Anar Bağırov və Ələddin Cəfərov Mediasiya Şurasının fəaliyyəti ilə tanış olublar - FOTO

11

                      Bu gün Mediasiya Şurasında “Açıq qapı” aksiyası keçirilib.

   araz.az-ın məlumatına görə, aksiya çərçivəsində Vəkillər Kollegiyasının sədri Anar Bağırov, Məhkəmə Hakimləri İctimai Assosiasiyasının sədri Ələddin Cəfərov, Vəkillər Kollegiyasının sədr müavini Pərviz Ələkbərov, Vəkillər Kollegiyasının İntizam Komissiyasının sədr müavini İlhamə Həsənova, Azərbaycan Mühasiblər və Risk Peşəkarları Assosiasiyanın İdarə heyətinin sədri Günay Şahbazova Mediasiya Şurasında olublar.

   Qonaqlar Şuranın İdarə Heyətinin sədri Nadir Adilovla görüşüb. Görüşdə həmçinin, Mediasiya Şurasının İntizam Komissiyasının sədri Sima Yaqubova, Komissiyanın üzvü Mayıl Əhməd, Şuranın İxtisas Komissiyasının üzvü Qasım Şalıyev də iştirak ediblər.

   N.Adilov bildirib ki, ölkə Prezidenti cənab İlham Əliyevin rəhbərliyi ilə aparılan mütərəqqi məhkəmə-hüquq islahatları çərçivəsində mübahisələrin məhkəmədənkənar həllində və məhkəmələrin iş yükünün azaldılmasında mühüm vasitə olan mediasiya institutunun qurulması və təşviqi üzrə mühüm tədbirlər görülüb və bu sahədə islahatlar davam etməkdədir. O deyib ki, qısa zamanda fəaliyyət göstərməsinə baxmayaraq, Mediasiya Şurasına müraciətlərin sayında ciddi dinamika var. Sədr müraciətlərə operativ şəkildə baxılması və vətəndaş məmnunluğunun artırılması məqsədilə görülən işlərdən də danışıb. Nadir Adilov Vəkillər Kollegiyası ilə əməkdaşlığa toxunaraq, Kollegiyanın sədri Anar Bağırova göstərilən dəstək və diqqətə görə təşəkkürünü bildirib.

   Sonra Vəkillər Kollegiyasının sədri Anar Bağırov Mediasiya Şurasında qısa müddət ərzində görülən işləri yüksək qiymətləndirdiyini bildirib və təsisçilərindən biri kimi Mediasiya Şurasının işinə dəstək verməyə hər zaman hazır olduqlarını deyib. A.Bağırov N.Adilovun peşəkar idarəçiliyi sayəsində ölkəmizdə mediasiya institutunun qısa zamanda öz layiqli yerini tutacağına əminliyini vurğulayıb.

   Daha sonra görüş iştirakçıları mediasiya ilə bağlı mövcud problemlərdən danışıb, sual və təkliflərini səsləndiriblər. Müzakirə zamanı vətəndaşlar və vəkillər arasında maarifləndirmə işlərinin aparılması, təlim-tədrisin təşkili, elektron sistemlərə inteqrasiya, işlərin bölünməsi prinsipi, iş bölgüləri üzrə ictimai şəffaflığın təmin edilməsi, regionlarda mediatorların fəaliyyəti və s. məsələlər barədə fikir mübadiləsi aparılıb.

   Sonda A.Bağırov Mediyasiya Şurasına hədiyyələr təqdim edib və fəaliyyətində uğurlar arzulayıb.

Jurnalistə hücum etdiyi deyilən Rövşən Cahangirov DANIŞDI: "Orada nə ediblər..." - VİDEO

   media screenshot 20211201 183748 facebook 30ckpimfjvw6912gzr8h 620x460

          “Baku TV”-nin operatoru DSX-nın əməkdaşı tərəfindən təzyiqə məruz qalıb.

   araz.az xəbər verir ki, hadisə bu gün helikopter qəzası zamanı həlak olan hərbçilərlə vida zamanı çəkiliş apararkən baş verib. Belə ki, sözügedən  qeyri-etik hərəkət televiziyada məsul vəzifədə çalışan tanınmış jurnalist Tural Müseyibovun DSX rəisi Elçin Quliyevdən helikopter qəzasının səbəbləri ilə bağlı açıqlama almaq istəyi zamanı yaşanıb.

