"Lavrovun 5 rayon təklifini tələdəki pendirlə müqayisə etmək olar" - Vahid Əhmədov

vahidehmedov1Bu gün xəbər saytları Milli Məclisin sədri Sahibə Qafarovanın Moskvada Rusiyanın XİN rəhbəri ilə görüşündə Lavrov tərəfindən səsləndirilən "Rusiya nizamlama prosesində işğal olunmuş 5 rayonun geri qaytarılmasına, əraziyə sülhməramlıların yerləşdirilməsinə və nəqliyyat-kommunikasiya sisteminin bərpa olunmasına tərəfdardır" bəyanatını manşetə daşıdı. Amma bizlər illərdi Lavrovun nə oyunlardan çıxdığını və hər dəfə işğalı uzatmaq üçün çeşidli məkrli planlara-ilk baxışda hətta gözqamaşdırıcı görünən təkliflərlə çıxış etdiyinə şahidik. Odur ki, Azərbaycan cəmiyyətinin nə rəsmi Moskvaya, nə də onun erməni mənşəli xarici işlər nazirinə zərrə qədər inamı qalmadığını iddia edə bilərik. Elə millət vəkili Vahid Əhmnədov da Lavrovun bu təklifinə sevinməməyi, əksinə, bu təklifin içində gizlənən məkrli planı anlamağı təklif edir. Moderator.az-a açıqlamasında millət vəkili deyir ki, işğal olunmuş torpaqları bizə nə Rusiya, nə də digər həmsədr dövlətlər qaytaran deyil, biz bir yumruq kimi birləşərək ordumuza və millətimizin əzminə söykənərək savaşla işğalçıya haqq etdiyi dərsi verməliyik:

"Mən heç zaman Rusiyanın sülh təşəbbüslərinə və həmsədr kimi münaqişənin ədalətli həllinə töhfə verəcəyinə inanmamışam. Üstəlik, Lavrovun milli mənsubiyyəti və bəzən diplomatik çərçivələrə məhəl qoymayaraq açıq-aşkar ermənipərəst mövqe sərgiləməsi rəsmi Moskvanın təşəbbüslərinin səmimiyyətini heçə endirib. Lavrovun bu dəfəki açıqlaması da əslində Azərbaycana meydan oxumaq və işğala qanuni don geyindirmək cəhdindən başqa bir şey deyil. Onun 5 rayon təklifini də sadəcə tələdəki pendirlə müqayisə etmək olar. Əgər Lavrov beynəlxalq hüquqa hörmət edirsə, bilməlidir ki, Azərbaycanın Qarabağətrafı 5 yox, 7 rayonu işal altındadır və bununla bağlı BMT qətnamələri mövcuddur. Yəni Azərbaycanın beynəlxalq birlik tərəfindən tanınmış torpaqları üzərində Lavrovun bazarlıq etməsi, bu azmış kimi "sülməramlı" adı altında rus qoşunlarının yenidən Azərbaycanı işğal etməsinə qanuni don geyindirməyə çalışması bir daha bu münaqişənin çözümünün yalnız və yalnız müharibədən keçdiyini ortaya qoydu. Biz Ali Baş Komandanın qətiyyətinə və peşəkar dövlət xadimi kimi Rusiyanın gizli planlarına bələd olmasına güvənərək Müqəddəs Savaşa hazırlaşmalıyıq. Təbii ki, çoxillik savaş təcrübəsi olan müttəfiq ölkələrin, xüsusən də Türkiyənin bizə qardaşlıq dəstəyi də çox önəmlidir və biz bir millət olaraq anlamalıyıq ki, müharibə yolu ilə tutulan torpaqları heç kim sülhlə qaytaran deyil. Ona görə də donuzu darıdan çıxarmağın klassik yoluna baş vurmaqdan başqa çıxış yolu görmürəm".

araz.az

Əlaqəli xəbərlər