İrana qarşı cəbhə sıxlaşır: Tehranın Bakıya hücumunda nüvə faktoru - TƏHLİL

bandicam 2021 10 08 11 32 04 885Türkiyə İranla sərhədi yük daşımalarına bağladı; Gürcüstanın eyni addım atdığına dair məlumatlar var; Lavrov Moskvada Abdullahianın məcazla desək, “ağzından vurdu”;

Region ölkələri İrana qarşı eyni cəbhədə birləşir: bütün bunlar Azərbaycana görədirmi? Yaxud İranın Bakıya total hücumu təkcə Gorus-Qafan yolu ilə bağlıdır?

Cənubi Qafqaznın yeni siyasi mənzərəsi İranın regiona girişini əngəlləyir və bəllidir ki, Tehran Bakıdan asılılığı, Türkiyənin bölgədə mövcudluğunu, Zəngəzur dəhlizini qəbul etmir. Lakin məsələnin regional tərəfi ilə yanaşı, qlobal tərəfi də var və hadisələr artıq İrana qarşı cəbhənin genişlənməsi yönündə inkişaf edir.

Və bu mənzərədə İranın nüvə proqramı ön plana çıxır.

Sentyabr ayının sonlarında İranın nüvə proqramı ilə bağlı yeni məlumatlar yayıldı. MAQATE-nin məxfi məlumatlarına çıxış əldə edən amerikalı mütəxəssislər Nyu-York Tayms nəşrinə bildirirdilər ki, İran tezliklə nüvə başlığının yaradılmasına kifayət qədər qədər uran istehsal edə bilər. Bu, nüvə silahının əldə edilməsi olmasa da, ciddi irəliləyiş hesab olunur və mütəxəssislər İranın uranı nüvə silahı əldə etmək üçün lazım olan 90 faizə qədər zəngiləşdirə biləcəyini də istisna etmirlər.

Röyters agentliyi isə bir neçə gün öncə Bayden Administrasiyasındakı mənbəyə istinadən yazırdı ki, “İran nüvə proqramlarında ciddi irəliləyiş əldə edib və nüvə bombası hazırlamaq üçün uranı lazım olan qədər zəngiləşdirməyə bir neçə ay bəs edəcək”.

Nüvə danışıqlarına hələ də gəlməyən İranın yeni hakimiyyətinin müzakirələrdə əsas fiquru dəyişməsi də diqqət çəkir: danışıqlarda İran nümayəndə heyətinin rəhbəri olan Abbas Araqçini prezident Rəisinin yaxın adamı, Qərbə qarşı güzəştsiz mövqeyi ilə tanınan Əli Bağeri əvəzləyir; bu, Tehranın nüvə danışıqlarında mövqeyinin sərtləşəcəyindən xəbər verir, təbii ki, danışıqlar başlayacaqsa.

İstisna deyil ki, İran danışıqların başlanmasına qədər uranı nüvə başlığı əldə etməyə kifayət qədər zənginləşdirmək niyyətindədir.

Bunun fonunda İran-Azərbaycan gərginliyi yeni yanaşmanı da ortaya çıxarır.

Birincisi, yeni gərginliyin yaranması Tehrana diqqətin nüvə proqramından yayınması baxımından sərf edir: Bakının üzərinə hücum, bölgəyə hansısa formada müdaxilə nüvə proqramı məsələsini müvəqqəti arxa plana keçirə və İrana lazım olan qədər vaxt qazandıra bilər;

- İranda hansısa terror aktı törədilir və Tehran bunun “Arazın bu tayındakı “terrorçulara” bağlayaraq, müdaxiləyə əl atır;
- Yaxud “texniki səhv” üzündən raketin ünvanı səhv salınır, beləliklə, gərginlik praktiki mərhələyə keçir və s;

İkincisi, region ölkələrinin İranın nüvə proqramını təhlükə olaraq görməsidir.

