Müdafiə Nazirliyi cəbhədəki son vəziyyətlə bağlı məlumat yaydı

cebhe789 90099 0 090889Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 48 dəfə pozub.

Turkustan.info bu barədə  Müdafiə Nazirliyinə istinadən məlumat verir.

Ermənistan Respublikası Berd rayonunun Nerkin Karmirağbur, Ayqepar, Mosesqex, Çinari və Ayqedzor kəndlərində yerləşən mövqelərdən Tovuz rayonunun Hacallı, Əlibəyli, Ağdam, Koxanəbi, Əsrik Cırdaxan, Ağbulaq və Muncuqlu kəndlərində, Çəmbərək rayonunun Cil kəndində yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

İşğal altında olan Ağdam rayonunun Novruzlu, Yusifcanlı, Mərzili, Füzuli rayonunun Qaraxanbəyli, Horadiz kəndləri yaxınlığında, həmçinin Goranboy və Tərtər rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

 

 

 

araz.az

AMEA-dan “akademik”ə növbəti tərs cavab: “AMEA-nin səmərəsiz fəaliyyəti və şit manipulyasiyalar”

1601029426 idrisAMEA bu halı ilə əsl funksiyasını itirib, dövlətin strateji maraqları ilə uzlaşmır, inkişafla sözdə və çıxışlarda ayaqlaşsa da, əməldə ayaqlaşmır.  
 Azərbaycan Respublikası Milli Məclisinin Sədr müavini, hüquq üzrə fəlsəfə doktoru Adil Əliyev deyib ki, XXI əsrin ilk rübündə Azərbaycan Milli Elmlər Akademiyasına hər il dövlət büdcəsindən on milyonlarla vəsait ayrılsa da, ortaya ciddi bir ixtira qoyulmur: “XXI əsrin ilk çeyrəyində AMEA-ya hər il on milyonlarla vəsait ayrılır, yüzlərlə akademik, minlərlə professor adını daşıyan insanlar bu elm ocağında fəaliyyət göstərirlər, ortaya isə ciddi heç bir ixtira qoyulmur.” Millət vəkili xeyli mülayim davranıb və “ortaya heç bir ixtira qoyulmur” deyib. 

Mən isə deyirəm ki, dövlət büdcəsindən ayrılan vəsaitlər hesabına nəinki ixtiralar edilmir, əksinə, heç bir faydalı işlər görülmür, ziyanlı işlər vasitəsilə külli miqdarda büdcə vəsaitləri mənimsənilir.  Bu deyilənləri  hər an sübut etməyə hazıram.    
Onu da qeyd edim ki, Milli Məclisin sədr müavini öz yazısında həmçinin böyük elmi tərəqqiyə imza atan elm adamlarımızı dəyərləndirir, eyni zamanda  AMEA-nın “köhnə nomeklatura məmurları” tərəfindən elmdən kənar müzakirələrin mərkəzinə çevrilməsini pisləyir. 
Görəsən, burada doğru olmayan nə var ki?! Bunu qanunverici orqanın rəhbərliyində təmsil olunan şəxs deyir, özü də çox düz deyir. MM sədrinin müavini və ya hər hansı bir millət vəkili nəinki elm və təhsil qurumlarındakı qanunsuzluqlara münasibət bildirmək, həmçinin qanunsuzluqlar haqqında tədbir görülməsi üçün Milli Məclisdə məsələ qaldırmaq hüququna və öhdəliyinə malikdir. Son müşahidələrimə əsasən deyə bilərəm ki, vitse-spiker kimi fəaliyyətə başladığı andan doktor Adil Əliyev obyektivliyi ilə diqqəti cəlb edir, sadə və təvazökar davranır, hər bir taleyüklü məsələyə həssas yanaşır. Bizim bir xalq olaraq belə dinamik, problemlərə operativ müdaxilə edən, həm də mübariz və cəsarətli, sözünü deyən və dinləyən millət vəkillərinə çox ehtiyacımız var. 

