Kür çayında kütləvi qanunsuz balıq ovuna kimlər göz yumur? -FOTO,VİDEO

1631767631 fd1e362e 2f6f 49bf b876 b1f9636d0fc6Xatırladaq ki,bir neçə gün bundan əvvəl Bolgexeber.com-da Kür çayında qanunsuz balıq ovu ilə bağlı faktlara əsaslanan yazı dərc olunmuşdu. Yazıda bildirilirdi ki, Bolge.tv -nin əməkdaşları təbiətin mühafizəsi ilə bağlı reportaj hazırlayarkən Kür çayının Kürdəmir rayonundan keçən ərazisində olublar. Araşdırma aparan əməkdaşlar müşahidələr zamanı ərazidə çoxaylı qovaq ağaclarının kəsilməsinin , tor ilə, quraşdırılmış vintillər vasitəsilə qanunsuz balıq ovunun, qazıntının şahidi olublar. Məsələ bağlı Ekologiya və Təbii Sərvətlər Nazirliyi 8 saylı Mingəçevir Regional Ekologiya və Təbii Sərvətlər İdarəsi məlumatlandırlsa da heç bir tədbir görülməyib.

Reportaj dərc olunandan sonra adıçəkilən əraziyə nəzarət edən 8 saylı Mingəçevir Regional Ekologiya və Təbii Sərvətlər İdarəsinin rəisi Şahin Əliyev əməkdaşlarımıza zəng edərək onlara təhdid xarakterli sözlər deyib. Bildirib ki, guya biz böhtan atırıq və bütün məsələlər araşdırılır,çəkilənlər həqiqətə uyğun deyil. Lakin məsələ ilə bağlı dünən əməkdaşlarımız yenidən Kür çayının Kürdəmir və Zərdab rayonundan keçən sahil ərazilərində olublar,bu dəfə daha çox qanunsuzluqlar aşkar ediblər. Belə ki, əməkdaşlarımız Kür çayının sol sahilində, Zərdab ərazisində qanunsuz balıq ovu üçün nəzərdə tutulmuş 50 -yə yaxın tor, ” vintillər”, 20-yə yaxın qayıq, hətta balıqları məhv etmək üçün ,yoxsa nə məqsədləsə suyun içinə çəkilən elektrik xəttlərini aşkar ediblər. 8 saylı Mingəçevir Regional Ekologiya və Təbii Sərvətlər İdarəsinin rəisi Şahin Əliyev bizi təhdid etməkdənsə təqdim edtiyimiz qanunsuz balıq ovu faktlarını araşdırsaydı yaxşı olardı.

Şahin Əliyev nazirliyə hesabat verərək faktları təkzib etməyə çalışsa da faktlar yenə göz qabağındadır. Artıq tərəfimizdən Şahin Əliyevlə bağlı Ekologiya və Təbii Sərvətlər Nazirliyinə və digər aidiyyatı qurumlara rəsmi müraciət olunub. Ümid edirik ki, tez-tez regionlarda tədbirlərdə iştirak edən ,montorinqlərin keçirilməsinə nəzarət edən , ekologiyamızın qorunmasında böyük işlər görən Ekologiya və Təbii Sərvətlər naziri hörmətli Muxtar Babayev məsələni ciddi araşdıracaq, nəzarətə götürəcək və məsələ öz həllini tapacaq.


araz.az xəbər portalı.

Ramiz Mehdiyevin gəlininin bankı məhkəməyə verildi

ramiz mehdiyev2

Prezident Adminstrasiyasının keçmiş rəhbəri, Azərbaycan Milli Elmlər Akademiyasının (AMEA) prezidenti Ramiz Mehdiyevin nəzarətində olan Bank BTB Açıq Səhmdar Cəmiyyəti (ASC) məhkəməyə verilib.

araz.az  Qaynarinfo.az-a istinadən xəbər verir ki, Mustafayev Elnur Akif oğlu adlı şəxs Bakı Kommersiya Məhkəməsində sözügedən bank barəsində iddia qaldırıb. Açıq mənbələrdə işin mahiyyəti barədə məlumat yoxdur. İddia hakim Fərrux Qasımovun icraatındadır.

Bank BTB ASC-nin üç səhmdarı var:

1. Mehdiyeva Nigar İsmayıl qızı - 75%

2. Sadiq Rza İsmayıl oğlu - 19%

3. Mahmudova Tükəzban Ağa qızı - 6%

Nigar Mehdiyevanın Ramiz Mehidyevin gəlini olduğu bildirlir. Bu barədə mediada dəfələrlər yazılıb və qarşı iddiaları təkzib etməyib.

Nigar Mehdiyeva həm də "Bank BTB”nin digər səhmdarı Rza Sadiqin bacısıdır. Məlumatlara görə, onlar Nazirlər Kabinetinin Humanitar məsələlər şöbəsinin keçmiş müdiri İsmayıl Sadıqovun övladlarıdır. İsmayıl Sadıqov 2018-ci ildə tutduğu vəzifədən azad edilib.

