Udmurtiyadakı diasporumuzdan nəcib təşəbbüs - Şəhid ailəsi üçün ev tikilir

WhatsApp Image 2021 09 23 at 13.25.08

Rusiya Federasiyasının Udmurtiya Muxtar Respublikasında fəaliyyət göstərən "Udmurtiya-Azərbaycan Dostluq İctimai Mərkəzi" İdarə heyətinin sədri Zülfüqar Mirzəyev və idarə heyətinin üzvü İlqar Cəbrayılov təşkilatın idarə heyətinin qərarıyla doğma Azərbaycana gəliblər.WhatsApp Image 2021 09 23 at 13.25.02

araz.az AZƏRTAC-a istinadən xəbər verir ki, diaspor nümayəndələrimizin Vətənə gəlişinin əsas məqsədi İkinci Qarabağ müharibəsinin ildönümü ərəfəsində müharibə zamanı daha çox itkilərə məruz qalan ailələri ziyarət etmək və onlara mümkün dəstək göstərməkdir.WhatsApp Image 2021 09 23 at 13.25.02 1

Udmurtiyada yaşayan 10 minlik Azərbaycan diasporunu təmsil edən Zülfüqar Mirzəyev və İlqar Cəbrayılov səfər çərçivəsində Diasporla İş üzrə Dövlət Komitəsində olublar. Komitə sədri Fuad Muradovla görüşərək səfərin məqsədi və ölkələrimiz arasında əlaqələrin möhkəmlənməsində diaspor təşkilatlarının rolu barədə müzakirələr aparıblar.WhatsApp Image 2021 09 23 at 13.25.03

Növbəti gün nümayəndə heyəti əvvəlcədən planlaşdırıldığı kimi Ağcabədi rayonuna səfər edib və Rayon İcra hakimiyyətinin başçısı Rafil Hüseynovla görüşüblər. Görüş zamanı diaspor təmsilçiləri "Udmurtiya-Azərbaycan Dostluq İctimai Mərkəzinin" ətrafında birləşən həmvətənlərimizin könüllü topladığı vəsait hesabına Ağcabədi rayonunda mənzilə ehtiyacı olan bir nəfər Vətən Müharibəsi şəhidinin ailəsinə fərdi yaşayış evinin tikilməsi barədə təşkilatın idarə heyətinin qərarını rayon rəhbərinin diqqətinə çatdırıblar.WhatsApp Image 2021 09 23 at 13.25.03 1

Bundan sonra "Udmurtiya-Azərbaycan Dostluq İctimai Mərkəzi" İdarə heyətinin sədri Zülfüqar Mirzəyev, İdarə heyətinin üzvü İlqar Cəbrayılov, Ağcabədi Rayon İcra Hakimiyyətinin Tikinti və memarlıq şöbəsinin müdiri Səfər Səfərovun, RİH apatının Vətən Müharibəsi iştirakçıları və şəhid ailələri ilə işin təşkili şöbəsinin müdiri Şöhrət Orucovun və RİH başçısının sərəncamı ilə yaradılmış Komissiyanın digər üzvlərinin iştirakı ilə rayonun Nəcəfqulubəyli, Minəxorlu, Hacıbədəlli kəndlərində və Ağcabədi şəhərində 10-a yaxın şəhid ailəsi ilə görüş keçirilib və hər bir ailənin ehtiyacları və mənzil şəraiti öyrənilib. Nəticə olaraq şəhid Atayev Tariyel Fəxrəddin oğlunun ailəsinin ehtiyacları nəzərə alınaraq onun həyat yoldaşı, Ağcabədi rayonunun Minəxorlu kənd sakini Atayeva İlhamə Şakir qızı və iki azyaşlı övladı üçün 0,07 ha həyətyanı torpaq sahəsində müasir tələblərə cavab verən tam təmirli üç otaqlı fərdi yaşayış evinin tikilməsi qərara alınıb. Dərhal da layihə smeta sənədləri hazırlanmış və tikinti işlərinə başlanıb. Hazırda fərdi yaşayış evinin özülü qazılıb, dəmir beton işləri başa çatdırılıb və tikinti işləri sürətlə davam edir.WhatsApp Image 2021 09 23 at 13.25.03 2

