Rusiya Baş Naziri əməliyyatlarıın dayandırılmasını istəyir: "Əks təqdirdə, region üçün fəlakətli nəticələrin qarşısını almaq olmaz"

medvedevjpeg 1601289105“Dağlıq Qarabağ münaqişəsi zonasında yeni bir gərginlik növbəti dəfə qan tökülməsinə və insan itkisinə səbəb olub. Dağlıq Qarabağ problemini silah yolu ilə həll etmək olmaz”.

Bunu Rusiya Təhlükəsizlik Şurasının sədr müavini Dmitri Medvedev öz Facebook səhifəsində yazıb.

Onun sözlərinə görə, nizamlanma istisnasız olaraq siyasi-diplomatik yolla həyata keçirilməlidir: “Mən dəfələrlə buna şəxsən əmin olmuşam, xüsusilə iki ölkənin danışıqları zamanı Rusiya Federasiyasından vasitəçi kimi çıxış etdiyim zaman. İndi bütün tərəflərin sakitləşməsi lazımdır. Hər şeydən əvvəl ehtirasları gərginləşdirməyi dayandırın, davakar ritorikadan qurtulun və münaqişənin hərbi hissəsini birgə fəaliyyətlə dayandırın. Əks təqdirdə region üçün fəlakətli nəticələrin qarşısını almaq olmaz. Bu gün böhrandan çıxmaq üçün bütün imkanlardan, həm də ATƏT-in Minsk qrupu çərçivəsində həmsədrlik mexanizmlərindən, ikitərəfli formatdan istifadə edilməlidir. Ermənistan və Azərbaycan bizim qonşularımız və yaxın tərədaşlarımızdır”/APA.  

Azərbaycan Ordusunun əks-hücum əməliyyatları davam edir: "Düşmənin daha 2 tankı məhv edildi"

1528180217 665759 449159Torpaqlarımızın işğaldan azad edilməsi uğrunda Azərbaycan Ordusunun apardığı əks-hücum əməliyyatları davam edir.

araz.az Müdafiə Nazirliyinə istinadla xəbər verir ki, ordumuzun şəxsi heyətinin döyüş əzmi və mənəvi-psixoloji durumu yüksəkdir, gərgin döyüşlərdə iştirak edən hərbi qulluqçularımız şücaətlə döyüşür: Sentyabrın 27-si və bu gün Azərbaycan Ordusunun apardığı döyüşlər nəticəsində cəbhənin müxtəlif istiqamətlərində Ermənistan qoşunlarının çoxlu sayda canlı qüvvəsi, hərbi obyektləri və döyüş texnikaları  iki ədəd düşmən  tankı məhv edilib.

araz.az

 
 
 

Ermənilər Tərtərdə mülkü şəxsləri top atəşinə tutub: 1 nəfər dinc sakin həlak olub, 3 nəfər yaralanıb - Rəsmi məlumat

raketjpg 1601284114Məlum olduğu kimi, təcavüzkar Ermənistanın hərbi-siyasi rəhbərliyi beynəlxalq hüququn əsas norma və prinsiplərini kobud şəkildə pozaraq dinc əhalini, çoxsaylı ev və mülki obyektləri, təsərrüfat təyinatlı məntəqələri ağır artilleriya qurğularından intensiv atəşə tutmaqda davam edir. 

Azərbaycan Respublikası Baş Prokurorluğunun Mətbuat xidmətindən Mia.az-a verilən məlumata görə, dərin kədər hissi ilə qeyd edilib ki, düşmənin dinc Azərbaycan əhalisinin sıx yaşadığı əraziləri növbəti dəfə ağır artilleriya qurğularından intensiv atəşə tutması nəticəsində 28.09.2020-ci il tarixdə saat 11 radələrində Tərtər şəhəri Heydər Əliyev prospektində yerləşən rayon Məhkəməsinin inzibati binasının yanına düşmüş mərmi qəlpələrindən 1975-ci il təvəllüdlü Əliyev Mehman Sovet oğlu həlak olmuş, həmin vaxt ərazidən keçən təcili tibbi yardım maşının sürücüsü 1968-ci il təvəllüdlü Əsədov Qənbər Əsgər oğlu və maşında olan hərbi polisin əməkdaşı 1994-cü il təvəllüdlü Hüseynov Fəxrəddin Fərman oğlu, həmçinin ərazidə olan digər Tərtər şəhər sakini 1991-ci il təvəllüdlü İbrahimov Tural Firdovsi oğlu yaralanıblar:

