Prezidentdən Ramiz Mehdiyevlə bağlı SƏRƏNCAM

Ramiz-Mehdiyev.jpg


 Prezident İlham Əliyev Dövlət Qulluğunu İdarəetmə Şurasının üzvlərinin təyin edilməsi haqqında sərəncam imzalayıb.

Araz.az  xəbər verir ki, sərəncama əsasən, aşağıdakı şəxslər Azərbaycan Respublikasının Dövlət Qulluğunu İdarəetmə Şurasının üzvləri təyin ediliblər.
Ramiz Mehdiyev – Azərbaycan Respublikası Prezidentinin Administrasiyasının rəhbəri
Zeynal Nağdəliyev – Azərbaycan Respublikası Prezidentinin Ərazi-təşkilat məsələləri üzrə köməkçisi – şöbə müdiri
Süleyman İsmayılov – Azərbaycan Respublikası Prezidentinin Administrasiyasının Sənədlərlə və vətəndaşların müraciətləri ilə iş şöbəsinin müdiri
Şahin Əliyev – Azərbaycan Respublikası Prezidentinin Administrasiyasının Qanunvericilik və hüquq ekspertizası məsələləri şöbəsinin müdiri
Tələt Məcidov – Azərbaycan Respublikası Prezidentinin Administrasiyasının Dövlət qulluğu və kadr məsələləri şöbəsinin müdiri
Urxan Ələkbərov – Azərbaycan Respublikasının Prezidenti yanında Dövlət İdarəçilik Akademiyasının rektoru.
Prezidentin digər sərəncamı ilə “Azərbaycan Respublikasının Dövlət Qulluğunu İdarəetmə Şurasının üzvlərinin təyin edilməsi haqqında”  2001-ci il 1 oktyabr tarixli 586 nömrəli Fərman ləğv edilib. AZƏRTAC

A24.az

Zakir Həsənov: “Müharibə hər an başlaya bilər”

600@0-17.jpg


 Müdafiə Nazirliyində vacib görüşdən önəmli anons.

Azərbaycanın müdafiə naziri, general-polkovnik Zakir Həsənov ölkəmizdə səfərdə olan Avropa İttifaqının Cənubi Qafqaz və Gürcüstandakı böhran üzrə xüsusi elçisi Toivo Klaarın başçılıq etdiyi nümayəndə heyəti ilə görüşüb.

Araz.az Müdafiə Nazirliyinin saytına istinadən bildirir ki, cəbhə xəttindəki hazırkı vəziyyətə dair məsələlərin müzakirə edildiyi görüşdə general-polkovnik Z. Həsənov beynəlxalq birlik tərəfindən tanınan Azərbaycan ərazilərinin Ermənistanın işğalı altında olduğunu və danışıqlar prosesinin bu günədək nəticəsiz qaldığını bir daha xatırladıb.

General-polkovnik Z. Həsənov cəbhə xəttində iki silahlanmış ordunun daim üz-üzə dayandığını qeyd edərək müharibənin hər an başlaya biləcəyini istisna etməyib. Nazir qeyd edib ki, beynəlxalq qurumlar Dağlıq Qarabağ münaqişəsinin fəsadlarının araşdırılması ilə deyil, onu yaradan səbəblərin köklü surətdə aradan qaldırılması ilə məşğul olmalı və münaqişənin bütövlükdə həllinə səy göstərməlidirlər.

T. Klaar isə öz növbəsində Cənubi Qafqaz regionunda sabitliyin təmin olunması üçün münaqişənin tez bir zamanda sülh yolu ilə həllinin vacibliyini qeyd edərək Avropa İttifaqının bu istiqamətdə danışıqların davam etdirilməsinin tərəfdarı olduğunu vurğulayıb.  /İstiPress/

İcra başçısının "kəşfi" beyləqanlıları qəzəbləndirib

1518094562_763.jpg


 Olimpiya idman kompleksini şəhər stadionunun içinə salıb

Ölkə Prezidenti cənab İlham Əliyein təşəbbüsü ilə regionların inkişaf etdirilməsi üzrə dövlət proqramları böyük uğurla həyata keçirilir. Artıq belə yüksək səviyyəli proqramların ölkəmizdə mütəmadi xarakter alması şəhərlərlə kəndlərimizin arasındakı fərqləri də aradan qaldırıb.