Bu yaxınlarda AMEA YAP ərazi təşkilatı üzvləri adından bir fəlsəfə doktorunun imzası altında Ümummilli lider Heydər Əliyevin adı ilə manipulyasiya edilərək  vitse-spikerin üzərinə səlib yürüşünün təşkil olunmasını etik çərçivədə qiymətləndirmək olmur. Sanki Mill Məclis rəhbərliyində təmsil olunan şəxs AMEA-dakı qeyri-məhsuldar alimlərin səmərəsiz fəaliyyətindən, göyə sovrulan dövlət vəsaitindən danışa, dövlət əhəmiyyətli problemləri dilə gətirə bilməz. Dərhal həmin yetkilini aşağılayır, onun dediyi həqiqəti “qərəzli bəyanat”, özünü isə “elmdən tamamilə uzaq şəxs” kimi   qələmə verib qaralamağa, haqqında iftiralar uydurmağa çalışırlar. Hətta bir az da irəli gedib deyirlər ki, “Çox maraqlıdır, görəsən Adil Əliyevin özü alimlərə verilən əmək haqqı müqabilində işləməyə razı olarmı?” Bu sualın özü AMEA əkəkdaşlarının heç bir iş görmədiklərini təsbit edir, yəni onlar aldıqları maaşla iş görmürlər. Deməli, baş girələdiklərini bir daha təsdiqləyirlər. Onda niyə narahat olursunuz? Vitse-spiker elə sizin əməllərinizlə təsdiqlədiyiniz  həmin gerçəkləri dilləndirir də.  
Müraciətdə deyilir ki, “əgər Adil Əliyevi doğrudan da elmimizin gələcəyi bu qədər narahat edirsə, ötən illər ərzində o, nə səbəbdən Milli Məclisdə bir dəfə də olsun alimlərimizin, ümumilikdə AMEA-nın problemlərini qaldırmayıb”. Yenə də niyə narahat olursunuz axı? Hər şeyin bir vaxtı var. Cəmiyyətin “başbilənlər”i sayılan  alimlər öz “problemlərini” qaldıra bilmirsə, susqunluğu ilə cəmiyyətin elmi-mənəvi deqradasiyasını şərtləndirirsə, “ver yeyim, ört yatım” prinsipi ilə başını girələyirsə, dövlət maraqlarının ayaqlanmasına kar və kordursa, büdcəsinin boşa sovrulmasını görməzdən gəlirsə,  dövlət buna nə etməlidir?! 
Xeyir ola, maaşdan gileylənən bir sıra AMEA əməkdaşı dövlət qulluqçularının çoxundan qat-qat komfortlu həyat yaşayırlar?! Bağlı-bağatlı evlər, villalar, ticarət şəbəkələri... AMEA-da əsl zəhmət çəkib iş görənlərin acı taleyi də çoxlarına bəllidir. Qanun və ədalət prinsipləri arxa plana keçib. AMEA hazırkı vəziyyəti ilə əsl funksiyasını itirib, dövlətin strateji maraqları ilə uzlaşmır və inkişafla sözdə və çıxışlarda ayaqlaşsa da, əməldə ayaqlaşmır.   
AMEA-nın əməkdaşı qismində prosesləri izləmək imkanı olan birisi kimi tam məsuliyyətlə deyirəm ki, vitse-spiker, doktor Adil Əliyev AMEA-da elmi manipulyasiyalar haqqında həqiqətlərin heç beşdə birini deməyib. Yəqin beşdə ikisini, ya beşdə üçünü desəydi,  fırtınalar qopardı. 
Doktor Adil Əliyevin öz vəzifəsinin məsuliyyətini dərk edərək dövlətçilik və qanunvericilik yolunda fədakar fəaliyyətini uğurlayır, deyilən böhtanların onu tutduğu yoldan çəkindirə bilməyəcəyinə tam inanıram və əminəm ki, bütün sağlam qüvvələr ümummilli maraqlar naminə ölkə Prezidentinin ətrafında sıx birləşəcək, ölkəmizi elm sahəsində də geriləmələrdən xilas edib müasir çağırışlara cavab verən inkişaf yoluna çıxaracaqlar.. 
Sonda xatırlatmaq istəyirəm ki,  Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanıdır. Bu orqanın həqiqətləri söyləyən və ölkə başçısının başlatdığı islahatları əməli surətdə dəstəkləyən rəhbəri və hər bir üzvü Azərbaycan xalqı üçün əzizdir, hörmətəlayiqdir! 
Mahiyyətini itirmiş heç bir qurum dövlət maraqlarının fövqündə ola bilməz!
Qeyd etmək vacibdir ki, AMEA dövlətin strateji maraqlarına cavab vermədiyi halda, istənilən vaxt rekonstruksiya oluna, yaxud ləğv edilə bilər. Heç bir fərd dövlət qədər öz vətəndaşlarının qayğısına qala bilməz. Ona görə də dövlətimizi göz bəbəyi kimi qorumalıyıq. “AMEA-da kosmik inkişaf gedir”, “strateji vəzifələr həyata keçirilir” (?!) kimi şüarlarla dövləti, xalqı və dövlət başçısını aldatmağı düşünmək sadəlövhlükdür. 
İdris Abbasov, filologiya elmləri doktoru,
       AMEA-nın Nəsimi adına Dilçilik İnstitutunun 
       Nəzəri dilçilik şöbəsinin müdiri

