2004–2011-ci illərdə Aygün Kazımova meyxanaçı Namiq Qaraçuxurlu ilə qeyri rəsmi ailə həyatı qurub.

Namiq Qaraçuxurlunun keçmiş həyat yoldaşı Solmaz Şükürova bu münasibət haqqında belə demişdi:

Əslində Aygün Kazımovanın həyatı haqqında bunca qalmaqallı xəbərlərin yayılması onun səmimiyyətindən, cəsarətindən irəli gəlir. Lakin onun mşhurluğu və daim bir nömrə kimi qalmasının səbəbi isə təbii ki, bu qalmaqallar deyil. O, bunu peşəkar səhnəyə ilk dəfə çıxdığı gündən - 1988-ci ildəki "Bakı Payızı" yarışmasından sübut edib. Müsabiqədə Vaqif Gərayzadənin bəstələdiyi Yarım eşitsin məni mahnısı ilə ilk qran-prisini qazanır. Bəstəkar Tofiq Quliyevin müsahibələrində "Aygün Azərbaycan estrada musiqisi üçün əsl tapıntıdır" deməsi Aygünə qol-qanad olur və o, bütün çətinliklərə baxmayaraq sənətdə, böyük səhnədə iri addımlarla addımlayacağına söz verir.

Qoy işığı söndürüm, Şəklimi çək, Bir söz yetər, İndi sənsiz, Öpsən... və başqa mahnıları həmişə hitə çevrilib.

Son vaxtlar efirdə və tez-tez görünməyən müğənni öz sənət fəaliyyətində dəyişiklik edib. Əvəllər hər gün ekranlarda olan müğənni artıq geriçəkilərək, özünə bir əlçatmazlıq imici yaradıb. Son illər mətbuata açıqlama və müsahibə vermir.

Aygün tamaşaçı ilə bütün sərhədləri qıran, lazım olanda gəlib onun dizinin üstündə oturan, lazım olanda onun başını sinəsinə sıxan kompleksiz bir müğənni oldu. Səhnəarxasındakı bütün yaşantıları tamaşaçıların ovcunun içində oldu və o özü bundan zərrə narahat olmadı.
Bütün bu komplekssizlikləri ilə Aygün şou-biznes adlanan bu ağlı qaralı sahədə Azərbaycanı bir qərinə irəli apardı.
Aygün Kazımova Azərbaycan səhnəsində elə cəsarətli, riskli addımlar atıb ki, bu addımı heç illərlə Qərb səhnələrində üfüqlər dağıdan məşhur müğənnilər belə bacarmamışdı.

araz.az xəbər portalı.

"O çantadan məndə də var, Cennifer Lopesdə də"

CEN

"Türkiyədə ən gözəl, əlçatmaz sənətçilər restoranda konsertlər verir. Özü də ucuz da olmur. Bir sənətçiyə o şərait yaradılırsa, ona mane olmaq olmaz. Solo konsertim olacaq. Bir işi edəndə ən mükəmməlini etmək istəyirəm və buna nail oluram. İstəyirəm tamaşaçı geyimindən tutmuş, səhnə görünüşünə qədər hər şeydən razi qalmalıdır".

araz.az bildirir ki, bu sözləri müğənni Gülay Zeynallı "MTV maqazin"ə açıqlamasında deyib. İfaçı restoranda konsert verən sənət adamlarını tənqid edənlərə cavab verib.

Gülay sənət adamlarının özlərini "əlçatmaz" adlandırmasına da münasibət bildirib:

"Əlçatmaz" söhbətləri məndə yoxdur. Bu şeylər mənə çatmır, çatmayacaq da... Həyatda nə xoşdursa, elə yaşayıram. Övladımı dərsdən götürürəm, marketə gedib bazarlığımı edirəm. Sevmirəm getsin kimsə sənə bazarlıq etsin. İnsanlarla nə qədər səmimi olmalısan, xalqa qaynayıb qarışmalısan. İnsanlar səni sevəndə yaxşıdır, ünsiyyət quranda pis?".