Əsgər Tariyel Atayev 5 sentyabr 1986-cı ildə Ağcabədinin Minəxorlu kəndində anadan olub. Vətən Müharibəsində Füzuli, Ağdərə, Xocavənd, Şuşa istiqamətində gedən döyüşlərdə fərqlənib. İgid döyüşçü Şuşa şəhəri uğrunda gedən döyüşlərdə qəhrəmancasına şəhid olub. Azərbaycan Respublikası Prezidentinin Sərəncamı ilə ölümündən sonra “Vətən uğrunda” medalı ilə təltif edilib. Azərbaycanın xalq artisti, mərhum Səfa Qəhrəmanovun bacısı oğludur.WhatsApp Image 2021 09 23 at 13.25.04

Qeyd edək ki, "Udmurtiya-Azərbaycan Dostluq İctimai Mərkəzi"nin üzvlərinin səfər çərçivəsində görüşləri, eləcə də şəhid ailələrinə yardımlar və Minəxorlu kənd sakini şəhid Atayev Taryelin ailəsi ücün üç otaqlı evin tikintisi Beynəlxalq Avrasiya Mətbuat Fondunun prezidenti Umud Mirzəyevin və fondun könüllülərinin təşkilati dəstəyi ilə həyata keçirilir.


araz.az xəbər portalı.

Professor: "COVID-19 insanları öldürmür, onları öldürən..." - "Öpüşüb-görüşməkdən imtina etməklə yoluxmanı kəskin azalda bilərik"

covidjpg 1608626706

"İstənilən infeksiya kimi COVID-19-a qarşı təbii immunitetin yaranması xüsusi əhəmiyyət kəsb edir. Belə ki, infeksiyaya yoluxub sağalmış insanlarda əmələ gələn immunitet həmin virusa qarşı ən müasir peyvəndlərin belə əmələ gətirdiyi immunitetdən dəfələrlə güclü olur".

Bunu Azərbaycan Tibb Universitetinin Farmakologiya kafedrasının müdiri, professor Musa Qəniyev deyib.

Onun sözlərinə görə, təbii xəstələnmə fonunda orqanizm virusun hansısa bir fraqmentinə qarşı deyil, canlı virusun bütün subvahidinə (örtük təbəqə, matriks və nukleoprotein sırası) qarşı, hüceyrə yaddaşına total şəkildə həkk olunan, aktiv immunitet formalaşdırır: "Odur ki, mutant ştamından asılı olmayaraq, bütün təkrar yoluxma halında insan bu infeksiyaları çox yüngül, yəni mövsümi infeksiya kimi keçirir”.

M.Qəniyev qeyd edib ki, COVID-19-un əsas yoluxma mənbəyi hava-damcı yolu, yəni nəfəs-nəfəsə dayanmaq, xüsusən öpüşüb-görüşmək kimi ünsiyyət formasıdır: "Odur ki, öpüşüb-görüşməkdən imtina etməklə də, yoluxma sayının kəskin azalmasına nail olmaq mümkündür"/Report.

Professor əlavə edib ki, hər gün sosial şəbəkələrdə kiminsə virusdan ölümü xəbəri verilir: "Bu da digər insanlara güclü psixoloji təsir göstərir".

Onun sözlərinə görə, əslində ölümün səbəbi rəsmi mənbələrə istinadən yalnız patoloq-anatomun təsdiqindən sonra verilməlidir: "Naməlum ölüm səbəbləri COVID-19-un statistikasına salınmamalıdır. Bunu etmək cinayətdir. Hər bir şüurlu insan bilməlidir ki, ölüm canlı aləm üçün haqdır və qaçılmazdır. Canlı toxuma, postnatal inkişafın yaş dövrlərinə uyğun olaraq, məruz qaldığı mərhələli dəyişikliyin hər birində subhüceyrəvi genom vahidi itirərək, irsiyyətini yaşatmaq üçün sonda canlı həyata əlvida deyir. Yəni, ölüm həyatın sonu yox, yeni həyatın başlanğıcıdır. Bu ölümlər əbədi yaşam qanunudur. İnsanları qorxudub onların psixoloji sarsıntı keçirməsinə səbəb olmaqdansa, hər kəsə daha düzgün və elmə əsaslanan məlumatların verilməsi daha doğrudur".

