“Macara” otel qubalıların başına hansı dəhşətli məcaraları gətirir? – Video

4404CF91 74D3 45A9 9EE8 47C30C34E1FE 660x330Quba rayonunun 2- ci Nügədi kəndində 5 hektar sahəni əhatə edən “MACARA” istirahət mərkəzinin həmin ərazidə olan digər sahibkarlara ciddi problemlər yaratdığı, ətrafda olan “Bulaqdərə” su anbarına ciddi ziyan vurduğu haqda məlumatı yerində araşdırmaq üçün Azinforum.az İnformasiya Portalının çəkiliş qrupu həmin ərazidə olub. Qeyd edək ki, “Macara” adlı istirahət kompleksinin Dövlət Neft Şirkətində çalışan Eldar Orucova məxsus olduğu bildirilir. Tikintisinə 2016-cı ildə başlanılan kompleks artıq tam gücü ilə fəaliyyət göstərir.

Məsələ ilə əlaqədar olaraq tikintinin yerləşdiyi ərazinin bələdiyyə sədri Babək Orucov mediaya açıqlamasında bunları deyib: “”Macara” istirahət kompleksinin mənim əmim oğlu, SOCAR-ın İnsan Hüquqları Şöbəsinin müdiri olan Eldar Orucova heç bir aidyyyatı yoxdur. O kompleksi mən tikdirirəm”. Qeyd edək ki, Babək Orucov Eldar Orucovun doğma əmisi oğludur. Qiyməti 10 milyon manatdan çox olan lüks istirahət mərkəzinin hansı vəsaitlə inşa etdirilməsi sualına isə icra nümayəndəsi belə cavab verib:

“Mənim şəxsi təsərrüfatım var. Ordan qazandığım pullarla tikdirirəm istirahət mərkəzini”.

Qeyd edək ki, “Macara”nın bir hissəsini zəbt etdiyi göl Meliorasiya və Su Təsərrüfatı ASC-nin balansındadır. Hazırda göl hasarlanaraq istirahət kompleksinin ərazisinə daxil edilib. Azinforum.az həmin ərazidən hazırlanan video və foto reportajı təqdim edir:

araz.az xəbər portalı.

"Xəzərin hüquqi statusu haqqında Konvensiya Rusiya üçün qoruyucu vasitədir"

290612500 1718611735181304 154694507430476233 n

İyunun 29-da Aşqabadda Xəzəryanı Dövlətlərin Dövlət Başçılarının növbəti VI Zirvə Toplantısı keçirilib. Toplantıda Azərbaycan Respublikasının Prezidenti İlham Əliyev,
İran İslam Respublikasının Prezidenti Seyid İbrahim Rəisi, Qazaxıstan Respublikasının Prezidenti Kasım-Jomart Tokayev və Rusiya Federasiyasının Prezidenti Vladimir Putin iştirak edib. Toplantı mürəkkəb beynəlxalq geosiyasi vəziyyətdə keçirilməsi region üçün çox mühüm məsələdir.

araz.az  "Xalq Cəbhəsi"nə istinadən xəbər verir ki, Politoloq Vüqar Dadaşov  bildirib ki, Azərbaycan prezidenti olduqca məzmunlu çıxış edərək mühüm məsələlərə toxunmaqla həm də, region dövlətlərin birgə inkişaf perespektivləri barədə istiqamətləri göstərib: "Təbii ki, 2018-ci ildə çox çətinliklə razılaşdırılıb və imzalanmış Xəzər dənizinin hüquqi statusu haqqında Konvensiyanın indiki vəziyyətdə mühüm çəkiyə malik olduğu göstərir. Xüsusən də Rusiya-Ukrayna müharibəsi fonunda Avropanın enerji təhcizatı və rus qazına alternativin yaradılması məqsədi üçün Rusiyanı çıxmaq şərti ilə Xəzəryanı dövlətlərin enerji daşıyıcılarının Avropaya çatdırılması məsələsi real işlək variantlardan biridir. Xəzərin hüquqi statusu haqqında Konvensiya bu mənada Rusiya üçün bir qoruyucu vasitədir. Konvensiyanın imzalanmasında qeyru-müəyyən və qeyri-stabil mövqeyi ilə yadda qalan İran son günlər bu istiqamətdə xarici siyasətində həmin Konvensiyanın şərtlərindən öz maraqları üçün daha çox istifadə edir. Azərbaycan prezidenti çıxışında regional təhlükəsizlik məsələsinə də toxunmaqla bir növ İranın bu məsələlərdə manipulyasiyalarının yersiz olduğunu göstərmiş oldu. Xəzərin statusunun hər bir qonşu dövlət üçün əhəmiyyəti böyükdür. Bu razılaşma faktiki olaraq Xəzəri bu beş dövlətin daxili su hövzəsi kimi hər birinin həm siyasi və həm də iqtisadi maraqlarını əhatə edir. Diğər bir vacib məqam isə Rusiyanın dünyadan təcrid olunduğu və prezident Putinə qarşı tətbiq olunan sanksiyalar fonunda ona belə bir platformada iştirakı çox vacib məsələdir. Xəzərin hüquqi statusu əslində İqtisadiyyatdan daha çox siyasi məsələdir hərçənd ki, bunlar bir-birini tamamlayan şərtlərdir".

araz.az xəbər portalı.

