Şəfəq Mehralıyeva: “Telefonlarınız da dinləniləcək, işinizə əngəllər də törədiləcək”

x 2 660x330

Niyə? Çünki peşəniz belədir. Siz, həqiqət carçılarısınız! Həqiqətin isə dostu dünya yaranandan bəri çox deyil. Inanmırsınız? O zaman, görün evdə həmişə həqiqəti deyən və ya iş ortamında həmişə sözü əyri-əskiksiz deyən olanda sizə qarşı münasibət necə dəyişir. 

XXI əsrdə jurnalistlik hələ də ən təhlükəli məsləklərdən biri olaraq qalır. Ötən il dünyada vəzifəsini yerinə yetirdiyinə görə hədəfə alınan jurnalistlərin yalnız üçdə biri Meksikada öldürülüb. Bu ölkədə jurnalist olmaq təhlükəsizlik baxımdan müharibə zonasında işləməkdən belə betərdir. Digər təhlükəli ölkələr Əfqanıstan və Fillipindir.

Amma ruhdan düşməyin, əziz həmkarlar. Çünki milli mətbuatımızın banisi Həsən bəy Zərdabi belə hərdən məyusluğa uğrayırdı. Deyirdi:

«Nə etməli? Hər kəsi çağırıram gəlmir, göstərirəm görmür, deyirəm eşitmir. Axırda gördüm ki, onları haraylayıb çağırmaqdan başqa əlac yoxdur. Axı olmaz ki, mənim sözümü eşidənlərdən heç biri qanan olmasın. Necə ki bir bulağın suyunun altına nə qədər bərk daş qoysaq, bir neçə il sonra o su tökülməkdən bərk daşı əridib deşər. Qəzet çıxarmaqdan başqa bir qeyri-əlac yoxdur ki, kağızın üstə yazılmış sözlər qapı-pəncərələrdən o iman mənzillərinə çata bilsin. Sonra düşmənin düşmənliyi, dostun dostluğu və dost göstərən doğru yolun doğruluğu aşkar olar».

Milli Mətbuat Günümüz mübarək! Mirzə Ələkbər vəzifənin təyini verib. Vay o gündən ki, aynamız əyri göstərsin. Hamınıza səbr və uğurlar diləyirəm! Aynamız olmaqda davam edin!

…. çünki vəzifəm budur əşar yazım,

Gördüyüm nikü bədi eyləyim izhar, yazım,

Günü parlaq, günüzü ağ, gecəni ta yazım,

Pisi pis, əyrini əyri, düzü həmvar yazım,

Niyə bəs boylə bərəldirsən, a qarə, gözünü?

Yoxsa bu ayinədə əyri görürsən özünü?!

Şərə məşğul edərik xatiri-qəmmayilimi,

Qoyuram qənşərinə kağızımı, çernelimi,

Gəlirəm yazmağa bir kəlmə, — tutarsan əlimi,

Qorxuram, ya nə üçün, — çünki kəsirsən dilimi!

Ey əcəb, mən ki, sədaqət yolunu azmayıram,

Hələ gördüklərimin dörddə birin yazmayıram!

Hələ mən dörddə birin yazmayıram, karına bax,

Üstümə gündə söyürsən bu qədər, arına bax,

Özün insaf elə, əfkarına, ətvarına bax!

Istəmirsən yazam? Öz eybli kirdarına bax!

Kişi, sən eybini qan, mənlə əbəs cəng eləmə!

Özünü, həm məni bu barədə diltəng eləmə!

Görür ərbabı-qələm qayeyi-amalınızı,

Məndən artıq yaza bilməkdə ikən halınızı, –

Yazmır onlar dəxi on dörddə bir əfalınızı,

Özünüzsüz olara yazdıran əhvalınızı…

Yoxsa bu eybdən aləmdə mübərradır olar,

Boylə alçaq yazıdan min kərə əladır olar!

