Sürücülərin nəzərinə: 012-511-08-40 nömrəli qaynar xəttə zəng edin

 

surucutexnikibaxışDaxili İşlər Nazirliyi Baş Dövlət Yol Polisi İdarəsi nəqliyyat vasitələrinin texniki baxışdan keçirilməsi ilə bağlı sürücülərə müraciət edib.

İdarədən daxil olan müraciətdə deyilir:

"Nəqliyyat vasitələrinin texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan avtomobillərini texniki baxışdan keçirməlidirlər. Bunun üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonunda yerləşən Baş Dövlət Yol Polisi İdarəsinin Texniki Müayinə Mərkəzində, Lökbatan dairəsindən Yeni Yasamal yaşayış massivinə gedən yolun üzərindəki Müayinə Mərkəzində nəqliyyat vasitələrini texniki baxışa təqdim etməlidirlər. Respublikanın digər şəhər və rayon sakinləri isə yaşadıqları ərazinin aid olduğu Baş İdarənin Regional qeydiyyat-imtahan və texniki baxış şöbələrində avtomobillərini texniki baxışdan keçirə bilərlər. Xüsusi texniki vasitələrin köməyi ilə texniki baxışdan keçməyən avtomobillər müəyyən edilərək sürücüləri cərimə olunacaqlar.

Bundan başqa, vətəndaşlar avtomobillərinin texniki baxışdan keçirilməsi ilə əlaqədar onları maraqlandıran məsələlərin operativ öyrənilməsi üçün 012-511-08-40 nömrəli qaynar xətlə də əlaqə saxlaya bilərlər".

Qeyd: videogörüntü dyp.polisazerbaycan instagram səhifəsində mövcuddur

araz.az xəbər portalı.

Sığorta hadisəsindən sonra zərərçəkmişə ödəniş avtomatik təyin ediləcək

MANAT12“Dövlət İcbari Şəxsi Sığorta” altsisteminin qurulması işləri davam edir".

Bunu Əmək və Əhalinin Sosial Müdafiəsi Nazirliyinin tabeliyindəki DOST Rəqəmsal İnnovasiyalar Mərkəzinin direktoru Kənan Əkpərov qurumun 6 aylıq yekunlarına həsr olunan hesabatı təqdim edərkən deyib.

Onun sözlərinə görə, bu, hərbi qulluqçuların və digər bir sıra kateqoriyalardan olan şəxslərin həyat və sağlamlığının dövlət icbari şəxsi sığortası üzrə fəaliyyətin, eləcə də həmin sığorta vəsaitlərinin idarə edilməsi üçün yaradılan altsistemdir.

Direktor qeyd edib ki, Əmək və Əhalinin Sosial Müdafiəsi Nazirliyi dövlət icbari şəxsi sığortası sahəsində elektron infrastrukturun yaradılması nəticəsində həmin sığorta ödənişlərinin də elektron sistem üzərindən proaktiv təyinatı mexanizmi qurur: "Sığorta hadisəsindən sonra zərərçəkmiş şəxsin özünə, vəfat etdiyi halda vərəsələrinin müraciətinə və hər hansı sənəd təqdim etməsinə ehtiyac qalmadan sığorta ödənişi avtomatik təyin ediləcək və aidiyyəti şəxsin e-sistemdə qeyd olunmuş telefon nömrəsinə bu barədə SMS-bildiriş göndəriləcək".

araz.az xəbər portalı.

“Altun” şadlıq sarayı hansı icra başçısınındır?

altun77

Bakıda məşhur tamada Natiq Dağlaroğlunun bıçaqlandığı “Altun” şadlıq sarayı ilə bəzi faktlar üzə çıxıb. Əvvəlcə yada salaq ki, Natiq Dağlaroğlu iyulun 2-də gecə saatlarında Nizami rayonu Mikayıl Əliyev küçəsində yerləşən “Altun” şadlıq sarayında bıçaqlanıb. Onunla birgə musiqi ansamblının üzvü, 1972-ci il təvəllüdlü Yaqub Mehdiyevə bıçaqla xəsarət yetirlib. Hər iki şəxs ağır vəziyyətdə 3 saylı Şəhər Klinik Xəstəxanasına çatdırılıb. Natiq Dağlaroğlu əməliyyat olunduqdan sonra reanimasiya şöbəsinə yerləşdirilib.

