Kimlərə amnistiya veriləcək?

20_1517492160.jpg

“İndiyə qədər 63 əfv və 11 amnistiya qərarı qəbul edilib. Növbəti amnistiya üçün biz öz təkliflərimizi hazırlaya bilərik. Hesab edirəm ki, bir neçə məsələ üzrə budəfəki akt fərqlənməli, amnistiyanın əhatə dairəsi geniş olmalıdır".

Bunu araz.az-a deputat, YAP icra katibinin müavini Siyavuş Novruzov Milli Məclisin iclasında Heydər Əliyevin 95 illiyi ilə bağlı Amnistiya aktının qəbul olunmasına dair təklifini səsləndirərkən deyib.

Deputat təklif edib ki, bu Amnistiya aktı, ilk növbədə, ölkəmizin ərazi bütövlüyü uğrunda gedən döyüşlərdə iştirak edənlərə şamil olunsun: "İkincisi, amnistiya yaşı 60-dan yuxarı olan qadınlara şamil oluna bilər. Həmçinin himayəsində azyaşlı uşaqları olanlar da bu aktdan bəhrələnə bilər. Amnistiya yaşı 70-dən yuxarı olan bütün kişilərə də şamil edilsin. Radikal dini cərəyanlara qoşulmayan dindar şəxslər də bu aktdan bəhrələnsinlər. Müxtəlif müxalif radikal qurumların və ayrı-ayrı reputasiyalı beynəlxalq təşkilatların təsirinə düşüb, bilmədən cinayət törədən gənclər var ki, onlara da şamil oluna bilər. Hesab edirəm ki, bunları nəzərə almalıyıq”. Palitra

SAXTA “BARANOVARA” KƏRƏ YAĞINI AZƏRBAYCANA KİMLƏR GƏTİRİR?-ŞOK ARAŞDIRMA

1515839487344-990x660.jpg

Yaxud, Antiinhisar Siyasəti Dovlət Xidmətinin rəisi Zahid İsayevə sərt ittiham…
Dövlətin və onun vətəndaşlarının istehlakçı hüquqlarını qorumalı Antiinhisar Siyasəti və İstehlakçıların Hüquqlarının Müdafiəsi Dovlət Xidmətinin rəisi Zahid İsayevin komandası lazımi səviyyədə çalışsaydı, yəqinki Azərbaycanın dükan və bazarları saxta məhsullarla dolub-daşmazdı…
Bilənlər bilir ki, Sovet hakimiyyəti illərində kolxoz və sovxozlar var idi və bu təsərrüfatlarda südlük mal-qara saxlanılardı, hər il dövlətə plan üzrə artıqlaması ilə süd və süd məhsulları təhvil verilərdi. Üstəgəl, əhalinin kənd yerlərində saxladığı və gündəlik ərzaq istehlakında istifadə etdiyi südlük mal-qaranı da bura əlavə etsək, mənzərə aydın olar…Bu qədər kərə yağı indii necə peyda olub?

…Və kimsə dana bilməz ki, xatırladığımız həmin illərdəki smetanın, kərə yağının, südün, pendirin… dadını artıq çoxdan itirmişik. Daha doğrusu, bəzi üzdəniraq sahibkarlar bizi çoxdan bu dadı itirməyə məcbur ediblər… Məsələn, indi həmin kolxoz və sovxozlar yox ikən, dükan-bazarlarımızdakı bu qədər kərə yağı harda və necə istehsal olunur? Bəli, bəzi bölgələrdə fermer təsərrüfatları var, amma Sovet dönəmində görməyə alışdığımız mal-qara, qoyun-quzu sürülərini indi kim görür???
Bəs belə isə, Azərbaycandakı ticarət şəbəkələrində aşıb-daşan kərə yağı necə əldə edilir? Hazırda 1 kq-nın qiyməti 15-25 manat arası dəyişən kərə yağlarının qiyməti artsa da, onların təbii dadı təəssüflər olsun ki, yoxa çıxıb. Dəfələrlə deyilməsinə baxmayaraq, yağ saxtakarlarının qarşısını alan yoxdur. «Təzadlar» dəfələrlə yazıb: ölkədə şəkər və ürək-damar xəstələrinin sayının durmadan artmasının baiskarı məhz sintetik-saxta yağ istehsalçılarıdır. Azırbaycanda isə hələki İstehlakçıların Hüquqlarının Müdafiəsi Cəmiyyətinin sədri Eyyub Hüseynov var və sədr istehlakçıların deyil, bəzən istehsalçıların hüquqlarının müdafiəçisi kimi tanınır. Ya da hərdən «ATV-nin «Yoxlama»sının baş dequstatoru qismində çıxış edir…
SAXTA “BARANOVARA” KƏRƏ YAĞINI AZƏRBAYCANA KİMLƏR GƏTİRİR?-ŞOK ARAŞDIRMA
Sallaqxanalardakı qoyun piyi niyə son vaxtlar yoxa çıxıb???-ŞOK