   DSX rəisi Elçin Quliyevin köməkçisi, eyni zamanda müğənni Elnarənin həyat yoldaşı Rövşən Cahangirov “Baku TV”-nin əməkdaşına yumruq atıb.

araz.az xəbər portalı.

“Nar” gələcəyin İT peşəkarlarını yetişdirməyə davam edir

WhatsApp Image 2021 05 26 at 16.26.53

   “Nar”, Naxçıvan Muxtar Respublikasının Rabitə və Yeni Texnologiyalar Nazirliyi ilə əməkdaşlıq çərçivəsində, “Mobil rabitənin əsasları” təlimini ilk dəfə paytaxtdan kənarda həyata keçirib. Bu barədə, şirkətdən araz.az-a daxil olan məlumatda bildirilir ki, bu təlimdə Naxçıvan Dövlət Universitetinin informasiya texnologiyaları üzrə müxtəlif ixtisaslarında təhsil alan tələbələr iştirak ediblər.
   Verilən məlumata görə, rabitə texnologiyaları mövzulu təlimdə iştirakçılar mobil şəbəkənin fəaliyyətini “Nar”ın texniki heyətinin real təcrübəsi əsasında öyrənir, suallarını birbaşa sahə üzrə mütəxəssislərə yönləndirə bilirlər. Ümumiyyətlə, telekommunikasiya sahəsi üzrə yerli kadrların hazırlanmasına dəstək məqsədilə davamlı olaraq keçirilən təlimlər, “Nar”ın təhsilə dəstək korporativ məsuliyyət strategiyası çərçivəsində təşkil edilir. Təlimə, bu günədək, ümumilikdə, 200-dən çox tələbə qatılıb.WhatsApp Image 2021 12 02 at 01.17.18
   Xatırladaq ki, regionlarda sosial layihələrin keçirilməsinə xüsusi önəm verən “Nar”, bundan öncə də şəhid ailələrindən olan tələbələrə dəstək olmaq üçün, NDU ilə birgə təqaüd proqramına start vermişdi. “Nar”ın digər sosial layihələri və KSM strategiyası haqqında daha ətraflı məlumatı nar.az saytından əldə etmək mümkündür.
   Sonda onu da qeyd etmək istəyirik ki, ümumiyyətlə, "Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq, qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. Mobil operator şəbəkə keyfiyyətinin davamlı təkmilləşdirilməsi strategiyası çərçivəsində səs keyfiyyətinin nəzərəçarpacaq dərəcədə artımını və səsin təmiz ötürülməsini təmin edən “HD-Voice” (High Definition Voice) xidmətini təqdim edib. WhatsApp Image 2021 12 02 at 01.17.18 12017-ci ildə keçirilmiş mobil rabitə şəbəkələrinin müqayisəli testlərinə əsasən,  “Nar” şəbəkəsi mobil zəng xidmətlərinin göstərilməsi üzrə ölkədə ən yüksək nəticəyə nail olub. Sınaqları test xidmətləri üzrə müstəqil beynəlxalq şirkət olan “P3 Communications” keçirib və sınaq metodologiyası əhatəli xidmətlər üzrə müştəri təcrübəsinə əsaslanıb.

araz.az xəbər portalı.

