"Kimsə virusu idarə edir, onu qəsdən yayır" - Professordan ŞOK AÇIQLAMA

WhatsApp Image 2021 12 02 at 14.31.10"Cənubi Afrika heç də kasıb ölkə deyil. Kifayət qədər zəngin, imkanlı, müasir və əhalisi 70% peyvənd olunmuş ölkədir. Təsəvvür edin belə bir ölkədə güclü mutasiya yayıldısa, deməli, dünyanın bütün ölkələrində üstün ştamm bu olacaq. Bu ştamm böyük və təhlükəli 5-ci dalğaya səbəb olacaq. Bu barədə ÜST həyəcanverici anons verib. Epidemioloji tədbirlər bir qədər gücləndirilməlidir".

araz.az xəbər verir ki, bu fikirləri medicina.az-a açıqlamasında bunu professor, pulmonoloq Əlizamin Sadıqov deyib.

WhatsApp Image 2021 12 02 at 14.32.03

Professor Omikrondan sonrakı vəziyyətə həm ümidli, həm ümidsiz olduğunu etiraf edib.

"Lakin biz hələ bu ştammın özünü necə aparacağını, nələrə səbəb olacağını, diaqnostikası, müalicəsi, ağırlaşması, eyni zamanda vaksinə necə təsir edəcəyini bilmirik. Düşünürəm ki, yaxın 2 həftədə bu suallara cavablar olacaq. Hətta klassik kovid variantını aşkar edən PZR analizimiz bu ştammı aşkar etməyə yetəcəkmi?

Dünyanı narahat edən basilica məsələ bu ştammda əvvəlki Delta, Alfa, Qamma kovidlərində olmayan yüksək mutasiya sayıdır. Yeni variantda 50-dən çox mutasiya aşkar olunub. Bu mutasiyaların 30-u virusun spayk protetinlərində toplanıb. Bu nə deməkdir? Virus insan orqanizmində hüceyrələrə bu proteinlər vasitəsilə keçir. Proteinlərin sayı nə qədər çox olarsa, virusa sərhəd və maneə görmədən, demək olar ki, bütün hüceyrələrə daxib olub zədələməsi imkanı verir.

Biz 2 ildir bu virusla mübarizə aparırıq.

Təəssüf ki, biz bu virusu ram edə bilmirik, ümidim də artıq itmək üzrədir. Bir çox dövlətlərdə ikiqat vaksinasiya 70-80% olunub, amma yenə də yoluxma azalmır. Bugünkü yoluxma sayı hətta 1 il əvvəlkindən də yüksəkdir.

Virusun eyni bir cəmiyyətdə sirkulyasiyası bitmir. Bunların hamısının bir səbəbi var.

Virusun insandan insana keçərək zəifləməməsi, əksinə daha da dəyişməsi, güclənməsi baş verir.

Epidemiyanın, immunologiyanın qanunauyğunluğu budur. Virus bir insandan digərinə keçdikcə 10-cu insanda o artıq zəifləməlidir. Çünki hər orqanizm virusu qarşılayıb, onu müəyyən qədər əzib, sındırıb digərinə ötürür. 100-cü yoluxanda o adi qripə çevrilməliydi. İnsan immun sistemi virusa qarşı çarpışır. Bizdə isə tamam əksinədir. Bir ştammın öhdəsindən gəlməyə az qalmış yenisi və daha güclüsü çıxır.

Məndə belə bir şübhə yaranıb ki, sanki kimsə, qəsdən süni olaraq bu virusun üzərində işləyib, kənarda hazırlayır də hansısa ölkəyə aparıb yayır. Tam səmimi deyirəm, artıq koronavirusun təbii olmasına inamım itib. Baxmayaraq ki, pandemiyanın əvvəlində ayrı qənaətdə idim. Artıq şübhələr var ki, bu virus kənardan idarə olunur. Bundan sonra da epidemioloji vəziyyəti qəsdən gərginləşdiricəklər.

İndi çox ağıllı sistemlər, imkanlar var, hətta 1-2 il öncədən proqramı hazırlanır.

Ona görə də düşünmürəm ki, dünya 100 ilə də kovidin öhdəsindən gələ bilsin. Çünki kovid təbiətin, tibbin, immunologiyanın qanunlarının tam əksinə gedir. Artıq məndə qəribə ümidsizlik var”.

araz.az xəbər potrtalı.

Qamət Süleymanov işadamı Əbülfəz Daşdəmirovun 305 min dollarını niyə qaytarmır?!

33e0ca05 f239 4105 986a b9e9bcc96ff6 750x375

   araz.az  Milətinsəsi.az-a istinadən bildirir ki, bu barədə bir neçə ay öncə “hacı Qamət” kimi tanınan Qamət Süleymanovun Moskvada yaşayan Azərbaycan vətəndaşı, işadamı  Əbülfəs Daşdəmirovu aldadaraq, onun 305 min ABŞ dollarını ələ keçirməsini və hələ də o pulu qaytarmaması haqda məlumatlar verilmişdi.