Professor bildirib ki, COVID-19 insanları öldürmür: "İnsanları öldürən profilaktik və şəxsi gigiyenik tədbirlərə əməl olunmaması, ruhi sarsıntı, stress, gərginlik, koronavirusa görə yaranan endogen ölüm qorxusudur. COVID-19-dan qorunmanın ən sadə və etibarlı yolu - yalnız adi gigiyenik tələb və normal ünsiyyət formalarına əməl etmək və koronavirus "xofunu" birdəfəlik unutmaqdır".

 

 

araz.az xəbər portalı.

Ülvi Mehdiyev: “ASAN Xidmət "Baykar Makina" şirkəti ilə araşdırma mərkəzi yaradacaq”

ulvi mehdiyevjpg 1585854237 1fb

“Azərbaycanın ASAN xidmət dövlət orqanı olaraq Türkiyənin Texnologiya Fondu ilə saziş imzaladıq. Burada bir neçə ildir “Bilim Türkiyə” adlı layihə həyata keçirilir. “Bilim Türkiyə”nin Azərbaycanda “Bilim Bakı” mərkəzini yaradacağıq”.

Bu sözləri Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev “Haber Global”a müsahibəsində deyib.

O, qeyd edib ki, Azərbaycan gəncləri həmin mərkəzdə öz proqramlarının yazılması, dronlarının hazırlanması, digər texnoloji təlimlərə cəlb olunacaqlar. Bu da onların gələcəkdə həmin sahədə peşkar biliklərə yiyələnməsinə səbəb olacaq.

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi ilə "Baykar Makina" şirkəti ilə əməkdaşlıq protokolu imzalanıb.

“ASAN Xidmət həmin şirkətlə birgə innovasiya, araşdırma, resurs mərkəzi yaradacaq. Orada tədqiqat və araşdırmalar aparılacaq. Hər iki saziş bizim üçün dəyərli və qiymətlidir. Biz qısa müddətdə türk həmkarlarımızla, qardaşlarımızla birgə müasir innovasiyalı araşdırma mərkəzini qurmağı nəzərdə tuturuq”, - deyə Ülvi Mehdiyev bildirib.

O, “Teknofest” festivalının Bakıda keçiriləcəyini əlavə edib: “Bizim nazirliklə Türkiyənin müvafiq nazirliyi arasında danışıqlar gedir. Bakıda belə bir festivalın keçirilməsini planlaşdırırıq. İnanırıq ki, bir millət iki dövlət olaraq, bu sahədə də önəmli addımlar atacağıq”

 

 

araz.az xəbər portalı.

“Azərsu” ASC Tragikomediya kimi...-Baş rolda Qorxmaz Hüseynovun qardaşı oğlu/RƏZALƏT

1632376325 azersu

“Azərsu” ASC-də qadını kişi, kişini qadın edib də, imzasını atan idarə rəisi kimdir?

araz.az Yenixeber.org-a istinadən bildirir ki, Azərbaycan təkcə təbii sərvətləri, coğrafiyası ilə deyil, həm də savadı, zəkası “fontan vuran” məmurları ilə möcüzələr ölkəsi sayıla bilər. İndiyə kimi bizim məmurların saysız “qəhrəmanlıqlarının”, dünyanın aparıcı elm mərkəzlərinin həsəd apara biləcəyi “yeniliklərinin” şahidi olsaq da, “Azərsu” ASC-nin Nəzarət Ölçü Cihazları İdarəsinin rəisi Eyvaz Hüseynov şok yaradacaq bir yeniliyə imza atıb: “Qadını kişi, kişini qadın edib”, mübarək imzası ilə də təsdiqləyib. Necə? Yazını sonadək oxuyaq da, necəliyini də bilək.

