Keçmiş səfir: “İran heç zaman Azərbaycanı müdafiə etməyib”

efshar suleymani

İranın dövlət televiziyasında son günlər gərginləşən Azərbaycan-İran münasibətlərinə həsr olunmuş verilişdə qalmaqal yaranıb.

araz.az “Azad İran” teleqram kanalına istinadən xəbər verir ki, “Ecoiran” verilişində iranlı siyasi və iqtisadi təhlilçi Azərbaycanın iranlı yük maşını sürücülərindən rüsum almasını qanunsuz adlandırıb. O, Azərbaycanın İranın ərazi bütövlüyünü müdafiə etmədiyini, körfəzdə 3 adanın İrana məxsus olması ilə bağlı açıqlama vermədiyini bildirib.

“Buna görə də Azərbaycanın torpaqlarının işğal olunmasının İrana aidiyyatı yoxdur”, – deyə, o, bildirib.

Təhlilçinin bu çıxışını verilişə onlayn qoşulan İranın Azərbaycandakı keçmiş səfiri Əfşar Süleymani etiraz ilə qarşılayıb. Səfir təhlilçinin iddialarını əsassız sayıb, onun arqumentlərinin İranın konstitusiyasına belə zidd olduğunu deyib.

“Necə olur ki, dünyanın o biri başında müsəlmanların hüquqlarını müdafiə etdiyinizi iddia edir, özünüzü İslam dünyasının mərkəzi adlandırırsınız, ancaq ermənilərin ölümünə ürək yandırdığınız halda azərbaycanlıların qətliam edilməsinə reaksiya vermirsiniz? Xocalıda baş verən soyqırımı görməzlikdən gəlib, bunu və azərbaycanlıların öz torpaqlarından çıxarılmasını məhkum etmirsiniz”, – deyə, keçmiş səfir bildirib.

Təhlilçinin “biz Xocalı soyqırımında və 90-cı ilərdəki hadisələrdə Azərbaycanı himayə etmişik”, iddiasını absurd adlandıran Əfşar Süleymanı deyib ki, İranın Azərbaycanı himayə etməsi barədə iddialarla bağlı heç bir fakt yoxdur.

Qeyd edək ki, xüsusilə son günlər Azərbaycanla bağlı mövqeyinə görə Əfşar Süleymani İran mətbuatının və radikal cərəyanlarının hədəfinə çevrilib.

Bir neçə gün öncə Əli Xamneyinin nəzarətində olan və SEPAH-la ETTELAAT-ın mövqeyini əks etdirən “Keyhan” qəzeti Əfşar Süleymanini “Azərbaycanın beşinci kolon”u adlandırıb, onun fəaliyyətinin araşdırılmasını və barəsində ölçü götürülməsini tələb edib.

 

araz.az xəbər portalı.

Paşinyanla Putinin görüşəcəyi tarix açıqlandı

pasinyan6 1

Ermənistanın Baş naziri Nikol Paşinyan Rusiyaya səfər edəcək.

araz.az  xəbər verir ki, səfər zamanı Paşinyan Rusiya Prezidenti Vladimir Putinlə görüşəcək .

Rusiya Prezidentinin mətbuat katibi Dmitri Peskov məlumatı təsdiq edib: “12 oktyabrda prezident Kremldə Dövlət Dumasının yeni seçilmiş deputatlala ölkə üçün hansı məsələlərin önəmli olduğunu müzakirə edəcək. Eyni gündə Putin Ermənistanın baş naziri Nikol Paşinyanla görüş keçirəcək”.

 

araz.az xəbər portalı.

