Prezident İlham Əliyevin qohumu Riyad Əliyev saxlanıldı, 30 sutka həbs verildi – FOTOLAR

7dd11a7b-f83d-4b5c-9951-4159dc2b788d-450x250.jpeg


 İş adamı, prezident İlham Əliyevin qohumu İlqar Əliyevin oğlu Riyad Əliyev saxlanılıb və 30 sutka inzibati həbs cəzasına məhkum edilib.

Turkustan.info xəbər verir ki, bu barədə virtualaz.org-a hüquq-mühafizə orqanlarındakı mötəbər qaynaqlardan məlum olub. Riyad Əliyevin DYP əməkdaşları ilə mübahisə etdiyi və onların qanuni tələblərinə məhəl qoymadığı üçün saxlanıldığı bildirilir.

Məlumata görə bir neçə gün əvvəl Bakı şəhəri Dövlət Yol polisi İdarəsinin iki əməkdaşı – polis serjantları Samir Şirinov və Sənan Həsənəliyev günorta saat 15 radələrində Bakıxanov qəsəbəsinin ərazisində xidmətdə olarkən görünüşü məhdudlaşdıran və istifadəsi qanunla qadağan olunmuş tünd rəngli şüşələrlə idarə edilən “Mersedes S65 AMGL” markalı avtomobili saxlayıblar.

YPX əməkdaşları sürücüdən sənədləri təqdim etməyi tələb ediblər. Lakin bu vaxt avtomobilin sərnişini düşərək DYP əməkdaşları ilə onları saxladıqları üçün mübahisə etməyə başlayıb. Polislərin bütün israrlarına baxmayaraq həmin şəxs mübahisəni davam etdirib, DYP əməkdaşlarına müqavimət göstərib. Lakin o, saxlanılıb və şəxsiyyəti aydınlaşdırılanda Bakı şəhər sakini Riyad Əliyev olduğu müəyyən edilib.

Riyad Əliyev mərhum Aqil Əliyevin (prezident İlham Əliyevin əmisi) nəvəsidir və onun adına “Riyad” mühafizə şirkətinin olduğu məlumdur.

Məlumata görə xidməti vəzifələrini yerinə yetirən polis əməkdaşlarına müqavimət göstərən, onlara tabe olmayan R.Əliyevin barəsində toplanmış materiallar Yasamal rayon məhkəməsinə göndərilib. Bu gün fevralın 21-də məhkəmənin qərarı ilə R.Əliyev barəsində 30 sutkalıq inzibati həbs qərarı çıxarılıb.

Bu fakt prezident İlham Əliyevin kimliyindən asılı olmayaraq yol hərəkəti qaydalarını pozanların, özbaşınalıq edənlərin məsuliyyətə cəlb edilməsinə dair DİN qarşısında qoyduğu vəzifələrin necə icra edildiyinə növbəti sübutdur. Hansı ki, bundan əvvəl yol hərəkəti qaydalarını kobud pozaraq qəzalar törədən məmur övladları, o cümlədən yüksək rütbəli şəxslərin ailə üzvləri həbs edilib, törətdikləri əməllərə görə öz cəzalarını alıblar.

Virtualaz.org

Azərbaycan Milli Azadlıq Hərəkatının əvəzolunmaz liderindən birlik çağırışı — BƏYANAT

 index İB.jpg


 

Azadlıq fədaisi silahdaşlarını «Bakı-Dirçəliş» sıralarında mübarizəyə səslədi

Sovet imperiyasının qanun və xalq adından törətdiyi qatı cinayətlər, ağlasığmaz cəzalar dövründə fədakarcasına bu əzazil rejimə qarşı çıxan, şüurlu həyatının böyük hissəsini, təmənnasız olaraq, bütöv Azərbaycan savaşına həsr edən, Vətən, xalq azadlığı uğrunda mübarizəyə könül verməkdən daim rahatlıq tapan, ailəsinin və özünün rahatlığından daha çox, milli dövlətini, onun müstəqilliyini düşünən, həyatını və sağlamlığını bu nəcib ideyaların reallaşması uğrunda qurban verməkdən belə çəkinməyən, o amansız mühitin əzab, işgəncə və məhrumiyyətləri məngənəsində düçar olduğu sağalmaz xəstəliklər ucbatından, ömrünün qalan hissəsini əlil arabasında keçirməyə məhkum olan Azərbaycan Milli Azadlıq Hərəkatının əvəzolunmaz liderl, yorulmaz ziyalımız Nəsir bəy Zərbəli oğlu Ağayev yenə meydandadır. Yenə də, bəşəriyyətin üzləşdiyi siyasi gərginlik mühitində qəlbinə hopan milli ruhunun narahat təzahürlərini üzə vurur.

