"XALQ BANK" "YASMİN" TİCARƏT MƏRKƏZİNİ HƏRRACA ÇIXARMAQLA, İŞ ADAMLARINA CİDDİ ZƏRBƏ VURUR -- İTTİHAM

MƏMUR-OLİQARXLARIN NƏZARƏTİNDƏ OLDUĞU DEYİLƏN BU BANKIN RƏHBƏR HƏYƏTİNDƏKİLƏR İSTƏDİKLƏRİNİ EDİRLƏR

ÖLKƏ BAŞÇISININ SAHİBKARLIQ FƏALİYYƏTİNƏ MANE OLANLARIN CİDDİ CƏZALANDIRILACAĞINI AÇIQ MƏTNLƏ BƏYAN ETMƏSİ DƏ, SANKİ ONLARIN VECLƏRİNƏ DEYİL

Banklardan böyük həcmdə kredit götürdükdə girovla bağlı meydana çıxan çətinliklər müstəqil Azərbaycanın həlli müşkül ən böyük probleminə çevrilib. Cəmiyyət arasındakı getdikcə daha da artan narazılıqların böyük əksəriyyəti də, məhz, bu problemlə bağlıdır. Ağır cinayət kimi törədilən bu qanqaraldıcı problemin səbəbkarlarının bank və tikinti şirkəti rəhbərlərinin olduğu hamıya məlumdur. Ölkənin hüquq-mühafizə orqanlarında və məhkəmələrində bu yöndən olan cinayət işlərinin sayı da, digər işlərdən dəfələrlə çoxdur. Eyni zamanda, əksəriyyəti kreditlərlə bağlı olan banklarla qarşıdurma və mübahisələrdə daha çox əziyyət çəkənlər üçüncü tərəf -- iş adamları olur. Eynən, paytaxt Bakının Səməd Vurğun küçəsi, 120 ünvanında yerləşən "Yasmin" ticarət mərkəzindəki müxtəlif ölçülü obyekt və ofislərin külli miqdarda qiymətləndirilən dəyərlərini tam ödəməklə, öz adlarına alıb, bizneslərini quran 22 nəfər iş adamı kimi. Bu biznes mərkəzi ətrafında çoxdan yaranan və səngimək bilməyən dərin qalmaqalların, hətta polis və prokurorluq orqanlarında, müxtəlif instansiya məhkəmələrində mübahisə obyektinə çevrilməsi də deyilənlərin sübutudur. Doğrudan da, "Xalg Bank" "Mars-M" şirkətinin başçısı ilə birlikdə, bu iş adamlarına qarşı misli görünməmiş bir vəhşilik ediblər.

Prezident “əhalini incitməyin” deyir, “Azəristilik” isə...

istilik sistemi 0087Azərbaycanda hər il noyabrın 15-i tarixini gözləyənlər böyük xəyal qırıqlığı yaşayırlar. “Qafqazinfo” xəbər  verir ki, dövlət tərəfindən istiliyin veriləcəyi, evlərinin, övladlarının, yaşlı valideynlərinin isinəcəyi ümidi ilə yaşayanların arzusu hər il demək olar ki, puç olur. Fakt olaraq, təkcə son 3 ilə nəzər salsaq, deyə bilmərik ki, 15-i tarixindən etibarən paytaxt Bakıda “Azəristiliktəchizat” ASC-nin bütün qazanxanaları normal rejimdə işə düşüb. 

Repressiya və İşgəncələr Əleyhinə Komitənin BƏYANATI

1573908863_received_547228712763842.jpeg

"Repressiya və İşgəncələr Əleyhinə Komitə" ictimai-siyasi xadim, tanınmış hüquq müdafiəçisi Oktay Gülalıyevin avtomobillə vurulma hadisəsi ilə əlaqədar qaranlıq məqamları müzakirə edərək, bir daha aşağıdakıları bəyan edir:

Oktay Gülalıyev "Siyasi Məhbusları Müdafiə Mərkəzi" və "Repressiya və İşgəncələr Əleyhinə Komitə" adlı hüquq-müdafiə təşkilatlarının koordinatoru idi. Özünə və ailəsinə qarşı hakimiyyət tərəfindən real təhlükələr olmasına baxmayaraq, "Eurovision işi", "Nardaran işi", "Tərtər işi", "Gəncə işi" üzrə siyasi motivlərlə həbs edilmiş, işgəncələrə məruz qalmış məhbusların, həmçinin mühakimə edilmədən güllələnərək öldürülən şəxslərin hüquqlarının müdafiəsini təşkil edirdi. O, həm də siyasi məhbus siyahılarının hazırlanması üzrə ixtisaslaşmış hüquq müdafiəçisi idi. Onun hüquq müdafiəsi sahəsindəki ardıcıl və prinsipial mövqeyi Azərbaycan hökumətini narahat edirdi. Təsadüfi deyil ki, Oktay Gülalıyev dədələrlə Azərbaycan Respublikasının Baş Prokurorluğuna və Daxili İşlər Nazirliyinə çağırılmış, ondan hüquq-müdafiə işindən əl çəkməsi təkidlə tələb edilmiş, təzyiq və təhdidlərə məruz qoyulmuşdur.
Oktay Gülalıyevin avtomobillə vurulma anına aid video-görüntünün təhlilinə dair müstəqil ekspert-mütəxəssis rəylərinə əsasən, "Repressiya və İşgəncələr Əleyhinə Komitə" olaraq, bildiririk ki, Oktay Gülalıyevin avtomobillə vurulma hadisəsi heç də ehtiyatsızlıqdan baş vermiş adi avtomobil qəzası deyil və burada insan həyatına açıq-aydın sui-qəsdə dair çox sayda təkzibedilməz faktlar mövcuddur.

2 -dən səhifə 68

Əlaqəli xəbərlər