Necə mən dörddə birin yazmağa əymən deyiləm,

Qorxur on dörddə birin yazmağa həm əhli-qələm;

Sən əgər söz verəsən: “Qorxma, qıl əhvalı rəqəm”,

Vazi-halın yazılarsa zili-zilu bəmi bəm,

Elə bir halə düşərsə ki, tükün biz-biz olar,

Əyninə geyməyə şey tapmasan, astar üz olar!

 

Şəfəq MEHRALIYEVA

120-dən çox media təşkilatı minaya düşən jurnalistlərlə bağlı bəyanat yaydı

WhatsApp Image 2021 06 04 at 22.39.07Bu gün Azərbaycan Mətbuat Şurasının İdarə Heyətinin genişləndirilmiş iclasında Azərbaycan Dövlət İnformasiya Agentliyinin (“AZƏRTAC”) müxbiri Məhərrəm İbrahimovun və “Azərbaycan Televiziya və Radio Verilişləri” Qapalı Səhmdar Cəmiyyətinin (AZTV) operatoru Sirac Abışovun Kəlbəcər rayonu ərazisində minaya düşərək həlak olmaları ilə bağlı Azərbaycan jurnalistlərinin xarici media qurumlarına və beynəlxalq təşkilatlara müraciəti qəbul edilib. Şuradan araz.az-a daxil olan, 120-dən çox media, jurnalist təşkilatı rəhbərinin və müstəqil jurnalistin imza atdqları müraciəti təqdim edirik:WhatsApp Image 2021 06 04 at 22.48.32
2021-ci il iyun ayının 4-də Azərbaycan Dövlət İnformasiya Agentliyinin (“AZƏRTAC”) Qarabağa ezam olunan müxbiri Məhərrəm İbrahimov və “Azərbaycan Televiziya və Radio Verilişləri” Qapalı Səhmdar Cəmiyyətinin (AZTV) operatoru Sirac Abışov Azərbaycanın Ermənistan işğalından azad edilmiş Kəlbəcər rayonu ərazisində minaya düşərək həlak olublar. Daha bir mülki şəxsin həlak olduğu, üç nəfərin isə yaralandığı bu hadisə Azərbaycan jurnalistlərində dərin üzüntü, kədər, təəssüf və hiddət hissi doğurmuşdur.WhatsApp Image 2021 06 04 at 22.48.34
İkinci Qarabağ Müharibəsinin başa çatmasından, Azərbaycan, Rusiya və Ermənistan liderlərinin imzaladıqları 10 noyabr 2020-ci il tarixli üçtərəfli birgə bəyanatdan sonra Ermənistan tərəfindən vaxtilə ərazidə yerləşdirilmiş müxtəlif növ minalar və digər partlayıcı qurğular indiyədək xeyli sayda mülki şəxsin həyatına son qoyub, yaralanmalarına səbəb olub.WhatsApp Image 2021 06 04 at 22.48.34

Təxminən 35000-dən çox minanın zərərsizləşdirilməsinə baxmayaraq, mina qurbanlarının sayı artmaqda davam edir. Məhərrəm İbrahimovun və Sirac Abışovun həyatlarını itirmələri ilə nəticələnmiş faciəli hadisə minalanmış ərazilər probleminin jurnalist fəaliyyətinə də maneçilik törətdiyinin, məhdudiyyət yaratdığının, peşəni əsl təhlükəyə çevirdiyinin bariz göstəricisidir. Nəzərə alaq ki, hər iki media orqanının əməkdaşı Kəlbəcər rayonuna məhz xidməti vəzifələrini həyata keçirmək üçün getmişdilər.WhatsApp Image 2021 06 04 at 22.48.34 1
Ermənistan Respublikası minalanmış ərazilərin xəritələrini verməkdən imtina edir. Bu, nəinki həmin ərazilərdə jurnalist yaradıcılığını məhdudlaşdırır, eyni zamanda Ermənistanın işğalı nəticəsində zorla doğma yurdlarından ayrı düşmüş məcburi köçkün ailələrinin geri qaytarılmasına da imkan vermir. Beləliklə həm cəmiyyətin informasiya ilə təminatı, həm də insanların öz evlərində yaşamaq hüququ pozulur.WhatsApp Image 2021 06 04 at 22.48.35