Sabirabadda idarə rəisi “burcutma”lara yol verib - SƏBƏB? ​

1638341141 mg 20211201 wa0002

   Uzun müddətdir ki, Sabirabad Meliorasi­ya İdarəsinin rəisi Alim Ağahüseyn oğlu Mürşüdovun qol qoyduğu çoxsaylı qanunsuz­luq əməlləri, əksər media qurumlarının əməkdaşları, vətəndaş cəmiyyətinin üzvlə­ri və s. şəxslər tər­əfindən ciddi şəkil­də müzakirə olunmaqd­adır. 

   araz.az  gündemxeber.az-a istinadən bildirir ki, bu gün də bu yöndə müzakirələrin aparm­ası haqda müfəssəl məlumatlara malikik. Söz yox ki, aparılan müzakirələrin kökü­ndə ciddi faktların, əksəriyyəti şoka sa­la biləcək bəzi məqa­mların durması danı­lmaz həqiqətlərdir. Qeyd edək ki, Alim Mürşüdov uzun illərdir Sabirabad Meliorasiya İdarəsinə rəhbərlik edir. Am­ma necə? Elə bu necə­liyin varlığıdır ki, hal-hazırda tam ək­səriyyət adı çəkilən bu idarə rəisinin həyata keçirdiyi idar­əçiliyi kəskin tənq­id edib, bəlli münas­bətlərini də ortaya qoyurlar. Diqqət yet­irək ki, Sabirabad rayonu pambıqçılıq, yemçilik, maldarlıq və s. kimi sahələr üzrə ixtisaslaşmış rayondur. Ona görə də bu rayonda qeyd olu­nan sahələrin inkişaf etdirilməsində, bir sözlə məhsuldarlı­ğın artırılmasında meliorasiya işlərini günün tələbləri səv­iyyəsində qurmağa ci­ddi ehtiyac duyulur. O halda sual oluna bilər ki, görəsən Alim Mürşüdov üzərinə düşən vəzifə­ni lazımi səviyyədə yerinə yetirirmi? Əsla yox! Çünki, o, üzərinə düşən vəzifəni lazımi səviyyədə yerinə yetirsəydi, o halda bu il Sabirab­adda ümumi məhsuldar­lığın səviyyəsi yüks­ək olardı. Əldə etd­iyimiz müəyyən məlum­atlara görə, Alim Mürşüdovun rəhbərlik etdiyi qur­um tərəfindən bu ray­ona aid əkinə yararlı torpaq sahələrində meliorasiya işləri lazımınca genişləndirilmir, irimiqyaslı layihələr həyata keçirilmir. Bir sözlə, torpaqların hidrotexniki, mədəni-texniki, kimyəvi, aqro-meşəmeliorasiya, aqrotex­niki və digər tədbirlərin aparılması yolu ilə əsaslı yaxşılaşdırılması lazımi səviyyədə həyata keçirilmir. Bu da rayonda kənd təsərrüfatı məhsulları istehsalının daha da azalmasına səbəb olur.

   Bir daha yada salmaq kifayət edər ki, Alim Mürşüdovu rayonun əkinə yaralı torpaq sahələrində meliorasiya işlərinin necə həya­ta keçirilməsi deyil, məhz şəxsi təsərr­üfatındakı vəziyyətin necəliyi daha çox düşündürür. Məsələn, redaksiyamıza çatdır­ılan məlumatlara gör­ə, təqribən 3-4 ay bundan öncə bir nəfər media əməkdaşı (et­ika naminə ad çəkmir­ik) Sabirabad Meliorasiya İdarəsi rəisinin qəbulunda olur və ona rəhbərlik etdiyi dövlət idarəsinin fəa­liyyəti haqda bir ne­çə suallar verir. Həmin vaxt Alim Mürşüdov KİV nümayəndəsinin ün­vanladığı sualları cavablandırmaq, bəzi məsələlərə aydınlıq gətirmək əvəzinə o, istifadə etdiyi mob­il telefonunu çıxar­ır və həmin şəxsə öz­əl təsərrüfatında sa­xladığı arı yeşiklər­inin şəkillərini gö­stərir, arılara göst­ərilən xidmətdən dan­ışır, hətta yaşayış evinin həyət-bacası­nda aqreqatla otun necə biçilməsini də göstərir. Bir sözlə, Alim Mürşüdov “burcudub” ünvanlanan sualları cavablandırmaqdan “v­az keçir”. Yəni, bu o deməkdir ki, idarə rəisini yalnız və yalnız şəxsi təsərrü­fatını necə inkişaf etdirməyin yolları düşündürür, Sabirabad Meliorasi­ya İdarəsinin fəaliyyəti isə, bu şə­xsin maraq dairəsin­dən kənarda saxlanıl­ır. O halda sual olu­na bilər ki, adı Alim olan, amma “aliml­ik” kimi iş fəaliyyə­ti nümayiş etdirməyən bu şəxs heç düşünm­ürmü ki, dövlət ida­rəsində şəxsi təsərr­üfata aid məsələ və problemlər deyil, mə­hz dövlətə aid məsə­lə və problemlər, id­arəçilik, qarşıda du­ran vəzifələr və s-l­ər müzakirə olunmal­ıdır. Əslində Alim Mürşüdovun bu cür yanaşması “Meliorasiya və irriqasiya haqqında” Azərbaycan Respublikasının Qanununa hörmətsizlikdir, sayğ­ısızlıqdır. Qarşı tə­rəfin də mövqeyini dinləyə bilərik.