«Bakı-Dirçəliş» İctimai Birliyi Ağsaqqallar Şurasının sədri olaraq, verdiyi B Ə Y A N A T da, elə, onun bu narahatlığına köklənib. Bu Bəyanat, onun insanlara ilham və ruh verən çağırışlarındandır. Araz.az saytına daxil olan həmin Bəyanatda deyilir: «Azərbaycan Respublikasının dinamik inkişafı, coğrafi mövqeyi, insan resursları, yeraltı və yerüstü sərvətləri bədxahlarımıza rahatlıq vermir. Elə, bu səbəbdəndir ki, böyük güclərin Azərbaycana təsir istəkləri günü-gündən intensivləşir. Azərbaycanın müstəqilliyi möhkəmləndikcə, dünyadakı siyasi nüfuzu artdıqca ölkəmizə olan basqılar daha da çoxalır. Torpaqlarımızın işğalı, cəmiyyətdəki radikal ünsürlərin aktivləşməsi, heç də təsadüfi olmayıb. Bütün bunlar, Azərbaycanın düşmənləri tərəfindən süni şəkildə yaradılan iyrənc siyasətin tərkib hissəsidir.
Belə bir vəziyyətdə, nəinki ölkəmizin və dövlətçiliyimizin inkişafı naminə mübarizəyə qoşulmaq, həm də bu mübarizənin ön sıralarında olmaq hər bir Azərbaycan vətəndaşının borcu olmalıdır. Milli-mənəvi dəyərlərimizə qayıdış, ölkəmizdə baş verən ictimai-siyasi hadisələrin aktiv iştirakçısına çevrilmək gələcəyimizin təminatıdır. Belə bir dövrdə, ən yaxın tariximizdə Azərbaycanın müstəqilliyi və azadlığı uğrunda mübarizədə mühüm rol oynamış, böyük mübarizə əzmi və ləyaqət nümunəsi göstərmiş Bakı və Kəndlər Birliyinin yaradıcısı və ilk sədri kimi, mən, yenə də, Azərbaycanın dövlətçiliyi və onun inkişafı uğrunda mübarizəmi davam etdirir və bildirirəm ki, bu yoldan heç vaxt dönməyəcəyəm. Vaxtilə, təşkilatımızın sıralarında parçalanma yaratmış, öz şəxsi məqsədlərini ictimai mənafeyindən yüksək tutan insanların səmimiyyətinə inanmıram. Məhz buna görə, mənə olunan çoxlu müraciətləri nəzərə alaraq, bu gün fəaliyyətimi Bakı və Kəndlər Birliyinin varisi olan və Azərbaycanı sevən konstruktiv mövqeli insanları ətrafında birləşdirən «Bakı¬Dirçəliş» İctimai Birliyində, bu qurumun Ağsaqqallar Şurasının sədri kimi davam etirirəm. Mənə inanan, mənim mübarizə yolumu qəbul edən, Vətəninə, xalqına və milli dövlətçiliyinə sadiq olan bütün silahdaşlarımı “Bakı¬Dirçəliş» İctimai Birliyi ətrafında birləşərək, Azərbaycanın inkişafı uğrunda mübarizəmizi davam etdirməyə çağırıram».

Səməndər QURBANOV,

araz.az saytının xüsusi müxbiri

Tikintidə yeni qaydalar tətbiq edilir - VİDEO

5a8af48dad96a_sosial-ev-azeuro-1.jpg


Bundan sonra inşa ediləcək bütün binalar və infrastruktur obyektlərində əlillərin rahat hərəkəti üçün lazımi şərait yaradılacaq.

Xezerxeber.az-ın məlumatına görə, bu, Milli Məclisdə 1-ci oxunuşdan keçən "Əlilliyi olan şəxslərin hüquqları haqqında" qanun layihəsində əksini tapıb.

Qanun layihəsində deyilir ki, yaşayış binaları, pilləkənlər, pilləkən qəfəsləri, çıxış və girişlər, dəhlizlər, açıq keçidlər, rampalar, liftlər, əlilliyi olan şəxslərin yaşadıqları mənzillərin giriş qapıları onların rahat və təhlükəsiz hərəkəti üçün obyektlərin sifarişçisi tərəfindən uyğunlaşdırılmalıdır. Bu uyğunlaşdırmanın bütün infrastruktur obyektlərində də nəzərə alınması tələb kimi qoyulub.

Qarabağ Müharibəsi Əlilləri, Veteranları və Şəhid Ailələri İctimai Birliyinin sədri Mehdi Mehdiyev dəyişikliyi yüksək qiymətləndirib.