   Bununla bağlı zərərçəkmiş, Moskvada yaşayan Azərbaycan vətəndaşı, işadamı Əbülfəs Daşdəmirovun Bakıdakı valideynlərinin aramsız şikayətləri əsasında Qamət Süleymanova dəfələrlə cinayət iş açılsada, lakin deyilənlər görə Allahşükür Paşazadənin işə dərhal müdaxiləsi nəticəsində cinayət işi bağlanmişdı.

   Hətta, zərərçəkmiş, Moskvada yaşayan Azərbaycan vətəndaşı, işadamı Əbülfəs Daşdəmirov 305 min ABŞ dollarını ələ keçirən Qamət Süleymanovu aidiyyati dövlət orqanlarına şikayət etsədə, hələ də heç bir nəticə əldə olunmayıb.

   Bir neçə gün öncə isə  zərərçəkmiş, Moskvada yaşayan Azərbaycan vətəndaşı, işadamı Əbülfəs Daşdəmirov redaksiyamızın əməkdaşı ilə telefon əlaqəsi yaradaraq, Qamət Süleymanovun illərdir 305 min ABŞ dollarının qaytarmadığını və hadisənin necə baş verməsini zərərçəkmiş öz razılıqı ilə səs yazısı vasitəsilə danışaraq aydınlıq gətirib.

   Həmin zərərçəkmiş, Moskvada yaşayan Azərbaycan vətəndaşı, işadamı Əbülfəs Daşdəmirovun səs yazısını olduğu kimi oxucuların diqqətinə çatdırırıq:

   Şikayətçi redaksiyamıza onu da bildirib ki, Baş Mütəşəkkil Cinayətkarlıqla Mübarizə İdarəsinə müraciət etsədə, oradan bildiriblər ki, gedin probleminizi məhkəmə hüquq müstəvisində həll edin.

   Məsələ ilə bagli Qamət Süleymanovla əlaqə saxlamaq cəhdimiz mümkün olmadı. Qarşı tərəf kimi Qamət Süleymanovun da münasibətin ictimailəşdirməyə hazırıq.

 

araz.az xəbər portalı.

Qızından Tofiq Yaqublunun səhhəti ilə bağlı açıqlama: "Həkim dedi ki..."

tofiqyaqublu3

“Xəstəxanadakı növbətçi həkim KT-nin diskini bizə vermədi və dedi ki, sabah verə bilərik. Həkim qeyd etdi ki, radioloq hazırda yoxdur və özü baxıb rəy verəcək”.

araz.az-ın xəbərinə görə, bu barədə Milli Şuranın Koordinasiya Mərkəzinin üzvü Tofiq Yaqublunun qızı Nigar Həzi bildirib.

“Növbətçi neyrocərrah həkim qeyd etdi ki, Tofiq Yaqublunun başında və beynində qanaxma, beyin sümüklərində sınıqlar yoxdur. İndi xəstəxanadan çıxıb evə gedirik. Çox halsız və yorğun olduğu üçün göz klinikasına getmək istəmədi” – N.Həzi qeyd edib.

araz.az xəbər portalı.

AMİP helikopter qəzasında həlak olanlarla bağlı başsağlığ verdi

amip 1jpg 1638343765Noyabr 30-da səhər saatlarında Xızı rayonu ərazisində yerləşən “Qaraheybət” aviasiya poliqonunda Dövlət Sərhəd Xidmətinin hərbi helikopterinin hərbi təlim uçuşu zamanı qəzaya uğraması nəticəsində 14 nəfər zabitimizin həlak olması, 2 zabitimizin yaralanması xəbərini dərin kədər hissləri ilə qarşıladıq.

Baş vermiş hadisə Vətənimiz üçün böyük itkidir.

Azərbaycan Milli İstiqlal Partiyası qəza nəticəsində həlak olan hərbçilərimizin ailə üzvlərinə və yaxınlarına, bütün xalqımıza dərin hüznlə başsağlığı verir.


Uca Allahdan Şəhidlərimizə rəhmət, yaralılara şəfa diləyirik!

araz.az xəbər portalı.

Reqlament və qaydaların qanuniləşdirilməsi və məcburi tətbiqi mütləq zərurətdir

 2214WhatsApp Image 2021 01 26 at 23.48.21  

   Çərşənbə axşamı günü Səngəçal aerodromundan təlim uçuşları yerinə yetirmək üçün havaya qalxaraq, Xızı rayonu ərazisində yerləşən "Qaraheybət" aviasiya poliqonu istiqamətinə uçuş edib, təlim meydanında təyin olunmuş meydançaya eniş edərkən, Dövlət Sərhəd Xidmətinin hərbi helikopteri qəzaya uğrayıb. Qəza nəticəsində 14 nəfər hərbçimiz ölüb, 2 nəfər hərbçimiz isə, yaralanıb.   