   Mövzuya qayıdacağıq.

araz.az xəbər portalı.

İSMAYILLIDA BAŞI MÜSİBƏTLƏR ÇƏKƏN FERMER PREZİDENTDƏN KÖMƏK İSTƏYİR - İNANILMAZ

ilham liyev 2

   Teyyub Abdullayev: “İcra başçısının müavini Mahmud Süleymanov məni çağırtdırdı ki, başçının tapşırığıdır, pul gətirməlisiniz ki...”

   Uzun illərdir dünyanın qabaqcıl təcrübəsini Azərbaycanın kənd təsərrüfatında tətbiq etməklə öz şəxsi vəsaiti hesabına taxıl, kartof və soğan əkib-becərən, xüsusən də neçə ildir ölkəyə soğan idxalının dayandırılaraq, əksinə, Azərbaycanın soğan ixracatçısına çevrilməsində uğurlar əldə edən fermer Teyyub Abdullayev İsmayıllı rayonunda başına gətirilmiş müsibətlərlə bağlı Prezident İlham Əliyevə müraciət etməli oldu.  araz.az “Təzadlar”  qəzetinə geniş müsahibə verən T.Abdullayevin ölkə başçısına müraciətini təqdim edir:

   Azərbaycan Respublikasının Prezidenti cənab İlham Əliyevə

   1962-ci ildə Ağdam rayonunun İsmayilbəyli kəndində anadan olmuş, məcburi köçkün Teyyub Əli oğlu Abdullayev tərəfindən

                                                                                 MÜRACİƏT

                                                              Çox hörmətli  cənab Prezident!