"Faktla bağlı Tərtər rayon prokurorluğunda Azərbaycan Respublikasının Cinayət Məcəlləsinin 100.2 (təcavüzkar müharibəni aparma), 120.2.1 (cinayətkar birlik–təşkilat tərəfindən qəsdən adam öldürmə), 120.2.4 (xüsusi amansızlıqla və ya ümumi təhlükəli üsulla qəsdən adam öldürmə), 120.2.12 (milli, irqi, dini ədavət və ya düşmənçilik niyyəti ilə qəsdən adam öldürmə), 29, 120.2.7-ci (qəsdən iki və ya daha çox şəxsi öldürməyə cəhd) və digər maddələri ilə cinayət işi başlanmışdır.
Hazırda prokurorluq əməkdaşları tərəfindən hadisə yerində döyüş şəraiti nəzərə alınmaqla mümkün olan bütün istintaq-əməliyyat tədbirləri həyata keçirilir.

Azərbaycan Respublikasının Baş Prokurorluğu tərəfindən müxtəlif cinayətlər törətmiş Ermənistan silahlı qüvvələrinin hərbi qulluqçularının beynəlxalq hüquq normaları çərçivəsində məsuliyyətə cəlb edilərək cəzalandırılmalarını təmin etmək məqsədi ilə zəruri sənədləşdirilmə aparılır və müvafiq qaydada sübütlar toplanılır. 
İctimaiyyətə mütəmadi olaraq məlumatların verilməsi təmin ediləcəkdir".

araz.az

"Düşmənin 550-dən artıq itkisi var" - MN sözçüsündən açıqlama

anar eyvazjpg 1601282041"Əks-hücum əməliyyatı davam etdirilir".

araz.az xəbər verir ki, bunu Müdafiə Nazirliyinin Mətbuat Xidmətinin mətbuat katibi, polkovnik-leytenant Anar Eyvazov deyib. 

Onun sözlərinə görə, artıq Talış kəndi ətrafında bir neçə yükəsklik işğalçı qüvvələrdən təmzilənib: "Həmişə olduğu kimi, Ermənistan itkilərinin sayını gizlədir. Düşmənin 24 tank və zirehli texnikası, 18 PUA, 8 artilleriya qurğusu məhv edilib, 550-dən artıq itkisi var".

O bildirib ki, Ermənistan tərəfinin məhv edilmiş canlı qüvvəsi arasında Suriyada və Livandan gətirilmiş muzdlular olduğu aşkar olunub.

MN rəsmisi əlavə edib ki, Ermənistan tərəfi bu məlumatları ictimaiyyətdən gizlədir.

araz.az

“Azərbaycan Silahlı Qüvvələri düşmənin layiqli cavabını verir, düşmən yerində oturdulur" - Prezidentin köməkçisi

ceyhun hikmetjpg 1601281728“Azərbaycan Silahlı Qüvvələri düşmənin layiqli cavabını verir, düşmən yerində oturdulur".

araz.az xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

Onun sözlərinə görə, Ermənistan silahlı qüvvələrinin Azərbaycanın işğal olunmuş ərazilərində fəaliyyəti regional sülh üçün təhlükədir: "Ermənistan tərəfindən cılız və tamamailə realıqdan uzaq saxta məlumatlar hazırlanır. Bu onu göstərir ki, saxta məlumatlar hazırlayan və yayan Ermənistana heç vaxt xalqı inana bilməz".

Hikmət Hacıyev bildirib ki, Azərbaycan Prezidentinin sərəncamı ilə qismən səfərbərlik elan edilib Onun sözlərinə görə, ölkəmizdə bir neçə müddət əvvəl hərbi toplanış həyata keçirilib: "Həmişə olduğu kimi, Ermənistan qorxaqlığını göstərərək mülki əhaliyə və obyektlərə atəş açır. Bu, Ermənistanın xislətini açıq şəkildə ortaya qoyur. Bu gün səhərdən də Tərtər rayonunu atəşə tutublar".

H.Hacıyev əlavə edib ki, düşmən həmçinin Tərtər rayonunda da polis şöbəsini və mülki obyektləri hədəf alıb: "Bu, Ermənistanın acizliyini və təcavüzkar xislətini bir daha ortaya qoyur".

Prezidentin köməkçisi deyib ki, Azərbaycan Ordusunun şəxsi heyəti rəşadətli döyüşlərini davam etdirir.

Onun sözlərinə görə, düşmənin itkiləri çoxdur: “Onların yalanları, saxta məlumatları ifşa olunur".

H.Hacıyev deyib ki, xarici media nümayəndələrinin Azərbaycana səfərləri təşkil olunub.

araz.az

10 -dən səhifə 888

Əlaqəli xəbərlər