Bu yaxınlarda özəl şirkətlərin birində kərə yağı istehsalı üzrə mütəxəssis kimi çalışmış oxucumuz bizə dəhşətli faktlardan bəhs etdi. Onun söylədiklərindən məlum olurdu ki, indi kərə yağı kimi əhaliyə sırıdılan yağların böyük bir qismi sallaxanalardakı qoyun piyinin və quyruq yağının xüsusi kimyəvi maddələr və texnologiyalar əsasında bərk yağa-kərə yağına çevrilməsində istifadə olunur.
Müsahibimizlə dialoqdan. Deyir:
-Son vaxtlar fikir vermisinizmi, qoyun-mal kəsimi sexlərində (sallaqxanalarda) həmişə yığılıb qaldığını müşahidə etdiyimiz piy və quyruqlar yoxa çıxıb…
-Hə, müşahidə etmişik…
-Səbəbini bilirsiniz?
-Yox…
-Səbəbi odur ki, bəzi yağ fırıldaqçıları bütün günü həmin piylərin yığılması ilə məşğuldur. Həmin piylər xüsusi gizli sexlərdə kimyəvi proseslərdən keçirilir və tərkibinə xüsusi maddələr vurularaq onardan kərə yağı istehsal edərək əhaliyə satırlar… Və belə təbii olmayan yağlar isə şəkər, ürək-damar xəstəliklərinin səbəbkarıdır. Allah-Təala insanı elə yaradıb ki, onun bədən temperaturunda əriyən və qana sovrula bilən yağları yaradıb. Məsələn, kərə yağı, təbii bitki yağları… Lakin sintetik yağlar bədən temperaturunda belə həzmə getmir. Kanalizasiya borularına axıdılan yağlı sulardakı yağ boruların divarını necə tutursa, damarlarımızda da bu sintetik və saxta yağlar elə bir mənzərə yaradır. Bu da qan təzyiqini, şəkər xəstəliyini, ürək-damar və s. xəstəlikləri sürətləndirir…

 


Bəs saxta “Baranovara” yağını Azərbaycana kimlər gətirir?

SAXTA “BARANOVARA” KƏRƏ YAĞINI AZƏRBAYCANA KİMLƏR GƏTİRİR?-ŞOK ARAŞDIRMA
Azərbaycanda idxal edilən yağ bazarında isə hazırda «it yiyəsini tanımır» desək yanılmarıq. Təkcə dünən 5 iri supermarketdə 23 növ kərə yağına rast gəldik. Əslində isə, onların 70-80 faizinin üzərindəki kağız-etiketi fərqli idi, tərkibi isə müxtəlif qarışıqlardan ibarət eyni saxta yağlar. Belə fırıldaqçıların isə hələki qarşısını kəsən, millətin-xalqın genefondunun məhvinə hesablanmış bu təxribatın nə məqsədlə edildiyini soruşan yoxdur. Niyə? Biz nə vaxta kimi saxta məhsullarla nəfsimizin təminatını təmin edərək vətəndaşlarımızın həmişəlik xəstə salınmasına baiskar olacağıq???