“Ağıllı jurnalistlər”lə rəqabətə hazırıq? – ARAŞDIRMA

FotoJet 2021 10 10T121905.503

Onlar yorulmur, xəstələnmir, məzuniyyət istəmir, həmişə eyni əhval-ruhiyyədədirlər. Süni intellektin sürəti, onun gördüyü işin həcmi ilə heç bir jurnalist ayaqlaşa bilməz. Onların çox böyük həcmdə bilik bazasına giriş imkanları var

Mövzu ilə bağlı “Kaspi” qəzetinin araşdırmasını təqdim edirik:

“Süni intellektin gəlişi ilə sıradan çıxacaq peşələr olacaq” tipli xəbərləri tez-tez görürük. Ekspertlər tərəfindən süni intellektin hansı peşəyə nə cür təsir etməsi ilə bağlı tez-tez müxtəlif fikirlər səsləndirilir. Süni intellektin təsirinin müzakirə olunduğu sahələrdən biri də jurnalistikadır.

Beynəlxalq Kosmik Stansiyanın Rusiya bölməsinin aparıcı şirkəti sayılan “Energia”nın baş mühəndisi Vladimir Solovyov da bu mövzuda fikirlərini bölüşərkən qeyd edib ki, süni intellekt ənənəvi jurnalistikanın ciddi rəqibi olacaq. Yaxın gələcəkdə süni intellektlə daha da sərt rəqabət başlayacaq. O qeyd edib ki, süni intellekt peşəkar jurnalistlərin işini tamamilə əvəz edə bilməz, ancaq bloggerləri mütləq məğlub edəcək.

Süni intellektin köməyi

Media eksperti Ələsgər Məmmədli deyir ki, süni intellektin təsirləri media sahəsindən də yan keçməyəcək: “Təbii ki, süni intellektin imkanları mətbuata da təsir edəcək. İşlərin sürətlənməsi, analizlərin daha tez, əhatəli şəkildə əlimizə çatması cəhətdən süni intellektin inkişafı böyük köməklik edəcək”.

“Bir-birini əngəlləyə bilməz”

Ə.Məmmədli bildirdi ki, süni intellektin də mətbu məhsullarını görəcəyik, amma insan yaradıcılığı başqadır: “Bir neçə il öncə məşhur qəzetlərin birində süni intellekt köşə yazmışdı. Çox maraqlı idi. Həqiqətən də, oxuduğun zaman insanın yazdığı kimi görünürdü. Sözsüz ki, bu aspektdən baxanda süni intellekt milyonlarla insanın davranışını analiz edərək ona uyğun şəkildə ən optimal versiyanı ortaya çıxara bilir. Amma insan beyni elə mürəkkəb formatdadır ki, onun yaradıcılıq aspektini süni intellekt ortaya çıxara bilməz. Məsələn, süni intellekt bütün bədii təsvirləri verə bilər, amma insanın duyğusal tərəfini, yəqin ki, tam görə bilməz. İnsan insandır, süni intellekt də süni intellekt. Bir-birini əngəlləyə bilməz”.

“Jurnalistin yerinə müsahibə almayacaq”

Ə.Məmmədlinin sözlərinə görə, süni intellektin tam olaraq jurnalistin işini əvəz etməsi mümkün deyil: “Süni intellekt dataları analiz edib ortaya müəyyən iş çıxara bilir. Amma gedib jurnalistin yerinə müsahibə almayacaq, çəkiliş etməyəcək. O baxımdan bir-biri ilə rəqabət aparacaq tərəf deyillər. Hazır mətni oxuyar, səsləndirər, ofis işlərini yüngülləşdirə bilər. Amma konkret bir jurnalistin müsahibə etməsi, araşdırma etməsi, informasiyaları toplaması kimi aspektləri yəqin ki, əvəz etməz”.

“Jurnalistləri əvəz etməsinə çox qalmayıb”

“Microsoft Azerbaijan”ın baş meneceri Qaçay Mirzəyev bildirdi ki, süni intellektin gələcəkdə jurnalistləri əvəz etməsi mümkündür: "Süni intellekt dünyanı tam dəyişəcək. Süni intellekt bütün peşələrə təsir edəcək. Bəzi peşələr yox olmağa labüddür, bəziləri transformasiya edəcək, bəzi yeni peşələr yaranacaq. Ənənəvi jurnalistika da istisna deyil. Hazırda süni intellektin inkişafı elə səviyyəyə çatıb ki, ona hansısa şairin şerlərini göstərirsən, həmin şairin stilində şer yazır, bəstəkarın musiqilərini dinləyir və o janrda musiqi əsəri yaradır. Jurnalistləri də əvəz etməsinə çox qalmayıb. Artıq Çində TV aparıcılarını robotlar və süni intellekt ilə əvəzləyiblər. Onlar yorulmur, xəstələnmir, məzuniyyət istəmir, həmişə eyni əhval-ruhiyyədədirlər və s. kimi tərəfləri var”.