Nüvə danışıqları faktiki aparılmır, Bayden Administrasiyasının nəticə hasil olacaq addımları yoxdur və zaman İranın ən azı nüvə başlığı əldə etməsinə doğru axır: regionda nüvə bombası əldə etmək imkanı qazanan İran nə Türkiyəyə, nə nüvə bombasına sahib olan Rusiya və Pakistana, nə də Türkiyənin rəhbərliyi altında Şərqi Avropadan Mərkəzi Asiyaya qədər coğrafiyada “yeni dünya” inşa edən Britaniyaya sərf etmir; ABŞ və İsrailin istəmədiyi məlum məsələdir, lakin bu dəfə region ölkələri və regionda maraqları olan qüvvələr də təhlükəyə qarşı birləşir;

Ərdoğanla Putinin Soçidə anlaşmasının ana səbəblərindən biri də bu təhlükəli perspektiv ola bilər. Lavrovun Abdullahianini qəbul etməmişdən öncə Blinkenlə İranın nüvə proqramını müzakirə etməsi də Moskvanın Vaşinqtonun edə bilmədiyini etmək istəyindən – Tehranın uranı zənginləşdirməsinin qarşısını almaq – irəli gəlir.

Və görünür, İran təhlükəsinə qarşı cəbhə sıxlaşır. Tehranın Bakıya qarşı hücumda tez-tez işlətdiyi “regionda geosiyasi dəyişikliyə imkan verməyəcəyik” açıqlaması da bu dəyişiklikdən qaynaqlanır.

Burada ən mühüm məqamlardan biri İsrailin İrana qarşı atacağı addımlardır: Təl-Əviv mübarizəni sərtləşdirəcəyinin anonsunu verir; əvvəlki illərin təcrübəsi də göstərir ki, İsrail Ordusu İranın Yaxın Şərqdəki mövqelərinə qarşı zərbələri daha da intensivləşdirə, hətta İran daxilində nüvə obyektlərinə qarşı də addımlar ata bilər; aprel ayında İranın nüvə obyektinə kiber hücumu nəticəsində partlayışlar olmuşdu və Tehran buna görə Mossadı ittiham etdi;

İran bütün bunlardan Cənubi Qafqaza müdaxilə üçün bəhanə kimi istifadə edə bilər, həm regional maraqlarını təmin etmək, həm uranı zənginləşdirmək üçün vaxt qazanmaq, həm regional cəbhəni dağıtmaq məqsədilə. “Sionistlərə qarşı yeni cəbhə” mollalar üçün daxili ictimai rəy üçün də sərfəlidir.

Burada Tehranın yer aldığı “bir kəmər, bir yol” layihəsinin Orta dəhlizinə qarşı təxribatı da məsələnin başqa tərəfidir.  

 

Modern.az

Neptun marketlərdə olan QANUNSUZLUQLAR- “Neptun”un sahibi olan Müseyib-Sahib-Rahib Bağırov qardaşları..