 

 

 

 

 

 

 

 

 

 

***

SAXTA “BARANOVARA” KƏRƏ YAĞINI AZƏRBAYCANA KİMLƏR GƏTİRİR?-ŞOK ARAŞDIRMAMətləbə keçək: bu günlərdə Şuşa rayonundan məcburi köçkün, hal-hazırda Sumqayıt şəhərində məskunlaşmış Orucov Nazim Gəncəli oğlu redaksiyamıza gəldi. O, Baş Prokuror Zakir Qaralova, İqtisadiyyat Nazirliyinin Antiinhisar Siyasəti və İstehlakçıların Hüquqlarının Müdfiəsi Dovlət Xidmətinin rəisi Zahid İsayevə və “Təzadlar” qəzeti redaksiyasına ünvanlı şikayət məktubunu bizə təqdim etdi. Şikayət ərizəsində onun bu günlərdə Sumqayıtdakı iri ticarət şəbəkələrindən («Səda», «Ən ucuz market», «Ən ucuz gipermarket» və s.) aldığı saxta kərə yağından bəhs olunurdu. Şikayətçi həmin yağın bir nümunəsini də bizə təqdim edərək dadına baxmağımızı xahiş etdi. Dadına baxmasaq da, iyindən dərhal hiss etdik ki, burnumuza saxtakarlığın «ətri» gəlir…
Ərizədən sitat:
-Çox hörmətli cənab Baş Prokuror Zakir Qaralov!
Hörmətli Zahid müəllim!
Hörmətli redaksiya!
Ərizəmlə yazıb Sizə bildirirəm ki, təqdim etdiyim xüsusatlar əslində, ən ağır cinayətlər kateqoriyasına aid edilməlidir. Belə ki, bir nəfər cinayətkar ölümə süi-qəsd edərək kimisə öldürürsə, bu bir nəfərin həyatdan məhrum edilməsidir. Lakin saxta ərzaq məhsulu ilə minlərlə insanın sağlamlığını məhv etmək zənnimcə, daha bağışlanılmaz cinayətdir.
Cənab Prezident İlham Əliyevin gözəl bir sözü var: «Hər bir yerdə yerli icra orqanlarının rəhbərləri, icra başçıları, vəzifəli şəxslər sahibkarlara köməklik göstərməlidirlər. Onların fəaliyyətinə dəstək verməlidirlər, onların işinə müdaxilə etməməlidirlər, qanunsuz tələblər irəli sürməməlidirlər. Sahibkarlara yalnız köməklik göstərmək lazımdır ki, öz işlərini daha da səmərəli şəkildə qura bilsinlər». Ancaq bu o demək deyildir ki, hər bir sahibkar bu sözlərdən yaralanaraq nə istəs onu edə bilər, keyfiyyətindən asılı olmayaraq necə gəldi isdədiyi məhsulu-malı Respublikamıza gətirə bilər. Gərək sahibkarlar da əvvəlcə öz vicdanı qarşısında hesabat verərək kimisə aldatmasın, gətirdiyi mal üçün məsuliyyət daşısın.
Ancaq çox təəsüf ki, elə sahibkarlar var vicdanını, bir müsəlman kimi Allahımızı unudaraq necə gəldi millətimizi aldatmaqla öz şəxsi qazancını artırmaqla məşğuldurlar. Onu da qeyd etmək istəyirəm ki, bu tək sahibkarların işi deyil. Onalara himayədar olan digər rəhbər vəzifələrdə işləyənlərin işidir.
Mən 30.12.2017-ci il tarixdə Sumqayıt şəhərində yerləşən iri ticarət dükanlarının birindən “Baranovara” kərə yağı adlı 2,606 kq çəkidə yağ aldım. 31.12.2017-ci ildə bu yağdan istufadə edəndə yağın kərə yağı olmadığını dərhal bildim və bu barədə mağazaya müraciət edərək satmış olduqları yağın keyfiyyət sertifikatını istədim. Bir çox bəhanələrlə sertifikatın mağazada olmadığını, baş ofislərində olduğunu bildirdilər. Get-gəllər olsa da, nəhayət, 04.01.2108-ci il tarixdə yenidən mən həmin mağazaya getdim və sertifikatı istədim. Mağazanın əməkdaşı baş ofislə əlaqə saxlayaraq mənə 055-299-72-74 telefon nömrəsini verdi ki, bu yağı onlara gətirən Zaur adlı şəxdir, özü əlaqə saxlayım. «Biz sənə sernifikat verə bilmərik», -dedilər. Mən isə öz növbəmdə onlara bildirdim ki, axı, mən yağı Zaurdan yox, sizdən almışam, cavabdeh də sizsiniz və s. Evə qayıdıb yağın üzərindəki etiketə göz gəzdirdim. Orada göstərilən telefonlarla istehsalçıya, yəni Ukraynadakı zavoda zəng vurdum. Telefon qəsdən səhv yazılmış idi. Sonra internet vasitəsi ilə “Baranovskiy” süd məhsulları zavodunun rəsmi internet səhifəsini tapdım və zavodun özü ilə birbaşa əlaqə saxladım (http://www.tph-food.com/ru/, otdel prodaj (moloçnaə produküiə) tel.: +38 067 760 50 26, e-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.). Zavodun rəsmi nümayəndəsi bildirdi ki, «Bizim zavodda Məmmədov Zaur Həsən oğlunun (VÖEN: 2301132472) gətirdiyi “Baranovski” adlı kərə yağı istehsal edilmir».

