“Dünyanın Ən Nüfuzlu 500 Müsəlmanı” siyahısına daxil olan azərbaycanlı iqtisadçı

164242.jpg

UNEC-də “Ayın məzunu” layihəsi davam edir. Layihə çərçivəsində hər ay bir UNEC məzununu tanıyacaq, onun uğur hekayəsini oxuyacaqsınız.
 
Yanvar ayının məzunu qürurla təqdim edirik!
 
Araz.az bildirir ki, Vüqar Bayramov 1975-ci il iyunun 13-də anadan olub. 1992-ci ildə Azərbaycan Dövlət İqtisad Universitetinin Maliyyə fakültəsinə, 1997-ci ildə isə aspiranturaya daxil olub. 2003-cü ildə fəsləfə elmləri doktorluğu üzrə elmi işini müdafiə edib. 2003-2005-ci illərdə təhsilini ABŞ-ın Vaşinqton Universitetində davam etdirib. İqtisadi və Sosial İnkişaf Mərkəzinin (CESD) qurucusu və sədri olan tanınmış alim makro-iqtisadiyyat sahəsi üzrə bir sıra araşdırmaların müəllifidir. Əsərləri ABŞ, Belçika, Yaponiya, Cənubi Afrikada, Böyük Britaniyada çap edilib və ümumilikdə dünyanın 19 dilinə tərcümə olunub. 40-dan çox elmi məqalənin müəllifi olan V.Bayramov dünyanın 35-dən artıq universitetində mühazirə oxuyub. 2010-ci ildə adı “Dünyanın Ən Nüfuzlu 500 Müsəlmanı” siyahısına daxil edilib.
 
2014-cü ildən UNEC-in dissertantıdır.
 
İqtisadçı alim öz uğur hekayəsini UNEC tələbələri ilə bölüşür:
 
Azərbaycan Dövlət İqtisad Universiteti mənə baza təhsili verdi və mən onu ABŞ-da inkişaf etdirdim. O vaxtlar hədəfim dünyanın ən aparıcı beyin mərkəzlərindən birinin qurucu olmaq, fərqli ölkələrdə proqramlar hazırlamaq, akademik nəşrlərdə Azərbaycanla bağlı tədqiqatları çap etdirmək və imparkt faktorlu jurnallarda ölkəmizin mövqeyinin gücləndirilməsi idi. Bu gün arzularıma nail olub əzmlə yeni hədəflərə doğru addımlayıram.
 
Hələ ABŞ-da təhsil alarkən Azərbaycandakı mövcud tədqiqat mərkəzləri ilə universitetlərin imkanlarını qiymətləndirib, bu qərara gəldim ki, ölkəmizdəbeyin mərkəzinə ehtiyac var. Düşünün, ABŞ-ın aparıcı universitetləri Harvard, Yel, Prinston həm də kifayət qədər ciddi beyin mərkəzi kimi fəaliyyət göstərirlər.14 min tələbəsi, 6 minə yaxın professor-müəllim heyəti olan Yel Universiteti tələbələrin 45 faizinə təqaüd təklif edir.Amma gəlirlərinin əhəmiyətli hissəsini fərqli beyin mərkəzi kimi istehsal etdiyi məhsullar hesabına qazanır. Ümumiyyətlə, ABŞ-da beyin mərkəzlərihəm Amerika, həm də qlobal siyasətə təsir etmək imkanına malikdirlər.Buna görə də düşündüm ki, Azərbaycandamüstəqil, məsələlərə obyektiv yanaşan, həm də təbii ki, elmi tədqiqat aparılması üçün geniş imkanı olan beyin mərkəzinə ehtiyac var. Buna görə də təhsilimi başa vurub vətənə qayıdan kimi İqtisadi və Sosial İnkişaf Mərkəzini yaratdım.
 
İlk dövrlərdə asan deyildi, çünki Azərbaycanda ənənəvi QHT-lər daha fəal idilər. Buna rəğmən biz beyin mərkəzimizin strategiyasını müəyyən etdik və qısa zamanda bizim məhsula həm yerli, həm də qlobal səviyyədə tələbin artdığını müşahidə etdik. Bu gün qürurla deyirəm ki, beynəlxalq təsnifatda Azərbaycanda ilk beyin mərkəzi kimi tarixə düşdük. Biz 7 ildir Amerikanın Pensilvaniya Universitetinin BMT-nin dəstəyi ilə hazırladığı qlobal beyin mərkəzləri reytinqində Cənubi Qafqaz və Orta Asiyanın ən güclü beyin mərkəziyik. İllik büdcəsi 5 milyondan az olan ən güclü, dünyada ən yaxşı idarə edilən 5, dünyanın ən yaxşı və məşhur müstəqil 10 beyin mərkəzindən biriyik.Əslində bu müddət elə uzun müddət deyil, amma qısa zamanda bizim mərkəz dünyada CESD brendi kimi tanındı vəqəbul edilməyə başlandı.
 
Sözsüz ki, CESD yalnız beynəlxalq arenada deyil, ölkədə də ciddi nüfuz qazandı.Nəticədə çox fərqli proqramların hazırlanmasına cəlb edildik. İqtisadiyyat Nazirliyi, Mədəniyyət və Turizm Nazirliyi kimi ciddi qurumlarla xüsusi proqramların hazırlanmasında əməkdaşlıq etdik. Beyin mərkəzi olaraq yeni iqtisadi modelin – Strateji Yol Xəritəsinin hazırlanmasında yaxından iştirak etdik və mən sevinclə bildirirəm ki, belə əhəmiyyətli bir sənədin müəlliflərindən biriyəm.
 
