Azərbaycanda “Delta” anormallığı: Bir yanda həyəcan siqnalı, digər yanda susqunluq

Deltashtammi2

Rəsmi qurumlar baş verənlərə aydınlıq gətirmir, suallar cavabsızdır və nəticədə yenə xalq məsuliyyətsizlikdə ittiham olunacaq

İyulun 13-də Səhiyyə Nazirliyi (SN), İcbari Tibbi Sığorta üzrə Dövlət Agentliyi (İTSDA) və Tibbi Ərazi Bölmələrini İdarəetmə Birliyinin (TƏBİB) birgə məlumatında bildirilirdi ki, Azərbaycanda 31 nəfərdə “Delta” ştammı aşkarlanıb. Məlumata görə, ölkəmizdə epidemioloji vəziyyətin nəzarətdə saxlanılması üçün görülən tədbirlər çərçivəsində Milli Hematologiya və Transfuziologiya Mərkəzinin Genetik Diaqnoz Mərkəzində SARS-CoV-2 virusunun genetik variantlarına dair mütəmadi analizlər aparılır. Aparılan araşdırmaların növbəti mərhələsində son dövrdə ölkə xaricindən gələn şəxslərdən alınmış nümunələrdən 31-də B.1.617 (Delta) variantı, 9-da B.1.1.7 (20 Alpha V1, Britaniya) variantı aşkar olunub.

Maraqlıdır, ölkəyə gələn hər kəs test olunursa, necə ola bilər ki birdən-birə 31 nəfərdə “Delta” ştammı aşkarlanır?

AVRO-2020 oyunları ərəfəsində ölkəmizdə COVID-19 statistikasında yoluxanların sayında azalmanın, oyunlar bitər-bitməz isə əksinin qeydə alınması, həmən ardınca da “Delta” ştammının aşkarlanması əksər insanlarda bu açıqlamalara inamsızlıq yaradıb. İnsanlar karantin qaydalarına ciddi əməl etməməkdə qınanılsa da, epidemioloji vəziyyətlə bağlı bu cür gedişat COVID-19-la bağlı şübhəli məqamlar ortaya çıxarır.

AYNA mövcud vəziyyətin yaratdığı suallara, şübhələrə aydınlıq gətirməyə çalışıb.

Ölkəmizin baş infeksionisti Təyyar Eyvazovla əlaqə saxlasaq da, suallarımıza cavab ala bilmədik. Çünki baş infeksionist hazırda məzuniyyətdə olduğunu dedi: “Mən məzuniyyətdəyəm, bu dəqiqə başım da başqa şeyə qarışıqdır”.

İTSDA-nın İctimaiyyətlə Əlaqələr Departamentindən isə bildirdilər ki, onların bu suallara cavabı yoxdur: “Səhiyyə Nazirliyinə müraciət edin”.

SN və TƏBİB də səssizliyini qorudu. İsrarlarımıza baxmayaraq, zənglərimiz açılmadı, suallarımız görülsə də, cavab gəlmədi.

İnfeksionist həkim Nicat Əzimli ölkəmizə keçən hər kəsin test olunduğu halda “Delta” şatmmının necə gəlməsi ilə bağlı sualımıza cavabında bildirdi ki, test hər zaman doğru nəticə göstərmir: “Bəzən yanlışlıqla neqativ nəticələr olduğundan, xəstə və ya daşıyıcı bir şəxs başqa ölkədən virusu özü ilə gətirə bilər”.

Həkim Adil Qeybulla “Delta” ştammı ilə bağlı qeyd etdi ki, epidemioloji vəziyyət pisləşərsə, karantinin sərtləşdirilməsi qaçılmaz olacaq: “Verilən qərarlar, karantin qaydalarının sərtləşdirilməsi epidemioloji vəziyyətdən asılıdır. Azərbaycanı əhatə edən ölkələrdə - Rusiyada, Gürcüstanda, Türkiyədə “Delta” ştammı aşkarlanıb. Rusiyada artıq situasiya xeyli ciddiləşib. Hesab edirəm ki, Azərbaycan da bunu nəzərə almalı və müəyyən karantin tədbirlərinə hazır olmalıdır”.

