“AvtoVAZ”ın işçiləri avtomobil əvəzinə silah yığacaqlar

07 1“Lada İjevsk” avtomobil zavodu işçilərinin bir hissəsini “Kalaşnikov” konserninin tərkibinə daxil olan İjevsk Mexanika Zavoduna köçürülüb.

Söhbət artıq müvəqqəti işlə təmin olunmaq üçün müraciət etmiş 80 əməkdaşdan gedir. Bildirilir ki, “AvtoVAZ” komponentlərin olmaması səbəbindən dayanma müddətini belə kompensasiya edəcək.

Məlumata görə, bu addım sanksiyalar və komponentlərin çatışmazlığı fonunda “müəssisənin kadr potensialının qorunması” və “ləyaqətli əmək haqqının təmin edilməsi” tədbirləri çərçivəsində həyata keçirilib.

Hazırda “AvtoVAZ” əməkdaşlarının konkret nə ilə məşğul olacağı bəlli deyil. “Kalaşnikov”da onlar ancaq dövlət müdafiə sənayesi sifarişinin yerinə yetirilməsinə kömək edə biləcəklər.

araz.az xəbər portalı.

Körpə alveri ilə məşğul olan sayt aşkar edilib

korpe44

Qazaxıstanda körpələrin alveri ilə məşğul olan internet saytı aşkar edilib.

araz.az bildirir ki, bu barədə Almatı Prokurorluğu xəbər yayıb.

Bildirilir ki, saytda gənc qadınlar yeni doğulan körpələrini satırlar. Bundan başqa, resursda qanundan yan keçərək uşaq övladlığa götürmək istəyənlərin də elanları tapılıb.

Alatau vilayətinin prokuroru saytın qanunsuz elan edilməsi və Qazaxıstan ərazisində fəaliyyətinə xitam verilməsi üçün məhkəməyə müraciət edib, məhkəmə ərizəni təmin edib.

“Eyni zamanda “insan alveri” maddəsi ilə bağlı yoxlama aparılması üçün materiallar hüquq-mühafizə orqanlarına göndərilib. Bu cinayət əməli əmlakı müsadirə olunmaqla 15 ilədək müddətə azadlıqdan məhrum etmə ilə cəzalandırılır”, - deyə prokurorluqdan əlavə edilib.

araz.az xəbər portalı.

Quş qripi yayılır

qus44

Norveçin Şpitsbergen adasında quş qripi aşkar edilib.

Şimal qütbündən 1000 km məsafədə olan adada bu xəstəliyə ilk dəfə rast gəlinir. Xəstəlik ölmüş vəhşi quşun müayinəsi zamanı üzə çıxıb.

Norveç hökuməti bu hadisədən ciddi narahat olub. Çünki adada çox sayda quş yumurta qoyur. Köçəri quşlar miqrasiyası zamanı Şpitsbergen adasına enir.

Adanın rəhbərliyi bildirib ki, adada və ümumiyyətlə Şimal qütbündə ilk dəfədir heyvan xəstəliyi aşkar edilir.

araz.az xəbər portalı.

Rusiya iqtisadiyyatı defolt oldu

kreml9

Rusiya iyunun 27-də dövlət borcu öhdəlikləri üzrə defolt edib.

araz.az  APA-ya istinadən bildirir ki, Dövlət istiqrazları üzrə vaxtı keçmiş ödənişlərin 100 milyon dollarının ödənilməsi ilə bağlı güzəşt müddəti bazar ertəsinə keçən gecə başa çatıb.

Agentliyin fikrincə, Rusiya özünü defolt elan edəcək.

Məlumatda qeyd olunur ki, hazırda olan vəziyyəti unikaldır.

Çünki Rusiya Federasiyası borcu ödəmək istəyir, bunun üçün vəsaiti var, lakin Qərbin tətbiq etdiyi sanksiyalar bu imkanı məhdudlaşdırır.

Qeyd edilir ki, 1918-ci ildən bəri ilk dəfədir ki, belə hal müşahidə olunur.

araz.az xəbər portalı.

Meymunçiçəyi cinsi yolla keçirmi?

meymuncicəyipeyvəd

Ümumdünya Səhiyyə Təşkilatının (ÜST) fövqəladə hallar komitəsi meymunçiçəyi xəstəliyinin risk səviyyəsini müəyyən etmək üçün ilk iclasını keçirib.


Təşkilatın yaxın günlərdə virusla bağlı məlumat verəcəyi bildirilib. İyunun 9-dək ABŞ-ın 15 ştatında aşkar edilmiş 45 hadisəni araşdıran Amerika Tibb Assosiasiyasının araşdırmasının nəticələri də JAMA jurnalında dərc olunub.


Nəticələrə görə, meymunçiçəyi virusu cinsi yolla ötürülüb. Nigeriyada qeydə alınan yüzlərlə meymunçiçəyi yoluxması araşdırılıb və bununla bağlı açıqlanan hesabatda xəstəliyin kişilərin cinsiyyət orqanlarında yaralar şəklində meydana çıxdığının aşkar edildiyi qeyd edilib.


Virusun cinsi əlaqə yolu ilə insandan insana keçə biləcəyinə diqqət çəkən araşdırmada xəstəliyə nəzarət edilməsi üçün xaricdən görünən yaraların yoxlanmasından əlavə, eyni zamanda cinsiyyət orqanlarının və cinsi sağlamlıq müayinələrinin də əhəmiyyəti vurğulanıb.

araz.az xəbər portalı.

1 -dən səhifə 241

Əlaqəli xəbərlər