Eyni zamanda CESD həm də yerli və xarici media ilə yaxından əməkdaşlıq edir, mütəmadi olaraq Nyu York Times, Euronews, CNBCkimi nüfuzlu media orqanlarında mövqe nümayiş etdirir.
 
Bir sözlə, qısa zamanda CESD sözün həqiqi mənasında bir məktəbə çevrildi. Bizim beyin mərkəzində çalışan və təcrübə keçən insanlar dünyanın müxtəlif ölkələrində kifayət qədər aparıcı mövqelərə sahibdirlər. Məsələn, Harvard Universitetinin Baltik ölkələr üzrə proqramında çalışan aparıcı söz sahibi CESD məzunudur.
 
Bu gün dünyanın ən yaxşı və məşhur müstəqil 10 beyin mərkəzindən birinin rəhbəri olaraq deyə bilərəm ki, bu sektorda olmaq çox faydalıdır.Öz potensialını dövlətin və cəmiyyətin inkişafı naminə istifadə etmək,iqtisadi siyasətə töhfə vermək, fərqli ölkələrdə dövlət proqramlarının hazırlanmasına cəlb edilmək böyük üstünlükdür. Mən iqtisadçı kimi müxtəlif ölkələrinhökümətlərilə əməkdaşlıq etmişəm.Adım Corc Vaşinqton və İordaniyanın Kral Akademiyasının hazırladığı“Dünyanın Ən Nüfuzlu 500 Müsəlmanı” siyahisına (elm və innovasiya kateqoriyası üzrə) ilk azərbaycanlı iqtisadçı kimi daxil olub.
 
Beyin mərkəzi sektoru mənim üçün çox cəlbedicidir. Bura tək iqtisadi siyasətlə məşğul olmaq deyil, həm də elmi tədqiqatlar aparmaq imkanı verir. CESD qlobal akademik jurnallara çıxış imkanları əldə edib. Dekabr ayında iki məqaləm “Thomson Reuters” bazasına daxil olan jurnallarda dərc edilib. Bu il isə impakt faktorlu jurnallarda 5-ə yaxın məqalə dərc etdirməyi düşünürük. Yəni qlobal amademik jurnallarda fikirlərini bölüşmək,ölkədaxiliprosesləri dünya elm platformasında təhlil etmək və iqtisadi siyasətə töhfə vermək baxımından da bu sektor bir üstünlükdür.
 
Məzunu olduğum universitetə baxanda bu gün onun çox fərqli mövqedə dayandığını görürəm. Mən Azərbaycan Dövlət İqtisad Universitetində təhsilimi başa vurduqdan sonra bir müddət müəllim kimi də çalışmışam. Etiraf etmək lazımdır ki, bəzi qruplarda dərs demək əslində vaxt itkisi idi və bu da stimul yaratmırdı. Ancaq indi UNEC cəlbedici bir məkana çevrilir. Aparılan islahatlar xüsusi ilə tələbələrin potensialına təsir edir. İndi həm təhsildəki şəffaflıq, həm də tələbələrin potensialının yüksəldilməsi gələcəkdə UNEC-də müəllim kimi çalışmaq imkanını çox cəlbedici edir.
 
Hesab edirəm ki, UNEC brendini müəyyənləşməsi İqtisad Universitetinin ən ciddi uğurlarından biridir. Təhsil ocağının həm yerli, həm də qlobal arenayadaxil olmasına ehtiyac var idi. Bu gün təhsil sektorunda sərhədlər itib və rəqabət kifayət qədər güclüdür. Bu baxımdan UNEC-də aparılan islahatlar onun rəqabət bazarında güclü mövqe qazanacağının təminatçısıdır. UNEC-də aparılan islahatlar, xüsusi ilə də şəffaflığın artırılması, korrupsiyaya qarşımübarizənin gücləndirilməsi təqdirəlayiqdir. Düşünürəm ki, UNEC növbəti mərhələdə də təhsilin keyfiyyətinin artırılmasınıvə beyin mərkəzinə çevrilməyi əsas hədəf kimi seçməlidir. Təhsilin keyfiyyətikeyfiyyətli kadrlardan və müəllimlərdən asılıdır.UNEC keyfiyyətli kadrların universitetə cəlb edilməsi prosesini davam etdirməlidir.Bu gün xaricdə təhsil alan, kifayət qədər potensialı olan tədqiqatçılarUNEC-də pedaqoji fəaliyyətə başlayıblar.Etiraf etmək lazımdır ki, son 4 ildə UNEC çox ciddi bir mərhələyə qədər qoyub və bu təcrübəsi göstərir ki, elmi tədqiqat mərkəzinə çevrilmə mərhələsinə də uğurla addımlayacaq.
 
Bu gün gənclər arasında Bill Qeyts və Mark Zukerberqin ali təhsilləri olmaya-olmaya nail olduqları uğurları nümunı çəkmək dəbi var. Tələbələrlə görüşdə həmişə deyirəm ki, etiraf etmək lazımdır ki, siz Bill Qeyts ola bilməyəcəksiniz. Kim ola biləcəksinizsə hədəflərinizi o istiqamətə yönləndirməlisiniz. Əvvəlcə hədəf müəyyən edilməli, sonra ona çatmaq üçün plan qurulmalıdır. Hədəflərimizəancaq təhsillə çata bilərik, ən dayanıqlı metod budur. Tələbəlik dövründə konkret hədəf müəyyən edəndə ona çatmaq daha da asan olur. Tövsiyə edirəm ki, UNEC tələbələrinin bəlli hədəfləri olsun və zamanın idarəedilməsini yaxşı öyrənsinlər. bu iki vacib amil olmadan təhsildəuğur əldə etmək mümkün deyil. Moderator.az

Dünyanı gözləyən yeni böhran: NƏ VAXT BAŞLAYACAQ?

