Qunnar PANKE: “Nar”ın əsas hədəfi Azərbaycanın müştəriyönümlü mobil operatoru olmaqdır"

WhatsApp Image 2021 07 13 at 20.19.27

“Nar”ın Baş icraçı direktoru öz müsahibəsində “Üstün xidmət müştərilər qarşısında əsas vədimiz və öhdəliyimizdir" sözlərini xüsusi vurğulayıb

““Nar”ın əsas hədəfi Azərbaycanın müştəriyönümlü mobil operatoru olmaqdır. Üstün xidmət müştərilər qarşısında əsas vədimiz və öhdəliyimizdir”.
"Nar"dan araz.az-a daxil olan məlumatda bildirilir ki, bunu “Azerfon” MMC-nin Baş icraçı direktoru Qunnar Panke "Trend" İnformasiya Agentliyinə müsahibəsində bildirib. Onun sözlərinə görə, mobil operatorun məqsədi müştərilər üçün həm sərfəli, həm də keyfiyyətli xidmət təqdim etməkdir. Bunun üçün, mobil operator xidmət və satış mərkəzlərini yeniləməklə, tamamilə yeni müştəri xidməti təcrübəsi və abunəçilərin real ehtiyaclarını qarşılayan məhsullar təqdim edir.

Qunnar Panke müsahibəsində onu da qeyd edib ki, ardıcıl olaraq 2 il “Nar”ın müştəri məmnuniyyəti indeksi üzrə lider olması da təsdiqləyir ki, abunəçilər mobil operatorun təkliflərini qiymətləndirir və ona güvənirlər: “Müştəriyönümlülük konsepsiyası bizi bütün prioritetlərimizə doğru istiqamətləndirir, xüsusilə təkliflərimizi hazırlamaqda, müştərilərimiz ilə qarşılıqlı münasibət qurmaqda bizi müşayiət edir. Müştəri ehtiyaclarını ən yaxşı anlayan mobil operator kimi bazarda lider mövqeyimizi qorumağa çalışırıq”.
“Nar”ın bütün ölkə ərazisində LTE/LTE-A texnologiyalı baza stansiyalarının sayını artırması nəticəsində 2021-ci ilin birinci rübü ərzində 4G istifadəçilərinin sayı 32 faiz artıb. Qunnar Panke əlavə edib ki, işğaldan azad edilmiş əraziləri müasir və dayanıqlı şəbəkə ilə təmin etmək mobil operatorun prioritetlərindən biridir. Artıq Şuşa, Cəbrayıl, Hadrut qəsəbəsi də daxil olmaqla, Xocavənd keyfiyyətli və kəsintisiz mobil şəbəkə ilə əhatə olunub. Mobil operatorun gələcək planları və hədəfləri barədə ətraflı danışan “Azerfon”un Baş İcraçı direktoru Qunnar Pankenin "Trend" İnformasiya Agentliyinə geniş müsahibəsini aşağıdakı keçiddən oxumaq olar: https://az.trend.az/business/economy/3454487.htmlWhatsApp Image 2021 07 13 at 20.20.36

araz.az xəbər portalı.

Bu tarixdə pensiyalar tam ödəniləcək

pensiya

İyulun 15-də güzəştli şərtlərlə pensiya hüququna malik şəxslər də daxil olmaqla respublika üzrə bütün pensiyaların ödənişi tam yekunlaşacaq.

Bu barədə Dövlət Sosial Müdafiə Fondunun İctimaiyyətlə əlaqələr departamentindən məlumat verilib. 

 

araz.az xəbər portalı.

Azərbaycanlı alim: “Delta” variantı bu gün deyildiyi qədər də ölümcül deyil”

Korona test

“İngiltərədən olan sonuncu elmi statistik nəticələrə baxdıqda mühüm rəqəmlərlə rastlaşırıq. Belə ki, “Delta” variantının ölüm faizi orada daha da aşağı düşüb və hazırda 1,9% ölüm faizi göstərən “Alfa” variantı ilə müqayisədə “Delta”nın ölüm faizi 0,2% təşkil edir. Bununla da bu gün dəqiq deyə bilərik: Hazırda heç bir elmi əsaslı sübut yoxdur ki, “Delta” variantı bundan əvvəlki virus variantları ilə müqayisədə ölümcüldür”.

Bu fikirləri “Report”a açıqlamasında Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev deyib.

Alim bildirib ki, İsrail və Sinqapurda yeni yoluxmaların 95 %-dən çoxu “Delta” variantı ilə baş verib: “mRNA əsaslı peyvəndlər sayəsində ölüm faizi çox aşağıdır. “Delta” növü peyvənd almayanlar və ya az peyvənd olanlar arasında daha çox yayılıb. Bu variantın ölüm faizinin İngiltərədə son təqdimatda aşağı düşməsinin səbəbi onun gənclər arasında daha çox yayılmasıdır ki, orada da ölümə çox az rast gəlinir”.