Kəndlərimizin abad yollarla, içməli su mənbələri, telekomunikasiya qovşaqları ilə, operativ fəaliyyət göstərən tibb müəssisələri, məktəb, kitabxana və klublarla təmin olunması, burada yeni iş yerlərinin açılması kənd əhalisinin şəhərələrə axınının qarşısını xeyli alıb. Respublikamızın əksər regionlarında, hətta ən ucqar bölgələrində yerləşən qəsəbə, rayon, şəhər mərkəzlrində adamların istirahətləri üçün parklar, stadionlar salınıb. Lakin təəssüf hissi ilə qeyd edək ki, ölkəmizdə böyük vüsət almış belə gözəl mühiti öz yersiz və düşünülməmiş hərəkətləri ilə çirkləndirən rəhbər kadrlar da az deyil.

Bunula əlaqədar olaraq redaksiyamıza ayrı-ayrı rayonlardan şikayət məktubları daxil olur. Məsələn, Beyləqanın Baş memarı vəzifəsini faktiki icra edən, rayonun icra başçısı Vaqif Abdullayev mövcud parkları, stadionu eybəcər hala sala-sala gedir. Xeyli geniş əraziyə malik olan və uzun illər rayonun idarə və müəssisələri tərəfindən yaşıllığa qərq olunan Heydar Əliyev adına istirahət parkı, Vaqif Abdullayev icra başçısı gələndən bəri təyinatını dəyişdi.

İlk olaraq Parkın bir tərəfi bazara satıldı, sonra Heydar Əliyev adına Mərkəzin arxasına Polis idarəsini, bu ikisinin arasına da Uşaq baxçasını pərçimləyib. Nəticədə istirahət parkında dincəlməyə, əylənməyə faktiki olaraq yer qalmayıb. İndi isə Olimpiya idman kompleksinin tikintisi üçün şəhərin hər iki giriş-çıxış hissələrində boş ərazilər ola-ola bu şəhərdə adamların sağlamlığı üçün yeganə məkan olan stadionu “sünnət etməyi” göz altına alıb. Hətta bu məqsədlə 28 yanvar 2018- ci ildə torpağın ayrılması və tikintinin başlaması üçün sərəncam da imzalayıb.

Xahiş edirik ki, bu məsələni ictimailəşdirin, onsuz da bu məxluqun qabağına heç bir Beyləqanlı çıxıb “dur, yanlış hərəkətdir” deyən deyil, olmayacaq da… Bu xisləti əvvəllər on ildən çox icra başçısı vəzifəsini icra etmiş və hələ də Beyləqanda görünməkdən “utanan” Xasay Əhmədov qoyub. Vaqif Abdullayev də onun prototipidir, sadəcə, sifət cizgiləri bir az fərqlidir…

Hər ikisi bu müqəddəs torpağa qənim gəldi. Amma bir zamanlar gələcək ki, bu rayonda Xasay kimi, Vaqif kimi məxluqlar həm də uzun müddətə rəhbərlik edib, kimlərsə də onlara yaxşı söyüş götürə-götürə “xidmət” edib, qulbeçəlik edib, yəqin ki, öz adlarının da sevə-sevə “qürurla” baş daşlarına yazdıracaqlar…

Beyləqanlılar bütün hallarda Vaqif Abdullayevin icra başçılığına normal rəhbərə yaraşan hərəkət kimi baxmasalar da, onu bu vəzifəyə təyin edən ölkə Prezidentinə böyük inam bəsləyirlər. Onlar əmindirlər ki, Vaqif Abdullayevin Olipiya kompleksini şəhər stadionunun ərazisinə salmaq ideyasının həyata keçmısinə cənab Prezident imkan verməyəcək. Milletinsesi.info

Binəqədidə sakinlər etiraza qalxdı: məhkəmə hakimi hadisə yerində gəldi

1518863877_777.jpeg


 Binəqədi rayonu, 8-ci mikrorayon, N.Nərimanov küçəsi bina 20, 21, 22 və 26-da yaşayan sakinlər etiraz aksiyası keçiriblər. Sakinlər deyir ki, 2013-cü ildə ölkə başçısının göstərişi ilə yüksək səviyyədə təmir olunmuş, yaşıllıqları ilə göz oxşayan, bir hektar əraziyə malik park minlərlə ailənin istirahət yeridir. Lakin son günlər parkın ərazisinin özəlləşdirilməsi ilə bağlı mübahisələr yaranıb.