Sonra onlar mənə bu təqdimatı göndərdilər: Zavodumuz aşağıdakı formada məhsul istehsalı ilə məşğuldur:
«-ООО «Барановский Молокозавод» Барановский Молокозавод – крупный производитель масложировой продукции в Украине. Производственный потенциал – 50 тонн в сутки готовой продукции.
Ассортимент продукции:
-масло сливочное
-спреды
-смеси из сливочного и растительного масел
Завод производит продукцию под такими ТМ:
-Молочный Фермер
-МЫЛК ФАРМЕР».

SAXTA “BARANOVARA” KƏRƏ YAĞINI AZƏRBAYCANA KİMLƏR GƏTİRİR?-ŞOK ARAŞDIRMA
Hörmətli cənab Baş Prokuror!Hesab edirəm ki, Zaur adlı şəxsin Azərbaycana gətirdiyi bu yağ heç gömrükdən keçməyib, çünki orada yağın sertifikatındakı saxtakarlıq dərhal üzə çıxa bilərdi. Həmin yağ Bakıda, məsələn, hardasa, Keşlədə, «NZS», yaxud başqa gizli sexlərdə istehsal olunur. Şübhələr kifayət qədərdir. Odur ki, yaranmış vəziyyətin obyektiv araşdırılması, “Baranovski” kərə yağının hansı yolla gətirildiyi, necə keyfiyyət sertifikatı verildiyi, gömrük nəzarətindən necə keçirildiyi, heç bir yoxlama aparılmadan mağazalara necə satışa çıxarılması barəsində araşdırma aparılmasını Sizdən xahiş edirəm. İnanıram ki, düzgün, obyektiv araşdırma apararaq belə möhtəkirlərə qarşı lazımı tədbirlər görəcəksiniz».
***
…Şikayətçi ilə bu gün əlaqə saxladıq. Bildirdi ki, İqtisadiyyat Nazirliyinin qaynar xətinə etdiyi zənglə bağlı bir həftədən sonra, yəni bu günlərdə ona elektron məktub göndərilib ki, darıxma, araşdırıb tədbir görüləcək…
Şikayətçi Nazim Orucov isə deyir: «Qaynar xətt ondan ötrüdür ki, operativ tədbir görülsün. Çünki saxta məhsul əhaliyə satılmamış onun yığışdırılması vacibdir. Lakin şikayətimdən sonra hər gün həmin dükanları izləmişəm və yağ rahatca satılıb. İqtisadiyyat Nazirliyinin Antiinhisar Siyasəti və İstehlakçıların Hüquqlarının Müdafiəsi Dovlət Xidmətinin rəisi Zahid İsayevin rəhbəri olduğu, dövlətin və onun vətəndaşlarının istehlakçı hüquqlarını qorumalı bir Dövlət xidməti belə işləyirsə, Azərbaycanın dükan və bazarları saxta məhsullarla niyə dolub-daşmasın???».
Mövzunu özümüz də araşdırırıq və bizi izləyin. Çünki saxta yağ istehsal edən iki sexin izinə özümüz düşmüşük…
«Təzadlar»ın Araşdırma Qrupu

Azərbaycanın ən tolerant kəndi: din, dil, milliyyət əngəli yoxdur

413272254.jpg

Gürcü qadın: "Mən müsəlman kişini sevdim və onunla evləndim, peşman deyiləm"

 

Şahpəri Abbasova, Sputnik Azərbaycan

 

Qax rayonunun Qımır kəndini tolerant kənd adlandırsaq, heç də yanılmarıq. Kənddə yarandığı vaxtdan bu günə kimi müsəlmanlarla xristianlar birlikdə yaşayıblar.