14400553933031853040_554x360.jpg

Araz.az xəbər verir ki, Davosda növbəti iqtisadi böhranın vaxtı ilə bağlı müzakirələr aparılıb. İsveçrədə keçirilən Ümumdünya İqtisadi Forumunda “Növbəti böhran nə zaman olacaq?” mövzusunda keçirilən sessiyada dünyanın aparıcı banklarının və investisiya fondlarının məsul əməkdaşları açıqlamalar verib və proqnozlar səsləndirib. “Carlyle Group” birbaşa investisiyalar fondunun həmtəsisçisi Devid Rubinşteyn deyib ki, qlobal iqtisadiyyatda vəziyyət yaxşıdır: “Amma, pul-kredit siyasəti sanki böhranda olduğumuzu əks etdirir. Əgər mərkəzi banklar uçot dərəcələrini artırmağa başlasalar, kredit götürənlərin çoxu pis vəziyyətdə qalaraq, borclarını qapatmaq iqtidarında olmaya bilərlər”.

Harvard Universitetinin iqtisadiyyat üzrə professoru Kennet Roqof bildirib ki, uçot dərəcələrinin sürətlə artırılması, aşağı iqtisadi artım tempi və böyük məbləğdə borcu olan İtaliya və Yaponiya kimi ölkələr üçün maliyyə problemləri yarada bilər.

Qeyd edək ki, BMT-nin ticarət və inkişaf üzrə konfransı - UNCTAD-ın hesabatında qeyd olunub ki, əvvəlki resessiyalardan sonra bərpa prosesi daha aktiv olub. Bu dəfə isə iqtisadi artıma baxmayaraq birbaşa investisiyalar 2017-ci ildə illik müqayisədə 16 faiz azalaraq 1,52 trilyon dollara enib. Elan olunan layihələrin dəyəri isə 32 faiz azalaraq 571 milyard dollara enib və bu, son 14 ilin minimumu olub.

“Citigroup”un baş direktoru Maykl Korbat isə bildirib ki, növbəti iqtisadi durğunluq vaxtı proses daha kəskin və sürətli olacaq: “Biz özümüzə gəlməyə imkan tapmayacağıq”.

Ümumilikdə maliyyə böhranından bəri ilk dəfə İqtisadi Əməkdaşlıq və İnkişaf Təşkilatına (OECD) daxil olan 45 ölkədə artım baş verib. Hazırda dünyanın əksər ölkələrində uçot dərəcələrinin artırılması və ya ən yaxşı halda sabit saxlanılması müşayiət olunur. Uçot dərəcələrinin endirilməsi halları demək olar ki, yoxdur. Bu özünü iqtisadi cəhətdən inkişaf etmiş ölkələrin maliyyə sistemində də göstərir. Hətta dünyanın ən aparıcı dövlətlərindən biri olan ABŞ belə bu prosesin qarşısını ala bilmir. ABŞ-ın Federal Ehtiyat Sistemi hər il üç dəfə dolların uçot dərəcəsini artırmalı olur. Prezident Donald Tramp hakimiyyətə gələcəyi təqdirdə bu siyasəti dəyişəcəyini, yəni ucuz Çin məhsullarının Birləşmiş Ştatlara idxalının qarşısını almaq üçün dolların uçot dərəcəsini aşağı salacağını vəd etmişdi. Lakin D.Tramp Ağ Evə gəldikdən sonra verdiyi vədi yerinə yetirə bilmədi.

Bu, bir tərəfdən ABŞ-ın ixracat potensialına mənfi təsir göstərsə də, eyni zamanda dolların digər beynəlxalq valyutalara təzyiq imkanlarını saxlayır. Rusiyada isə 2017-ci ilin sonunda rublun uçot dərəcəsi 8.25 faizdən 7.75 faizə endirilib.

Mərkəzi Bank bu addımı Rusiyada inflyasiyanın 2.5 faiz təşkil etməsi ilə əsaslandırıb. Lakin ekspertlərin fikrincə, uçot dərəcəsinin endirilməsi daha çox siyasi amillərlə, yəni 2018-ci il mart ayının 18-də Rusiyada keçiriləcək prezident seçkisi ilə bağlıdır. 2018-ci ilin birinci yarısında isə inflyasiyanın 4 faizə qədər artacağı gözlənilir. Ona görə də seçkidən sonra rublun faiz dərəcələri yenidən yüksələ bilər. Həmçinin ABŞ Dövlət Departamenti yanvarın 29-da Rusiyanın nüfuzlu oliqarxlarının və iş adamlarının adlarının daxil olduğu 300 nəfərə sanksiyalar tətbiq edəcək ki, bu da ölkənin maliyyə sisteminə ciddi zərbə vura bilər.

2017-ci ilin dekabrında Türkiyə Mərkəzi Bankının qərarı ilə lirənin uçot stafkası 8 faiz həcmində sabit saxlanılıb.

Qeyd edək ki, Azərbaycanın Mərkəzi Bankının İdarə Heyəti 15 noyabr 2017-ci ildə uçot dərəcəsinin və faiz dəhlizinin digər parametrlərinin dəyişməz saxlanılması (uçot dərəcəsi 15 faiz, dəhlizin aşağı həddi 10 faiz, yuxarı həddi 18 faiz) barədə qərar qəbul edib. Mərkəzi Bankın İdarə Heyətində faiz dəhlizinin parametrləri növbəti dəfə 15 fevral 2018-ci ildə müzakirə ediləcək.