1633593479 1633543616 1

Qardaşların qohumu olan Gəncəli İsmayılovun ofisdəki macəraları…

araz.az  baki.com-a istinadən bildirir ki, “Neptun” marketlər şəbəkəsi Azərbaycanda yaradılan ilk ticarət şəbəkələrindən biridir. Təəssüf ki, fəaliyyət göstərdiyi ilk günlərdən bu ticarət şəbəkəsində problemlər yaşanır.
Uzunçuluğa varmadan qeyd edək ki, alıcılar bu ticarət şəbəkəsində qiymətlərin sürüşdürülməsindən, rəflərdə və kassada qiymətlərin fərqli olmasından həmişə şikayət edirlər.
Bəhanə də bu olur ki, guya marketə daxil olan azyaşlılar qiymət kağızlarını götürürlər. Vallah bundan gülməli bəhanə ola bilməz.
Bəs “Neptun”un sahibləri qiymətlərin süni şişirdilməsinə nə deyirlər ?
Bəlkə bunu da azyazşlı uşaqlar edir ?
Müştərilərə qarşı hörmətsizlik, satıcıların üzlərindən sanki zəhrimar yağması, vəzifələrini normal yerinə yetirməməsi, alıcı sual verdikdə mızıldanaraq cavab vermələrinin səbəbi görəsən nədir ?
Marketdə paketləri alıcının üsərinə atırlar ki, özünüz yığın, yaxud çekləri ləngidərək verirlər və s.
Yaxşı, bütün bunları subyektiv hal kimi başa düşdük. Marketin mağazalarında qiymətlərin süni şişirdilməsi adi hal alıb.
Axı, ölkə başçısı dəfələrlə qeyd edib ki, ölkədə süni şişirdilmiş qiymətlər var. Bu reallıqdır.
Dəfələrlə Neptun-da apırılan monitorinqlər sübut edib ki, həqiqətən də kassa ilə rəfdəki qiymətlər fərqlidir.
Neptun-un sahibləri açıqlama verir ki, qiymətləri dəyişmək yadımızdan çıxır.
Əgər həqiqətən belədirsə, bircə dəfə də qiymətləri aşağı edin də…yəni qiymət kassadakı qiymətdən yuxarı olsun də, yəni kassada qiymət aşağı olsun.
Bir sözlə, Neptun marketlər şəbəkəsində istehlakçının aldadılması və istehlakçı hüquqlarının pozulması adi hal alıb.
Bütün bunlar azmış kimi, Neptun-da satılan ərzaq məhsullarının üzərində milçəklərin qaynaşması da müşahidə olunur.
Hələ Neptun-da satılan bulkalardan mıx-mismar çıxması barədə də dəfələrlə mətbuatda yazılıb.
Biz hələ bu ticarət şəbəkəsinin adının iş adamı Rza Zərrabla birgə hallandırılmasına da toxunmaq istəmirik.
Bütün bunlar ortada ola-ola nə İqtisadiyyat nazirliyi, nə Qida Təhlükəsilik Agentliyi, nə də Vergilər Xidməti “Neptun”la bağlı heç bir tədbir görmür.
Görünür, “Neptun” marketlər şəbəkəsinin sahibi olan Müseyib-Sahib- Rahib Bağırov qardaşlarının dayaqları möhkəmdir.
Məlumat üçün qeyd edək ki, “Soliton Group və Neptun” şirkətinin rəsmi sahibi Müseyib Bağırovdur.
Görəsən Bağırov qardaşları kasıb təbəqəni niyə bu qədər incidirlər ? Axı, onların özləri də kasıb təbəqədən çıxıblar.
Obyektivlik naminə qeyd edək ki, əvvəllər Naxçıvan camaatı arasında bu qardaşların əməlli-başlı hörməti var idi. Ancaq qardaşların yaxın qohumu olan Gəncəli İsmayılovun əməlləri Bağırov qardaşlarının da üzərinə kölgə salır.
Gəncəli İsmayılov ətrafında şalışan adamlara sözün həqiqi mənasında qan uddurur. Hansı ki, yaxın dostlarının bizə dediyinə görə, Gəncəli özü də imkansız ailədən olub və vaxtilə Naxçıvanda üzərlik qabı satmaqla məşğul olub.
Növbəti yazıda Sadıqov Rasim Ramazan oğlu adlı şəxsin 101 min manat “yüklənməsindən”, şirkətin vergi borclarından, Gəncəli İsmayılovun güclü şahmatçı olmasından, satıcı katibə ilə macəralarından, qaynanasının ofisdəki həngamələrindən və digər hallardan bəhs edəcəyik.
Bizi izləyin.

araz.az xəbər portalı.

 

Xankəndini niyə azad etmədik? - Ekspert səbəbləri açıqlayır...