Araz.az xəbər verir ki, Yaşlı kənd sakin Arçil Papiaşivili Sputnik Azərbaycan-ın bölgə müxbirinə danışır ki, gözünü açandan bu kənddə müsəlmanlarla xristianları birlikdə mehriban yaşayan görüb: "84 yaşım var. Həmişə gürcülərlə azərbaycanlılar dost olublar bu kənddə. Xeyrimizdə də, şərimizdə də bir olmuşuq. Bayramlarımızı bir yerdə qeyd etmişik. Müsəlmanlar Pasxada bizə gəlirlər, biz də Novruzda, Ramazanda onlara qonaq gedib bayramlaşırıq".

Qax rayonunun Qımır kəndi
Qax rayonunun Qımır kəndi

"Dinlər insanları birləşdirmək üçün yaranıb, ayırmaq üçün yox" — deyən Papiaşivili insanları bir olmağa səsləyir: "Hər birimizi Allah yaradıb, müsəlmanı da, xristianı da. Dini ayrı-seçkilik insanlar arasında nifaq salır. Mən bütün insanları kəndimizin sakinləri kimi görmək istəyirəm".

Çoxlarının qınaq atəşinə tutduğu xristian-müsəlman izdivacı sözügedən kənddə normal qarşılanır. Arçil Papiaşivilinin fikrincə, sevgini dinə qurban vermək yanlışdır: "Qımırda əvvəllər də, indi də müsəlmanlarla xristianlar ailə qurublar. Mən buna çox normal baxıram. Önəmli olan sevgidir".

"Bəziləri buna sərt yanaşanda, mənə qəribə gəlir. Mənim sevdiyim müsəlmandırsa, niyə öz sevgimi dinə qurban verməliyəm? Məgər, bütün dinlər insanlar arasında sevgini aşılamır? Belə olan halda, biz insanlar ətrafdakılara yox, ürəyimizin səsinə qulaq asmalıyıq" — o, əlavə edir.

Gürcü həmsöhbətimiz onların qohumlarının arasında da müsəlmanlarla evlənənlərin olduğunu deyir: "Mənim bir oğlum var. O desəydi ki, filan müsəlman qızını sevirəm, adət-ənənəyə uyğun elçi gedib o qızı oğluma alardım. Qız nəvəm də desə ki, filan müsəlman oğlanı sevirəm, ona da həmin oğlana ərə getməyə icazə verərəm. Amma bir şərtlə ki, onlar da bizim adətlərimizə hörmətlə yanaşsınlar. Belə olan təqdirdə, heç bir problem olmaz".

Arçil Papiaşivili
Digər həmsöhbətimiz Zina Məmmədova (Papiaşivili) isə müsəlman oğlanla ailə həyatı qurub. Zina xanım dini ayrı-seçkiliyi mövhumatçılıq adlandırır: "Mən ateist, yaxud deist deyiləm, amma düşünürəm ki, insanlar dinə o qədər də aludə olmamalıdırlar. Dinə bağlanıb bəzən insanlığı itirirlər. Mən müsəlman kişini sevdim və onunla evləndim. Peşman deyiləm".

"Bəzən mənə sual verirlər ki, "hansı dindənsən?". Deyirəm ki, heç birindən. Bu, insanlara qəribə gəlir. Məncə, insanlar öz eqolarını kənara qoyub mehriban yaşamağı seçməlidirlər. Mənim gəlin gəldiyim ailə müsəlman ailəsidir, mühitidir. Amma mən burada özümü yad hiss etmirəm. Həm xristian, həm də müsəlman adət-ənənəsini öz evimdə yaşadıram" — qadın danışır.