“İrəvan Müəllimlər Seminariyası” kitabının təqdimatı keçirilmişdir

2ffabf89 e0c7 40cd 906a 1cac1dd12766

Azərbaycan Respublikasının Prezidenti İlham Əliyevin 2021-ci il dekabrın 29-da imzaladığı “İrəvan Müəllimlər Seminariyasının 140 illiyinin qeyd edilməsi haqqında” Sərəncamı tariximizin Qərbi Azərbaycanla, İrəvanla bağlı daha bir qaranlıq səhifəsinə işıq salmaqda davam edir. Yubileylə bağlı keçirilən tədbirlər, aparılan araşdırmalar tarixi torpaqlarımızla bağlı yeni faktlar üzə çıxarır, o torpaqlardakı mənəvi irsimizə sahib çıxmağa imkan yaradır.

Bu barədə araz.az-a daxil olan məlumatda bildirilir ki, iyun ayının 29-da Atatürk Mərkəzində yubiley çərçivəsində keçirilən növbəti tədbir filologiya elmləri üzrə fəlsəfə doktoru, dosent Cəlal Allahverdiyevin “İrəvan Müəllimlər Seminariyası” kitabının təqdimatına həsr edilmişdir.

Tədbirdə millət vəkilləri, alimlər, ziyalılar, vətəndaş cəmiyyəti və media nümayəndələri iştirak etmişlər.

Tədbiri giriş sözü ilə açan Qərbi Azərbaycan İcmasının sədri, millət vəkili Əziz Ələkbərli Azərbaycan Respublikasının Prezidenti İlham Əliyevin “İrəvan Müəllimlər Seminariyasının 140 illiyinin qeyd edilməsi haqqında” Sərəncamının tarixi-siyasi əhəmiyyəti üzərində geniş dayanaraq bu Sərəncamın və Qərbi Azərbaycanla bağlı atılan hər addımın, görülən hər işin bizi tarixi torpaqlarımızla bağlı strateji hədəflərimizə bir az daha artıq yaxınlaşdırdığını, insanlarımızda ata-baba yurdlarına qayıdacaqları inamını bir az daha artırdığını bildirmişdir.

Tədbirdə millət vəkili, Ana Vətən Partiyasının sədri Fəzail Ağamalı, kitabın elmi redaktoru, millət vəkili Hikmət Babaoğlu, Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin sədri, millət vəkili Səməd Seyidov, filologiya elmləri doktoru, professor Fərrux Rüstəmov, millət vəkilləri Sadiq Hüseynov, Anar İsgəndərov, Məlahət İbrahimqızı, Aydın Mirzəzadə, professor Cəbi Bəhramov, professor Aslan Bayramov, professor Əyyub Əzizov, yazıçı Səyyad Aran, vətəndaş cəmiyyəti nümayəndəsi İradə Rzazadə, tədqiqatçı Mirzə Ənsərli və b. iştirak və çıxış etmişlər.

Tədbirdə Həmçinin İrəvan Müəllimlər Seminariyasının yarandığı gündən Azərbaycan bölməsinin müdiri və uzun illər İrəvan Ruhani Məclisinin sədri, görkəmli maarifçi Axund Molla Məhəmmədbağır Qazızadənin nəticələri - tibb elmləri doktoru, professor Sevinc xanım Əkbərova və professor Paşa Qəlbinur çıxış etmiş, Qazızadələr nəsli barədə ətraflı məlumat vermişlər.

Yekunda “İrəvan Müəllimlər Seminariyası” kitabının müəllifi Cəlal Allahverdiyev çıxış edərək tədbir iştirakçılarına təşəkkür etmişdir.

Tədbirin sonunda iştirakçılar xatirə şəkilləri çəkdirmişlər.

 

 

araz.az xəbər portalı.