                               “Azərsu” əməkdaşının 200 manatlıq “hörməti”

Abşeron rayonu Ceyranbatan qəsəbəsi Aşıq Ələsgər k. Ev 11 ünvanda yaşayan vətəndaş Rüstəmova Müşkünaz Kərim qızının “Azərsu” ASC-nin sədrinin vəzifəsini icra edən cənab Köçərli Həsənova ünvanladığı müraciətin surəti yenixeber.org-a daxil olub. Müraciətdə su sayğacında yaranan problemdən və bir qrup “Azərsu” əməkdaşının məsuliyyətsiz əməllərindən bəhs olunur:

“Hörmətli Köçərli müəllim, biz 2000-ci ildən yuxarıda qeyd etdiyim ünvanda yaşayırıq. Su pulunu vaxtlı-vaxtında ödəmişik. 2013-cü ildə bizim su xəttimizə Smart tipli sayğac qoyuldu. (Sayğacımızın kodu: 1322514400000) 2017-ci ildə sayğacımızda problem yarandı. Abşeron Su-Kanal İdarəsinə müraciət etdik. Bizə sayğacın mənfiyə getdiyini və borcumuzun olduğunu söylədilər. 2-3 gün sonra iki nəfər (Birinin adı İlyas idi.) gəlib, dedi ki, sayğacı aparıb düzəldəcəklər və plomblanmış şəkildə gətirib qoyacaqlar. Həyat yoldaşım Rüstəmov Abbasəli Süleyman oğlundan 180 manat rüsum kimi və “hörmət” kimi 20 manat aldılar. Həmən gün axşam saatlarında sayğacı plomblanmış şəkildə gətirib yerinə qoydular. Sayğac normal işləyirdi...Amma, 2021-ci ilin mart ayında sayğacın batareyası dayandı. Mən yenidən Abşeron Su-Kanal İdarəsinə müraciət etdim. Sayğacı mexanikiyə keçirdilər və mənfiyə keçdiyinə görə 948 manat cərimə yazdılar(?) Bizim ailə tərkibimiz 2 nəfərdən ibarətdir. Həyətyanı sahəmiz 200 m2-dir. (Evlə birlikdə.) Qış aylarında 3m3 su bizə kifayət edib. Kartla ödəniş edib, suyumuzu istifadə etmişik.

Həyat yoldaşım Abşeron Su-Kanal İdarəsindən faktura tələb edib, bu fakturada 2017-ci ildə İlyas adlı əməkdaşınıza verdiyimiz 180 manat qeyd edilməyib(?) Biz 2 nəfərlik ailənin bu qədər su işlətməsi qeyri-mümkündür. Abşeron Su-Kanal İdarəsində müraciətimizə baxılmır, müxtəlif bəhanələrlə süründürürlər.

Biz ikimiz də pensiyaçıyıq, yaşlı adamlarıq. Sizdən xahiş edirəm ki, bizim bu problemimizin həll olunmasını təmin edəsiniz. Ümid edirəm ki, sayənizdə digər instansiyalara müraciət etməyimizə ehtiyac qalmayacaq”.

                  İdarə rəisi Müşkünaz Rüstəmovanı Rüstəm Müşkümova elədi(?)

Dünən şikayətçi tərəf redaksiyamızla əlaqə yaradıb, maraqlı faktlar təqdim elədi... Belə ki, şikayətçi tərəf “Azərsu” ASC-nin sədrinin vəzifəsini icra edən cənab Köçərli Həsənova ünvanlanmış şikayət məktubuna Nəzarət Ölçü Cihazları İdarəsinin rəisi Eyvaz Hüseynovun imzası ilə “cavab məktubu” alıb. (Eyvaz Hüseynov “Azərsu” ASC-nin sabiq sədri Qorxmaz Hüseynovun mərhum qardaşı Məhəmmədin oğludur. Red.)