AKADEMİK MÖVSÜM NAĞISOYLUNUN BİR GÜNDƏ DƏYİŞƏN İKİLİ MÖVQEYİ-QALMAQAL

1601028521 mohsun nagisoylu«Bu ali məktəb niyə UNEC adlanmalıdır?» deyən Akademikin bir neçə saat sonra mövqeyini 360 dərəcə dəyişməsinə səbəb nədir?
Sonra da deyirik ki, Azərbaycan Milli Elmlər Akademiyası, yaxud elmimiz, alimlərimiz niyə bu günə qalıb? AMEA-nın Prezidenti, akademik Ramiz Mehdiyevin diqqətinə çatdırmağı özümüzə borc bildik ki, alimin mövqeyi AMEA-nın mövqeyi və nüfuzu deməkdir. Alim mövqesizdirsə, onda elmimizdən nə gözləyək?
***
Keçək mətləbə: dünən kult.az saytında (digər saytlar da paylaşım edib) «BU ALİ MƏKTƏB NİYƏ UNEC ADLANMALIDIR? – AKADEMİK» başlıqlı məlumat dərc edilmişdir. «Təzadlar» da bu məlumatı yayımladı, hazırda saytda vardır. Dövlət Dil Komissiyası yanında Monitorinq Mərkəzinin Müşahidə Şurasının rəhbəri, Azərbaycan Milli Elmlər Akademiyasının Nəsimi adına Dilçilik İnstitutunun direktoru, akademik Möhsün Nağısoylu haqlı olaraq qeyd edir ki, Azərbaycan Dövlət İqtisad Universitetinin abreviaturunun ingiliscə yazılması (UNEC) qətiyyən doğru deyil və s. Hətta onu da qeyd edir ki, ADİU rəhbərliynə irad da bildirilib ki, bu yolverilməzdir, düzgün hərəkət deyil və s.
Lakin aradan bir neçə saat sonra nə baş verdisə (bizə təxmini məlumat verilib) o boyda institutun direktoru, bu boyda akademik mövqeyini tərsinə dəyişdi və bu dəfə adı çəkilən sayt da özünü vəziyyətdən çıxartmaq üçün maraqlı bir metoda əl atdı: oxucunu aldatmaq üçün məlumatın əvvəlki başlığını olduğu kimi saxlasalar da, mətnin içərisini tamamilə dəyişdilər.
Aşağıda hər iki məlumatı müqayisəli şəkildə təqdim edirik:
1.Dünənki məlumat:
«BU ALİ MƏKTƏB NİYƏ UNEC ADLANMALIDIR? – AKADEMİK»
«Azərbaycan Dövlət İqtisad Universitetinin abreviaturunun ingiliscə yazılması (UNEC) doğru deyil». Bu sözləri Kult.az-a açıqlamasında Dövlət Dil Komissiyası yanında Monitorinq Mərkəzinin Müşahidə Şurasının rəhbəri, Azərbaycan Milli Elmlər Akademiyasının Nəsimi adına Dilçilik İnstitutunun direktoru, akademik Möhsün Nağısoylu deyib. Möhsün Nağısoylunun sözlərinə görə, ola bilsin ki, İqtisad Universiteti bu cür abreviaturanı beynəlxalq təhsil bazarında tanınmaq üçün istifadə edir: “Mənə elə gəlir ki, abreviatura beynəlxalq təhsil bazarına çıxmaq məqsədilə qoyulub. Bu məsələ daha əvvəl də gündəmə gəlmişdi, hətta bizim bununla bağlı iradlarımız da olub. Sadəcə onlardan heç biri nəzərə alınmayıb. Bununla bağlı məsələləri Monitorinq Mərkəzi araşdıra bilər”.