İqtisadçı-ekspert Rəşad Həsənov “Cümhuriyət” qəzetinə bildirib ki, növbəti böhranla bağlı konkret proqnozlar vermək çox çətindir: “Faktiki olaraq hazırda yeni bir böhran bitmək ərəfəsindədir. 2017-ci ildə Avropa Birliyində böhranın başa çatması ilə bağlı bir sıra mövqelər sərgiləndi. Eyni zamanda ABŞ-da da 2016-cı ildən etibarən iqtisadiyyatda müsbət simptomlar hiss olunmağa başlayıb. Bunun fonunda dünya mərkəzi bankları uçot dərəcəsini artırmağa çalışırlar. Çünki uçot dərəcəsinin kifayət qədər aşağı olması, bəzi hallarda əlavə risk formalaşdırır. Hesab edək ki, uçot dərəcəsi aşağıdır və bu daha genişləndirilmiş pul siyasətini həyata keçirilməsi anlamı daşıyır. Belə bir şəraitdə iqtisadiyyatlara izafi pul axını mümkündür ki, bu da balonların yaranmasına və son nəticədə 2008-ci ildə baş verən böhranabənzər vəziyyətin ortaya çıxmasına gətirib çıxarda bilər. Məhz 2008-ci ildə də qlobal böhranı əksər hallarda maliyyə böhranı hesab edirdilər. Buna görə də Avropanın, Yaponiyanın mərkəzi bankları, o cümlədən, FED kimi daha əhəmiyyətli mərkəzi banklar da bu təhlükəni görürdülər. Bunun qarşısının alınması istiqamətində atılan addımlardan biri də uçot dərəcəsinin artırılması yolu ilə iqtisadiyyatdan müəyyən qədər pulun sterilizasiya edilməsi idi.

Yəni, artmış pul kütləsinin inflyasiya potensialına malik izafi hissəsinin dövriyyədən çıxarılmasına yönəldilmiş əməliyyatlar həyata keçirirlər. Təbii ki, bu zaman müəyyən problemlər ortaya çıxır. Bu problemlərdən biri də ondan ibarətdir ki, növbəti dövrlərdə daha çox borcu olan dövlətlərin, iqtisadi subyektlərin və sair xərcləri artacaqdır. Bu xərclər onların toparlanmasını və maliyyə vəziyyətinin sabitləşməsini çətinləşdirə bilər. Faktiki olaraq bu gün qlobal iqtisadiyyatda artım baş verir. Hətta böyük maliyyə institutları da 2017-ci ildə qlobal iqtisadiyyatda artımla bağlı proqnozlarını dəyişdilər. Belə ki, onlar öz proqnozlarını artırıblar. Bu isə onu göstərir ki, hazırkı şəraitdə hər hansı ciddi böhran riskindən söhbət gedə bilməz. Çünki böyük iqtisadiyyatlarda artım müşahidə olunur. Burda əsas risklərdən biri Çindən formalaşa bilər. Bildiyimiz kimi Çin iqtisadiyyatının artım tempində müəyyən çətinliklər müşahidə olunmaqdadır. Eyni zamanda bir çox mütəxəssislərdə Çinin daşınmaz əmlak bazarında balonlar formalaşdığı qənaəti yaranıbdır. Bu balonların partlaması sonrakı dövrlərdə Çindən qaynaqlanan bir böhran dalğasının qlobal iqtisadiyyata yayılmasına gətirib çıxarda bilər. Bununla bağlı hazırda tənzimləmə işləri gedir”.

İqtisadçının sözlərinə görə, yaxın gələcəkdə ciddi böhranlar ortaya çıxacaq: “Uçot dərəcəsinin artırılması, iqtisadi faktorlar nəzərə alınmaqla paralel aparılır. Hazırda əsasən Avropa Mərkəzi Bankının və FED-in uçot dərəcələri qlobal uçot dərəcəsi tendensiyasına öz təsirini göstərir. Burada da hər iki qurum qlobal iqtisadi makrodinamikanı nəzərə alaraq qərarlar qəbul edir. Hesab edirəm ki, proseslər dünya iqtisadiyyatını puldan məhrum edib böhrana aparıb çıxara biləcək səviyyəyə çatmayacaq”.

Azərbaycanın maliyyə kredit sisteminin böhranlı vəziyyətdə olduğunu nəzərə alsaq, ölkəmizə təsirləri nədən ibarət ola bilər?

Rəşad Həsənov hesab edir ki, Mərkəzi Bank uçot dərəcəsini yüksək həddə saxlamağa məcburdur: “Çünki iqtisadiyyatda və bank sektorunda izafi pulun dövriyyədən çıxarılması, eyni zamanda idarə olunması məsələsi var. Məlum olduğu kimi hazırda banklar kredit verməkdə maraqlı deyil. Mərkəzi Bank da dəfələrlə açıqlayıb ki, banklarda izafi likvidlik yaranıb. Bu vəsaitləri hansısa formada idarə etmək lazımdır. Həmin vəsaitlərin banklardan cəlb edilməsi yollarından biri də depozitlərin uçot faizlərinin yuxarı həddə müəyyənləşməsidir. Buna görə də hesab edirəm ki, Mərkəzi Bankın əsas məqsədi manata və inflyasiyaya təzyiqləri formalaşdıran faktorları məhdudlaşdırmaq istiqamətindədir.

Bu səbəbdən də uçot dərəcəsini yuxarı həddə saxlayır. Eyni zamanda burada manatla kreditlərin cəlbi məsələsi də mümkün məqamlardan biridir. Çünki manat yığımlarının vətəndaşın əlində qalması və son nəticədə bu yığımların valyuta bazarlarında təklifin formalaşmasına gətirib çıxardır. Eyni zamanda əmanət depozitlərinin strukturunu xarici valyutanın həcminin çox olması ilə şərtləndirir. Amma uçot dərəcəsi yuxarı olduqda banklar nisbətən yuxarı faizlə manatla depozit siyasəti həyata keçirirlər. Belə bir şəraitdə də iqtisadi subyektlərdə, vətəndaşlarda yaranmış müvafiq pul kütləsi dövriyyədən kənarlaşdırılır”.