Bakı İnşaat MMC-nin rəhbəri Zakir Quliyev sakinlərlə görüşərək bu ərazinin artıq ona məxsus olduğunu və parkın ləğv edilərək yerində yaşayış binası tikiləcəyini bildirib. O əlində məhkəmə qərarının olduğunu iddia edərək ərazinin ona məxsus olduğunu bildirib. Bu isə sakinlərin etirazına səbəb olub. Onlar sona qədər mübarizə aparacaqlarını və parkın ərazisini iş adamına güzəştə getməyəcəklərini bildiriblər.

Məsələ ilə bağlı musavat.com-un müxbiri hadisə yerində olub. 50-dən çox sakin binanın həyətində toplaşaraq bu qanunsuzluğa son qoyulmasını tələb edib. Qarşı tərəfin nümayəndələrinin də orada olması mübahisənin daha da qızışmasına səbəb olub. Sakinlər böyük bir mikrorayonun əsas parkının hansısa şirkətə satılmasını absurd adlandırıb, iş adamını seçkiöncəsi müddətdə təxribat yaratmaqda ittiham ediblər.

Məhkəmədə işə baxan 1 saylı İnzibati İqtisad Məhkəməsinin hakimi Elçin Məmmədov sakinlərlə söhbətində bildirdi ki, hər iki tərəf prosesə cəlb olunaraq dinlənəcək və daha sonra parkın taleyi ilə bağlı qərar veriləcək.
musavat.com 

DYP-də Zeynalovun post,Nuriyevin “cənnət otağı” biznesi

1508306672_r1pl6vjmbhc0.jpg


Baş Dövlət Yol Polisi İdarəsinin rəisi, polis general-mayoru Ramiz Zeynalov və Baş Dövlət Yol Polis İdarəsinin Mərkəzi Məlumat Xidməti (MMX) rəhbəri Vahid Nuriyev Daxili İşlər Nazirliyi sisteminin kökünü baltalamaqla məşğuldurlar.

Nazir Ramil Usubovun qurduğu modern, şəffaf və operativ idarəçilik sistemini demontaj etməkdə olan R.Zeynalovla V.Nuriyev təzədən ölkənin yol polis fəaliyyətini bayağı, ələbaxımlı, soyğunçu şəklinə salaraq, polis imicinin reputasiyasını dağıdan alverçi obrazını qaytarmağa başlayıblar.

 
Polis reputasiyası dağıdılır. Bununla bağlı savash.org-a daxil olan məlumatlar göstərir ki, R.Usubovun beynəlxalq standartlara və müasir texnologiyaya uyğun qurduğu yeni polis sistemi Zeynalovla Nuriyevin sayəsində dağıdılır. Bunu məqsədli şəkildə etmədiklərini söyləmək olar.
 
Sadəcə, merkantil maraqlar, qeyri-rəsmi gəlir mənbələri, dondurulmuş yazılmamış qanunların işlək vəziyyətə gətirilməsi, böyük pulların dövriyyədə olması elə bir baş gicəlləndiricilik yaradıb ki, Zeynalovla Nuriyev Usubovun cızdığı dairəni tapdalamağa məcbur olublar. Nəticə isə çılpaqlığı ilə göz qabağındadır: yol polisi yenə radarsilən, pulgötürən, “şirinlik” sevən, ərəbzəngilik edən, yük maşınlarını saxlayıb soyan bir hüquq-mühafizə orqanına çevrilib. Sanki Usubovun nazirliyində bir destruktiv müxalif cəbhə açılıb və gizli şəkildə yol polis sistemini ayaqlar altına atıb gözdən salmağa çalışır.