Türkiyənin MEXT Texnoloji Mərkəzi və “KoçDigital” şirkətinin nümayəndələri “Çovdar” qızıl mədəni ilə tanış olublar (FOTO)

azergold next texnolohi 300622 01

Türkiyənin Metal Sənayeçiləri Birliyini təmsil edən MEXT Texnoloji Mərkəzi və “KoçDigital” şirkətinin nümayəndələri “AzerGold” Qapalı Səhmdar Cəmiyyətinin (QSC) Daşkəsən rayonunda yerləşən “Çovdar” İnteqrəolunmuş Emal Sahəsinə (ÇİRES) səfər ediblər. İşgüzar səfər Azərbaycan Respublikası İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) təşəbbüsü ilə həyata keçirilib.

"AzerGold"dan araz.az-a verilən məlumata görə, bu səfərin məqsədi “Çovdar” qızıl mədənində istehsal proseslərinin avtomatlaşdırılması imkanlarının araşdırılması, hazırda tətbiq olunan texnologiyalarla yaxından tanışlıq və işgüzar əlaqələrin genişləndirilməsindən ibarətdir.

ÇİRES-in inzibati binasında keçirilən görüşdə tərəflər geotexniki monitorinq, buruqqazma və digər əməliyyatlar üzrə rəqəmsal verilənlər bazasının təkmilləşdirilməsi və proseslərin mərkəzləşdirilmiş formada idarəolunması istiqamətində fikir mübadiləsi aparıblar. Görüşdə rəqəmsallaşma yolu ilə keyfiyyət, xərc və səmərəlilik kimi amillərə və istehsal prosesinin optimallaşdırılmasına təsir mexanizmi müzakirə edilib. Səhmdar Cəmiyyətinin fəaliyyət sahələrinin innovativ həllərin və müasir texnologiyaların tətbiqi ilə avtomatlaşdırılması və rəqəmsallaşdırılması məqsədi ilə gələcək əməkdaşlıq perspektivləri çərçivəsində təkliflərin hazırlanmasına dair razılıq əldə olunub.

Daha sonra qonaqlar “Çovdar” mədənində sulfid fazası üzrə oksid filizlərinin hasilatı, filiz anbarında filizlərin idarolunması prosesləri, şirkətin mövcud maddi-texniki bazası, eləcə də zavod və laboratoriyada yaradılan şəraitlə əyani olaraq tanış olublar.

Xatırladaq ki, İqtisadiyyat Nazirliyinin tabeliyində 4SİM-i ilə Türkiyənin Metal Sənayeçiləri Birliyini arasında imzalanmış anlaşma memorandumu çərçivəsində Azərbaycanın istehsal sektorunda rəqəmsal savadlılığın təşviqi, Azərbaycanda ağıllı sənaye hazırlığı indeksi (Smart Industry Readiness Index - SIRI) əsasında qiymətləndirilmənin aparılması, müvafiq qurumların nümayəndələrinin iştirakı ilə istehsalat sahələrinə qarşılıqlı səfərlərin təşkili, ağıllı istehsal proseslərinin qurulması və s. kimi əməkdaşlıq istiqamətləri müəyyən edilib. Bu çərçivədə cari ilin may ayında “AzerGold” QSC və 4 SİM-in nümayəndə heyəti Türkiyənin Kayseri şəhərində yerləşən “Öksüt” qızıl mədəninə səfər edib, “KoçDigital” şirkətinin mühəndislik, eləcə də texniki imkanları və ümumilikdə fəaliyyəti ilə yaxından tanış olublar.

Mehdiyevdən məşhur idmançıya şərt: “Ya istefa ərizəsi...”

 экрана 2022 06 30 111751Dövlət Gömrük Xidmətinin rəisi Səfər Mehdiyev bu qurumda çalışan məşhur karateçi Rəfael Ağayevin qarşısında şərt qoyub.

araz.az-ın xəbərinə görə, Dövlət Gömrük Komitəsinin Baş Gömrük Mühafizə Xidmətində Döyüş və fiziki hazırlığın təşkili şöbəsinin rəisi təyin edilən Rəfael Ağayev uzun müddətdir ki, işə getmədən bu vəzifəni icra edirmiş.

Onun işə gəlməməsinə Səfər Mehdiyev idmançının gündəlik məşqlərinə görə göz yumub.

Son zamanlar hökumət daxilindən təzyiqlərə tuş gələn Səfər Mehdiyev, Rəfael Ağayev başda olmaqla işə çıxmayan hər kəsin qarşısında “Ya iş, ya da istefa ərizəsi” şərtini qoyub.

Bu barədə saytımızı bilgiləndirən mənbənin iddiasına görə, hazırda Gömrük Komitəsində adı işdə keçən, amma işə gəlməyən 100-ə yaxın əməkdaş var.

Onların əksəriyyəti yüksək vəzifəli şəxslərin övladları və yaxınlarıdır.

araz.az xəbər portalı.

1 -dən səhifə 2217

Əlaqəli xəbərlər