Bahalı paltarlar alması haqda suala isə Gülay belə cavab verib:

"Məndə belə bir şey yoxdur ki, hər ay bunu alım. Könlümə nəsə düşərsə alaram. Qarderobumda elə geyim var ki, qiyməti 12, 15 manatdır. Xoşladığım hər şeyi ala bilirəm. İnsanın tərbiyəsi, əxlaqı onun açıq geyinməsi ilə ölçülməz. Ürəyimdən keçən geyimi geyinirəm. Oturub dəbi izləmirəm. Nəinki biz, dünya ulduzları da bir-birindən götürür. Bir tanınmış markanın çantasını mən də daşıyıram, dünya ulduzu Cennifer Lopez də. Bunu niyə söz edib, çıxartmırlar ortalığa? Bu həyat gör-götür dünyasıdır".

araz.az xəbər portalı.

Azərbaycanlı məşhurların sosial şəbəkə qazancları: 61 min AZN - SİYAHI - FOTO

sosiajpg 1654665804Yerli sənət aləmindəki məşhurların, əsasən də müğənnilərin gəlir mənbəyi toylardır. Onlar qazancının xeyli hissəsini təmtəraqlı məclislərdə, o cümlədən şou-proqramlarda iştirak edərək əldə edirlər.

Artıq son bir neçə ildir ki, insanların gəlirlərinin xeyli hissəsini sosial şəbəkələrdən əldə etməsi məşhurların da onlayn platformalara axın etməsinə səbəb oldu. Günbəgün inkişaf edən reklam bazarı, o cümlədən sənətçilərin baxış sayı artan klipləri və onların özəl görüntülərinin xeyli izlənməsi sosial şəbəkələri tanınmışların gəlir mənbəyinə çevirdi. 

araz.az  AZİNFORM.AZ-a istinadən  xəbər verir ki, baku.ws yerli şou-biznes nümayəndələrinin sosial şəbəkə gəlirlərini araşdırdıq. Onların bəziləri bu sahədən əldə etdiyi gəliri açıqladı, bəziləri isə bunu sirr kimi saxlayıb açıqlama verməkdən imtina etdi. Tanınmışların onlayn platformalardan qazandığı yüksək məbləğli qazanclarını siz oxucuların diqqətinə çatdırırıq:

 Xalq artisti Aygün Kazımova

 Pop divanın bütün sosial şəbəkələrdə təsdiqlənmiş səhifələri var. Hər biri ilə özü şəxsən maraqlanır. Yalnız instaqram hesabını mütəmadi olaraq özü idarə edir. Sənətçi sosial şəbəkələrdə xüsusi ilə də instaqramda özünün çəkildiyi və yer aldığı reklamların paylaşımını edir. Bu haqda saytımıza sənətçinin mətbuat xidmətindən məlumat verilib. Qeyd edilib ki, Xalq artisti əsasən yutubdan izlənməyə və rəqəmsal platformalardan dinlənilməyə görə qazanc əldə edir. Kazımova bu sahədən müəyyən məbləğli vəsait əldə etsə də, o heç vaxt qazancı barədə konkret rəqəm açıqlamayıb. 

Xalq artisti Röya Ayxan

 Səhnəmizin parıldayan ulduzunun adına bütün sosial platformalarda rəsmi hesab mövcuddur. Bura tiktok, feysbuk, instaqram, tvitter və başqaları daxildir. Bu haqda saytımıza ifaçının mətbuat xidmətindən məlumat verilib. Bildirilib ki, bütün şəbəkələrin istifadə hüququ Türkiyədəki "Gizli Medya"dadır. Sənətçinin bütün layihələri sözügedən şirkət tərəfindən paylaşılır. Lakin bir tək instaqram hesabını özü idarə edir. Həmin platformada bəzi hallarda aktiv, bəzən isə tamamilə uzaq qalır. Röya Ayxan sosial şəbəkələrdə hər hansı bir reklam siması olarkən şəxsən öz hesabında paylaşmağı üçün ayrıca müqaviləyə bənd əlavə olunur və bunun üçün ayrıca ödəniş alınır.