Hər postun öz qiymyollarda əti – gəl, ay müştəri

Məsələn, yük maşınlarından rüşvət yığılmasını qeyd etmək olar. R.Zeynalovun qurduğu “post”ların hər birinin öz tarifləri var. Savash.org-a daxil olan məlumata görə, əgər yük maşını sürücüsü Qaradağ postundan keçirsə 15 manat ödəməli olur, üzü Hacıqabula gedəndə Nəvahi postunda 10 manat verir, getdikcə azalan məbləğ Kürdəmirdə stop deyir – 5 manat. Ancaq sürücülərə işgəncə olmasın deyə bu işi kökündən görən maklerlər fəaliyyət göstərir. Onlar yol polis postlarında mülki geyimdə olan dəllalardır. “Vahid pəncərə sisteminin” mülki geyimli dəllaları polisin əli pula dəyməsin deyə hər yük maşını şoferindən ayda 200 manat alır – yaxşı yol!

Nazir təğyiri-libas olub 403-cü otağa gəlsə…

Vahid Nuriyev isə R.Zeynalov kimi yollardan pul yığa bilməsə də, onun gəliri ayağına gəlir. MMX rəhbəri sakitcə kabinetində əyləşib, əli pul görmür, heç bir təhlükə yoxdur, hansısa rüşvət sövdələşməsində iştirak etmir, di gəl sistem işləkdir. Söhbət sürücülərin çox gözəl tanıdığı qaragünlü 403-cü otaqdan gedir. Bu otağın qarşısında çox yox, cəmi 1 saat müşahidə aparın: əlində maşın nömrəsi gələn kim, telefonla tanış axtaran kim, növbə üstündə qırğına çıxan kim – hamı bir nəfər kimi Nuriyevin 403-cü “cənnət” otağının nurunu görmək arzusundadır.

Necə deyərlər, bu sirat körpüsündən, yəni 403-cü otaqdan keçməyənlərin şəhərdə günü qaradır. Yəni, əsl reportajlıq məkandır. Bir gün cənab nazir R.Usubov təğyiri-libas olub bu kabinetə gəlsə öz gözləri ilənələrin baş verdiyinə şahid olacaq. Bəs nələr, baş verir sual oluna bilər.

Elektron oyuncaq

Sürücülər deyirlər ki, 403-cü otaqda hər gün dövlət büdcəsindən yüz minlərlə manat pul yayındırılır. “Yazıya pozu yoxdur” deyiblər, amma bu atalar sözü də 403-cü otaqda öz kəsərini itirir. Çünki, MMX-nın 403-cü otağı məhz yazılanları pozmaq üçün fəaliyyət göstərir. Savash.org mediada yer alan məlumatlara əsasən bildirir ki, Mərkəzi Məlumat Xidməti qeyri-qanuni pul toplamaları üçün xüsusi mexanizm hazırlayıb. Belə ki, radara düşən sürücüyə elektron protokol tərtib olunaraq yaşadığı ünvanına göndərilir. Amma, əksər hallarda cəriməni ödəmək istəyən sürücülər süni maneələrlə üzləşirlər. Belə ki, banka gedib cəriməni ödəmək istəyən sürücüyə bildirilir ki, cərimə sistemə vurulmayıb. Cərimə sistemə vurlmayıbsa deməli ödəyə bilməzsən, baxmayaraq ki, əlində ünvanına gəlmiş elektron protokol var.

403-ə gediş yolu

Başqa bir variantda isə sürücülər az qala bir ili tamam olan, hətta bir ildən də artıq müddət keçmiş MMX radarlara görə saxlanılır və maşın cərimə meydançasına aparılır. Araşdırma nəticəsində məlum olur ki, sürücünün MMX-dan xəbəri yoxdur və ona heç bir məktub xəbərdarlıq göndərilməyib. Sürücülər inspektordan protokolun çap edilməsini tələb etsələr də buna nail ola bilmirlər. Sürücülər özləri DYP-nin saytına girib yoxlayandada orada heç bir cərimə görmürlər.
Arxayın olan sürücü birdə DYP inspektoru onu saxlayıb cərimə meydançasına aparanda bilir ki, onun cəriməsi var və cəriməni ödəmədiyi üçün cəzalandırılıb.
Belə olan halda isə əlacsız qalan sürücülər Baş Dövlət Yol Polis İdarəsinə və oradada 403-cü otağa üz tutmağa məcbur olurlar. Buranın isə isə öz qanunları var, Azərbaycan qanunları keçərsizdir. Odur ki, toplanan pulların da Azərbaycan dövlətinə, onun xəzinəsinə heç bir aidiyyatı yoxdur.