 Şübhəsiz “cavab məktubu”nu dırnaqda yazmağımız səbəbsiz deyil. Səbəb isə sözün bitdiyi yerdir... Məktubun mahiyyətcə mənasızlığı bir yana, Eyvaz Hüseynov elə bir rüsvayçılığa, rəzalətə imza atıb ki, təmsil etdiyi qurumu komediya teatırı ilə bir medalın iki üzünə çevirib: Şikayətçinin ünvanı Ceyranbatan qəsəbəsi Aşıq Ələsgər k. Ev 11 olduğu halda, həm “cavab məktubu”nda, həm də zərfin üzərindəki bəlli bölmədə ünvan Ceyranbatan qəsəbəsi Yenikənd ev 144 olaraq göstərilib(?) Hələ bu harasıdır, Eyvaz Hüseynov imzaladığı məktubda ikinci- daha da böyük “gül vurub”. Məktubun xitab hissəsində “kosmetik əməliyyat aparıb-qadını kişi, kişini qadın edib”-Müşkünaz Rüstəmova yerinə Rüstəm Müşkümova yazıb... Eyni zamanda bu “yenilik” zərfin üzərində də əks olunub. Bu səbəblərdən də məktub günlərlə poçt şöbəsində qalmalı olub. (Fotolara diqqət edin. Red.)

Bu nə texniki səhv deyil, nə də ciddi yanlışlıq... Bu faktlar illərlə böyük bir idarəyə rəhbərlik edən birisinin yerinin səhv düşməsinin, Qorxmaz Hüseynovun qohumbazlığının fəsadının, dövlət vəzifəsinə məsuliyyətsizliyin, nəhayət bir xarakterin göstəricisidir. Hansı ki, həm də, “Azərsu” ASC-ni bir TRAGİKOMİK səhnə kimi canlandırır. “Artistləri” də bir deyil, iki deyil. Hər biri də babat səlahiyyət sahibi. Başqa sözlə ənənəvi teatrlardan fərqli olaraq “Azərsu” ASC-nin “səhnəsində yer alan baş rol ifaçılarının” sayı 10-larladır. “Oynadıqları da faciəvi komediya səhnələri”... Tamaşaçıları da bu “artistlər”in sayəsində faciə yaşayan Azərbaycan insanı.

 Biz zamanında yenixeber.org-da yazanda ki, Qorxmaz Hüseynov SOCAR-dan, təqaüddə olan polislərdən,hərbiçilərdən, qohum-əqrəbasından, tələbə, əsgərlik yoldaşlarından ibarət bir diletant komanda formalaşdırıb, üstümüzə gəlirdilər. İşindən bixəbər, fikri-zikri parada olanlara vəzifə vermək, baxça uşağının əlinə odlu silah verməkdən də təhlükəli və zərərlidir... Eyni ilə “Azərsu” ASC-də olduğu kimi.

Nəhayət, biz də yenixeber-org olaraq bu müraciətlə bağlı Köçərli Həsənova rəsmi məktub ünvanlamışıq. Hələ ki, cavab yoxdur(?)

Mövzunun davamı olacaq.(Yenixeber.org) 

 

 

araz.az xəbər portalı.

İki saata 24 min qazandığı iddia olunan idarə müdiri mətbuatın sorğusuna niyə susur?...

1632291942 img 20210921 213827DogruXeber.az: - Artıq bir neçə müddətdir ki, yerli medianın gündəmində Ekologiya və Təbii Sərvətlər Nazirliyinin adı tez-tez hallanır.

Ciyərlərimizə sağlam nəfəs almağımız üçün təbiətin təmizliyi, həmçinin bizə oksigen bəxş edən yaşıllıqların çoxluq təşkil etməsi çox vacibdir.

Amma, nə yazıq ki, ölkəmizdə bütün bu məsuliyyətlərin məsul daşıyıcısı olan Ekologiya və Təbii Sərvətlər Nazirliyində nazir kürsüsündə əyləşən nə Muxtar Babayev özü, nə də tabeliyində çalışan və əmisi oğlu olduğu deyilən digər məsul şəxs Füzuli Babayev oturduqları kürsünün məsuliyyətini o qədər də ciddiyə almırlar.

Bəlkə də başları daha "vacib" işlərə, yəni özləri üçün sərvət toplamağa qarışdığından bütün bunlara ayıracaq vaxtları qalmır.

Əvvəllər elə bilirdik bu qurum sadəcə dövlət büdcəsindən ayrılan maaş qarşılığında dövlətə və ölkəyə xidmət göstərir.

Sən demə bu qurum ən varlı qurumlardan biri imiş.