1616995824 1606815105 untitled 1
 
Azərbaycan müharibə dövründə Ermənistanı sülhə, Qarabağ ermənisini isə birgə yaşayışa dəvət bəyanatını rəsmi səviyyədə 23 dəfə səsləndirib. Qarabağda doğulan erməniyə təhlükəsiz yaşayış üçün ərazi təqdim etmək isə bu bəyanatın alt sətiridir. Əks halda səslənən bəyanatları kimsə ciddi qəbul etməzdi. Bu bəyanatın altını real fəaliyyətlə doldurmayanda, 21-ci əsrin qaydaları ilə adətən sanksiya və beynəlxalq təzyiqlər tətbiq edilir. Sülhməramlılar isə başa çatmaqda olan istənilən münaqişə ocağına cəlb olunurlar və gələcəkdə də cəlb olunacaqlar. Qarabağda nizamlama prosesində sülhməramlıların iştirakına münaqişə tərəfləri 1994-cü ilin mayında razılıq verib. 
Ermənistandan olan mənbələr müharibənin son günlərində Xankəndində təxminən 200, Xocavəndə 150 nəfər əsgəri qaldığını yazırdı. Beş rayon itirən bu dizi əsən heyətə 500 nəfər də mən əlavə edirəm. Qarabağın cənub-şərqində 15 min erməni qoşunun olması və onların mühasirəyə düşmək təhlükəsi barədə Paşinyanın dedikləri blef idi. Çünki, atəşkəs imzalanan gün Ermənistanın itkiləri fərarilərlə birlikdə 25 – 27 min arasında olub. Ermənistan ərazisində qalan heyətin, Naxçıvan, Qazax, Tovuz və Gədəbəydə Azərbaycanla sərhədi qoruyanaların, Ağdam, Ağdərə, Tərtər, Göranboy, Göygöl və Daşkəsəndə keçmiş təmas xəttində müdafiə olunanların toplam sayı ən azı 18-20 min olmalı idi. Əvvəlki 27 minlik itkiyə bu 20 mini və ölkə rəhbərliyinin tabeliyində olan ən azı 5 min nəfərlik ehtiyatları da əlavə etsək, Ermənistanın Qarabağın cənub şərqində 1000- 1500 nəfərdən artıq canlı qüvvəsinin qalmadığını iddia edə bilərik. Əgər Ermənistanın Qarabağın cənubunda 10 minlik canlı qüvvəsi olubsa, o zaman zirehli, yüngül zirehli və zirehsiz vasitələri, YARS-ları, TƏİRK-ləri, külli miqdarda silah və sursatları niyə döyüş meydanında tərk etmişdilər? Bu 15 minlik qoşun barədə Paşinyanın dedikləri, onun inandırıcı yalan danışmaqda çətinlik çəkdiyinin növbəti göstəricisi hesab oluna bilər. 
Azərbaycanın isə 40 min əsgəri erməniyə hücuma hazır vəziyyətdə gözləyirdi. Tutaq ki, ehtiyatdan olan qüvvəmizdən 5-6 min nəfər ayırıb Xocalı, Xocavənd, Əsgəran, Agdərə və Xankəndini də işğaldan azad etdik. Əzilmiş erməni ordusunun Şuşadan sonra Qarabağın cənub şərində və mərkəzində ciddi müqaviməti mümkün deyildi. Buna paralel olaraq "Ağdərə və Əskəranı daha əvvəl şimaldan hücumla işğaldan azad edə bilərdik" fikrinə də qarşı çıxmıram. Bu niyə baş vermədi sualına cavabım isə hələ tam hazır deyil. 
Adı çəkilən ərazilərin azad olunmasında itkilərimiz təxminən 1000 nəfərə qədər ola bilərdi. Rusiyanın bu proseslərə səssiz qalacağı ehtimalı minimum olsa da, hesab edək ki, bu belə olub və biz digər əraziləri də işğaldan azad etmişik.  İstənilən halda, əməliyyatların sonunda atəşkəs barədə sənəd imzalanacaqdı. Qarabağda doğulan erməniləri, heç olmasa onların bir hissəsini tərk etdikləri evlərinə qaytarmalı idik. Birgə təhlükəsiz yaşayışı 30 ildir ki, hər dəfə təsdiqləyirik. Əks halda üstümüzə gələnlərin (hürənlərin) sayı bir qədərdə, bəlkə bir neçə dəfə arta bilərdi. Azərbaycan Əsgərinin süngüsü altında yerli ermənilərin Qarabağa qayıtması real səslənirmi? Deməli silahla azad etdiyimiz, şəhid verdiyimiz hansısa ərazidən müvəqqəti də olsa Əsgərimizi geri çəkməli idik ki, yerli ermənilər sülhməramlıların vasitəsilə geri qayıtmağa razı olsunlar. O zaman şəhid ailələri, yaralılar, orada döyüşənlər və s. bu geri çəkilməni necə dəyərləndirəcəkdi? 