“Qlobal səviyyəli uçot dərəcəsinin artması, Azərbaycanda xarici borcun xərclərini artıra bilər”

Ekspert onu da nəzərə çatdırıb ki, uçot dərəcəsinin yüksək olması, kredit axınının həcmini azaldan faktordur: “Bahalı uçot dərəcəsi daha bahalı kreditlərin olmasını şərtləndirir ki, bu da subyektlərdə kredit götürməyə marağı aşağı salan əsas səbəblərdən biridir. Hazırda qeyri-neft iqtisadiyyatının inkişafı nəzərdə tutulubsa, kapital çatışmazlığı dövründə bahalı faiz siyasətinin həyata keçirilməsi, maliyyə dayanıqlılığını zəiflətməklə ümumi iqtisadi tempi aşağı salıb. Qlobal səviyyəli uçot dərəcəsinin artması, Azərbaycanda xarici borcun xərclərini artıra bilər. Bu isə dövlət büdcəsi üzərində əlavə yük formalaşdıra bilər. Amma nəzərə almaq lazımdır ki, bağlanmış əksər sazişlərdə faizlər müəyyənləşdirilib. Qlobal səviyyədə uçot dərəcələrinin artması, xarici borcların artmasına gətirib çıxardır”.

 Cebhe.info

“Palmali”nin gəmi yalanı üzə çıxdı

agsu.jpg

“PAL SHIPPING TRADER THREE” şirkətinin mülkiyyətində olan “Ağsu” tankerinin Danimarkanın Kalundborq limanında müfəttişlər tərəfindən saxlanılması barədə xəbər Azərbaycan mətbuatında geniş yer alıb.

Araz.az-ın məlumatına görə, bundan sonra şirkət rəsmiləri bu xəbəri yayan “Dəniz Xəbər Agentliyi”ni yalan informasiya yaymaqda ittiham ediblər.

Hətta Azərbaycan mətbuatına açıqlama verən “Palmali” Şirkətlər Qrupunun rəsmiləri “Dəniz Xəbər Agentliyi”ni onlar barədə sifarişli xəbər yazmaqda və agentliyin səhmlərinin 50 faizinin azərbaycanlı iş adamına beş milyon dollara satıldığını iddia ediblər.

“Palmali”nin gəmisi Danimarkada 16 gün həbsdə qalıb

19 yanvarda “Dəniz Xəbər Agentliyi” “PAL SHIPPING TRADER THREE” şirkətinin mülkiyyətində olan “Ağsu” tankeri Danimarkanın Kalundborq limanında saxlanıldı” başlığı ilə yaydığı xəbərdə bildirirdi ki, 2008-ci il istehsalı olan “Ağsu” tankerində  danimarkalı müffətişlər tərəfindən Paris Memorandumu (Paris MoU) çərçivəsində yoxlamalar başlanıb və gəmi nəzarətə götürülüb. “Ağsu” tankerinin səfərə çıxmasına qadağa qoyulduğu və həbs qoyulması barəsində sənəd tərtib edildiyi vurğulanıb. 

Bu xəbərin Azərbaycan mediasında geniş yayılmasından sonra “Palmali Rostov” şirkətinin rəhbərliyi gəminin Rusiya bayrağı altında üzdüyünə görə qəsdən yoxlanıldığını bildirib.

Şirkətin bu açıqlamasından sonra “Dəniz Xəbər Agentliyi” Danimarkanın Kalundborq limanının müfəttişlərinə sorğu göndərib.

Sorğuda “Ağsu” tankerinin Rusiya bayrağı altında üzdüyünə görə həbs edilməsi məsələsinə aydınlıq gətirilməsi xahiş olunub.

“Statoil Kalundborq” limanından “Dəniz Xəbər Agentliyi”nin sorğusuna cavab məktubu göndərilib.

Məktubda deyilir:

“Ağsu” tankerinin Rusiya bayrağı altında üzdüyünə görə həbs edilməsi ilə bağlı səsləndirilən iddialar əsassızdır. Tanker aşkarlanmış texniki nasazlığa görə saxlanılıb. Gəmi heyəti tərəfindən bu nasazlıqlar gec aradan qaldırıldığına görə 16 gün müddətinə limandan çıxmasına icazə verilməyib”.

“Ağsu” tankeri üç ay əvvəl Latviyada da həbs olunubmuş

“Palmali” Şirkətlər Qrupuna aid “PAL SHIPPING TRADER THREE” şirkətinə məxsus “Ağsu” tankeri Paris Memorandumu (Paris MoU) çərçivəsində 28 oktyabr – 5 noyabr 2017-ci il tarixləri arasında Riqa limanında yoxlanılıb və gəminin səkkiz gün səfərə çıxmasına icazə verilmədiyi bəlli olub. 

Son bir ildə “Palmali” şirkətinə məxsus altı gəmi yeddi dəfə səfərdən məhrum edilib

“Dəniz Xəbər Agentliyi”nin araşdırmaları nəticəsində məlum olub ki, son bir ildə “Palmali” şirkətinə məxsus altı gəmi yeddi dəfə səfərdən məhrum edilib.

Paris Memorandumu (Paris MoU) çərçivəsində Avropa limanlarına səfər edən “Palmalı” Dənizçilik Şirkətinə məxsus beş gəmi yoxlamalar çərçivəsində altı dəfə həbs olunub.