Onlar sərvəti elə təbiətin özündən, "ağac köklərindən qazıyıb çıxarırlar".

Özü də tək yox, qan qohumları ilə birlikdə.

Bu fikri bizdə yaradan, yaxınlarda mətbuatda yayımlanan, "Nazirin əmisi oğlunun ağacköçürmə biznesi" başlıqlı məlumat və məlumatda qeyd edilən: "Ekonazir Muxtar Babayev qohum-əqrəbasını nazirliyə doldurub." - cümləsi oldu.

İki saata 24 min qazandığı iddia olunan idarə müdiri mətbuatın sorğusuna niyə susur?...


Belə ki, deyilənə görə Nazirin əmisi oğlu olan, Sahələrarası Nəqliyyat və Kompleks Mexaniki Təminat İdarəsinin direktoru Fizuli Babayev gördüyünüz kimi çox vacib bir vəzifənin sahibidir.

Amma, işini aldığı maaşa görə deyil, rüşvət müqabilində İcra edir.

Yəqin ki, Fizuli Babayevin "ağacköçürmə biznesi"ndən bəhs edən məlumatlardakı rəqəmləri xatırlayırsınız. O görməli olduğu iki saatlıq işi görmək üçün 24.000 (iyirmi dörd min) manat pul tələb edib ki, bunu da riyazi hesablamalarla illik nə qədər etdiyini hesabladıqda, milyonların üstündə bir rəqəm alındığını da gördünüz.

My Webpage

Özü də bu qədər məbləğ nə dövlət büdcəsinə ödənilir, nə də dövlətə məxsus hər hansı bir kassaya.

Birbaşa Flora xanıma ödənilir. Eşitdiyimizə görə Flora xanım da özgəsi deyil aa, cənab nazirin özbəöz yaxın qohumudur.
Öz aramızdır, hər qohuma da bu boyda məsuliyyətli iş həvalə edilmir. Yəqin ki, Flora xanım cənab nazirin xüsusi etimadını qazanıb ki, bu məsuliyyət ona etibar edilib.

Dövlət qurumunun rəhbər kürsüsündə əyləşib, dövlətin əmlakı olan avadanlıqlar vasitəsilə ölkə və xalq üçün görüləcək işlərin müqabilində elə xalqın özündən rüşvət tələb etmək...

Yeri gəlmişkən onu da qeyd edək ki, nə hikmətsə bu məlumatlar bir çox saytlardan silinib.

Adı hələ də "google" axtarış sistemində görünən bu məlumatlar doğruların nə yolla olursa-olsun bir gün mütləq ortaya çıxdığının göstəricisidir.

Cənab Babayevlər qanunsuz əməlləri ortaya çıxan kimi, vaxtlarını səhvlərini düzəltmək yerinə, məlumatları dərc edən sosial medialardan sildirməyə xərcləyirlər.
Nə yazıq ki, ölkəmizdəki məmurların əksəriyyəti bu cür çalışır. Elə bu səbəbdən də nələrsə düzəlmək yerinə, ötür-ötür beləcə, hətta getdikcə daha da bərbad vəziyyətdə sonsuzluğa doğru davam edir.
Biz cəmiyyət olaraq gördüyümüz bütün qanunsuzluq hallarını aidiyyəti qurumlara xəbər verərsək, ölkədə bu kimi halların azalacağını düşünürük.

Odur ki, "DogruXeber.az" informasiya agentliyi olaraq hər zaman bu cür çalışmışıq. Gördüyümüz hər qeyri-normal hallar barəsində dərhal aidiyyəti üzrə rəsmi, yaxud şifahi məlumat veririk.

Dəfələrlə, Ekologiya və Təbii Sərvətlər Nazirliyinə də bu cür müraciətlərimiz olub.
Məsələn, Tiblisi prospektində yerləşən "İST petrol"un yanında, vaxtilə sakinlərin dinləndikləri yaşıllıq ərazidə ağacların arasında tikilmiş "Həci" kimi tanınan iş adamına məxsus restoranın fəaliyyətinin ağacların inkişafına mane olması, onları məhv etməsi barəsində sözügedən nazirliyə məlumat vermiş, həmçinin redaksiyamızda dərc etmişdik.