Ramiz Mehdiyevin gəlini olduğu bildirilən Nigar Mehdiyeva "Digital Media” MMC-nin də təsisçilərindən biridir. MMC 20 avqust 2008-ci il tarixində dövlət qeydiyyatına alınıb.

Milli Televiziya və Radio Şurasının 28 oktyabr 2008-ci il tarixli qərarı ilə "Digital Media” MMC-yə 105.5 MHz tezliyində yayımlanmaq üçün radio yayımına xüsusi razılıq (lisenziya) verilib. Şura qərarını "Digital Media” MMC-nin "digər iddiaçılarla müqayisədə daha üstün yaradıcılıq imkanlarına, daha münasib maddi-texniki bazaya və peşəkar kadr potensialına” malik olması ilə əsaslandırıb. Bu şirkət "Media FM” radiosunun sahibidir.

 

 

araz.az xəbər portalı.

Aqil Babayevlə bağlı SENSASİON AÇIQLAMA

z 82 637x330Özünü 12-ci İmam Mehdi kimi təqdim edərək külli miqdarda dələduzluq etməkdə ittiham olunan Aqil Babayevin əməllərindən zərər çəkən 50 nəfərə qədər vətəndaş bununla bağlı Prezident Administrasiyasına və hüquq-mühafizə oranlarına müraciət edib.

DİN Mətbuat Xdimətinin şöbəsi rəisi, polis mayoru Elşad Hacıyev açıqlamasında bildirib ki, 50 nəfərə qədər şəxs rəsmi olaraq müraciət edib, ancaq zərərçəkmişlərin sayı 200-dən artıqdır: “Həmin müraciət ərizələrində onlar bildiriblər ki, A.Babayev özünü zühur etmiş imam və ilahi gücə malik olmasına inandıraraq kasıb insanlara yardım etmək, kiçik və orta sahibkarlıq fəaliyyəti ilə məşğul olanların inkişafına dəstək adı altında onları aldatma yolu ilə inam və etibarlarından sui-istifadə etməklə külli miqdarda pullarını talayaraq mənimsəyib.

Həmin şəxslərin bir qismi A.Babayevin imkansızlıqdan ona müraciət edən ailəli qadınlara qarşı əxlaqsız hərəkətlər etdiyini da bildiriblər.

Qeyd edilib ki, həmin qadınlar bu barədə öz həyat yoldaşlarına və qohumlarına məlumat verəndən sonra onun hərəkətlərindən hiddətlənən təxminən 20 nəfər A.Babayevə zəng edib iddiaları aydınlaşdırmaq üçün görüşmək istədiklərini bildiriblər.

A.Babayev həmin şəxsləri Buzovna qəsəbəsində yerləşən dəbdəbəli bağ evinə dəvət edib. O, ifşa olunduğunu görüb onlardan üzrxahlıq edərək aldığı pulun bir qismini ödəməyə razı olduğunu deyib. Pulun Xətai rayonundakı 5 mərtəbəli villasında olduğunu deyib, həmin şəxsləri ora dəvət edib”.

E.Hacıyev qeyd edib ki, A.Babayev orada pulun 520 min 500 manatını qaytarıb, qalanını üçün isə möhlət istəyib: “Onlar gedəndən sonra Aqil Babayev hüquq-mühafizə orqanlarına şikayət edib ki, bir neçə adam villasına basqın edərək onun 9 milyon manat pulunu aparıblar. Müraciət edənlər qeyd ediblər ki, Aqil Babayevin Xətai və Xəzər rayonlarında 2 milyon dəyərində bağ evi və villası var.

21 ildir bu formada dələduzluqla məşğul olduğu deyilən Aqil Babayevin heç bir yerdə işləmədiyi, heç bir biznesi olmadığı və hər hansı biznesdə ortaq olmadığı iddia olunur. Onun heç bir gəlir mənbəyi yoxdur. Sadəcə tanınmış adamlarla, biznesmenlərlə şəkil çəkdirib, sosial şəbəkə seqmentlərində paylaşımlar etməklə, özü haqqında təəssurat yaradıb.

Qadınlara məcbur edirmiş ki, İmama xoş getsin deyə, günahlarınız yuyulması üçün bağ evimdə pulsuz işləməlisiniz. Həmin qadınlara ödəniş vermədən evində qul kimi işlədirmiş”.

Mayor Hacıyev bildirib ki, A.Babayev Xətai rayonunda yerləşən 5 mərtəbəli villasının zirzəmisində və 5-ci mərtəbəsində xüsusi qəbul otağı yaratmaqla, digər qeyri-əxlaqi hərəkətlər törətdiyi iddia olunur: “Ərizələrdə o da vurğulanır ki, kefi istəyəndə ona inanan adamları yığıb deyirdi ki, mənə “vəhy” gəlib ki, bu gün naharı Dubayda etməliyəm. Həmin şəxslər bildirir ki, “biz də pul yığıb verirdik, o da gedib Dubayda nahar edib gəlirdi””.