Həkimin sözlərinə görə, əgər epidemioloji vəziyyət pisləşərsə, üçüncü dozanın vurulması ehtimalı da nəzərə alına bilər: “Virus bütün yaş qruplarında, o cümlədən də 12-20 yaş arasında olan qruplarda da olur. Xəstəlik daha tez aşkar olunur. Əsas əlamətləri halsızlıq, yüksək temperatur, miqren tipində baş ağrıları, boğazda ağrı, öskürək və rinitdir (burunun iltihabı). Britaniya ştammı ilə müqayisədə 1.85 dəfə daha artıq yoluxucu sayılır. Artıq 98 ölkədə qeydə alınıb və ən acınacaqlı epidemioloji vəziyyət Hindistanda qeydə alınıb. Çünki Hindistanda əhali sıxlığı çoxdur”.

“Təmas çox olduğundan yoluxma da çox oldu. Dünyada dördüncü dalğanın və yeni növ pandemiyanın başlamasının qarşısını almaq üçün xeyli işlər görülür, kütləvi vaksinasiya gedir. “Delta” ştammına qarşı Ümumdünya Səhiyyə Təşkilatının (ÜST) qeydə aldığı vaksinlər - “Pfizer-BioNTech”, “Moderna”, “Johnson & Johnson” və “AstraZeneca” peyvəndləri yeni ştamlara qarşı öz həssaslıqlarını qoruyur”, - deyə Qeybulla vurğuladı.

P.S. ÜST də “Delta” ştammının daha təhülkəli olduğunu bəyan edir. COVID-19-un bu variantı bizdə də aşkarlanır, insanlar narahatdırlar, gözlənilir ki, bununla bağlı suallara, şübhələrə aydınlıq gətiriləcək. Lakin suallara cavab axtaran mətbuata belə, cavab verilmir, açıqlama vermək üçün vəzifələndirilmiş şəxslər çıxış yolunu səssizliyə çəkilməkdə görürlər.

Proqnozlara görə isə yenə xalq məsuliyyətsizlikdə ittiham ediləcək, sərt karantin rejimi elan ediləcək, qapanmalar olacaq. Nəticədə isə yenə aclıq, yoxsulluq, pozulmuş sinir sistemi, dörd divar arasında çarəsiz qalan, kiçik evlərdə havasızlıqdan boğulan insanlar...

Müəllif:Aləmdə NƏSİB

Əli Kərimli anasının dəfnində – FOTO

ali 1170x1170

Xəbər verildiyi kimi Azərbaycan Xalq Cəbhəsi Partiyasının (AXCP) sədri Əli Kərimlinin anası Nabat xanım bu gecə dünyasını dəyişib.

AXCP sədri Saatlı rayonunun Azadkənd kəndində anasının dəfninə iştirak edib.  Dəfn mərasiminə partiya üzvləri və Ə.Kərimlinin yaxınları qatılıb. 

Turkustan.info

ANS TV yeni adla efirə qayıtmağa hazırlaşır – AÇIQLAMA

media ans z52lx8v41q0o3cpimbry

Ümumrespublika televiziya kanalının açılması üçün Milli Televiziya və Radio Şurasının (MTRŞ) 7 iyun 2021-ci il tarixindən 7 iyul 2021-ci tarixinədək elan etdiyi müsabiqəyə sənəd qəbulu başa çatıb.

MTRŞ-dan verilən məlumata görə, müsabiqəyə altı iddiaçı sənədlərini təqdim edib.

Bunlar “APA Mark” MMC, “Təhsil TV” MMC, “Balans Studiyası” MMC, “İNS ÇM” MMC, “İstipress” MMC, “Medical Media” MMC-dir.

araz.az  saytına məlum olub ki, ümumirespublika televiziya kanalının açılması üçün sənəd təqdim edən iddiaçılardan 3-ü ANS Şirkətlər Qrupuna məxsusdur. Bu, ANS TV-nin yeni adla televiziya məkanına qayıdışı ola bilər.

ANS-ÇM Yayım və Media Şirkətinin baş direktoru Sevda Həsənova faktı Modern.az-a təsdiqləyib.