   Diqqətinizə çatdırıram ki, mən ali təhsilli iqtisadçıyam və Ağdam rayonu işğal ediləndən sonra - uzun illərdir kənd təsərrüfatı sahəsində məhsul istehsalı və tədarükü ilə məşğulam. Dövlətimizin ərzaq təhlükəsizliyi ilə bağlı Sizin sahibkarlara, iş adamlarına məlum çağırışınızla əlaqədar olaraq Azərbaycanda ilk dəfə olaraq açıq əkinçilikdə damcılama üsulu ilə suvarma sistemini tətbiq etmişəm. Əsas əkin növü olaraq soğan, buğda və kartof əkini ilə məşğul oluram. Becərdiyimiz soğanın ümumi məhsuldarlığı orta Respublika səviyyəsindən iki dəfə çox olmaqla, hər il 7-8 min ton olur. Təvazökarlıqdan uzaq olsa da, uzun illərdən bəri soğan idxalçısı olan Respublikamız mənim tətbiq etdiyim yüksək aqrotexniki becərmə sayəsində indi soğan ixracatçısına çevrilmişdir. Onu da qeyd edim ki, bu günədək dövlətdən bir manat belə maliyyə yardımı almadan bu möhtəşəm işlərə nail olmuşuq. Azərbaycanda intensiv üsulla kütləvi soğan əkilib becərilməsinə isə yalnız mənim başladığım mütərəqqi üsulların tətbiqindən 4-5 il sonra başlanılmışdır. Bütün məsrəflər yalnız özümüzün daxili qənaətlərimiz və yüksək əmək məhsuldarlığı sayəsində əldə etdiyimiz məhsuldarlıq hesabına qazanılmışdır. Məhsul istehsalında beynəlxalq təcrübəni öyrənmək və Azərbaycanda tətbiq etmək üçün isə Türkiyə, İtaliya, Rusiya, Ukrayna və başqa ölkələrdə səfərlərdə olmuş, qabaqcıl təcrübəni öyrənərək Respublikamızda tətbiq olunmasına nail olmuşam. Xarici ölkələrdən xüsusi kənd təsərrüfatı texnikası alıb gətirmiş, eləcə də “Aqrolizinq”in yardımından istifadə etmişəm. Bütün bunlar da şəxsi vəsaitimizlə həyata keçirilmişdir. Qürur hissi ilə demək istəyirəm ki, bütün bu nailiyyətlərimizi  məhz Sizin, xüsusən də kənd təsərrüfatı sahəsində sahibkarlığın inkişafı üçün verdiyiniz dəstəyin sayəsində əldə etmişik, bu dəstəyi daim hiss edirik. Ümumi fəaliyyətimizin sayəsində hər il 450-dən çox mövsümi iş yerinə nail oluruq.

(Şəkildə: İsmayıllı RİH başçısının müavini Mahmud Süleymanov)

(Şəkildə: fermer Teyyub Abdullayev)

   Cənab Prezident, mən bununla kifayətlənmədən Ağdam rayonundan məcburu köçkün düşərək İsmayıllı rayonunda məskunlaşmış soydaşlarımızın sosial və məşğulluq problemlərinin həlli üçün Dövlət Aktı və İsmayıllı rayon İcra Hakimiyyəti ilə müqavilə bağlayaraq 1998-ci ildə rayonda istifadə edilməyən ərazini aqrotexniki qaydada sahmana salaraq Dövlət Fondunda olan 73 hektar torpaq sahəsini 25 illiyinə icarəyə götürərək burada taxıl əkini həyata keçirmişəm. Bu da Sizin ölkəmizdə ərzaq təhlükəsizliyinə dair tapşırıq və tövsiyyələriniz əsasında edilmişdir. Dəmyə (təbii suvarılma ilə becərilən) torpaq sahəsinin məhsuldarlığını artırmaq üçün hər il gübrə və digər minerallardan istifadə etmişik ki, bununla da  rayon ərazisində yaşayan bir sıra məcburi köçkünlərin, digər sakinlərin taxıla olan təlabatını ödəmişik. Onu da deyim ki, sənədlərdə həmin torpaq sahəsi örüş yeri kimi qeyd edilsə də, Əmlak Komitəsinin və Vergilər Nazirliyi mütəxəssislərinin tövsiyyəsi əsasında bu günədək həmin torpaq sahəsinə görə nəzərdə tutulan vergini əkin kimi Dövlət büdcəsinə ödəmişəm (ödəmə tapşırıqlarını təqdim edirəm).

