Bu məhsulların da qiyməti bahalaşdı - VİDEO

erzaqSon zamanlar ərzaq məhsulları ilə yanaşı, qeyri- qidaların qiymətində də artım müşahidə olunur.

Alıcılar iddia edirlər ki, marketlərdə yuyucu tozlar, qabyuyan mayelər, antipersperant vasitələrdən balşayaraq ən kiçik əl sabununa qədər qiymətlərdə artım var.

araz.az-ın məlumatına görə, bahalaşmanı təsdiqləyən satıcıların bir qismi qiymət artımının səbəbini Ukraynada davam edən müharibə ilə əlaqələndirir, bir qismi isə məhsulu sadəcə anbardan baha aldıqlarını deyirlər.

Qeyd edək ki, Rusiyanın Ukraynaya hərbi müdaxiləsi nəticəsində bir çox qida və qeyri-qida məhsullarının idxalında yaranan problemlər nəticəsində qiymətlərində artım müşahidə olunur.

araz.az xəbər portalı.

Azərbaycanda 10 manatlıq pul nişanları yeniləndi

1650617881 manat55Azərbaycan Mərkəzi Bankı (AMB) 10 manatlıq pul nişanlarını yeniləyib.

AMB-dən verilən məlumata görə, “Tarix” mövzusuna həsr olunan 10 manatlıq pul nişanlarının mühafizə sistemləri və dizaynı mövcud kosepsiya çərçivəsində ən son texnologiya və innovasiyalar tətbiq edilməklə yenilənib. Yeni pul nişanları iyunun 22-dən tədavülə buraxılacaq.

Yenilənmiş 10 manatlıq pul nişanında ən son mühafizə elementləri olaraq 3D effektində rəngi dəyişən holoqram, möcüzəvi “Spark Live” elementi (dinamik işıq effekti saçan, rəngi dəyişən təsvirlər), su nişanı (pul nişanını işığa tutduqda Dövlət Gerbi və müvafiq nominalın rəqəmlə təsviri), görmə qüsuru olanlar üçün tanıma elementi (pul nişanlarının ön tərəfində sağ və sol kənarlarda xüsusi qabarıq xətlər yerləşir ki, bu xətlərə toxunmaqla pul nişanının həqiqiliyini və nominalını müəyyən etmək mümkündür), şaquli dizayn (banknot istehsalı sahəsində dünyada ən müasir trendə uyğun olaraq pul nişanlarının arxa tərəfi şaquli olaraq dizayn edilib), mühafizə sapı, mürəkkəbsiz çap, mikromətnlər və s. tətbiq edilib.

Yenilənmiş 10 manatlıq pul nişanının istehsalı artıq başa çatdığından, onların AMB-nin keçmiş sədrinin imzası əks olunub.

Hazırda ölkə ərazisində istifadə edilən bütün nağd pul sistem və avadanlıqlarının yenilənmiş 10 manatlıq pul nişanına uyğunlaşdırılması (adaptasiyası) proseslərinə başlanılıb.

Yenilənmiş 10 manatlıq kağız pul nişanı hazırda tədavüldə olan eyni nominallı pul nişanları ilə paralel olaraq dövriyyədə olacaq və tədavül vasitəsi kimi məhdudiyyətsiz istifadə ediləcəkdir.

araz.az xəbər portalı.

“BakuBus” MMC-nin yeni alınan avtobuslardan istifadə etmədiyi üzə çıxdı

bakubus

“BakuBus” MMC tərəfindən yeni avtobuslara olan real illik tələbatdan artıq avtobus alışına yol verilib.

araz.az   xəbər verir ki, bu, Hesablama Palatasının “BakuBus” MMC-nin 01.01.2019-cu il tarixindən 01.0.2021-ci il tarixinədək olan dövrdə maliyyə fəaliyyətinə dair kənar dövlət maliyyə nəzarəti tədbiri zamanı üzə çıxıb.

Kənar dövlət maliyyə nəzarəti həmin illərdə bu qurum tərəfindən istifadə olunmuş ümumilikdə 80,0 mln. manata yaxın vəsaiti əhatə edib.

Qeyd olunub ki, yeni avtobuslara olan real illik tələbatdan artıq avtobus alışına yol verilməsi ilə yanaşı nəqliyyatın hərəkəti tezliyinin sərnişin dövriyyəsi ilə nisbətinin kifayət qədər optimallaşdırılmaması və yeni marşrut xətlərinin müəyyənləşdirilməməsi şəraitində dövlət vəsaitləri hesabına alınan avtobusların son 5 ildə orta hesabla 25,4 %-i depoda istifadəsiz saxlanılıb. Əlavə olaraq 320 ədəd sərnişin avtobusunun hazırkı məlum alış prosesi də nəzərə alınmaqla cari vəziyyətdə qeyd olunan faiz nisbətinin daha da artacağı gözlənilir.

Deponun sərnişindaşıma potensialından optimal şəkildə istifadə olunmaması isə öz növbəsində “BakuBus” MMC-nin müntəzəm sərnişindaşıma sahəsi üzrə gəlirlərinin tam reallaşdırılmaması, maliyyə öhdəliklərinin qarşılanması səviyyəsinin məhdudlaşması ilə nəticələnir. Eyni zamanda təmir xərcləri üzrə maliyyə öhdəliklərinin vaxtında icra olunmaması da avtobusların depoda boş dayanma günlərinin artmasına səbəb olur.