S.Həsənova müsabiqənin obyektiv keçəcəyi təqdirdə qalib gələcəklərinə inandıqlarını deyib:

“Bu müsabiqədə bizim “İstipress” MMC, “İNS ÇM” MMC və “Balans Studiyası” MMC də iştirak edir. Bütün lazımi sənədləri təqdim etmişik. Artıq bildiyiniz kimi, bu şirkətlərin adları MTRŞ-nın səhifəsində də yayımlanıb. Əminik ki, müsabiqə obyektiv keçəcək və belə olan təqdirdə biz qalib gələcəyik!”.

Qeyd edək ki, MTRŞ-nin müsabiqəsinə qatılan “İstipress” MMC, “İNS ÇM” MMC və “Balans Studiyası” MMC-yə ANS Şirkətlər Qrupunun sahibləri Vahid və Seyfulla Mustafayev qardaşları rəhbərlik edirlər.

Xatırladaq ki, Milli Televiziya və Radio Şurasının (MTRŞ) 18 iyul 2016-cı il tarixli qərarı ilə ANS telekanalının yayımı dayandırılıb, ANS ÇM radiosunun lisenziyası ləğv edilib.

Daha sonra Bakı Apellyasiya Məhkəməsi MTRŞ-nın iddiası əsasında telekanalın da lisenziyasını ləğv edib.

araz.az xəbər portalı.

Laçın planı: Azərbaycan yaxın zamanda bu ərazilərə tam nəzarət edəcək

bayraq lacin

Bir neçə gündür Laçın şəhərində, yeni dəhlizin çəkilməsi ilə bağlı məsələlərə siyasi ekspertlər müxtəlif fikirlər bildirirlər. Mahiyyət etibarı ilə sülhməramlıların nəzarətinə veriləcək yeni dəhlizdən sonra Laçın şəhərinə Azərbaycan tam nəzarət edəcək.

araz.az 
Mətbuat.az-a istinadən xəbər verir ki, bu barədə politoloq Samir Hümbətov bildirib ki, Laçın dəhlizinə yol çəkilməsi yeni məsələ deyil.

“Bildiyiniz kimi, 10 noyabr və 11 yanvar bəyannamələrində də göstərilib ki, 3il ərzində yeni yol çəkilib istifadəyə veriləcəkdir. Laçın dəhlizinin 5kilometrlik hissəsi Laçın şəhərinə yaxın bir ərazidən keçdiyi üçün, hələ ki, Laçın şəhərinə nəzarət Azərbaycanın əlində tam cəmləşə bilmir, çünki həmin əraziyə rus sülhməramlıları nəzarət edir. Ona görə də yeni yolun çəkilməsi məsələsi daha aktual olub. Azərbaycan tərəfi istəyir ki, daha qısa müddətdə bu yolu çəkib rus sülhməramlılarının ixtiyarına verməklə Laçın şəhərinə nəzarət edə bilsin”.

Politoloq deyir ki, həmin ərazidə hələ də ermənilər yaşayır. Onların məskunlaşıb qalması, rus sülhməramlılarının olması ilə əlaqədardır. Samir Hümbətov hesab edir ki, ermənilər yeni yol çəkildikdən sonra artıq həmin ərazidən köçürüləcəkdir.

 

araz.az xəbər portalı.

Şəkidə 15 yaşlı qız 30 yaşlı kişiyə ərə verilib

gekun 637x330

 

Sosial şəbəkələrdə Şəkinin Kiçik Dəhnə kəndində 15 yaşlı qızın ərə verilməsi ilə bağlı videogörüntülər yayılıb.

DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov “Qafqazinfo”ya açıqlamasında bildirib ki, yayılan görüntülər əsasında Polis Şöbəsində dərhal araşdırmalara başlanılıb: “Araşdırma zamanı 2005-ci il təvəllüdlü M.H ilə 1991-ci il təvəllüdlü M.S-nin evləndirilməsi faktı öz təsdiqini tapıb. Yeniyetmənin valideynləri polisə dəvət olunub və onların izahatları alınıb”. 

Hazırda Şəki ŞRPŞ-nin İstintaq bölməsində araşdırma aparılır.

 

 

araz.az xəbər portalı.

17 -dən səhifə 1652

Əlaqəli xəbərlər