Qeyd olunan hallar və Aqil Babayevin digər qanunsuz hərəkətləri ilə bağlı iddiaların təfərratları başlanan cinayət işi üzrə istintaqla araşdırılır.

E.Hacıyev əlavə edib ki, A.Babayevin “Şaurma N1”in şərikinin olması ilə bağlı dövriyyəyə buraxılan informasiya həqiqəti əks etdirmir, yalandır.

 

 

araz.az xəbər portalı.

"Prezidentin icra başçılarına xəbərdarlığını müsbət hal kimi dəyərləndirirəm" — Tural Abbaslı

bandicam 2021 09 15 17 31 19 336“Düşünmürəm ki, rüşvətə alan məmurlar dövlət başçısının xəbərdarlığından sonra özlərinə yığışdırsınlar, korrupsiyadan əl çəksinlər. Bu şəxslərin vəzifə səlahiyyətlərindən sui-istifadə hallarından əl çəkəcəklərini gözləmirəm. Bunun üçün icra başçıları ilə bağlı daha sərt addımlar atılmalıdır”.

Bu fikirləri Demokrat.az-a açıqlamasında Ağ Partiya sədri Tural Abbaslı bildirib.

O, icra başçılarının fəaliyyətində dəyişiklik etmək lazım olduğunu qeyd edib:

“İcra başçılarının fəaliyyətindəki şəffaflığı məmurların vicdanına buraxmaq lazım deyil və bu halda nəticənin olması inandırıcı görünmür. Məsələn, bir müddət əvvəl dövlət başçısı İsmayıllının icra başçısını təyin etdi və təxminən iki ay sonra həmin icra başçısına şiddətli töhmət verildi. Yəni, məmurlar Prezidentin xəbərdarlığından sonra lazımi səviyyədə işləməyə başlasaydılar, biz bu kimi halların şahidi olmazdıq. Görünən odur ki, bu xəbərdarlıqlar lazımi effekti vermir. Prezidentin icra başçılarına xəbərdarlığını müsbət hal kimi dəyərləndirirəm. Birinci şəxsdən belə xəbərdarlığın olması ciddi məsələdir, lakin bunun məmurların fəaliyyətinə böyük təsir edəcəyinə inanmıram. 
Məsələdə başqa nüanslar da var. Həbsdə olan icra başçılarından biri sağlamlıq vəziyyəti ilə əlaqədar olaraq şərti azadlığa buraxılıb. Həmçinin, digər həbsdə olan keçmiş icra başçılarının sağlamlığında problemlərin olması ilə bağlı məlumatlar yayılır. Bu da onu göstərir ki, indiyədək vəzifə səlahiyyətlərindən sui-istifadə etdiyi üçün həbs edilən icra nümayəndələrinin də cəzasının yüngülləşdirilməsi baş tutur. Bu, vəzifədə olan və yeni təyin olunan icra başçılarının işinə təsir göstərir. Kim olsa fikirləşər ki, həbs edilsəm belə azadlığa çıxmaq imkanım olacaq və oğurladıqlarım da mənə qalacaq. Bu baxımdan, sadəcə xəbərdarlıqla bu sahədəki problemlərin həll olunacağını düşünmürəm. Bu istiqamətdə yeni mexanizmlər düşünülməlidir. Ağ Partiya olaraq bizim təklif etdiyimiz mexanizm budur ki, təyin olunan icra başçılarına müxalifətdən müavinlər təyin olunsun və ya əksinə, icra başçısı müxalifətdən olsa, müavinləri iqtidardan seçilsin. Bununla da, icra başçılarının fəaliyyətinə ciddi nəzarət təşkil edilmiş olacaq”.

Aygül QARAYEVA,
Demokrat.az

Nazirlik rəsmisi: “Koronavirusun daim yeni mutasiyaları yaranacaq”

covidjpg 1608626706

“Birinci doza vaksini vurdurduqdan sonra ikinci dozanı vurdurmayan şəxsin uzun müddətdən sonra vaksin üçün yenidən müraciət etməsi qüvvətləndirici dozanı vurdurması demək deyil”.

araz.az bildirir ki,bunu Səhiyyə Nazirliyinin mütəxəssis-eksperti Təyyar Eyvazov deyib.

O bildirib ki, həmin şəxs yenidən müraciət etdikdə ilk dozanı almış olacaq: “Sonradan mərhələli şəkildə ikinci və üçüncü dozanı qəbul etmiş olurlar”.

“Koronavirusun yeni mutasiyaları daim olacaq. Pandemiya hələ də davam edir. Nə qədər ki, pandemiyanın qarşısı alınmayacaq yeni mutasiyaların olması da qaçılmazdır. Buna görə də peyvəndləmə göstəricisi yüksək olmalıdır”, - o vurğulayıb

 

 

araz.az xəbər portalı.

19 -dən səhifə 1806

Əlaqəli xəbərlər