İlkin araşdırmalardan sonra hadisənin 1987-ci il təvəllüdlü Məmməd Hüseynov adlı şəxs tərəfindən törədilməsinə əsaslı şübhələr müəyyən edilib. Faktla bağlı cinayət işi başlanıb, əməliyyat-axtarış tədbirləri həyata keçirilir.

İndi gələk Natiq Dağlaroğlunun bıçaqlandığı “Altun” şadlıq evi barədə faktlara. Qaynarinfo-nun əldə etdiyi məlumata görə, sözügedən şadlıq sarayı Abşeron Rayon İcra Hakimiyyətinin başçısı Abdin Fərzəliyevə məxsusdur. Abdin Fərzəliyev hələ Nərimanovun icra başçısı olanda “Altun”u inşa edib.

Altun şadlıq sarayı həm də Kütləvi İnformasiya Vasitələrinə Dövlət Dəstəyi Fondunun (KİVDF) keçmiş icraçı direktoru, hazırda məhkumluq həyatı yaşayan Vüqar Səfərlinin sevimli məkanı olub. KİVDF-nin əksər tədbirləri məhz bu şadlıq sarayında keçirilib.

Vüqar Səfərli ilə birgə mühakimə olunan “Altun” şadlıq sarayının inzibatçısı olmuş Şaiq İbrahimovun məhkəmədə verdiyi ifadəyə diqqət etdikdə keçmiş icraçı direktorun bu məkana marağının səbəbi aydın olur:

“Altun”da inzibatçı kimi işləmişəm. 2018-ci ildə KİVDF-nin tədbirini keçirirdik. 350-400 tədbirin keçirilməsi nəzərdə tutulurdu. Bu proses dövlət tədbiri olduğu üçün Vüqar müəllimin özü rəhbərlik edirdi. Tədbir başlamamışdan 3-4 saat qabaq Vüqar müəllim gəlirdi, tapşırıqlarını verirdi. Prezidentin köməkçisi səviyyəsində keçirilən tədbir idi. Vüqar müəllim tədbir başlamamışdan 250-270 nəfərlik stol açılırdı. Texniki işçilər, sürücülər olurdu, onları da zaldan kənarda kabinetlərə yerləşdirirdik. Təbdir qutarandan sonra şou proqram olurdu. Tədbirin görünməyən tərəfi də olurdu. Yəni tədbirdən sonra oturanlar olurdu. Normalda 34 min manata tədbiri keçirə bilirdik. Lakin müğənnilər bizlik deyildi.

KİVDF nümayəndəsi gəlirdi, sənədlər imzalanırdı. Tender olurdu, lakin biz iştirak etmirdik. Faktiki olaraq menyunu təqdim edirdik, razılaşırdıq. Müğənniləri, şou proqramı biz təşkil etmirdik. Pulu bizim hesaba köçürürdülər. Şou proqramın pullu hissəsini bizdən götürür, onlar ödəyirdilər. Çünki biz o qiymətə musiqi ansamblı və müğənni gətirə bilməzdik. Tədbirdən sonra pulu bizdən Vüqar Səfərli, ya da nümayəndəsi götürürdü”.

Vüqar Səfərlinin “qara işləri” üçün “Altun” şadlıq evini seçməsi də təsadüfi deyil. Yuxarıda qeyd etdik ki, şadlıq evi Abdin Fərzəliyevə məxsusdur. O isə Ramiz Mehdiyev-Əli Həsənov tandeminin kadrlarından hesab edilir. Abin Fərzəliyev vaxtilə hakim Yeni Azərbaycan Partiyasında Əli Həsənovun müavini vəzifəsində çalışıb. Abdin Fərzəliyev 2014-cü ildən YAP-da Partiyalararası əlaqələr və dialoq komissiyasının sədr müavini təyin edilib. Həmin komissiyanın sədri isə Əli Həsənov olub.