Cənab Prezident, lakin bu günlərdə İsmayıllı rayon İcra Hakimiyyətində yüksək vəzifə tutan şəxslərin mənə edilən bir telefon zəngi bütün arzularımızı və fəaliyyətimizi alt-üst etmişdir. Belə ki, İsmayıllı rayon İH başçısı Aparatının Sosial-iqtisadi inkişafın təhlili və proqnozlaşdırılması şöbəsi müdirinin müavini mənə zəng edib dedi ki, başçının müavini Mahmud Süleymanov göstəriş verdi, Rayon icra hakimiyyətinin başcısı Nahid Bağırov səni görmək istəyir. Həmin vaxt mən işğaldan azad edilmiş ərazilərimizdə idim. Telefonda görüşün səbəbini soruşanda dedi ki, başçı tapşırıb ki, mən İsmayıllı rayonundakı şəhid, qazi və veteran ailələrinə maddi yardım üçün pul verməliyəm. Özüm Ağdam rayonundan məcburi köçkün olduğumdan, eləcə də doğma kəndimiz erməni vandalları tərəfindən darmadağın edildiyindən, müharibədən zərərçəkmiş kimi, həmin şəxsə bildirdim ki, müharibə mənim yaralı yerimdir, 20 ildən artıqdır ki, cəbhə xəttinin ən yaxın ərazisində-Ergi qəsəbəsində də əkinlə məşğulam. Ona görə də əlavə edərək dedim ki, Rayon İcra Hakimiyyətinin başçısının bu təşəbbüsünü alqışlayıram və xahiş edirəm başçının diqqətinə çatdırasınız ki, 44 günlük Zəfər müharibəmizdən sonra təkcə İsmayıllı rayonundakı şəhid və qazi ailələrinə öz təşəbbüsümlə 7000 manatdan çox nəğd pul vəsaiti yardım etmişəm, siyahını rayona gələn kimi təqdim edəcəyəm. Eləcə də Ağdam rayonundakı hərbi hissələrdən birinə Ukraynadan gətirdiyim komplektləşdirilmiş “QAZ-66” hərbi təyinatlı yük avtomobili bağışlamışam, həmçinin Ağdamda şəhid və qazi ailələrinə lazımi qədər maddi yardım etmişəm. Yenə də kimə zərurət varsa, siyahı verilsin, imkan daxilində ərzaq və maddi yardım edərəm.

   Lakin hiss etdim ki, zəng edən şəxs mənim İH-nə pul göndərməyimi istəyir. Bir daha onun diqqətinə çatdırdım ki, siyahı verilsin, ünvanına çatdırılmaqla yardım etməyə hazıram. 

   Cənab Prezident, bu telefon zəngindən bir gün keçmiş 23 noyabr 2021-ci il tarixdə İsmayıllı rayon Polis İdarəsinin sahə müvəkkili və başqa bir polis nəfəri heç bir rəsmi təqdimat, xəbərdarlıq, yaxud məhkəmə qərarı olmadan 25 illiyinə icarəmizdə olan əkin sahəsindəki texnikaları zor gücünə sahədən çıxartdırmışlar. Əkinlə məşğul olan işçidən səbəbini soruşduqda dedi ki, polislər bunun İcra başçısı Nahid Bağırovun göstərişi ilə edildiyini bildirdilər. Onsuz da son zamanlar havaların yağmurlu keçməsi səpinin gecikməsinə mane olmuşdu, bu tərəfdən də polis əməkdaşları qanunsuz və əsassız olaraq taxıl səpininə imkan vermədilər. Halbuki İsmayıllı rayonunun rəhbərliyi də bilir ki, həmin taxıl hər il kənara aparılmır, əsasən İsmayıllı rayonunun əhalisinin ehtiyacları üçün istifadə edilir.

   Mən dərhal bir gün əvvəl mənə zəng edib şəhid ailələrinin adı ilə pul istəyən RİH aparatının şöbə müdirinin müavininə zəng vurdum. O, bildirdi ki, təcili gəl, icra başçısı Nahid Bağırovla görüşüb problemini həll etməlisən. Məcbur olub 24 noyabr 2021-ci il tarixdə Qarabağ bölgəsindən İsmayıllı Rayon İcra Hakimiyyətinə gəldim. Mühafizə xidmətinə dedim ki, başçı məni görmək istəyir, dəvət ediblər. RİH-nin ümumi söbəsində adımı, soyadımı və telefon nömrəmi qeydə aldılar. Bu zaman RİH-nin mənə zəng vurub çağırtdıran əməkdaşı da gəldi, dedi gözlə, başçıya məruzə ediləcək, səni qəbul edəcək. Mən uzun müddət  qəbul otağında gözlədim. Təbii ki, başçı da, müavinləri də kamerada mənim gözlədiyimi görürdülər. Nəhayət, şöbə müdirinin müavini Şahin Hüseynovdan təkrarən xahiş etdim ki, qaranlıq düşür, mən Ağdama qayıtmalıyam, yol dumanlıdır, ya qəbul etsinlər, ya da desinlər qəbul etmirlər, çıxıb gedim. Ş.Hüseynov bu barədə RİH başçısının müavini, “Sosial-iqtisadi inkişafın təhlili və proqnozlaşdırılması şöbəsinin müdiri” Mahmud Süleymanova məlumat verdi, o isə bildirdi ki, başçı səninlə görüşmək istəmir.