Əməkdar artist Elton Hüseynəliyev 

Bir neçə ay əvvəl müğənni Elton Hüseynəliyevin rəsmi instaqram hesabı oğurlanıb. Artıq müəyyən vaxt keçsə də, ifaçı hər ay müəyyən məbləğdə qazanc əldə etdiyi səhifəsini geri qaytara bilməyib. Bu barədə Hüseynəliyev saytımıza açıqlamasında bildirib. Əməkdar artist heç bir reklamda iştirak etmədiyini, yutubdan isə hər ay 3000 AZN qazandığını deyib. Qeyd edək ki, ifaçının instagram hesabı bu il martın 26-dan oğurlanıb.

Müğənni Zamiq Hüseynov

 

Zamiq Hüseynov saytımıza açıqlaması zamanı feysbuk sosial şəbəkəsində rəsmi səhifəsi olduğunu, lakin elə də istifadə etmədiyini deyib. Hüseynov daha çox instaqramdan aktiv istifadə edir. Bir sənətçi üçün yutub sosial platformasının vacibliyini bildirən müğənni orada kliplərinin yetərincə çox izlənildiyini bildirib. Sənətçinin şəxsi yutub səhifəsində konsertləri və özü haqqında bəzi məlumatlar yer alıb. Hüseynovun rəsmi tiktok səhifəsi də var.

Müğənni Nigar Camal

"Avroviziya 2011" qaliblərimizdən olan müğənni Nigar Camal sosial şəbəkələrdən aktiv istifadə edən sənətçilərimiz sırasındadır. O, instaqram hesabında daha çox layihələri və mütəmadi olaraq məşğul olduğu idmanla bağlı paylaşımlar edir. Camal açıqlamalarından birində xoşagəlməz şərhlər yazıldığından övladları ilə bağlı hərdən paylaşımlar etdiyini bildirib. İfaçı bir müddət əvvəl verdiyi müsahibəsi zamanı instaqramda reklam qiymətlərini açıqlayıb. Sənətçi bir fotonu 1500 manata paylaşır. Video formasında çəkilişin isə qiyməti 5 min manata qədərdir.

Müğənni Sevda Yahyayeva

 Sevda Yahyayeva daha çox instaqramdan istifadə edir. Son zamanlar isə o izləyiciləri ilə həyat yoldaşı Zakir Bayramovla xarici ölkələrə etdiyi səfərlərin görüntülərini paylaşır. Bu haqda saytımıza danışan sənətçi sosial şəbəkə qazancının nə qədər olduğunu deməyib. O, açıqlamalarından birində "İnstaqramdan gəlir əldə etmək mümkündür. Amma deyilən 10-15 min manat Azərbaycan bazarı üçün real qiymət deyil" deyə fikir bildirib. 

Xalq artisti Miri Yusif

 Miri Yusifin bütün sosial şəbəkələrini "MicPro" şirkəti idarə edir. Bu haqda saytımıza İfaçının mətbuat xidmətindən məlumat verilib. Xalq artisti daha çox instaqramda aktivdir. Aylıq gəlirə gəldikdə isə Miri Yusif dəqiq rəqəm açıqlamayıb.

Müğənni Ceyhun Əliyev

 Ceyhun Əliyev müsahibələrindən birində instaqramından yaxşı pul qazandığını deyib. Sənətçinin indiyə qədər sosial şəbəkədən aylıq olaraq ən yüksək qazancı 5860 AZN olub.

Müğənni Xatirə İslam

 

Xatirə İslam daha çox instaqram sosial şəbəkəsində aktivdir. Buna baxmayaraq, ifaçı saytımıza açıqlamasında səhifəsində heç vaxt reklam etmədiyini və bu sahədən bir qəpik belə qazana bilmədiyini deyib.

 

Müğənni Roza Zərgərli

 

 Sənətçi Roza Zərgərli isə saytımıza açıqlamasında sosial şəbəkələrdən heç bir qazanc əldə etmədiyini, tək gəlir yerinin verilişi və toyları olduğunu diqqətə çatdırıb. 

Bundan başqa müğənni Şəbnəm Tovuzlu yutubdan hər ay 10 000 AZN, Talıb Tale hər ay 7790 AZN, sənətçi Vəfa Şərifova isə sadəcə "Arkadaş" mahnısının yutubdakı baxış sayından 11 900 AZN, aktrisa Pərvin Abıyeva bir ayda tiktokdan 61 000 AZN, aktrisa Xuraman Əlizadə isə tiktokdan 2-3 aya 11 900 AZN qazandıqlarını açıqlayıblar. 

araz.az xəbər portalı.