“BakuBus” MMC-nin balansında olan 303 ədəd “İveco” markalı sərnişin avtobusundan 198 ədədinin istismarının dayandırılması müxtəlif nasazlıqların vaxtında təmir olunmaması səbəbindən baş verib. Avtobus parkının bərpa olunması məqsədilə mövcud vəziyyətin aradan qaldırılması və təmir işləri üçün resursların cəlb edilməsi əvəzinə istismara yararsız həmin 198 avtobusun 80-dən (40,4%-dən) istifadəyə yararlı müxtəlif ehtiyat hissələrinin sökülərək istismar olunaraq digər avtobuslara quraşdırılması hallarına yol verilməsi təmirə ehtiyacı olan avtobusların daha da yararsız vəziyyətə düşməsi nəticələnib.

araz.az xəbər portalı.

Yaxın həftələrdə un, un məmulatları və çörəyin qiyməti 30-35 faiz civarında artacaq

bugda4“Hər il Azərbaycana un və çörək istehsalı üçün xaricdən 1 milyon 150 min ton taxıl alınmasına ehtiyac var. Dünyada taxılın qiyməti son aylarda 30 faiz artıb, Rusiya öz taxılını ixrac etməyə məhdudiyyətlər qoyub. Azərbaycan isə buğda təlabatının 80 faizə yaxınını Rusiyadan tədarük edirdi. İndi Qazaxıstan və Hindistanla danışıqlar gedir, çox güman razılaşmalar olacaq. Ölkədə taxıl qıtlığı gözlənilmir, amma qiymət kəskin artacaq. Yaxın həftələrdə un, un məmulatları və çörəyin qiyməti 30-35 faiz civarında arta bilər”.

araz.az  xəbər verir ki, bu barədə iqtisadçı ekspert Natiq Cəfərli deyib.

Ekspertin sözlərinə görə, real vəziyyətdən üç çıxış yolu var ki, onlardan biri orta-uzun, digər ikisi isə qısa və ya qısa-orta zamanda həll olunmalı məsələlərdir: “Orta-uzun zamanda, təbii ki, özümüz keyfiyyətli buğda istehsalını artırmalıyıq, çünki bu gün ölkədə istehsal olunan buğdanın cəmi 25 faizi keyfiyyətli un istehsalına və çörək bişirməyə yararlıdır. Təlabatın 75 faizi isə xaricdən alınan buğda ilə ödənilir. İnsan övladı 11 min ildir ki, qədim Mesopatamiyadan başlayaraq buğda əkib-becərməyə başlayıb, primitiv də olsa, seleksiya işləri aparıb, suvarmanı təkmilləşdirib. Amma Azərbaycan hələ də özünü keyfiyyətli buğda ilə təmin edə bilmir, çünki işə elmi yanaşma yoxdur, toxumçuluq zəifdir, suvarma və gübrə problemi var”.

N.Cəfərlinin sözlərinə görə, qısa zamanlı çıxış yolu un və çörək istehsalçılarına ciddi dövlət dəstəyinin, düşünülmüş dotasiya siyasətinin aparılmasıdır: “Bu sahənin vergilərdən azad edilməsi yaxşıdır, amma un-çörək istehsalçılarına dotasiyalar ayrılmalıdır. Qısa-orta zamanlı həll yolu daha fəlsəfi və qəlizdir, amma çox vacibdir. Qiymət artımının özü problem deyil, problem ölkə vətəndaşlarının gəlirlərinin az olmasıdır. Gəlirlər qiymətlərdən daha sürətlə artmalıdır ki, inflyasiya sosial problemə, kasıblığa səbəb olmasın. Bunun üçün isə hökumətin biznesə, özəl təşəbbüslərə münasibəti kökündən dəyişməlidir. Prezidentin özü çıxışlarında tez-tez “natəmiz iş adamları, işbazlar, möhtəkirlər” kimi sözlər işlədirsə, deməli ölkədə iş adamlarına, özəl təşəbbüslərə şübhəli və ögey münasibət var. Ölkədə özəl sektorda çalışanlara, kiçik-orta sahibkarlara hörmət məmurlardan daha yüksək olmasa, gəlirlərdə artım olmayacaq. Gəlirlər artmasa, qiymət artımına reaksiya daha kəskin olacaq, sosial gərginlik üçün zəmin artacaq”.

araz.az xəbər portalı.

“Bank BTB” ilə zərərlə başladı

1650272497 625d1af0d1cea625d1af0d1ceb1650268912625d1af0d1ce5625d1af0d1ce8

“Bank BTB”nin 2022-ci ilin birinci rübünü zərərlə başa vurub.

araz.az   
APA-ya istiinadən xəbər verir ki, bu ilin ilk üç ayında bankın faiz gəlirləri 6,859 min manat, qeyri-faiz gəlirlər isə 1,056 min manat təşkil edib.


Hesabat dövründə “Bank BTB”nin faiz və ona bağlı xərcləri 4,006 min. manat, qeyri-faiz xərcləri isə 4,002 min. manata bərabər olub.

Nəticədə bankın 93 min manat əməliyyat zərəri yaranıb.Mümkün zərərlərin ödənilməsi üçün xüsusi ehtiyatın yaradılmasına 3,201 min manat ayırma edildikdən sonra bankın xalis zərəri 3,295 min manat olub.

Qeyd edək ki, bank ötən ilin birinci rübünü 365 min manat xalis mənfəətlə başa vurmuşdu.

araz.az xbər portalı.

2 -dən səhifə 55

Əlaqəli xəbərlər