2. Bu isə sonradan dəyişdirilmiş mətn:
«Bu ali məktəb niyə UNEC adlanmalıdır? – Akademik»
«Azərbaycan Dövlət İqtisad Universitetinin UNEC olaraq tanınması Azərbaycan dili qaydalarına zidd deyil». Bu sözləri kult.az-a açıqlamasında Dövlət Dil Komissiyası yanında Monitorinq Mərkəzinin Müşahidə Şurasının rəhbəri, Azərbaycan Milli Elmlər Akademiyasının Nəsimi adına Dilçilik İnstitutunun direktoru, akademik Möhsün Nağısoylu deyib. Buna baxmayaraq, Möhsün Nağısoylu qeyd edib ki, UNEC abreviatur deyil, brend olaraq istifadə edilir: “Universitetdən dəqiqləşdirdiyim məlumata görə, təhsil müəssisənin abreviaturu ADİU-dur, yəni burada ingilisdilli addan söhbət getmir. UNEC universitetin rəsmi olaraq qəbul edilmiş brendidir“.

***
Bu da bizim ağsaqqal akademikimiz, dilçi alimimiz, o boyda institutut direktorumuz! Sonra da deyirik ki, gənclər niyə bəzən mövqesizlik nümayiş etdirir? Halbuki akademik Möhsün Nağısoylu da gözəl bilir ki, Prezident İlham Əliyevin ADİU-ya rektor təyin edən sərəncamında «UNEC» deyil, «Azərbaycan Dövlət İqtisad Universiteti» yazılıb.
İkincisi, bəs çox hörmətli ingilis qardaş və bacılarımız, ingilisdilli əcnəbilər hardan bilsin ki, bu ali məktəb Azərbaycana aiddir? Azərbaycanın adının çıxarılmasında və yox edilməsində məqsəd nədir???
Hörmətli akaldemik Möhsün Nağısoylu dünyanın elə bil tanınmış universitetinin adını çəkə bilərmi ki, onun ölkə və ya dövlət mənsubiyyəti olmasın?! Özünə hörmət qoyan, xüsusən də Azərbaycan kimi dərdlərini və adını dünya ictimaiyyətinə az tanıtdığımız bir ölkə niyə də bir ali məktəbin də adında təmsil olunmasın? Sabah ermənilər bu adı da mənimsəsə, onda dərdimizi kimə deyəcəyik: rektor Ədalət Muradova, yoxsa akademik Möhsün Nağısoyluya???
Daha geniş yazı «Təzadlar»ın növbəti sayında dərc olunacaq.

Zaur

Universitetlər onlayn oldu, kirayə evlər boş qaldı - Mənzil bazarı

bandicam 2020 09 26 10 20 36 751Azərbaycanda hər il tələbələr təxminən 10 minə yaxın ev kirayə götürürdü, hazırda paytaxtda bu cür evlərin əksəriyyəti boşdur.

Daşınmaz əmlak sektoru üzrə ekspert Elnur Fərzəliyev Teleqraf.com-a bildirib ki, Azərbaycanda hər il nə qədər tələbənin kirayə mənzildə yaşaması barədə dəqiq rəqəm yoxdur: “Qanunla kirayə verilən mənzillər üçün notarial qaydada müqavilə bağlanmalıdır. Bu zaman mənzil sahibi həmin evdən aldığı kirayə haqqına görə 14 faiz vergi ödəməlidir. Vergi çox olduğundan və bu istiqamətdə maarifləndirmə aparılmadığına görə insanlar rəsmi müqavilədən yayınırlar.

Müqavilə olanda bilinir ki, tutalım, bu il 10 min kirayə mənzil verilib. Bu dönəmdə 10 min kirayə müqaviləsinin 2 mini dondurulursa, nə qədər evdə tələbənin qaldığını təxmini bilmək olur.

Əgər rəsmi müqavilə bağalansa, kirayə mənzillərdə nə qədər problemli məsələlərin ortaya çıxdığı məlum olar. Bəzən kirayəçi evi bərbad günə salır, yaxud kirayəçi evə yığışdıqdan bir müddət sonra mənzil sahibi əmlakı satdığını deyib kirayəçini küçəyə atır və sair. Notarial müqavilə olmadığına görə bu cür problemlər yaşanır. Notarial müqavilədə hər kəs üzərindəki öhdəlik qeyd olunur”.