Onu da qeyd edək ki, haqqında danışdığımız kənddə hər kəs gürcü və Azərbaycan dilində mükəmməl danışır. Elə Elmar Abdurrahmanov kimi. Elmar bəy qeyd edir ki, bu kənddə hər kəs bir-birinin dininə, dilinə hörmətlə yanaşır: "Bilirsiniz, din də, dil də ikinci dərəcəlidir. Təbii ki, tolerantlığın da həddi olmalıdır. Mən öz dilimi, dinimi sevirəm. Amma bu ona əsas vermir ki, başqasının dininə, dilinə hörmətsizlik edim".

"Əgər gürcü qızını sevsəniz, onunla evlənərsiniz?" sualına Elmar bəy "bəli, evlənərəm"- deyə cavab verir.

"Dünyanı dinlər deyil, sevgi qurtaracaq" — deyirlər. Ölməz şairimiz Hüseyn Cavid demişkən, "hər kəsin bir eşqi, bir allahı var, mənim tanrım gözəllikdir, sevgidir…".

Neftçala balıqçılarından fəryad: “Azər Cəfərov bizə terror edir…”

ob_ef4edb_an-103400.jpg

Şikyətçilər qeyd edirlər ki, artıq bıçaq sümüyə dayanıb çünki ya onlar ayda 200 manat Azər Cəfərova verməlidirlər, ya da ailəri ac-yalavac qalmalıdır

Araz.az xəbər verir ki, Neftçala rayonunda balıqçılar ağır şəraitdə yaşamalarından və evlərinə çörək apara bilməmələrindən şikayət edirlər. Bir neçə Neftçala sakinin MilliYol-a etdiyi müraciətdə bildirilir ki, onlar Neftçala Su Nəqliyyat polis idarəsinin rəisi Azər Cəfərovun birbaşa şantaj və terroru ilə üz-üzə qalıblar. Balıqçıların iddiasına görə Azər Cəfərov Kürdə və kanalda icazəli balıq ovu ilə məşğul olmalarına baxmayaraq, Azər Cəfərov orlardan 200 manat tələb edir:

“Bizim başqa yerdən gəlir əldə etmək imkanımız yoxdur. Hamı bilir ki, Neftçala da həyat səviyyəsi də çox aşağıdır. İş yerləri isə demək olar ki, yoxdur.Ona görə də balıq ovlayıb ailələrimizi dolandırmağa çalışırıq. Lakin Neftçala Su Nəqliyyat polis idarəsinin rəisi Azər Cəfərov bizim ailərimizə, uşaqlarımıza çöörək pulu aparmağımıza imkan vermir”, deyə şikayətçilər MilliYol-a bildiriblər.
 
Şikyətçilər onu da qeyd edirlər ki, artıq bıçaq sümüyə dayanıb çünki ya onlar ayda 200 manat Azər SCəfərova verməlidirlər, ya da ailəri ac-yalavac qalmalıdır. Bildirilir ki, Azər Cəfərovun “pul yığan əli” olan Anar Babayev onları açıq şəkildə terror edir. Bu isə artıq dözülməz hal yaranıb. Bu məsələ ilə bağlı Neftçalada hər gün hansısa  bir hadisə baş verir. Balıqçılardan kim aylıq pul vermirsə həmən adam döyülür, söyülür və həbslə hədələnir.
 
Qeyd edək ki, bir neçə gün əvvəl dövrü mətbuatda Nəqliyyatda Baş Polis İdarəsinin Su nəqliyyatında polis idarəsinin Neftçala şöbəsinin rəisi Azər Cəfərov və onun işçisi Anar Babayevin Neftçala rayon Kürqarabucaq kənd sakini Əhmədağa adlı vətəndaşı öz evinin yaxınlarında Kür çayından balıq ovlayarkan tutaraq zorla öz mülki (niva) maşınlarına basıb aparıblar. Məlumatı verən mənbənin sözlərinə görə, rəis Azər Cəfərov balıqçıdan 200 manat məbləğində pul tələb edib. Onunla razılaşmayan rayon sakini Əhmədağa  adlı vətəndaşı zorla maşına basıb Bakı şəhərinə yola çıxıblar. Lakin maşını idarə edən Anar Babayev sürət həddini aşaraq maşını çevirib, nəticədə Anar Babayev və Əhmədağa  adlı vətəndaş ağır yaralanıb. http://europanews-ch.over-blog.com

“200 manat birdəfəlik, 25 manat aylıq”: 254 saylı bağçaya qəbul qaydaları – VİDEO

1517569278_51556e1a-bc12-4bfc-a2b1-09c3df5651d2.jpg

Azərbaycanda “Məktəbəqədər təhsil haqqında” yeni qanun layihəsinin bu mövsümdə Milli Məclisdə müzakirəyə çıxarılacağı ehtimalı var. Bu barədə Milli Məclisin Elm və təhsil komitəsinin sədr müavini Bəxtiyar Əliyev bir müddət əvvəl xəbər vermişdi.