N.Abdullayev qeyd edib ki, İngiltərədə daha maraqlı statistikanı isə 2020-ci ilin avqust ayından 2021-ci ilin mart ayına qədər olan yoluxmaları bu ilin aprelindən indiyə qədər olan zaman çərçivəsindəki yoluxma halları ilə müqayisə etdikdə görülür:

“Belə ki, 2020-ci ilin avqust ayından 2021-ci ilin mart ayına qədər hər 1000 nəfərə düşən ölüm sayı 18 və hospitalizə olunanların sayı 81, 2021-ci ilin aprelindən indiyədək olan müddətdə hər 1000 nəfərə düşən ölüm sayı 4 və hospitalizə olunanların sayı isə 45-dir. Bundan başqa, İngiltərədə “Delta” variantının ikincili yoluxma əmsalı da aşağı düşüb və hazırda “Alfa” variantı ilə eynilik təşkil edir”.

 

araz.az xəbər portalı.

 

Ermənistan Rusiyanın forpostundan daha aşağı status qazandı - YENƏ DƏ "İKİ"

PutinPashinyan

Erməni tərəfi sazişə burnunu soxmağa çalışırsa, o zaman 4-cü bəndi diqqətlə oxusun

Rəssam Fyodor Reşetnikovun “Yenə də iki” tablosu Tretyakov Qalereyasında sərgilənir. Ancaq Tretyakov Qalereyasını ziyarət etmək şansı olmayanlar da bu şəkli çox yaxşı xatırlayırlar, çünki Sovet məktəbi dərsliklərində var idi və ümumiyyətlə, çox yaxşı tanınan bir əsərdir. Həmin şəkli bu yaxınlarda Ermənistanın Rusiya siyasəti istiqamətində dalbadal neçə dənə “iki” aldığını görəndə xatırladım.

Hər şey bu ölkənin Baş naziri vəzifəsini icra edən Nikol Paşinyanın Ermənistanda Rusiyaya geniş elan olunmuş səfəri ilə başladı. Əvvəllər bu səfərin bəzi “çox vacib” Rusiya-Ermənistan müqavilələrinin imzalanacağı kimi qələmə verilməsi tendensiyası var idi. Məlum olduğu kimi, belə bir şey olmadı.

Paşinyanın erkən seçkilərdə qazandığı qələbəni tərifləmək, ona cəsarət göstərməyi, inadkar olmağı tövsiyə etmək üçün Moskvaya çağrıldı. Ümumiyyətlə, Nikol Vovayeviç Moskvadan “əli ətəyində” qayıtdı. Yalnız hakimiyyəti dövründə gözləntilərin əksinə olaraq, Ermənistanın “Rusiyanın Qafqazda bir forpostundan daha da aşağı status əldə etdiyi” bir siyasətçi kimi reputasiyasını təmin etdi.

Və bu, bizim fikrimiz deyil. Erməni qəzeti “Joxovurd” yazır ki, “Suverenlik və Rusiyanın Ermənistandakı nüfuzunun azalması barədə ən yüksək səslə qışqıran inqilabçı hakimiyyət sadiq bir rus təbəəsinə çevrildi”. Ancaq bu, sonradan göründüyü kimi, yalnız başlanğıc idi. Ermənistanda isteriya, kədər və üzgünlük  üçün yeni bir səbəb Rusiya Xarici İşlər Nazirliyinin (XİN) rəsmi nümayəndəsi Mariya Zaxarovanın açıqlamaları idi.

“Bakı üçün mütləq prioritet olan minalanmış ərazilərin xəritələrinin verilməsi məsələsi hələ də həll olunmayıb. Rusiya tərəfinin bu məsələdəki mövqeyi hamıya bəllidir, problem heç bir şərt qoyulmadan həll edilməlidir”, - deyə XİN sözçüsü bildirdi.

Bu sözlər erməni icmasını dəliliyə yaxın bir vəziyyətə gətirdi. Ermənistan mediasında, sanki komanda verilmiş kimi, incidilmiş və göz yaşı ilə inləyən xanımların və bəylərin məqalələri ortaya çıxdı ki, guya Rusiya tərəfi Azərbaycan mövqeli siyasət yürüdür. Etiraf edim ki, gülməli bir bəyanatdır. Əslində, erməni cənabların dedikləri ərazicə balaca, lakin Rusiya kimi nəhəngə təsir etmək gücünə malik olan bir ölkə üçün komplimentdir.