“Xüsusi” klientlər

Vətəndaşlar 403-cü otağın qarşısında toplaşaraq növbələırini gözlədikləri zaman ortada gəzən 2-3 nəfər əməkdaşlar gözə dəyir. Onlarda növbədən qıraqda dayanmış “xüsusi” klientləri və birdə onlara “privat” müraciət edənlərə qulluq edirlər. İçəridə isə səni fakt qarşısında qoyaraq pul kisənin yüngüllüəşdirilməsinə kömək edən, DYP- işçisi və onun operator köməkçiləri var. Əslində aydındır ki, DYP daxilində qurulmuş bu sistem cərimə pullarının bank vasitəsilə ödənilməsinə yaradılan maneələrin bir məqsədi var – sürücülərdən toplanan böyük məbləğdə pulların şəxsi ciblərə getməsini təmin etmək. Şəxsi ciblərin isə Zeynalovla Nuriyevin olduğu iddia edilir.

Bu otağa girənin əli niyə cibində olur?

Sözügedən məkandan sürücülərən Savash.org-a bildirdiyinə görə, MMX radar çəkirsə, dərhal sistemə vurulur və sürücüyə elektron protokol göndərilir. Qanunvericiliyə görə, sürücü həmin protokoldan narazı deyilsə, bu sənəd əsasında istənilən banka gedib cəriməni ödəyə bilər. Amma Baş Dövlət Yol Polisi İdarəsinin 403-cü otağındakı şıdırğı alver başadüşülən deyil. Məsələn, o otağa girib-çıxan hər kəs pul verdiyini deyir. Maraqlıdır, axı bu otaq bank deyil və alınan pullara görə də heç kimə qəbz verilmir. Özü də, ən az pul verən 500 manatdan dəm vurur.

 
Digər bir mühim məsələ ondan ibarətdir ki, radara düşən sürücüyə elektron protokol tərtib olunub ünvanına göndərilir. Amma son vaxtlar bu cür protokollarla banka gedib ödəniş etmək istəyənlər problemlə üzləşirlər.
 
Çünki cərimə sistemə vurulmayıb. Və sürücülər də məcbur olub cəriməni ödəmək üçün Baş Dövlət Yol Polisi İdarəsinə üz tuturlar. Burada isə «xəzinə» rolunu oynayan 403-cü otaqda pul verib gedirlər. Və bununla da məsələ həll olunur.
 
Həll olunmayan məsələ isə odur ki, bəzi sürücülər ünvana gələn MMX radar protokolu ilə banka ödəniş etmək üçün aylarla gözləyir, həftədə bir dəfə banka gedir, amma məlum olur ki, cərimə sistemə vurulmayıb.
 
Sürücü isə qanuna əsaslanıb, ödənişi banka etməyi düşünür. Və bir neçə aydan sonra məlum olur ki, DYP cəriməni sistemə vurmaya-vurmaya vətəndaşa faiz də hesablayıb. Bütün bu şikayətlər və narazılıqlar, iddia və ittihamlar təbii ki, göydən düşməyib. Redaksiyalara ünvanlanan şikayətlərdə, sosial şəbəkələrdə maşını olan sürücülərin yazdıqları faktlar əsasında meydana çıxır. Ancaq heç bir vaxt da bu ittihamlara müvafiq qurumlar münasibət bildirmir, Zeynalovla Nuriyev susurlar. Belə olan halda ittihamlar güclənir. Halbuki, yol polisinin imicinə zərbə vuran belə hallar xoşagələn deyil. R.Usubovun fəaliyyətinə, gördüyü işlərə kömək əlini uzatmaq yerinə, kölgə salmaq, heç də rütbəli şəxslərə yaraşmır. Çünki nazir onları təyin edərkən şəffaf xidmət etməyi göstəriş verib. Onlara isə bu cür ittihamlar var və susurlar.

Biz isə bir media olaraq bütün tərəflərin mövqeyini çap etməyə hazırıq. ismaric.az

12 -dən səhifə 46

Əlaqəli xəbərlər