Mən bu qısa şərhdə Xocalı, Xocavənd, Əsgəran, Agdərə və Xankəndinin işğaldan azad edilməsi zamanı Rusiyanın, Fransanın, ABŞ-ın və digər dövlətlərin, beynəlxalq qurumların təzyiqlərinin miqyasını nəzərə almadım. Müharibə zamanı Xəzər üzərində baş verənləri, Ermənistan ordusunun mövqelərindən 350- 400 km aralıda yerləşən Bakıda ətrafındakı partlayışı, Naxçıvan sərhəddində rus helikopterinin peyda olmasını, erməni ordusunun mürəkkəb silah sistemlərindən istifadə potensialının olmadığını, Rusiyanın çəkindirmə silahından yatan mülki sakinlərə kimi atəş açdığını, Mingəçevirə ardı arası kəsilməyən zərbələri və s. kimi çox vacib faktorları da tam görməzdən gəldim. 
Qələbə qazanmaq çətin, məşəqqətli, əzablı və şərəfli prosesdir, lakin onun əldə saxlamaq və qorumaq da vacibdir. Bunları bacardıq. İndi isə bu Qələbəmizi  digərlərinə, o camlədən düşmənə və üstümüzə hürənlərə qəbul etdirməliyik. Ən çətini də budur. Hamımız maksimum nəticə tələb edir. 30 il Vətən həsrəti yaşayan hansı azərbaycanlı türkü istəməzdi ki, bu məsələ birdəfəlik həll olsun? Hansı iqtidar, müxalifət və ya bitərəf istəməzdi ki, Şuşa kimi ən mürəkkəb və çətin vəzifəni yerinə yetirəndən sonra ayağımızın altında olan 30 kv.km-lik Xankəndində, soyqırıma məruz qaldığımız Xocalıda və ya yarısından çoxunu azad azad etdiyimiz Xocavənddə üçrəngli Bayrağımız dalğalanmasın? 
O zaman adı çəkilən ərazilər niyə azad olunmadı? Çünki, Azərbaycan-Ermənistan münaqişəsi sırf hərbi münaqişə deyil, hərbi-etnik münaqişədir. Belə olmasaydı Avropada türk ilə erməni Qarabağ uğrunda mübahisə zəminində bir birinə xəsarət yetirməzdi. Belə olmasaydı, ermənilər Xocalı, Malıbəyli, Quşçu, Qaradağlı, Bağanis Ayrım faciələrini törətməzdi, məscidlərimizdə heyvan saxlamazdı, qəbirdən vətəndaşlarımızın sümüklərini çıxarıb daşımazdı və s. 
Son 40 ildə hərbi etnik münaqişə ilə Afrikanın 18 ölkəsi, Şimali və Cənubi Qafqaz, Ukrayna, Moldova, Orta və Mərkəzi Asiya, Balkan yarımadası, Şimali İrlandiya, Britaniya, İsrail, İspaniya və s. qarşılaşıb. Göstərilən müddətdə bu ölkələrdən hansı hərbi-etnik münaqişəni həll edə bilib? İsrailin imkanlarını araşdıraq. 60 ərəb ölkəsinə qarşı savaşıb qalib gələn İsrail, bir ovuc Fələstinlə 70 illik problemi niyə bir dəfəyə həll edə bilmir? Birdəfəlik həll bütün fələstinlilərin yox edilməsi ilə mümkün ola bilər, lakin bu 20 və ya 21-ci əsrdə real məsələ deyil. 
Bəzilərimiz isə 200 illik problemin bir dəfəyə və ya 44 günlük Müharibə ilə tam həllini arzu edir. Arzu olaraq başa düşüləndir, bu şərhi yazanda bir vətəndaş kimi mən də bunu arzu edirəm, lakin ədalətsiz dünyanın mövcud reallıqları bizim arzularımızdan asılı deyil və tam fərqlidir. Tam Qələbə yerli ermənilərin Qarabağda qalması ilə mümkün olacaq. Bunun üçün tam Qələbəyə əvvəlcə özümüz inanmalıyıq, əks düşünən rəqiblərimiz isə bizim arzularımızın qarşısında məğlub olmalıdır. Necə ki, 30 il arzuladığımız Qarabağın 75 faizini 44 gündə bir həmlə ilə əldə edərək onları məğlub edə bildik. 
Xankəndində üçrəngli Bayrağımızın mümkün olan ən qısa müddətdə dalğalanması arzusu ilə...
Hərbi ekspert Ədalət VERDİYEV.