Amma, nazirlik nədənsə, (bəlkə də hər hansı bir razılaşma qarşılığında) bizim müraciətimizi də, təbiət üçün maneə olan o boyda obyekti də görməzdən gəldi.
Görünür "Həcilər"in məşhur namı təkcə şou-biznes aləmində deyil, elə bəzi dövlət qurumlarında da "xüsusi hörmət" sahibidir.

Bəlkə də tək bununla da bitsəydi heç bu mövzuya təkrar qayıtmazdıq.

Onlar, yaxın keçmişimizdə dördüncü mikrorayon dairəsinin yaxınlığında, "köhnə hamam" deyilən ərazidə "köçürmə" adı ilə məhv edilən ağacları da, Bakının Nəsimi rayonunda "Memar Əcəmi" metrostansiyasının yaxınlığında, beş mərtəbəli yaşayış binalarının qarşısında, "köhnə bağça" adlanan ərazidəki ağacların kəsilməsini də, ictimai-iaşə obyektlərinin tikintisi üçün Nizamı rayonunda, "Neftçilər" metrostansiyasının yaxınlığındakı ağacların kəsilməsini də, Xətai rayon, "Əhmədli" qəsəbəsi N.Tusi küçəsindəki ağacların kəsilməsini də, Binəqədidə kəsilən ağacları da və sair, ümumiyyətlə bu kimi bir çox halları görmədi.

Əslində, görməməsi mümkün deyil də, görməzdən gəldi desək daha doğru olar.
Təbii ki, görməzdən gəlməsinin səbəbi, yaxud qarşılığının kiçik bir "təşəkkür" olması mümkünsüzdür əlbəttə.

Görməzdən gəlməsinə əminliyimiz isə mətbuatda sözügedən problemləri əks etdirən bu qədər məlumatların yayımlanması, həmçinin redaksiya olaraq Ekologiya və Təbii Sərvətlər Nazirliyinin mətbuat xidmətinin rəhbəri İradə xanım İbrahimovaya gördüklərimiz barəsində şəxsən məlumat verdiyimiz üçündür.

Amma, İradə xanım da hər dəfəsində: "mən öyrənib, sizə də məlumat verəcəm" - deyərək, qurumu məlumatlandırmaq yerinə, üstünlüyü bizi gözlətməyə verir.

Nə baş verməkdə olan problem dayandırılır, yaxud aradan qaldırılır, nə də İradə xanım söz verdiyi kimi bizi arayıb bir açıqlama verir.

Bu da bizə onu deməyə əsas verir ki, bizim "gözüaçıqlığ"ımız bu nazirliyin işinə yaramır.

Hələ, bu harasıdır.
Hələ bir neçə müddətdir elə sosial mediada yayımlanan "meşə terrorları", Quba, Xaçmaz, Qəbələ, Cəlilabad, Yardımlı, və adlarını çəkmədiyimiz digər bəzi rayonlarımızdakı meşələrdə baş verən "yaşıllıq qətliamlarını" əks etdirən məlumatlar belə Ekologiyamızı qorumalı olan Ekologiya Nazirliyini zərrə qədər narahat etmir.




Yeri gəlmişkən, Ekologiya Nazirliyinin daha bir "qazanc fəaliyyəti"ndən danışmağı unutduq.

Demək, ötən ay "DogruXeber.az" İnformasiya agentliyinin redaksiyasına daha bir məlumat daxil oldu.

Məlumatda Sahələrarası Nəqliyyat və Kompleks Mexaniki Təminat İdarəsinin direktoru Fizuli Babayevin bir gündə ayrı-ayrı saatlarda bir neçə şirkətlərlə "tender" müqaviləsi imzalanmasından bəhs edilirdi.
"İDEAL MOTORS" MMC, "SUN CARS" MMC, "AZƏRMAŞ GROUP" MMC və adlarını çəkmədiyimiz digər bir neçə şirkətlər.