Oğlunu sevgilisinə qısqandı, evli biri ilə eşq yaşadı...Fədayə Laçın haqqında bilinməyən gerçəklər

 AZpressAZ fb3cbf0cafdf4ed060f8ab46d o

Dünən məşhur müğənni Fədayə Laçının doğum günüydü.

Bu münasibətlə, araz.az da, kulis.az-ın onunla olan maraqlı müsahibəsini öz dəyərli oxucularının da diqqətinə çatdırır.

Fədayə atasına həsrət bir yeniyetməlik dövrü keçib. Atası onları tərk edərək başqa qadınla ailə qurub.

Fədayənin oxumağa meyli hələ yeniyetməlik illərindən başlasa da, erkən yaşda ailə quruduğu üçün evdə, mətbəxdə, yeni doğulmuş körpəsinə mahnılar oxumaqla, zümzümələr etməklə kifayətlənir. Günlər keçir, Fədayənin sənətə, oxumağa, səhnəyə olan sevgisi azalmır.

***

 Ailə həyatı isə yolunda getmir. Və günlərin birində Fədayə də anasının taleyini yaşayır. Həyat yoldaşı onu və oğlunu tərk edərək Rusiyaya gedir. Oğlu Əlhəmlə tək yaşamağa qərar verən Fədayə ömrünü ona həsr etməyə qərar verir. Bir tərəfdən də oxumaq yanğısı, istəyi onu rahat buraxmır. Sənədlərini İncəsənət universitetinə verir və burada Xanəndə Canəli Əkbərovdan dərs almağa başlayır. O, Canəli Əkbərovla yanaşı Arif Babayevdən, İslam Rzayevdən və Məhəbbət Kazımovdan muğam, musiqi sənətini mənimsəməyə davam edir. Tezliklə toylara dəvət olunan müğənninin şöhrəti ətrafa yayılmağa başlayır.

Laçın işğal olunandan sonra Fədayə Məhəbbət Kazımovun məsləhəti ilə özünə Laçın təxəllüsünü götürür. Onu Fədayə Laçın kimi tamaşaçılara ilk dəfə təqdim edən də elə Məhəbbət Kazımov olur. Lakin, etiraf edək ki, Fədayənin populyarlığında böyük səbəb həm də onun Tacir Şahmalıoğlu ilə duet oxuması olur.

***

 Tezliklə bu iki səsin birləşməsindən yaranan mahnılar insanların qəlbinə yatır. “Ney səsiyəm”, “Sən gəldin gəlişinlə”, “Külək məni yaralama”, “Ayrılığın üzü dönsün” kimi bir-birindən gözəl mahnılar ifa edirlər. Bu mahnılar toylarda, avtobus dayanacaqlarında, taksilərdə, marşrutlarda dinlənilir, sevilir.

Onların birgə dueti bir sıra söz-söhbətlərə yol açır. Tacir ailəli olsa da, Fədayə ilə altı ildən çox böyük eşq yaşayır, onu böyük məhəbbətlə sevir. Lakin, zaman keçdikcə cütlük arasında soyuqluq əmələ gəlir. Fədayə tək oxumaq istədiyini elan edərək Tacirdən ayrılıb solo karyerasına başlayır.

***

 Aradan uzun illər keçir. Fədayə mərdanə şəkildə Tacirlə olan münasibətini, onu vaxtilə sevdiyini etiraf edir. Tacir isə bunun əksini iddia edir, Fədayə ilə heç bir sevgi münasibəti yaşamadığını dilə gətirir. Bu barədə Fədayəyə verilən suallara o, küskün, gözündə kədərlə, ancaq qorxusuz cavablar verir:

“Tacir saf adamdı. Mənim ona yazığım gəlir. Bədbəxt insandı. Saflığından istifadə edirlər. Qaldı aramızda olan münasibəti danmağına, biz müğənnilərin həyatı hamıya bəllidir. Yalan danışmağın nə mənası var. Göz önündə olmuşuq. Sevgili olmuşuq. Niyə danım ki? Mən deyim ki, yox, biz onunla bacı-qardaş olmuşuq, ayıb olar. Bilən bilirdi. İndi yalan necə danışım? O vaxt özü bar-bar bağırırdı ki, sevirəm. Deyirdim, a balam, belə reklam eləmə. Deyirdi, yox, sevirəm. Mənə toxunan odur ki, insan sevirsə, buna görə utanmaz. Mən ona özümü qız uşağı kimi təqdim etmişdim ki? Başa düşmürəm. Mən onunla münasibətim olanda oğlum var idi, bunu bilmirdi ki? Ancaq qız uşağını sevmək olar ki? Sevgi günah deyil ki. Allahın verdiyi hissdir. Sevgi nə qız uşağına, nə varlıya, nə kasıba, nə də tərbiyəsiz qadın olmağa baxır. Pozğun qadını da sevmək olur, dilənçiyə də aşiq olmaq olar. Sevmisən, bunu da etiraf etmək üçün cəsarət lazımdı. Mən də sevmişəm. Burda nə var ki? Mən cansız əşya deyiləm ki. Hisslərim olub. Mən sevgi nədi bilmirəm? Qısqanırdı da, qadağaları da olurdu. İndi illər ötüb, hərə öz işində, gücündədir. Amma demə ki, aramızda heç nə olmayıb. Bu yalandı. Bizi görənlər, tanıyanlar olub. Mən səninlə münasibət yaşamışam. Onu necə dana bilərsən? Sevgini danmaq kişilik deyil”.

Tacir isə verilişlərin birində Fədayə haqqında deyir:
“Fədayənin səsinin şərhə ehtiyacı yoxdur. Onun çox gözəl səsi və qəlbi var. Ondan ürəyini istəsən, o, tərəddüdsüz qəlbini çıxarıb onu istəyən adama verər. Fədayə çox mərd, kişi qeyrətli qadındır. Biz onunla tonlarla çörək kəsmişik, mən ondan bir dəfə də namərdlik görməmişəm”.

***

 Fədayənin həyatında, musiqiyə gəlişində bayaq adını çəkdiyimiz əməkdar artist Məhəbbət Kazımovun da əvəzsiz köməyi olub. Məhəbbət Kazımov ona fərdi musiqi dərsləri keçib, özü ilə bir neçə toya aparıb. Məhəbbət Kazımov dünyasını dəyişəndə izdihamın içərisindən də eşidilən yanıqlı türkünün ifaçısı da Fədayə olmuşdu…

Günlərin birində yayılan xəbər isə hər kəsi təəccübləndirir. Fədayə Laçın Qoca ləqəbli dustağın qaçmasına köməklik göstərdiyi üçün həbs olunur. Etibar Məmmədov adlı bu şəxs əslində Fədayənin növbəti uğursuz sevgisi idi. Onlar toyların birində tanış olurlar. Fədayənin şair təbiətli olması onun şeirlər, qəzəllər yazan Qocaya meyl etməsinə səbəb olur. O, həbsdən əvvəl Qoca haqqında danışarkən deyir:
“Bir dəfə o, xəstələndi, xəstəxanaya düşdü. Mən də günlərlə yanında qalıb, ona qulluq elədim. Əvvəllər xəstəxana işçiləri bilmirdi ki, mən onun nəyiyəm. Sonradan başa düşdülər və bizə hörmətlə yanaşdılar. Kaş indi də o həbsxanadan çıxıb, xəstə yataydı, mən də ona qulluq edəydim. Amma bilmirəm, onun içində mənə qarşı sevgi qalıb, ya yox. Əgər qalıbsa, onu ömür boyu gözləməyə hazıram.”

Bu sevgi onun 5 il həbsdə yatması demək idi. Fədayə həbs olunandan sonra həbsdə öyrənir ki, Qoca qaçmağa cəhd etdiyi zaman öldürülüb. Həbs həyatı, adını, şöhrətini, yaxınlarının etibarını itirən Fədayə həm də sevgisini, sevdiyi insanı həmişəlik itirir.

***

 Fədayə həbsdə olduğu zaman çox məşhur insanlar onun azad olunması üçün müraciətlər edirlər. Nəticədə Fədayənin həbsi 2 ilə endirilir, azadlığa, ailəsinə, oğluna, anasına qovuşur. Sadəliyi, səmimiyyəti və saflığı ona əvvəlki ad-sanını qısa müddətdə qaytarır.

