"Bu, çox uzun, vaxt aparan prosesdir" - Samir Şərifov

samirserifov12"Ortamüddətli xərclər çərçivəsi ilə bağlı bir sıra təkliflər Hesablama Palatasının rəyində əksini tapıb. Bu, pilot layihədir. Biz bunu hazırda pilot layihə olaraq tətbiq edirik ki, tam bu prosesə hazırlanaq".

araz.az-ın məlumatına görə, bunu Milli Məclisin bu gün keçirilən iclasında "Azərbaycan Respublikasının 2022-ci il dövlət büdcəsi haqqında" (ikinci oxunuş) qanun layihəsinin müzakirəsi zamanı maliyyə naziri Samir Şərifov deyib.

"Hökumətin əsas məqsədi – büdcəni məhz nəticə əsaslı etməkdir. Bu, çox uzun, vaxt aparan prosesdir", - nazir bildirib.

araz.az xəbər portalı.

Təbii qaz niyə bahalaşıb? - Samir Şərifovdan cavab

samirserifov45

“Bir çox deputatlar öz çıxışlarında təmsil etdiyi rayonlarda seçicilərin maraqlarını müdafiə etmək məqsədilə bir çox məsələlər qaldırıblar”.

araz.az-ın xəbərinə görə, bunu maliyyə naziri Samir Şərifov parlamentin bu gün keçirilən iclasında büdcə müzakirələri zamanı deyib.

Onun sözlərinə görə, deputatların qaldırdığı problemlər qeydə alınır və təhlil edilir: “Hansı məsələlər daha prioritet olursa, onların həlli təmin edilir. Qaz təchizatı ilə bağlı məsələlərə aidiyyatı dövlət qurumları münasibət bildirəcəklər. Dünya bazarlarında hazırda təbii qazın qiyməti çox yüksəkdir. Bu proseslər ölkə daxilində də öz təsirini göstərir”.

araz.az xəbər portalı.

Diqqət! Bu şəxslər 1500 manatadək cərimələnəcək

manat122

İşçinin ezamiyyə xərclərini və müavinətlərini ödəməyən vəzifəli şəxslər cərimələnəcək.

araz.az-ın məlumatına görə, bu, Milli Məclisin Hüquq siyasəti və dövlət quruculuğu komitəsinin iclasında müzakirə edilən və parlamentin plenar iclasına tövsiyə edilən İnzibati Xətalar Məcəlləsinə təklif olunan dəyişiklikdə əksini tapıb.

Layihəyə əsasən, işçinin ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsinə görə vəzifəli şəxslər 700 manatdan 1500 manatadək məbləğdə cərimə edilir.

 

araz.az xəbər portalı.

Bakıda bu evlərin qiyməti ucuzlaşdı

bagevi300321

Ötən ay Bakıda fərdi yaşayış və bağ evlərinin qiymətində ucuzlaşma qeydə alınıb.

araz.az  Trend-ə  istinadən xəbər verir ki, bu barədə "MBA Group" konsaltinq şirkətindən məlumat verilib.

Belə ki, oktyabr ayında Bakıda fərdi yaşayış və bağ evlərinin qiymətində 5,78 faiz ucuzlaşma qeydə alınıb.

Oktyabr ayında bahalı evlərin bir kvadratmetrinin qiyməti 3 351 manat, orta qiyməti olan evlərin dəyəri 705 manat, ucuz evlərin isə bir kvadrat metrinin qiyməti 307 manat təşkil edib.

 

araz.az xəbər portalı.

Samir Şərifova yeni vəzifə verildi - FƏRMAN

samirserifov45

Prezident İlham Əliyev “Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə” fərmanda dəyişiklik edib.

araz.az-ın məlumatına görə, fərmanda Azərbaycan Respublikası Silahlı Qüvvələrinin sözləri Azərbaycan Ordusunun sözləri ilə əvəz edilib.

2. Preambulanın üçüncü abzasında “silahlı qüvvələrdə” sözləri “Azərbaycan Ordusunda” sözləri ilə əvəz edilsin.

3. 2-ci hissəsinin ikinci – səkkizinci abzasları aşağıdakı redaksiyada verilsin:

“Komissiyanın sədri

Azərbaycan Respublikasının maliyyə naziri

Komissiyanın üzvləri:

Azərbaycan Respublikası müdafiə nazirinin müavini

Azərbaycan Respublikasının Dövlət Şəhərsalma və Arxitektura Komitəsi sədrinin müavini

Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti rəisinin müavini

Azərbaycan Respublikası Prezidentinin Administrasiyasının Hərbi məsələlər şöbəsi müdirinin müavini.”.

4. Aşağıdakı məzmunda 3-1-ci, 3-2-ci və 3-3-cü hissələr əlavə edilsin:

“3-1. Müəyyən edilsin ki, bu Fərmanın məqsədləri üçün “qüsursuz xidmət” müddəti dedikdə, bu Fərmanın 3-2-ci hissəsində nəzərdə tutulan müddət istisna olmaqla, hərbi qulluqçuların həqiqi hərbi xidmət müddəti nəzərdə tutulur.

3-2. Aşağıdakı müddətlər hərbi qulluqçunun qüsursuz hərbi xidmət müddətinə daxil edilmir:

3-2.1. hərbi rütbəni aşağı salma intizam tənbehinin daha əvvəl hərbi qulluqçunun üzərindən götürülməsi halları istisna olmaqla, həmin intizam tənbehi tətbiq edildiyi gündən bir il müddəti;

3-2.2. hərbi xidmət əleyhinə olan inzibati xəta törədilməsinə görə çıxarılmış inzibati tənbeh vermə haqqında qərarın icrasını bitirdiyi gündən bir il müddəti;

3-2.3. məhkumluğun olduğu müddət.

3-3. Azərbaycan Ordusunun 20 təqvim ili və daha çox xidmət etmiş hərbi qulluqçusu bu Fərmanın 3-2-ci hissəsində nəzərdə tutulmuş müddətlərdə bu Fərmana uyğun olaraq dövlət vəsaiti hesabına mənzillə təmin edilə bilməz.”.

5. 4-cü hissədə “Maliyyə Nazirliyi” sözlərindən sonra “Komissiyanın katibliyi funksiyalarını həyata keçirsin və” sözləri əlavə edilsin.

 

araz.az xəbər portalı.

7 -dən səhifə 55

Əlaqəli xəbərlər