Serj yox, Serjik Sarkisyan... - Foto

news 2021 10 07 221148 555910

 Prezident İlham Əliyev oktyabrın 3-də Tərtər rayonunun Suqovuşan qəsəbəsində çıxışı zamanı Ermənistanın keçmiş Prezidenti Serj Sarkisyanın öz adını dəyişdirdiyini bildirib:

“Mən ona Serjik Sarkisyan ona görə demirəm ki, onu alçaltmaq istəyirəm, ona görə ki, bu, onun əsl adı və soyadıdır. Bizim arxivlərimizdə bu məlumatlar var. Onun “metirka”sında, yəni, doğum haqqında şəhadətnaməsində, onun komsomol biletində Sarkisyan Serjik yazılıbdır. Sonra bunu edib Sarkisyan Serj. Guya “Serj”, necə deyərlər, məqbul bir addır”.

araz.az  Gündəmtv.az-a istinadəbn bildirir ki, Azərbaycan dövlət başçısının sözügedən açıqlamasından sonra Sarkisyanın əsl adı ilə bağlı müzakirələr yenidən gündəmə gəlib. Daha sonra sosial şəbəkələrin həm Azərbaycan, həm də Ermənistan seqmentində eks-Prezidentin komsomol biletinin fotosu yayılıb.

Sənəddən də onun adının Serjik olduğunu görmək mümkündür.

Həmçinin oxuyun“Mənim atamın haqqında söz demək ona çox baha başa gələr” - Video

araz.az xəbər portalı.

İran İsraili Azərbaycanda axtarır. Özü də qadınların əliylə...

FotoJet 3

Uşaq olanda bizi də hamı kimi Təzə Pirə “Aşura”günü ziyarətə aparırdılar.

O boyda məscidin nəinki daxilinə, heç həyətinə belə keçmək müşkül iş olurdu. O ki qala balaca uşaqlar üçün. Əl-ayaq altında qalırdıq. Sonra da əlimizə qara parçadan ip bağlayırdılar. Hələ də başa düşmürəm ki, niyə. Məscidin həyətində olan qadınlar deyərdi ki, bu ipi bağla, arzu tut, düyün açılanda arzun yerinə yetəcək. Xurafat və cahilliyin dibi...

Bəziləri zəncirlə kürəklərinə o qədər döyərdilər ki, qan tökülərdi üstlərinə. Hətta başlarını yaran da olurdu. Bu gün də belə düşünənlər var ki, baş yarmaqla savab qazanmaq mümkündür. Düşünürəm ki, əgər bizim dövlətimiz dünyəvi olmasaydı, biz də qan çıxana qədər kürəyimizə zəncir vuracaq, başımızı yaracaqdıq.

Yaxşı ki, iki-üç kitab oxuyub anladıq ki, belə etmək düzgün deyil. İslam dini bu kimi addımlara qarşıdır. Çünki bəndənin özünə xətər yetirməyi günah sayılır. İbadət isə bizdən tamam fərqli addımlar atmağı tələb edir. Amma və lakin biz oxumadan, öyrənmədən qonşunun nənəsinin və ya əmisioğlunun dediyi kimi “müsəlman” olmağa çalışırıq və hazırıq. Biz bozarana qədər corabın üstündən məs çəkmək olar və ya olmaz mübahisəsini aparacaq, ancaq qonşuda ac yatan uşaqlardan xəbərimiz olmayacaq.

“Qonşusu ac ikən, özü tox yatan bizdən deyil” demiş Hz. Məhəmməd (S.A.V). Biz İslam dininin qlobal və əsas şərtlərini bir kənara atıb hansısa “ağaların” əlində oyuncaq olmağa daha çox meyilliyik. Biz dünyaya barış və rəhm daşıyan İslamı deyil, hər gün yeni bir təriqət çıxaran, onu ortaya atan, ideoloji maraq güdənlərin əlində çömçə olmağa üstünlük veririk.

Sual olunur niyə? Yəni biz onlardan daha axmağıq? Yoxsa əqli qüsurumuz var? Niyə İranın hansısa mollası Bakıda bizim millətə ağıl verməlidir və onun verdiyi “ağıl” Allahın kəlamından belə üstün sayılmalıdır? Niyə bizim vətəndaşlar, qadınlar, şəhidin məzarı üstündə, qara çarşabda İranın siyasi-milli süarlarını səsləndirməlidir? Siz qadınlar, analar bu qədərmi anlamırsız sizdən istifadə etdiklərini? 