İndi ailəsi, yaxınları ilə birlikdə olan Fədayə müsahibələrinin birində deyir:
“İndiyə kimi cəmi bir dəfə ürəyimdən qısqanclıq hissi keçib. Oğlum bir qızla yazışırdı. Gördüm ki, çox mehriban söhbətləşirlər, ürəyimdən qısqanclıq keçdi. Elə bildim ki, oğlumu məndən alacaq. Oğluma da dedim ki, bax ha, birdən qız səni mənim əlimdən alar”.

araz.az xəbər portalı.

Nazilə Səfərlinin oğlunun toyuna 1000 AZN yazdıran MƏŞHURLAR - SİYAHI - VİDEO

nazile 21652858747Şairə Nazilə Səfərlinin oğlu Nurlana etdiyi toyun əks-sədası bitmək bilmir.

araz.az xəbər verir ki, "7 canlı" verilişində aparıcı Vüsalə Əlizadə onun övladının toyuna pul yazdıran məşhurların adlarını və yazdırdıqları məbləğləri açıqlayıb.

Aparıcı şou nümayəndələrinin böyük əksəriyyətinin Səfərlinin oğlunun toyuna 1000 AZN pul yazdırdığını bildirib. Onlar arasında Xalq artistləri Tünzalə Ağayeva, Məleykə Əsədova, Əməkdar artist Vasif Məhərrəmli, müğənni Nadir Qafarzadə və digərləri yer alıblar.

Qeyd edək ki, Nazilənin oğlu Nurlan ingilis dili müəllimidir. O bir neçə gün əvvəl Nuranə adlı xanımla evlənib.

Sözügedən videonu təqdim edirik:

araz.az xəbər portalı.

Vasif Məhərrəmlini polisə verirlər - SƏBƏB

vasifmeherremli1Əməkdar artist Vasif Məhərrəmlinin dələduzluqda ittiham etdiyi “Qurd Qapısı” restoranı açıqlama yayıb.

araz.az-ın məlumatına görə, ifaçının yaydığı videosunun altına restoran rəhbərliyi bu sözləri qeyd edib: “Tərbiyəli insanlarıq. Bizi “Kişi deyilsiz” sözü ilə təhqir etdiniz. Buna görə də sizi polisə şikayət edəcəyik”. 

Digər işçilərdən biri isə “110 manat hesab üçün belə edirsən”, - sözlərini yazıb. 

Qeyd edək ki, V.Məhərrəmli mayın 3-dəki açıqlamasında bu sözləri demişdi: "Qurd qapısı" restoranı var, buradan üzümü insanlara tutub, demək istəyirəm ki, oranın qapısını açmayın. Çünki orada mütəşəkkil quldur dəstəsi toplumu var. İnsanların cibini soymaqla, baş kəsməklə, qan içməklə məşğuldurlar. Təbii ki, məcazi mənada. Orada qazanılan bütün pullar haramdır. Bu gün həmin restorana verdiyim pulları haram edirəm. Haram xoşunuz olsun. Ofisiantların heç bir günahı yoxdur, amma oradakı müdiriyyət və administrator həm pulumu aldılar, həm də üzərimə şığıdılar. Az qala məni öldürsünlər, oradan zorla qurtuldum. Qazandığınız pullar haram xoşunuz olsun".Lent.az

Kərim Abbasov: “Həci axtaranlar, qıjılar, omba böyüdənlər bezdiriblər” - VİDEO

1650188371 kerm

“Bu dəqiqə efirlərdə ancaq qıjı oxuyanlardır”.

Bu sözləri müğənni Kərim Abbasov “Mtv magazin”ə müsahibəsində deyib.

“Bu dəqiqə əsl estrada oxuyan, səviyyəli oxuyan heç bir efirdə yoxdur. Ombasını, sinəsini böyüdənlər, həci söhbətləri... Qurtarmadı bunlar? Bu hara kimi gedəcək? Bezdik artıq. Sənətdən danışaq, sənət göstərək”, - deyə müğənni şikayətlənib.

araz.az xəbər portalı.

1 -dən səhifə 17

Əlaqəli xəbərlər