“Ağıllı jurnalist”lərin üstün tərəfi

Q.Mirzəyev deyir ki, yaradıcılıq, emosiya, həssaslıq (hisslər) süni intellektin hazırda zəif tərəfləridir. Amma süni intellektin sürəti, onun gördüyü işin həcmi ilə heç bir jurnalist ayaqlaşa bilməz: “Süni intellektin çox böyük həcmdə bilik bazasına giriş imkanları var. Heç bir jurnalist bu boyda məlumatı yadında saxlaya bilməz. İndi məqaləni bir dildə yazmaq və süni intellekt vasitəsilə 90-dan çox dilə avtomatik tərcümə etmək mümkündür. Bu da o deməkdir ki, “ağıllı jurnalistlər” tanıtmaq istədiyi mövzunu daha geniş auditoriyaya çatdıra bilər.

Ümumiyyətlə, ixtisaslaşmış süni intellektin (məsələn, jurnalist kimi yetişdirilmiş) insan jurnalistdən daha güclü olacağı şübhəsizdir.

Süni intellektin güclü tərəfi odur ki, daima öyrənəcək, təkmilləşəcək, bilmədiyini araşdıracaq. Artıq bunu edən alqoritmlər var”.

“Süni intellekt insandan asılıdır”

Q.Mirzəyevin sözlərinə görə, sonda yenə də hər şey insandan - süni intellekti tərbiyə edəndən asılıdır: “Süni intellekt sonda bir alqoritmdir. Adi uşaq kimidir, nə öyrətsən, necə tərbiyə etsən, o cür də süni intellekt alacaqsan. Uşaqdan fərqi odur ki, bəzən uşağa bir dəfə göstərmək bəs edir. Amma süni intellektə 1000 dəfə pişik şəkli göstərməlisən ki, pişiyi tanısın”.

“Rəqabət başlasa, insan uduzacaq”

Q.Mirzəyev əmindir ki, jurnalistlər süni intellektlə rəqabət apara bilməyəcəklər: “Ümumiyyətlə, süni intellekt ilə rəqabət aparmaq ən perspektivsiz işdir. Əksinə, süni intellekti bizim gücümüz çatmayan, bacarmadığımız işlərdə istifadə etməklə, daha böyük nailiyyətlər əldə etməyə çalışmaq lazımdır. Rəqabət başlayan kimi insan uduzacaq. Araşdırma, təhlil, proqnoz verilməsi tələb edən istiqamətlərdə süni intellekt ideal köməkçi ola bilər. Ola bilsin ki, jurnalist saxta xəbəri ayırd edə bilməsin, amma bu, süni intellekt üçün asan iş olacaq. Ya da ki hər hansı bir məqalə üçün bütün mümkün faktları bir yerə toplamaq böyük vaxt tələb edə bilər, amma süni intellekt üçün bu, asan bir tapşırıqdır. Süni intellekt, eyni zamanda müxtəlif alqoritmlər vasitəsilə qeyri-adi, anomal halları da üzə çıxara bilir. Məhz buna görə də, dələduzluq hallarını araşdırarkən süni intellektdən istifadə edilir”.

 

araz.az xəbər portalı.

Türkiyə aqibətini təyin edəcək QƏRARI AÇIQLADI: Ankaranın bu istəyi RƏDD EDİLSƏ…

2af56770 ca8a 445d 93e9 fa1accc39cc0 850

Türkiyə tədricən bəzi döyüş təyyarələrinin Hərbi Hava Qüvvələrinin inventardan çıxarılmasından sonra qarşıdakı 8 ildə hərbi hava gücünü zəiflətməmək üçün ABŞ-dan ona 40 ədəd “F-16” satmasını və 80 ədəd “F-16” qırıcısının modernləşdirilməsini istəyib.

araz.az teleqraf.com-a istinadən xəbər verir ki, bu barədə Türkiyənin “Milliyət” qəzeti məlumat yayıb.