Bu qədər şirkətlərlə özü də bir gündə yüksək məbləğlərin də qeyd edildiyi müqavilələrin imzalanması bizdə şübhəli suallar yaratdığı üçün, redaksiyamız tərəfindən rəsmi sorğu hazırlayıb sözügedən qurumun rəhbəri Fizuli Babayevin şəxsi email ünvanına, həmçinin Ekologiya və Təbii Sərvətlər Nazirliyinin rəsmi email ünvanına göndərdik.

Qeyd: "Vətəndaşların müraciətləri haqqında" Azərbaycan Respublikasının Qanununda deyilir:
8.5. Müraciətlərə ən geci 15 iş günü, əlavə öyrənilmə və yoxlanılma tələb edən müraciətə isə ən geci 30 iş günü müddətində baxılır.
8.6. Müraciətə baxılması üçün xüsusi yoxlama keçirmək, əlavə materiallar tələb etmək, yaxud başqa tədbirlər görmək lazım gəldikdə, orqanın rəhbəri tərəfindən müraciətə baxılma müddəti müstəsna hallarda 30 iş günü uzadıla bilər. Bu barədə müraciət edən vətəndaşa, müraciətin baxılması yuxarı orqan tərəfindən nəzarətdə saxlandıqda isə həmin orqana rəsmi surətdə yazılı məlumat verilməlidir.
Elektron müraciətlər isə 24 saat müddətində cavablandırılmalıdır.


Bundan əlavə biz elektron müraciət göndərdiyimizi nazirliyin mətbuat xidmətinin rəhbəri İradə xanım İbrahimova ilə telefon əlaqəsi saxlayıb şəxsən də diqqətinə çatdırmışdıq.
İradə xanım hər zamankı kimi məlumat öyrənib, bizimlə əlaqə saxlayacağını dedi.
Bir neçə gün keçdikdən sonra nə sorğumuzun cavablandırılmadığını, nə də İradə xanım İbrahimovadan bir cavab gəlmədiyini görüncə təkrar İradə xanımla telefon əlaqəsi saxladıq. Xanım isə sorğumuzu bu barədə Fizuli Babayevə artıq məlumat verdiyini, bir neçə gün sonra zəng etdiyimizdə sorğumuza cavab hazırlanmaqda olduğunu, bir neçə gün sonrakı zəngimizdə cavabın gəldiyini, lakin müəyyən yanlışlıqlar olduğu üçün geri göndərildiyini, və sair bu kimi sözlər deyərək, 3 həftədən çox müddətdir ki, hələ də cavabsız qoyub.

Hansı ki, yuxarıda da qeyd etdiyimiz kimi cavab 24 saat müddətində göndərilməli idi.

Qurumun suallarımız qarşısında bu qədər susması şübhələrimizin doğruluğuna bir işarədir.

Deyəsən Füzuli Babayevin də, digər səlahiyyətli şəxslərin də "sözü qurtarıb".
Yeri gəlmişkən Fizuli Babayevin onun rəhbərlik etdiyi qurumun fəaliyyəti haqqında redaksiyamızda məlumatlar dərc edildiyindən də, göndərdiyimiz sorğulardan da şəxsən məlumatlı olduğundan xəbərdarıq.

Bəlli ki, cənab Babayevlər atalarımızın "danışmaq gümüşdürsə, susmaq qızıldır" kəlamından ibrət götürüb, susmağı seçiblər.

Yəqin, atalarımızın nəsihət dolu aforizmlərindən ibrət götürməyi bacaran bəzi məmurlar, "artıq tamah baş yarar" aforizmini vaxtında eşitməyiblər.

Kim bilir, bəlkə eşitsəydilər məsələləri heç hər kəsin diqqətini çəkəcək dərəcəyə qədər gətirməzdilər...

Qeyd: Sözügedən qurumun əsrarəngiz fəaliyyətlərinin bir yazıya sığdıra bilməyəcək qədər çox olması, bizi bu mövzuya silsilə şəkildə toxunmaq məcburiyyətində qoyur.

Odur ki, burada qeyd etmədiyimiz əlavə bir neçə məlumatları da növbəti yayımlarımızda diqqətinizə çatdıracağıq.


Redaksiyamız hər kəsin söz haqqını tanıyır.

 

 

araz.az xəbər portalı.

1 -dən səhifə 1806

Əlaqəli xəbərlər