Bundan başqa, “Palmali Voyager” adlı gəminin Ağdəniz Memorandumu çərçivəsində Misirə səfərinə icazə verilməyib. oxu.az

Azərbaycanda 10 təşkilatda 2,3 milyon manat mənimsənilib

_4626-.jpg

Maliyyə Nazirliyinin Dövlət Maliyyə Nəzarəti Xidməti 2017-ci ildə aparılan maliyyə nəzarəti tədbirlərinin nəticələri haqqında məlumatı açıqlayıb.

Araz.az bildirir ki, nazirlikdən verilən məlumata görə, Maliyyə Nazirliyinin Dövlət Maliyyə Nəzarəti Xidməti tərəfindən 2017-ci ildə risklərin qiymətləndirilməsinin nəticələrinə əsasən tərtib olunmuş iş planına uyğun olaraq dövlət büdcəsindən 14 rayon və şəhər icra hakimiyyəti başçılarının aparatlarının saxlanılmasına, rayonların və şəhərlərin abadlığına, yolların, mənzil fondunun və büdcə təşkilatlarının yerləşdikləri binaların əsaslı və cari təmirinə, təmizlik və yaşıllıq xidməti göstərən qurumlara, 1 şəhər ərazi nümayəndəliyinə, həmçinin 11 təhsil, 10 səhiyyə, 1 meliorasiya və su təsərrüfatı müəssisələrinə, 1 statistika müəssisəsinə, 1 mərkəzi icra hakimiyyəti orqanına, 2 diplomatik nümayəndəliyə, regional maliyyə müfəttişliklərinin fəaliyyətləri ilə əhatə olunan şəhər və rayonlarda yerləşən büdcə təşkilatlarına dövlət büdcəsindən ayrılan vəsaitlərin təyinatı üzrə xərclənməsi yoxlanılıb, 2 açıq səhmdar cəmiyyətdə suvarma layihələrinin icrası üzrə monitorinq aparılıb.

2017-ci ildə Dövlət Maliyyə Nəzarəti Xidməti tərəfindən aparılan nəzarət tədbirləri ilə dövlət büdcəsindən ayrılan vəsaitlərin xərclənməsini tənzimləyən normativ hüquqi aktların tələblərinə əməl edilməməsi hesabına aşkar olunan 7 mln. 367,9 min manat məbləğində artıq ödənişlərin 4 mln. 673,7 min manatının yoxlamaların gedişində, 81,8 min manatının isə cari ilin əvvəlində bərpası təmin edilib, qüvvədə olan normativ hüquqi aktların tələblərinin pozulması ilə ümumtəhsil məktəblərində yaradılmış sinif komplektləri və məktəbdənkənar müəssisələrdə fəaliyyəti olmayan qruplar, müxtəlif vəzifələr üzrə normadan artıq saxlanılan ştat vahidləri ləğv edilib, həmçinin normativ hüquqi aktların tələblərinə uyğun olmayan digər əsassız ödənişlərin davam etdirilməsi dayandırılıb.

Hesabat dövründə ümumilikdə aşkar edilən yuxarıda qeyd edilən artıq ödənişlərin 10 təşkilat üzrə 2 mln. 331,8 min manat hissəsinə dair yoxlama materiallarında məniməsəmə əlamətləri müşahidə edildiyindən bu nöqsanlara hüquqi qiymət verilməsi üçün sənədlər Azərbaycan Respublikasının Baş Prokuroruna göndərilib.

Aşkar edilən əsassız ödənişlərin 4 təşkilat üzrə 280,6 min manat hissəsinə dair yoxlama materialları isə İnzibati Xətalar Məcəlləsinin 54.2-ci maddəsinə uyğun olaraq inzibati xətalar haqqında işlər üzrə icraatın başlanması üçün qərar qəbul edilməsi məqsədi ilə aidiyyatı üzrə prokurorluq orqanlarına göndərilib.

Hesabat dövründə Dövlət Maliyyə Nəzarəti Xidmətinin mütəxəssisləri tərəfindən Azərbaycan Respublikası Baş Prokurorluğunun məktubları ilə Maliyyə Nazirliyinə göndərilən prokurorluq orqanlarının qərarlarına əsasən 8 təşkilatda prokurorluq orqanlarının qərarlarında qeyd olunan suallar yoxlanılıb, aşkar edilən 678,3 min manat məbləğində artıq və əsassız ödənişlərin 57,6 min manat hissəsi yoxlamaların gedişində bərpa edilib, yoxlama materialları müvafiq tədbirlər görülməsi üçün aidiyyəti üzrə Baş Prokurorluğa göndərilib.

2017-ci il ərzində müxtəlif dövlət orqanlarına ünvanlanan və həmin orqanlar tərəfindən Maliyyə Nazirliyinə göndərilən, habelə birbaşa Maliyyə Nazirliyinə daxil olmuş və araşdırılması Dövlət Maliyyə Nəzarəti Xidmətinə həvalə edilən 260-dan çox vətəndaş müraciətləri ölkə başçısının tapşırıqlarına uyğun olaraq daha diqqətlə öyrənilərək araşdırılıb, müraciətlərdə qaldırılan məsələlərin xeyli hissəsi təsdiqini tapıb və vətəndaşların hüquqları bərpa edilib. Bu səpkili 20 müraciətin araşdırılması zamanı aşkar edilən nöqsanların ciddiliyi nəzərə alınaraq araşdırılmaların nəticələrinə dair tərtib edilən sənədlər həmin nöqsanlara hüquqi qiymət verilməsi üçün Respublika Baş Prokurorluğuna göndərilib.