Oğlunu, ciyərparasını itirən anaya təsəlli verməkdən, onun övladının Allah yanında ən üst qatda olmasını demək əvəzinə, onsuz da mənəvi cəhətdən acı çəkən ananın beynini qarışdırırsız. Həssas dövr yaşayan anaları, ataları dövlətə, dövlətçiliyə, Azərbaycana qarşı qoyursuz. Axı o ana əmindir ki, onun evinin işığı olan oğlu Vətən yolunda şəhid olub. Ana əmindir ki, onun övladı torpaqları azad edib. Bu “qara çarşablı” qadınlarsa ananın ruhuna vəlvələ salır ki, sənin oğlun boş yerə vəfat edib. Bax, daha da yan!

Sənin oğlun torpaq, Vətən, namus uğrunda deyil, “sionistlərin” marağı hesabına öldürülüb. “Qara çarşablılar”, budurmu sizin Allah, din sevginiz? Aramıza nifaq salmaqdır məqsədiniz. Bizi parçalamaq, öz “ağanıza” yaxşı xidmət etməkdir bu. “Qara çarşab” altında gizlənərək İranın planını Bakıda həyata keçirməkdir bu. Təəssüf ki, bu kütlə Allaha deyil, “ağasına” təslim olur. Onun dediyi ilə yaşayır, onun dediyini yeyib-içir. Və faciədə buradan başlayır.

Daha radikal istiqamətə yönlənən kəslər evdə, ailədə, işdə ətrafdakılara qarşı təzyiq göstərir, dini fanatizm ibadətin yerini tutur. Bunun nəticəsində ailələr dağılır, faciələr yaşanır. Bu adamlar özlərini dini baxımdan hamıdan savadlı, hamıdan inanclı sayaraq hər dəqiqə digərlərini alçaltmağa çalışır, ya da digərlərini “ağalarının” təsiri altına salmağa cəhd edirlər. Çünki bu gün bir daha əmin olduq ki, Bakıdakı “qara çarşablılar” İranın dini, siyasi liderlərinin dediyi cümlələri təkrarlayır.

Gör İran necə çarəsizdir ki, İsraili Azərbaycanda axtarır. Özü də qadınların əliylə. Heç kimin əlində oyuncaq olmamaq, heç bir qüvvələrin təsir dairəsinə düşməmək üçün sadəcə Allahla öz aramıza heç kimi buraxmalı deyilik. Madam ki, müsəlmanın kitabı-Quran var, niyə hansısa adamların dediyi ilə oturub-durmalıyıq? Niyə qəlbimizi Allaha yox, hansısa üçüncü şəxsə təslim etməliyik? Biz Allahı “ağalarda” axtardıqca, İranın və digər qüvvələrin dini pərdə altında agentləri insanlarımızın beynini yuyacaq, öz maraqlarında istifadə edəcək.

Bu gün səfər ayının sonuncu günüdür. Bu barədə Allah Rəsulu (s) buyurur: “Bu (Səfər) ayda sən qardaşınla üzləşəndə gülərüz olsan, bu sənin üçün sədəqə sayılar. Bu ayda kimisə pis işdən çəkindirib, yaxşı işlərə sövq edə bilsən, bu da sədəqədir. Azmışlara yol göstərmək, yol təmizləmək də sədəqə sayılır”.

Çox inanıram ki, yolunu azmışlar tezliklə Allahın yoluna qayıdar. Vətənə, ailəsinə, dövlətinə sadiq olar. Çünki minlərlə can bu ölkənin, bu bayrağın, bu dövlətin uğrunda fəda oldu. Fəda oldu ki, bu gün Azərbaycan azad, müstəqil və güclü olsun! Heç kimin bu düzəni pozmağa haqqı yoxdur! Heç kimə də bu haqq verilməyib! Çünki Azərbaycan Respublikası Azərbaycan Xalq Cümhuriyyətinin varisidir, fars rejiminin deyil!

Kubra MƏHƏRRƏMOVA.

23 -dən səhifə 1861

Əlaqəli xəbərlər