   Cənab Prezident, Azərbaycan Respublikası Prezidentinin 2016-cı il 3 fevral tarixli Fərmanı ilə hər bir RİH-də yaradılmış Apelyasiya Şurasının “Əsasnamə”si təsdiq edilmişdir ki, (Maddə 1) “Yerli icra hakimiyyəti orqanlarının Apelyasiya Şurası sahibkarlıq fəaliyyəti göstərən fiziki və hüquqi şəxslər tərəfindən özlərinin sahibkarlıq fəaliyyəti ilə bağlı yerli icra hakimiyyəti orqanının sərəncamından, əmrindən, hərəkət və ya hərəkətsizliyindən (korrupsiya ilə əlaqədar hüquqpozmalarla bağlı müraciətlər istisna olmaqla) verilmiş təkrar şikayətlərə baxan və ictimai (ödənişsiz) əsaslarla fəaliyyət göstərən kollegial orqandır”.

   Apelyasiya Şurası öz fəaliyyətində Azərbaycan Respublikasının Konstitusiyasını, “İnzibati icraat haqqında” Azərbaycan Respublikasının Qanununu və Azərbaycan Respublikasının qanunlarını, Azərbaycan Respublikası Prezidentinin fərman və sərəncamlarını, Azərbaycan Respublikası Nazirlər Kabinetinin qərar və sərəncamlarını, Azərbaycan Respublikasının tərəfdar çıxdığı beynəlxalq müqavilələri və bu Əsasnaməni rəhbər tutur. Ən maraqlısı budur ki, İsmayıllı Rayon İcra Hakimiyyətinin nəzdindəki Apellyasiya Şurasının sədri Mahmud Süleymanovdur və o, İH başçısının müavinidir, “Sosial-iqtisadi inkişafın təhlili və proqnozlaşdırılması şöbəsinin” müdiridir. Yəni Mahmud Süleymanovun birbaşa vəzifəsi idi ki, İsmayıllı rayonu üçün məhz öz şəxsi vəsaiti və texnikası ilə taxıl əkib-becərən mən sahibkarın problemini həll etsin, nəinki sahibkara dözülməz problem yaratsın. Mən elə RİH-də olarkən xəbər tutdum ki, Mahmud Süleymanovun təqdimatı və başçıya məruzəsi əsasında mənimlə bağlanmış icarə müqaviləsi də ləğv edilib. Bəhanə də budur ki, mən niyə örüş yeri olan torpaq sahəsində taxıl əkmişəm. Halbuki onlar yaxşı bilirdilər ki, mən torpağın vergisini uzun illərdir əkin sahəsinə uyğun olan qiymətlə ödəyirəm. Guya bunu bilmirdilərmi? Niyə məni 7 dəfə artıq vergi dərəcəsi ilə ödənişlərə məcbur edirdilər? Mən hələ onu demirəm ki, Mahmud Süleymanov Sizin tövsiyə və tapşırıqlarınıza, etibar və etimadınıza daban-dabana zidd olaraq İsmayıllı rayonundakı vəzifəsinə yad hansı fəaliyyətlə məşğul olur, bunu bütün İsmayıllı sakinləri yaxşı bilir. Hətta onun özünün və RİH-nin digər əməkdaşlarının İsmayıllıdakı böyük ərizələrdəki örüş sahələrində nə qədər əkin sahələri vardır. Onlar isə torpaq vergisini örüş yeri kimi ödəyirlər, amma əkinlə məşğuldurlar. Belə çıxırdı ki, mən Mahmud Süleymanovun istədiyi pulu(?) vermədiyim üçün bu yola əl atmışdır. Amma hələlik onu deməyi vacib sayıram ki, mən kommersiya fəaliyyəti ilə deyil, məhz cənab Prezidentin tapşırıqlarına uyğun olaraq ölkəmizin ərzaq təhlükəsizliyinə dəstək vermək üçün dövlətdən bir manat belə yardım almadan, öz şəxsi vəsaitimlə, öz zəhmətimlə kənd təsərrüfatı məhsulları-soğan, taxıl və kartof əkib becərirəm. Bununla da ölkədə məhsul bolluğuna dəstək verirəm. Amma Mahmud Süleymanov kimi məmurlar isə əlbəəl pul vermədiyim üçün mənə belə süni problemlər yaratmışlar. Hətta mən RİH rəsmisindən soruşanda ki, cənab icra başçısına mənim şəhid ailələrinə könüllü olaraq etdiyim yardımlar barədə məlumat verdinizmi, o, isə dedi ki, yox. Bununla da belə hesab edirəm ki, bəlkə də İcra başçısının bu süni problemlər yaradılmasından xəbəri yoxdur, yaxud ona yalan məlumat verilmişdir. Güman ki, İcra başçısı Nahid Bağırov mənim İsmayıllının Kürdmaşı kəndindəki kimsəsiz, ağır xəstə bir ailəyə 30 min manata yaxın xərc çəkərək ev tikdirdiyimdən də məlumatsızdır, çünki ona deyilməyib.