Əmlak eksperti Emil Cəfərov isə bildirir ki, əlillərin tələbləri nəzərə alınaraq inşa edilən binalar Bakıda demək olar ki, yox səviyyəsindədir.

Mütəxəssis bildirir ki, qanunda bu dəyişikliyin edilməsi əlilliyi olan şəxslərin ən müasir standartlar səviyyəsində cəmiyyətə inteqrasiyasını təmin edəcək.

Onu da qeyd edək ki, qanun layihəsində mədəniyyət və idman obyektlərinin də əlilliyi olan şəxslərə müyəssərliyinin təmin edilməsi nəzərdə tutulur.

Xezerxeber.az mövzu ilə bağlı daha ətraflı videomaterialı təqdim edir:


© xezerxeber.az

 

Prezidentdən Ramiz Mehdiyevlə bağlı SƏRƏNCAM

Ramiz-Mehdiyev.jpg


 Prezident İlham Əliyev Dövlət Qulluğunu İdarəetmə Şurasının üzvlərinin təyin edilməsi haqqında sərəncam imzalayıb.

Araz.az  xəbər verir ki, sərəncama əsasən, aşağıdakı şəxslər Azərbaycan Respublikasının Dövlət Qulluğunu İdarəetmə Şurasının üzvləri təyin ediliblər.
Ramiz Mehdiyev – Azərbaycan Respublikası Prezidentinin Administrasiyasının rəhbəri
Zeynal Nağdəliyev – Azərbaycan Respublikası Prezidentinin Ərazi-təşkilat məsələləri üzrə köməkçisi – şöbə müdiri
Süleyman İsmayılov – Azərbaycan Respublikası Prezidentinin Administrasiyasının Sənədlərlə və vətəndaşların müraciətləri ilə iş şöbəsinin müdiri
Şahin Əliyev – Azərbaycan Respublikası Prezidentinin Administrasiyasının Qanunvericilik və hüquq ekspertizası məsələləri şöbəsinin müdiri
Tələt Məcidov – Azərbaycan Respublikası Prezidentinin Administrasiyasının Dövlət qulluğu və kadr məsələləri şöbəsinin müdiri
Urxan Ələkbərov – Azərbaycan Respublikasının Prezidenti yanında Dövlət İdarəçilik Akademiyasının rektoru.
Prezidentin digər sərəncamı ilə “Azərbaycan Respublikasının Dövlət Qulluğunu İdarəetmə Şurasının üzvlərinin təyin edilməsi haqqında”  2001-ci il 1 oktyabr tarixli 586 nömrəli Fərman ləğv edilib. AZƏRTAC

A24.az

Zakir Həsənov: “Müharibə hər an başlaya bilər”

600@0-17.jpg


 Müdafiə Nazirliyində vacib görüşdən önəmli anons.

Azərbaycanın müdafiə naziri, general-polkovnik Zakir Həsənov ölkəmizdə səfərdə olan Avropa İttifaqının Cənubi Qafqaz və Gürcüstandakı böhran üzrə xüsusi elçisi Toivo Klaarın başçılıq etdiyi nümayəndə heyəti ilə görüşüb.

Araz.az Müdafiə Nazirliyinin saytına istinadən bildirir ki, cəbhə xəttindəki hazırkı vəziyyətə dair məsələlərin müzakirə edildiyi görüşdə general-polkovnik Z. Həsənov beynəlxalq birlik tərəfindən tanınan Azərbaycan ərazilərinin Ermənistanın işğalı altında olduğunu və danışıqlar prosesinin bu günədək nəticəsiz qaldığını bir daha xatırladıb.

General-polkovnik Z. Həsənov cəbhə xəttində iki silahlanmış ordunun daim üz-üzə dayandığını qeyd edərək müharibənin hər an başlaya biləcəyini istisna etməyib. Nazir qeyd edib ki, beynəlxalq qurumlar Dağlıq Qarabağ münaqişəsinin fəsadlarının araşdırılması ilə deyil, onu yaradan səbəblərin köklü surətdə aradan qaldırılması ilə məşğul olmalı və münaqişənin bütövlükdə həllinə səy göstərməlidirlər.

T. Klaar isə öz növbəsində Cənubi Qafqaz regionunda sabitliyin təmin olunması üçün münaqişənin tez bir zamanda sülh yolu ilə həllinin vacibliyini qeyd edərək Avropa İttifaqının bu istiqamətdə danışıqların davam etdirilməsinin tərəfdarı olduğunu vurğulayıb.  /İstiPress/

11 -dən səhifə 46

Əlaqəli xəbərlər