Əslində yeni bir qanun layihəsinin müzakirəyə çıxarılması ictimai zərurətdən qaynaqlanır. Bu gün məktəbəqədər təhsil müəssisələrində müşahidə olunan neqativ hallar cəmiyyətin bütün təbəqələrində narazılığa səbəb olub. İstər uşaqların bağçalara qəbul proseslərində, istərsə də bağçalarda verilən təlim-tərbiyyə baxımından ciddi nöqsanların olduğu hər kəsə məlumdur.

Məktəbəqədər təhsil müəssisələrində zamanla ayaqlaşmağı bacaran, müasir tələblərə cavab verən, innovativ metodları fəaliyyətində tətbiq edən, mütəmadi olaraq öz üzərində çalışan, valideyn və uşaqlarla ünsiyyət qurmağı bacaran, kompeteniyalara malik tərbiyəçilərə böyük ehtiyac vardır.

Sirr deyil ki, məktəbəqədər təhsil müddətində rüşvət vermə halları ilə qarşılaşırıq. Hər ay 60 manat, qəbul olanda isə 300 manat ödənir. Axı niyə? Dövlət baxçalarının ehtiyacları dövlət hesabına təmin olunur. Bütövlükdə neqativ hallar çoxdur. İlk növbədə uşaq baxçaları Təhsil Nazirliyinin səlahiyyətlərinə verilməlidir. Bağçalara seçilmiş müəllimlər sırf mütəxəssislər olmalıdır. Cəzalanma metodu tətbiq olunmalıdır. 2-3 nəfər bağça işçisi cəzalandırılsa, digərləri də rüşvət almaqdan çəkinərlər.

İctimai qınağın olmaması və mətbuatın passiv mövqe tutması rüşvət hallarının artmasına şərait yaradır. Bunun ancaq bir mübarizə forması var: ictimai qınaq, valideynin dirəniş göstərməsi. Təəssüflər olsun ki, bu bizdə çatışmayan cəhətdir. “Ver” deyənə “Nə üçün verməliyəm” sualını verən yoxdur. Belə hallara ictimaiyyət reaksiya vermir, mətbuat passiv mövqe tutur. Müşahidələr göstərir ki, əmrlər, sərəncamlar bu neqativ halların qarşısını ala bilmir, əksinə, rüşvət amilinin miqdarı daha da artır”.

Araz.az xəbər verir ki, Azerinfo.az əməkdaşları bəzi bağçalarda bu mövzu ilə bağlı araşdırma aparıblar. Özünü valideyn qismində təqdim edən əməkdaşımıza 254 saylı uşaq bağçasında açıq-aşkar deyiblər ki, uşağı bağçaya qoymaq haqqı 200 manatdır, üstəlik hər ay 25 manat. Dediklərinə görə pulun hamısı özlərinə qalmır, “yuxarılarla” bölüşürlər.

Təqdim etdiyimiz videolarda bunlara baxa bilərsiz. Məsələ ilə bağlı dayələrin yuxarı instansiya dedikləri , bağçaların tabe olduğu quruma- “Bakı Şəhər Məktəbəqədər Təhsil Müəssisələri və Uşaq Evləri İdarəsi”nə zəng etdik. Eldar Yunusova məsələ ilə bağlı məlumat versək də, heç bir cavab ala bilmədik.

Daha bir məqam- bağçanın qapısının üstünə “BAXÇA” yazan müəllim və tərbiyəçilər uşağa hansı təhsili, biliyi verə bilər? Hələ özləri hərifləri düz yaza bilmirlər.

17 -dən səhifə 46

Əlaqəli xəbərlər