Ramiz Mehdiyevə məxsus nəşriyyatın fəaliyyəti ifşa edildi - MİLYONLUQ MAXİNASİYALAR

ramkiz55Söhbət “Şərq-Qərb” adlı nəşriyyatdan gedir.

araz.az-ın xəbərinə görə, Konkret.az bu nəşriyyatla bağlı redaksiyaya ünvanlanan müraciətlərin izi ilə araşdırma aparıb. Məlum olub ki, sözügedən nəşriyyat tərəfindən çap olunan məhsulların əksəriyyəti keyfiyyətsiz kağızlardan buraxılır. Və bu, haqlı olaraq oxucuların narazılığına səbəb olur. Oxucular bu tip məhsulların sağlamlığa ciddi zərər vurduğunu bildirir, mətbəənin çoxlu maddi qazanc əldə etməsi üçün belə bir addım atdığını sərt şəkildə qınayırlar.

Oxucuların bildirdiyinə görə, dəfələrlə nəşriyyata ünvanladıqları müraciətlərə baxmayaraq, məsələ hələ də öz həllini tapmayıb.

Nəşriyyatın fəaliyyəti ilə bağlı əldə etdiyimiz digər məlumatlar isə sözün əsl mənasında hiddət doğurur. Belə ki, son illər nəşriyyat qanunsuz kitab çapı və satışı ilə məşğuldur. Konkret desək, “Şərq-Qərb” mətbəəsində ingilis nəşriyyatına aid kitablar qanunsuz şəkildə çap olunur. Və bu nəşrlər həm “Sədərək” ticarət mərkəzində, həm də metronun “28 May” stansiyasının qarşısındakı yeraltı keçiddə satışa çıxarılıb.

Təbii ki, qanunsuz nəşrlərin qanunsuz satışını həyata keçirən nəşriyyatın bu cür fəaliyyətinin hansı məqsədlərə yönəldiyini müəyyən etmək elə də çətin deyil.

Araşdırma qrupumuzun əldə etdiyi digər məlumat isə odur ki, “Şərq-Qərb” nəşrlər evi ingilisdilli nəşrlərin çapı zamanı vergi ödəməkdən də yayınır.

Xatırladaq ki, “Şərq-Qərb” nəşriyyatı birbaşa Ramiz Mehdiyevin biznes imperiyasına aiddir və daha əvvəllər də bu qurumun adı müxətlif maxinasiyalarda hallanıb.

Mətbuatda dəfələrlə yazılıb ki, həmin nəşriyyat Ramiz Mehdiyevin himayəsi ilə Azərbaycan Milli Elmlər Akademiyası ilə əlbir olaraq müxtəlif çeşidli elmi-maarifləndirici kitabların nəşri adı ilə dövlət büdcəsindən milyonlar mənimsəyib. Hətta bu günə qədər bəzi sifarişlərin pulu ödənilsə də, nəşrlərin Akademiyaya verilmədiyi barədə məlumatlar var. Hesablama Palatasının 2020-ci ilin rəsmi hesabatlarında da bu məsələ xüsusi qabardılıb.

Belə ki, Palatanın 2018-2019-cu illər üzrə “AMEA-nın İşlər İdarəsinə ayrılan büdcə vəsaitlərinin icrası üzrə aparılan maliyyə və uyğunluq auditinə dair kənar dövlət maliyyə nəzarəti tədbirinin nəticələri haqqında” 25 fevral 2020-ci il tarixli Q-24 saylı sərt qərarı mövcuddur.

Həmin qərarda göstərilir ki, Azərbaycan Milli Elmlər Akademiyası tərəfindən “Şərq-Qərb” ASC-yə ayrı-ayrı vaxtlarda ümumilikdə ödənişlər edilib, lakin həmin ASC tərəfindən uzun müddət ötməsinə baxmayaraq çap məhsulları üzrə yaranmış ümumilikdə 10,4 mln. (10 milyon dörd yüz min) manat məbləğində debütor borcun bağlanılması və müqavilə üzrə öhdəliklərin icra edilməməsi ilə bağlı hüquqpozmalarda cinayət tərkibinin əlamətləri aşkar edilib.

Ümid edirik ki, “Şərq-Qərb” nəşrlər evinin həyata keçirdiyi qanunsuzlarla bağlı dövlət qurumları hərəkətə keçəcək və bütün qanunsuzluqların qarşısı yerindəcə alınacaq.

araz.az xəbər portalı.

Müğənninin “Uşaqla kimdi səni alan?” fikrinə görə televiziya kanalına xəbərdarlıq edildi

muz3330 iyun 2022-ci il tarixdə Azərbaycan Respublikası Audiovizual Şurasının yayım zamanı qanunvericiliyin pozulması faktı ilə əlaqədar iclası keçirilib.

Şuradan verilən xəbərə görə, iclasda “MTV” televiziya kanalının efirində 25 iyun 2022-ci il tarixdə saat 12.00–13.00 arası yayımlanan “MTV maqazin” proqramında “Media haqqında” Azərbaycan Respublikası Qanununun 14.1.4-cü maddəsinin (irqi, dini, mənşə, cinsi, etnik və digər ayrı-seçkiliyin təbliğ olunması) tələbinin pozulması faktı müzakirə olunub.