Əlbəttə ki, ilk növbədə tənqid hədəfi Mariya Zaxarova oldu. Amma, o, sadəcə Rusiyanın rəsmi mövqeyini səsləndirir. İrəvan xəyalpərəstlərinin düşündüyü kimi Azərbaycanın deyil, istədikləri kimi Ermənistanın yox, məhz Rusiyanın. Həmin Rusiya ki, uzun müddətdir özü üçün müəyyənləşdirib ki, Azərbaycan aparıcı regional dövlətdir, onunla əməkdaşlığı qurmaq, gücləndirmək və genişləndirmək daha sərfəlidir. Ermənistan artıq uzun müddətdir ki, Rusiyanın cibindədir və buna görə də ona münasibət müvafiqdir.

Ancaq bu deyilənləri erməni mirzələrinə necə izah edəsən? Onlar “Döyüşlər bitdikdən sonra Azərbaycan saxladığı bütün şəxsləri ilkin şərt qoymadan geri qaytarmağa məcburdur”, - deyə hiddətlənirlər. Əlbəttə, cəfəngiyatdır. Terror aktları hazırlamaqda günahlandırılan təxribatçılar heç vaxt heç kimə verilməyib və verilə də bilməz. Bundan əlavə, həmin erməni təxribatçıları 10 noyabrdan sonra saxlanıldıb. Bu səbəbdən üçtərəfli bəyanatın heç bir bəndi onlara şamil edilmir.

Eyni zamanda, erməni tərəfi bu müqaviləyə burnunu soxmağa qərar veribsə, onda bu sənədin 4-cü bəndinə diqqət yetirməsi yaxşı olardı. Orada “Rusiya Federasiyasının sülhməramlı kontingenti Ermənistan silahlı qüvvələrinin geri çəkilməsinə paralel olaraq yerləşdirilir” deyilir. Amma bu bəndin reallaşması istiqamətində heç bir addım atılmır ki, bunun da bariz nümunəsi 6 iyul saat 17:50 radələrində baş verən hadisədir.

Xatırladım ki, Rusiya sülhməramlı qüvvələrinin müvəqqəti yerləşdirildiyi Azərbaycan ərazisində yerləşən qanunsuz erməni silahlı dəstələri Ağdam rayonunun Əliağalı kəndi istiqamətində yerləşən Azərbaycan Ordusunun bölmələrini atəşə tutdular. Atəş nəticəsində Azərbaycan Ordusunun hərbçisi, yolun abadlaşdırılması işində iştirak edən baş gizir Dadaşov Sakit Əhliman oğlu yaralandı.

Ancaq Ermənistanda bu vacib məqamı, habelə Ermənistanın qanunsuz silahlı birləşmələri tərəfindən olmamaları olduqları yerdən bir Azərbaycan əsgərinin yaralandığını xatırlamamağa üstünlük verirlər. Həm də ermənilər yüzdən çox azərbaycanlının basdırılan minaların qurbanına çevrilməsi və bunların hamısına terror və şantaj deyilməsini “xatırlamaqda” çətinlik çəkirlər. Hər şeydə Mariya Zaxarova və onun şəxsində Rusiyanı günahlandırmaq daha asandır. Baxmayaraq ki, Ermənistan Rusiya istiqamətindən növbəti dəfə “iki” aldı. Bu, ermənilərin aldıqları nə birinci, nə də sonuncu “iki”dir...

Müəllif: Əkbər HƏSƏNOV

“AZƏRSU” Xızıda özünə imarət tikib, əhali susuzdur – FOTO

1626106483 1

Xızı Bakıdan cəmi 100 kilometr aralıda olsa da, rayon ucqar dağ kəndlərindən fərqli olaraq su üzünə həsrətdir.

araz.az TİA.az-a istinadən xəbər verir ki, rayonda ilboyu su problemi yaşanır. Son günlər isə ümumiyyətlə evlərə su verilmir. Nəticədə yayın istisində əhali susuzluqdan əziyyət çəkir. Sakinlərin sözlərinə görə, həftəsonu məmurlar, varlılar villalarına istirahətə gəldiyi üçün onların su təminatı fasiləsiz təşkil edilir, yerli camaat isə Kərbəla müsibəti yaşayır. Bu özbaşınalığın başında isə “Azərsu” və onun yerli idarəsi dayanır. Rayonda su idarəsinin əzəmətli, saraya oxşayan inzibati binası olsa da, Xızı camaatı susuzluqdan yanır. Maraqlıdır ki, bu ikimərtəbəli inzibati bina kimə lazımdır? Əgər Xızıda evlərə su gəlmirsə, idarənin işçiləri orada hər gün nə ilə məşğuldurlar və hansı işlərinə görə maaş alırlar? Bu sualları “Azərsu” ASC cavablandıra bilər.

 

araz.az xəbər portalı.

20 -dən səhifə 1652

Əlaqəli xəbərlər