Aparılan nəzarət tədbirləri ilə büdcə təşkilatlarında maliyyə qaydalarının pozulmasına yol vermələri müəyyən edilən vəzifəli şəxslər barəsində İnzibati Xətalar Məcəlləsinə uyğun olaraq müvafiq inzibati protokollar tərtib edilib, İnzibati Xətalar Məcəlləsinin 410.1-ci və 410.2-ci maddələrində nəzərdə tutulan inzibati xətalar törətdiklərinə görə 760 vəzifəli şəxsə ümumilikdə 639,0 min manat məbləğində inzibati cərimələr tətbiq edilib və həmin cərimələrin dövlət büdcəsinə ödənilməsi təmin olunub.

Hesabat dövründə dövlət büdcəsindən maliyyələşdirilən təşkilatlarda aparılan yoxlamalarla aşağıdakı xarakterik nöqsanlar aşkar olunub:

- abadlıq və təmir işlərinin podratçı təşkilatlar tərəfindən dəyərinin əsassız olaraq artırıldığı və bu hesaba onlara artıq büdcə vəsaitinin ödənildiyi, dövlət satınalmaları haqqında qanunvericiliyin tələblərinə zidd olaraq satınalma metodlarından istifadə etmədən malların, iş və xidmətlərin satın alınması hallarına yol verildiyi;

- bəzi rayon icra hakimiyyətlərində malların dəyərinin ödənilməsi üçün nəzərdə tutulan vəsaitlərin işçilərdən birinin plastik kartına köçürüldüyü və sonradan plastik kartdan nağd qaydada çıxarılaraq pərakəndə satış məntəqələrindən nağd ödənişlə malların alınmasının həyata keçirildiyi;

- əməkhaqlarının əsassız olaraq artırıldığı və əsassız olaraq artırılan hissəsinin baş mühasiblərin və onlara yaxın adamların plastik kartlarına köçürülərək israf edildiyi;

- ali və orta ixtisas təhsili müəssisələrində tələbələrdən təhsil haqqının yığılaraq vaxtında mədaxil edilmədiyi və borcların mühasibat uçotunda düzgün əks etdirilmədiyi, artıq kafedraların və fakultələrin saxlanıldığı, maddi-məsul şəxslərin öhdələrində material qiymətliləri üzrə xeyli məbləğdə çatışmazlıqlara yol verildiyi;

- xəstəxanalarda növbəti illər üçün ştat cədvəlləri tərtib edilərkən əvvəlki dövrlərdə vakant qalmış ştat vahidlərinin nəzərə alınmadığı və nəticədə bütün illərdə proqnozlaşdırılmış ştat vahidlərinin xeyli hissəsinin vakant qaldığı və bu hesaba ənəkhaqqı fondunda yaranmış böyük məbləğdə sərbəst vəsaitin işçilərə əlavə haqq kimi ödəndiyi;

- müvafiq qaydada müəyyən edilmiş normadan artıq ştat vahidlərinin saxlandığı, digər təşkilatlarda öz iş yerlərində işləyən və əmkhaqqı alan işçilərin eyni dövrdə xəstəxanalarda stasionar rejimdə müalicə olunduqlarının sənədləşdirildiyi və onlara əmək qabiliyyətini müvəqqəti itirməyə görə xəstəlik vərəqələrinin verildiyi;

- statistika idarələrində müvafiq qaydada müəyyən edilmiş normadan artıq ştat vahidlərinin saxlanıldığı, məzuniyyətdə olan sürücülərin adlarına əməkhaqlarının yazıldığı;

- mövcud qaydalara uyğun olaraq kənd təsərrüfatının siyahıyaalınmasının keçirilməsi zamanı bu işlərə məşğulluq xidmətlərində iş axtaran və işsiz kimi qeydə alınmış alı və orta ixtisas təhsilli kənd təsərrüfatı mütəxəssisləri cəlb edilməli olduğu halda, peşə ixtisasları və işləyib-işləmədikləri barədə müvafiq araşdırmalar aparılmadan faktiki olaraq müxtəlif təşkilatlarda daimi işləyən işçilərin müvəqqəti işçi kimi bu işlərə cəlb edildiyi;

- ayrı-ayrı ümumtəhsil məktəblərinin özlərinin müstəqil binalarının olmadığı, həmin məktəblərin müxtəlif ünvanlarda dərslərin tədrisi üçün heç bir şəraiti olmayan, məktəb kimi fəaliyyət göstərməsi üçün yararsız və qəzalı vəziyyətdə olan tikililərdə və ayrı-ayrı darısqal otaqlarda yerləşməsinin sənədləşdirildiyi;

- şəbəkə üzrə təsdiq edilmiş sinif komplektlərinin sayına görə sinif otaqları olmadığı və maddi-texniki bazası imkan vermədiyi halda müvafiq qaydada müəyyən edilmiş normadan artıq sinif komplektlərinin və ştat vahidlərinin saxlanıldığı;

- dərslər əsas müəllimlər tərəfindən keçirildiyi və jurnallar onlar tərəfindən yazıldığı halda, dərs saatlarının əvəz edilməsinin digər müəllimlərin adlarına rəsmiləşdirildiyi;

- faktiki olaraq işə davamiyyəti olmayan işçilərə və işğaldan sonrakı dövrdə işə qəbul edilmiş və faktiki olaraq işləyən məcburi köçkünlərə orta aylıq (dondurulmuş) əməkhaqqının ödənildiyi;

- alınması rəsmiləşdirilmiş maddi dəyərlilərin maddi-məsul şəxslərin hesabında uçota alınmadığı və onların yoxlama zamanı aparılmış inventarlaşma ilə faktiki mövcud olmadığı;