Vüqar Səfərli də bu qruplaşmaya daxil olan şəxslərdəndir.

Maraqlıdır ki, Ramiz Mehdiyevlə Əli Həsənov hakimiyyət komandasından çıxdaş edilsə də, Abdin Fərzəliyev özünü qoruya bilib.

Abşeron İcra Hakimiyyətindən isə Qaynarinfo-ya bildirilib ki, “Altun” şadlıq evinin Abdin Fərzəliyevə aidiyyatı yoxdur. Bununla belə, mediada bu barədə çoxsaylı materiallar tirajlanıb və təkzib olunmayıb.

Jurnalistlər sentyabrda güzəştli ipotekadan yararlana biləcək

ehmedismayilov 2

"Media reyestri fəaliyyətə başladıqdan sonra jurnalistlərin güzəştli ipotekadan istifadə etmək hüquqları mümkün olacaq".

araz.az bildirir ki, bunu Medianın İnkişafı Agentliyinin icraı direktoru Əhməd İsmayılov ASAN Radionun "QəbuldaASAN" verilişində deyib. O bildirib ki, hal-hazırda media reyestri ilə bağlı proqram təminatı üzərində iş yekunlaşmaq üzrədir:

"Düşünürük ki, sentyabr ayının sonuna qədər bu işlər yekunlaşacaq və reyestr fəaliyyətə başlayacaq. Növbəti etapda jurnalistlərimizin güzəştli ipotekadan yararlanması üçün hüquqi baza və infrastruktur mövcud olacaq".

araz.azx xəbər portalı.

Əhməd İsmayılov: “Əsas hədəfimiz mediada məzmun rəngarəngliyinə nail olmaqdır”

ehmedismayil

“Agentlikdən maliyyə yardımı alan qəzetlərin və saytların yalnız bu ilin altı ayı ərzində aparılmış monitorinqinin və ardıcıl həyata keçirdiyimiz tədbirlərin nəticəsi pozitiv dinamikanı görməyə imkan verir”.

araz.az  xəbər verir ki, bu barədə Azərtac-a müsahibəsində Azərbaycan Respublikasının Medianın İnkişafı Agentliyinin İcraçı direktoru Əhməd İsmayılov bildirib.

İcraçı direktor qeyd edib ki, bir çox saytların texniki problemləri aradan qaldırılmış, bəziləri tamam yeni tərtibata keçmiş, bir çox saytlar yeni rubrikalar yaratmış və ən əsası gündəlik 20 özəl material tələbini yerinə yetirmək artıq gündəlik iş normasına çevrilməkdədir.

“Bütün media subyektlərinin daim şikayət etdikləri “copy-paste” hallarının əsaslı şəkildə azaldığını müşayət edirik, Azərbaycan dilinin ədəbi üslubunun tələblərinə ciddi əməl edilməsi diqqət mərkəzimizdədir. Bəzi saytlarda özünü göstərən xəbər lentinin “Google” platformasının mexaniki tərcümə proqramından istifadə etməklə doldurulması prosesinin qarşısının alınması yönümündə atdığımız addımlar qısa vaxtda öz effektini verir”.

Ə.İsmayılov bildirib ki, əsas hədəf mediada məzmun rəngarəngliyinə nail olmaqdır: “Dəfələrlə qeyd etdiyimiz kimi hər bir media subyektinin öz siması, özünəməxsus xüsusiyyətləri olmalıdır. Tərcümə materiallarından asılılığı janr müxtəlifliyi ilə əvəzlənmək media subyektinin özünü inkişaf konsepsiyasının əsasının təşkil etməlidir. Təqdir olunan haldır ki, Agentlikdən dəstək alan media subyektlərində media etikasının pozulması halları yox dərəcəsindədir”. 

araz.az xəbər portalı.

3 -dən səhifə 173

Əlaqəli xəbərlər