   Hadisə ilə bağlı Dövlət Sərhəd Xidmətinin rəisi, general-polkovnik Elçin Quliyev xeyli sual doğuran açıqlamalar verib. Öz açıqlamasında, DSX rəisi də öncə onu bildirib ki, helikopter təlim məqsədiylə adıçəkilən aerodromdan havaya qalxaraq, təlim mərkəzinə eniş edərkən qəzaya uğrayıb. Elçin Quliyev helikopterin tamamilə yeni olmasını, “qara qutu”sunun tapılmasını öz açıqlamasında xüsusi vurğulayıb və bildirib ki, “qara qutu” artıq Respublikanın Baş Prokurorluğündadır: "Hazırda hadisənin səbəbi barədə dəqiq bir şey demək mümkün deyil. Dəqiq onu deyə bilərik ki, hər hansı kənar təsirdən söhbət gedə bilməz!”.

   Bax, DSX sədri Elçin Quliyevin bu yerdə işlətdiyi “kənar təsirdən söhbət gedə bilməz” ifadəsi, məncə, bu, tələsik verilən açıqlamadır. Təbii ki, dəhşət doğuran bu qəzaya səbəb kənar təsirin olub-olmaması, “qara qutu”nun öyrənilməsindən xeyli sonra məlum ola bilər. Bir də ki, Rusiyada istehsalı olan təyyarə və helikopterlərin “qara qutu”larının oxunması Rusiyada həyata keçirilir. Və əlbəttə, həmişə olduğu kimi, bu dəfə də, “qara qutu”nun öyrənilməsinin Rusiyaya verilməsi o deməkdir ki, əsl həqiqət ya uzun müddət, ya da həmişəlik gizli olaraq qala bilər; Həqiqətən də, faciə ilə bağlı qaranlıq qalan məqamlar çoxdur və “qara qutu"nun deşifrə edilməsinə, eləcə də alınan məlumatın ictimaiyyətə elan olunmasına qədər, birmənalı hansısa fikir irəli sürmək düzgün olmazdı. Ancaq fakt budur ki, "Qaraheybət faciəsi" də, bir xalq və dövlət olaraq, yaxın keçmişimizdə baş vermiş, mahiyyət etibarı ilə eyni olan faciələrin ardıcıllığının davamı kimi, çox böyük əsaslı narahatlıqlar və faciələrin təkrarlanma ehtimalını yaradır. 20.11.1991-ci il Qarakənd faciəsi, 24.07.2019-cu il Rəşad Atakişiyevin idarə etdiyi "MİQ-29" təyyarəsinin kor edilməsi və nəhayət ki, 30.11.2021-ci il Qaraheybət faciəsi.
Ümumən götürdükdə, ölkəmiz ətrafında hərbi siyasi vəziyyətin analizi göstərir ki, baş verənlər heç də təsadüfi deyil. Bir faciə barədə lap unutmuşuq, o dəhşətlər barəsində heç danışmırıq da. Bu, 14.07.1989-cu il tarixli Kəlbəcər faciəsidir. Hansı ki, rus pilot Kəlbəcərdə təpədə atıl-düş edən 8 uşağı vertolyotun pərləri ilə doğrayıb, parça-parça edib (Mənbə: Vüqar Dadaşov, “Mənim düşüncəm” kitabı, səh.,111).
   Bəli, dövlət və milli təhlükəsizliyimizlə bağlı, Rusiyanın texniki istehsalından imtina etməliyik. Sözsüz ki, bu iqtisadi məsələ yox, siyasi məsələdir. Ancaq elə məsələlər var ki, birbaşa bizim özümüzdən asılı məsələlərdir. Dünyanın bəzi ölkələrində dövlət rəhbərinin və onu əvəz edə biləcək şəxslərin, eləcə də ordu rəhbərliyinin, yüksək rütbəli zabitlərin... bir yerə toplaşması hərəkətini müəyyən edən reqlament və qaydalar var. Həmin reqlament və qaydaların mahiyyəti ondan ibarətdir ki, dövlət və milli təhlükəsizlik naminə, dövlətin yüksək vəzifəli şəxslərinin, yüksək rütbəli zabitlərinin bir yerə toplaşmasının, bir yerdə hərəkətinin, uçuşunun məhdudiyyətləri var. Təbii ki, Azərbaycanda da belə reqlamentin və qaydaların tətbiqi milli təhlükəsizliyimizi və mümkün vəziyyətlərdən minimum itki və zərərlə çıxmağımızı təmin edə bilər.
   Axı, 14 nəfər zabitin -- Azərbaycan dövlətinin və xalqının təhlükəsizliyinin, ərazi bütövlüyünün keşikçilərini bir vertolyota yığmaq hansı məntiqə və qaydaya uyğundur?! Sözsüz ki, Qaraheybət faciəsi ilə bağlı istintaqın nəticəsinin obyektivliyi və günahkarların cəzalandırılması gələcəkdə belə faciələrin qarşısını almağa zəmanət vermir. Ancaq, milli təhlükəsizliyimizin təmini və belə hadisələrin təkrarlanmaması üçün, yuxarıda qeyd etdiyim reqlament və qaydaların qanuniləşdirilməsi və məcburi tətbiqi mütləq zərurətdir.
Vüqar DADAŞOV,
MCP SŞ-nin üzvü, hüquqşünas, Qarabağ qazisi.

13 -dən səhifə 1927

Əlaqəli xəbərlər