Nəşr bildirib ki, ABŞ Türkiyənin bu istəyinə müsbət cavab verməsə, Ankara İngiltərə, Fransa və ya Rusiya kimi ölkələrdən yeni nəsil qırıcı təyyarələrin alınmasını gündəmə gətirəcək:

“ABŞ, İngiltərə və İsrail 5-ci nəsil “F-35” qırıcı təyyarələrindən istifadə etməyə başlayıb. Rusiya 5-ci nəsil “Su-57” layihəsində əhəmiyyətli mərhələyə çatıb. Rusiya, Çin və Misir 4-cü nəsil “Su-35”-ləri inventarında saxlayır. Yunanıstan Fransadan 4-cü nəsil “Rafale” alıb.

Türkiyəyə məxsus “F-16” döyüş təyyarələrinin sayı 245-dir. Türkiyənin təxminən 50 ədəd “F-4 2020” döyüş təyyarəsi var. “F-16”-lar 1987-ci ildə xidmətə cəlb olunub. 1974-cü ildə istifadəyə verilən “F-4” təyyarələri isə modernizasiya edilib”.

Hərbi akademik Murad Aslan ABŞ-ın Türkiyənin bu istəyinə qarşı mümkün cavablarına diqqət çəkib:

“ABŞ buna da “yox” desə, bu, gizli embarqo iddialarının doğruluğunu sübut edəcək. “S-400” məsələsinin bəhanə olaraq irəli sürüldüyü məlum olacaq. Bu halda Türkiyə yeni döyüş təyyarələrinin satın alınması üçün Rusiya ilə yanaşı, digər alternativ mənbələrə müraciət edə bilər.

İndi dönüş nöqtəsinə daxil oluruq. Türkiyənin istəyi rədd edilsə, gələcəkdə müdafiə sənayesi sahəsində verəcəyimiz qərarlara görə tənqid və ittiham etməyə sözləri qalmayacaq”.

 

araz.az xəbər portalı.

Xüsusi Riskli Xilasetmə Xidmətində VƏZİFƏ DAVASI... - Heydərov kimi irəli çəkəcək?

1633768551 15810818966013537276 1000x669 1

Fövqəladə Hallar Nazirliyi (FHN) Xüsusi Riskli Xilasetmə Xidmətində rəhbər dəyişikliyi gözlənilir.

araz.az  Bizimxeber.az-a istinadən  bildirir ki, xidmətin rəisi general-mayor Şahmar Paşayevin yerinə iki namizəd var.

Onun yaş senzi ilə əlaqədar yaxın vaxtlarda vəzifəsindən təqaüdə gedəcəyi haqda məlumatlar dolaşır.

 Ş.Paşayev yerinə general-mayor Məhərrəm Həsənovu hazırlayır. M.Həsənov hazırda xidmət rəisinin 1-ci müavini vəzifəsini tutur. Lakin ona alternativ olduğu haqda iddialar səslənməkdədir.

Belə ki, FHN Dövlət Sularda Xilasetmə Xidmətinin Xilasetmə və dalğıc işləri üzrə şöbəsinin müdiri Elsevər Həsənovun Xidmət rəisi postuna hazırlandığı bildirilir. Onun atasının Fövqəladə hallar naziri Kəmaləddin Heydərovla yaxın olduğu iddia olunur.

E.Həsənov bundan əvvəl Dövlət Gömrük Komitəsində çalışıb. Onun idarədə söz sahiblərindən biri olduğu, atasının nazirlə əlaqələrinə görə dayaqlarını möhkəmləndirdiyi bildirilir. İndi M.Həsənovun, yoxsa E.Həsənovun Ş.Paşayevin yerinə təyin olunacağı bilinmir.

 

araz.az xəbər portalı.

18 -dən səhifə 1861

Əlaqəli xəbərlər