- musiqi məktəblərindən kənarlaşdırılmış uşaqlara tədris adı ilə, habelə ixtisas fənləri üzrə dərs saatları ilə üst-üstə düşən köməkçi fəndlər üzrə deyilməsi sənədləşdirilən dərs saatlarına görə müəllimlərə əmək haqqı hesablandığı;

- şəraiti olmayan otaqlarda musiqi dərslərinin deyilməsinin sənədləşdirildiyi;

- işdən kənarlaşdırılmış və ümumiyyətlə musiqi məktəbində işləməyən şəxslərin adlarına açılmış plastik kartlara əmək haqqı adı ilə əsassız olaraq böyük məbləğdə vəsait köçürüldüyü;

- rayon baytarlıq idarələrində zərərli iş şəraitində işləməyən işçilərə zərərli iş adı ilə əlavə haqq ödənildiyi, maddi-məsul şəxslərin öhdələrində dərman preparatları üzrə çatışmazlıqların olduğu, xırda və iri buynuzlu heyvanların saylarının artıq göstərilməsi hesabına vaksin preparatlarının artıq silindiyi.

Dövlət Maliyyə Nəzarəti Xidməti tərəfindən hesabat dövründə aparılan yoxlamalarla aşkar olunan nöqsanların tam aradan qaldırılması və belə nöqsanlara digər təşkilatlarda yol verilməsinin qarşısının alınması məqsədi ilə, habelə nöqsanlara yol verilməsində təqsiri olan vəzifəli şəxslər barəsində tədbirlər görülməsi üçün müvafiq mərkəzi və yerli icra hakimiyyəti orqanlarına, rayonlar üzrə maliyyə idarələrinə məktublar göndərilib.(apa)

Hansı banklar biznes krediti verir: SİYAHI

build-quick-way-business-credit-tips.jpg

Bu il Azərbaycanda sahibkarların pula ehtiyacının ödənilməsi üçün büdcədən investisiya xərcləri artıb. 2018-ci il büdcə xərclərinin 78%-i investisiya yönümlüdür. Bəs, bu siyasətə dəstək verən banklar hansılardır?

Araz.az xəbər verir ki, artıq ilin birinci rübünün sonundan başlayaraq, bankların kredit məhsullarını aktivləşdirəcəyi də gözlənilir. Xüsusən də biznes kreditləri sektorunda canlanma və bankların iştirakı hökumətin də xüsusi diqqətində olacaq.

Azərbaycan banklarının verdiyi biznes kreditlərinin həcmini və şərtlərini araşdırdı. Nəticələr göstərdi ki, bir qism bank hələ də ümumiyyətlə kredit vermir. Əsasən dollar alıb-satmaqla gəlirlərini formalaşdıran bu banklar maraqlıdır ki, “exchance bazarı” işə düşəndən sonra neynəyəcəklər.
Biznes krediti verən bankların siyahısı və şərtlərini təqdim edirik:
 

Bank Məbləği(AZN) Müddət İllik faiz dərəcəsi Komissiya haqqı Ödəniş forması Təminat
Bank BTB 300 000 3 - 36 ay  16% 0.5% aylıq bərabər hissələrlə (annuitet) daşınmaz əmlak
VTB 100 000 - 300 000 60 ay 16%-dən
başlayaraq
annuitet daşınmaz əmlak
Expressbank 1 000 - 50 000  36 ay  22%-dən başlayaraq 2%  annuitet Zaminin iş yerindən arayış
Unibank 20 000 –7 000 000 36 ay 17%-dən
başlayaraq
annuitet daşınmaz əmlak
Xalqbank 100 000 -500 000USD 24 ay 23% 0.1% Bank tərəfindən verilən cədvəl üzrə daşınmaz əmlak
Bank of Baku 500-70000 3-36 ay 20-24% Fərdi yanaşma Bank tərəfindən verilən cədvəl üzrə daşınmaz əmlak
Rabitəbank 15-6 000000 36 ay 19% 1 annuitet daşınmaz əmlak
Nikoyl Bank 20 000 - 6 000 000 3-36 ay 20%-dən başlayaraq 0.4% annuitet Daşınar və daşınmaz əmlak
Məişət avadanlığı
Qızıl
Biznes avadanlığı
Zaminlik
AFB Bank 50 000-dən yuxarı 36 ay 20% - 25 % Fərdi yanaşma annuitet daşınmaz əmlak
Turanbank 500-1000000 3-36 ay 20-29% 1.5 Fərdi yanaşma daşınmaz əmlak
Bank respublika 500- 4 000000 24-36 ay 20% 1 annuitet daşınmaz əmlak
ASB Bank 2000 36 ay 27% 1 annuitet daşınmaz əmlak
AGB 300- 8 000 000  3-36 ay 12%-25% -

 
Atabank, Muğanbank ümumiyyətlə kredit vermir. Yapı Kredi Bank Azərbaycan isə yalnız istehlak krediti verir. Azərbaycan Sənaye Bankı və Azəri-Gaz Bank rəsmi internet saytında biznesə dəstək krediti üzrə bəzi şərtləri açıqlasalar da, banklara  zənglərimiz göstərdi ki, biznes krediti məhsulu aktiv deyil. Eləcə də “Bank Silkvey”,  Amrahbank da biznes krediti vermir.

Kapitalbank, Beynəlxalq Bank, NBC Bank, Bank Avrasiya “biznes kreditləri veririk”, desələr də şərtləri açıqlamırlar. Səbəb deyilənə görə, fərdi yanaşma sistemi ilə bağlıdır. FED.az
 
 

13 -dən səhifə 25

Əlaqəli xəbərlər