   Cənab Prezident, Siz dəfələrlə bəyan etmisiniz ki, Azərbaycanda korrupsiya ilə məşğul olan, sahibkarların boğazına zəli kimi yapışan, çirkin niyyəti ilə ölkəmizin çiçəklənməsinə mane olan məmurlara aramızda yer yoxdur. Onların yeri, bəziləri kimi, həbsxanalardır.

   Odur ki, Sizdən xahiş edirəm, İsmayıllı rayonunda mənə kənd təsərrüfatı ilə məşğul olan, ərzaq bolluğuna dəstək verən sahibkar kimi süni əngəllər yaradan, bütün fəaliyyətimizi puça çıxaran RİH başçısının müavini Mahmud Süleymanovun və digərlərinin fəaliyyətinin yoxlanılaraq ciddi surətdə cəzalandırılmasına göztəriş verəsiniz.

                                                                       Dərin hörmətlə:

                                                                       T.Ə.Abdullayev

                                                       Bakı şəhəri, 29 noyabr 2021-ci il

   REDAKSİYADAN: Bu dəqiqələrdə sahibkar T.Abdullayev redaksiyamızla əlaqə saxlayaraq bildirdi ki, İsmayıllı rayon Polis Şöbəsinin təhqiqatçısı ona zəng edərək polis şöbəsinə çağırıb: "Bildirdim ki, mən fermer-sahibkaram, məni vergi orqanı çağıra bilər ki, vergi borcunuz var, Allah şükür, o da yoxdur... Başqa problem varsa, xahiş edirəm, rəsmi çağırış göndərin, mən problemin mahiyyətini bilim... Təhqiqatçı bildirdi ki, RİH-dən deyiblər ri, mən icarəmdə olan sahədə niyə taxıl əkmişəm və s. İzah etdim ki, mən 20 ildən çoxdur 25 illiyinə icarəmə Dövlət Aktı ilə verilmiş sahədə Dövlət büdcəsinə əkin üçün vergi ödəyib dəmyə sahədə İsmayıllı rayonuna taxıl əkirəm... Əgər bunu istəmirlərsə, rəsmi xəbərdarlıq etsinlər, mən də günahımın nədən ibarət olduğunu bilim, ölkə başçısından əlavə kömək istəyim...". 

araz.az xəbər portalı.

14 -dən səhifə 1927

Əlaqəli xəbərlər