Ekspertin sözlərinə görə, ümumi kirayəyə verilən mənzillərin təxminən 30-40 faizi 200-400 manat arası ucuz mənzillərdir: “Bu mənzillərdə yaşayanların 50 faizi həmişə tələbələr olub. Tələbələr də maddi durumuna görə kateqoriyalara bölünür. İmkanlı ailələrin övladları daha yaxşı şəraitli binalarda, ali təhsil müəssisəsinə yaxın yerlərdə qalırlar. İmkanı zəif ailələrin övladları kənar yerlərdə 80, 100, 150 manatlıq ümumi həyət evlərinə sığınmalı olurlar”.

Elnur Fərzəliyev qeyd edib ki, tələbələrin onlayn təhsil alması kirayə mənzil bazarına ciddi təsir edib: “Kirayə bazarının böyük bir hissəsi tələbələrdən asılı vəziyyətdə idi. Söhbət aşağı məbləğli evlərin kirayəsindən gedir. Burada başqa bir məsələ də var, artıq şəhərin müxtəlif yerlərində pilot layihələr çərçivəsində söküntülər başlayıb. Həmin ərazilərdə yaşayan sakinlər məskunlaşdıqları yerdə yeni binalar inşa olunub təhvil verilənə qədər minimum 2 il müddətinə kirayəyə çıxacaqlar. Sökülən binaların özündə belə kirayəlik mənzillər olurdu, söküntü zamanı artıq həmin mənzillər bazardan çıxır.Orada yaşayan sakinlərin hər biri kirakeş olur və tutduqları mənzillərdə ən azı 2 il yaşayacaqlar”.

Analitikin qənaətincə, tələbələrin paytaxta gəlməməsi kirayə mənzil bazarında çeşid bolluğu yaradacaq: “Tutaq ki, 400 manata kirayə mənzil axtaran şəxs ən yaxşı halda 3 dənə mənzil tapa biləcək. Kirayə götürənlər üçün çeşid çox olacaq, istədikləri yerdə mənzil tapacaqlar və ən əsası qiymətlərə də mütləq enmə olacaq. Qiymət enməsini indi hiss etməsək də, təxminən 20 günə, 1 aya kirayə mənzil bazarında ortalama 50 manat enmə müşahidə olunacaq. Bu, həmçinin daşınmaz əmlakın satış bazarına da birbaşa təsir edəcək.

Üç cür əmlak alqışı var: özləri üçün alıb yaşayanlar, alıb təmir edib satanlar və daha çox aldığı mənzildən kapital kimi istifadə edənlər. Yəni mənzili alır, onu kirayə verib oradan gəlir götürənlər. Mənzil alanlar kirayə qiymətlərindəki enməni və kirayəçi tapmağın çətin olduğunu görsə gözləmə mövqeyini tutacaqlar”.


Müəllif: Yeganə Oqtayqızı

Azərbaycanın 10 milyonuncu adamı FOTOLARDA

resize 7Ötən il aprelin 6-da dünyaya gəlişi ilə ölkədə səs-küy yaradan Azərbaycanın 10 milyonuncu sakini Mehriban Həsənova artıq 1 yaş yarımlıqdır.

Turkustan.info xatırladır ki, ölkənin 10 milyonuncu sakini 2019-cu il aprelin 6-da saat 03:30-da Bakı şəhərində doğulub. Azərbaycan Respublikasının vətəndaşları Rauf Həsənovun və Nigar Ocaqovanın ailəsində doğulan qıza ölkənin Birinci xanımı Mehriban Əliyevanın şərəfinə Mehriban adı verilib.

Balaca Mehribanın anası Nigar Ocaqova qızının yeni fotolarını Modern.az-la paylaşıb.

Ölkənin 10 milyonuncu vətəndaşının yeni şəkillərini təqdim edirik:

Azərbaycanın 10 milyonuncu adamı  FOTOLARDA
Azərbaycanın 10 milyonuncu adamı  FOTOLARDA
Azərbaycanın 10 milyonuncu adamı  FOTOLARDA
araz.az

14 -dən səhifə 883

Əlaqəli xəbərlər