Belə ki, qeyd olunan proqramın yayımı zamanı (saat 12.44-də) müsahibə alınan müğənni tərəfindən “...Ailəni dağıtdın e. Bax, o, kişidi. Yenə də gedib ikinci dəfə evlənəcək. Ay qadın yazıq, bəs sən neynəyəcəksən? Bax, uşaqla da qalacaqsan evin bir küncündə...ikinci dəfə ərə gedəcəksən. O ya çata, ya bata. Uşaqla kimdi səni alan?... Oturacaqsan evdə tək?... boşananlar var ha (qadınlar nəzərdə tutulur), 99 faizi hamısı peşmandı. Nəyə görə? Oturub evdə, ailə yox, bir uşaqla, ərə gedə bilmir, saxlayanı yoxdu... nə xanım kimi xanımdı, ya nökər kimi nökərdi...” ifadələri səsləndirilib.

Efirdən bu cür ifadələrin səsləndirilməsinə yayımçı tərəfindən imkan yaradılması Azərbaycan Respublikasında gender bərabərliyi və bu kontekstdə insan hüquqlarının müdafiəsi istiqamətində həyata keçirilən fəaliyyətə kölgə salmaqla yanaşı, cəmiyyətdə baş verən boşanma və ailə dağılması prosesində zərərçəkən tərəf kimi yalnız qadının göstərilməsi, onun “yazıq” simasının yaradılması cinsi ayrıseçkiliyin təbliği hesab olunur və bununla da “Media haqqında” Azərbaycan Respublikası Qanununun müvafiq tələbi pozulur.

Aparılan müzakirələrdən sonra Azərbaycan Respublikası Audiovizual Şurası “Muz TV Azərbaycan” peyk yayımı həyata keçirən platforma yayımçısına bir daha belə halın təkrarlanacağı təqdirdə ciddi inzibati sanksiya tətbiq ediləcəyi ilə bağlı xəbərdarlıq edilməsi barədə qərar qəbul edib.

araz.az xəbər portalı.

Zaur Kamal cəzalandırılacaq

1620120473zaurkamal“Zaur Kamalın efirdəki son davranışı ilə bağlı ölçü götürüləcək”.

Bunu Mətbuat Şurası sədrinin müavini Müşfiq Ələsgərli bildirib. O, televiziyanın hər evə sirayət etdiyini və bu səbəbdən də televiziya mühiti üçün konkret standratların olduğunu deyib:

“Efirin öz şərtləri və mədəniyyəti var. Televiziya auditoriyaya ən çox nüfuz edən kommunikasiya vasitələrindən biridir. Bunları nəzərə alaraq efirin konkret standartları müəyyənləşib. Bu isə bizim qanunverici işlərlə tənzimlənir. Efirdə gedən verilişlərə nəzarət edən, monitorinq aparan Audiovizual Şura var. Şuranın işində isə son zamanlar kifayət qədər yeniliklər olub və görürük ki, təşkilat  bütün televiziyaları diqqətlə monitorinq edib, adekvat addımlar atır”.

M.Ələsgərli Zaur Kamalın milli-mənəvi dəyərlərə zidd davranış sərgiləməməli olduğunu vurğulayıb: “Hesab edirik ki, efirdə milli-mənəvi dəyərlərə, ictimai davranışlara zidd hərəkətlərə yol verilməsi yanlış addımdır. Bu kimi hallar sonradan insident yaradır və belə hallar başqaları tərəfindən də təkrarlana bilər. Odur ki, Zaur Kamalın davranışı ilə bağlı ölçü götürülməlidir. Audiovizual Şura bu məsələ ilə bağlı xəbərdaredici addımlar atacaq”.

Xatırladaq ki, “ARB" kanalında yayımlanan "Həmin Zaur" verilişində proqramın aparıcısı Zaur Kamal və iranlı müğənni Afşin Azərin arasında mübahisə yaranıb. Mübahisə əsnasında aparıcı qonağı efirdən qovub.

araz.az xəbər portalı.

Azərbaycanda daha bir vəzifəli şəxs saxlanıldı

hebs4Sabirabadın baş memarı tutulub.

araz.az  Pravda.az-a istinadən xəbər verir ki, baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən Sabirabadın baş memarı vəzifəsində çalışan Qasımov Müşviq Vidadi oğlu  saxlanılıb.

O, külli miqdarda rüşvət almaqda və mənimsəmədə şübhəli bilinir.

Baş Prokurorluğun mətbuat xidmətindən APA-nın sorğusuna cavab olaraq bildirilib ki, qeyd edilən faktla bağlı ictimaiyyətə açıqlama veriləcək.

araz.az  xəbər portalı.

Xalidə Kəngərlinin qardaşından daha bir açıqlama - VİDEO

XALDE4Xəbər verdiyimiz kimi, bir neçə gün öncə ginekoloq Xalidə Kəngərli yüksək mərtəbəli binanın 11-ci mərtəbəsindən düşərək vəfat edib.

Həkimin intiharı onu tanıyan hər kəsin təəccübünə səbəb olub. Belə ki, onun yaxın ətrafı Xalidə Kəngərlinin belə əməl törədə biləcəyinə inanmadıqlarını deyərək, onun ölümünün cinayət olduğunu iddia edirlər.

araz.az bildirir ki, hadisə ilə bağlı APA TV-nin əməkdaşları mərhum ginekoloqun qardaşı Elçin Vəliyev ilə söhbət edib.

“Xalidə elə zəif xarakterdə insan deyildi ki, intihar etsin. Övladlarını çox sevirdi, onlar evdə ola-ola intihar etməsi mümkün deyil” – deyə, o qeyd edib.

Mərhumun qardaşı kürəkənlərinin psixoloji vəziyyətinin normal olduğunu, amma ailədaxili münaqişə yaşadıqlarını da bildirib.

araz.az xəbər portalı.

1 -dən səhifə 229

Əlaqəli xəbərlər