Otuz ilə yaxın müddətdə işğalçılıq yolu tutmuş Ermənistan indi də mina xəritələrini verməkdən imtina etməklə özünün beynəlxalq hüquqa zidd niyyətini gerşəkləşdirməkdə, bölgədə sülhün və əminamanlığın yaranmasına qarşı çıxmaqdadır.
Onu da bildiririk ki, Azərbaycanın işğaldan azad olunmuş ərazilərində geniş quruculuq işlərinə başlanılıb. Əraziyə xarici şirkətlərin böyük marağı var. Bu maraq eyni zamanda müxtəlif ölkələrdən jurnalistlərin bölgəyə axınını şərtləndirməkdədir.WhatsApp Image 2021 06 04 at 22.48.35MS

Ermənistanın mina xəritələrini verməkdən imtinası xarici media təmsilçilərinin də həyatlarına təhlükədir. Bu, məqsədli şəkildə edilən hərəkətdir, bəşəri dəyərlərə birbaşa təhdid əməlidir. Çox istərdik ki, beynəlxalq təşkilatlar, o cümlədən jurnalistika sahəsində fəaliyyət göstərən nüfuzlu qurumlar məsələ ilə bağlı qətiyyətli və prinsipial mövqelərini bildirsinlər. Hesab edirik ki, onların verəcəkləri sərt reaksiya Ermənistanın tutduğu anti-bəşəri yoldan daşınmasına əməli töhfə ola bilər. Biz Azərbaycan jurnalistlərinin gösləntisi məhz bundan ibarətdir.WhatsApp Image 2021 06 04 at 22.48.35 1
Biz Azərbaycan jurnalistləri Azərbaycan Dövlət İnformasiya Agentliyinin müxbiri Məhərrəm İbrahimovun və “Azərbaycan Televiziya və Radio Verilişləri” Qapalı Səhmdar Cəmiyyətinin (AZTV) operatoru Sirac Abışovun həyatlarını itirmələri ilə nəticələnmiş faciəli hadisədən bir daha kədərləndiyimizi bildiririk. Bu müraciəti imzalamaqla məqsədimiz beynəlxalq ictimaiyyətin diqqətini Ermənistanın insan hüquq və azadlıqlarına zidd əməlinə çəkməkdir.WhatsApp Image 2021 06 04 at 22.48.36
Biz xaricdəki həmkarlarımızı bu fakta ciddi reaksiya verməyə, Ermənistan Respublikasına minalanmış ərazilərin xəritələrini vermək üçün təzyiq göstərməyə çağırırıq. Əmin edirik ki, bu çağırış missiyasına dəstək insanların, habelə jurnalistlərin həyatları üçün mövcud olan təhlükənin aradan qaldırılmasına köməkdir. Bu dəstək həmçinin bölgədə sülhün, əminamanlığın və sabitliyin yaradılmasına son dərəcə böyük töhfə ola bilər.WhatsApp Image 2021 06 04 at 22.48.36M
                                                                    ***
Appeal of Azerbaijani journalists to foreign media outlets and international organizations

On June 4, 2021, Maharram Ibrahimov, a correspondent of the Azerbaijan State Information Agency (AZERTAC), and Siraj Abishov, a cameraman of the
Azerbaijan Television and Radio Broadcasting Closed Joint-Stock Company (AZTV), tragically died as a mine, planted by Armenia in the formerly occupied Kalbajar region of Azerbaijan, exploded. This unfortunate incident caused deep sorrow, grief, regret and anger among Azerbaijani journalists.WhatsApp Image 2021 06 04 at 22.48.37S
Various types of mines and other explosive devices previously planted by Armenia have resulted in the death and injury of more than 120 individuals, since the end of the Second Karabakh War and the trilateral joint declaration signed by the leaders of Azerbaijan, Russia and Armenia on November 10, 2020. Despite the removal of more than 35,000 mines, the number of mine casualties continues to rise. The tragic incident that resulted in the deaths of Maharram Ibrahimov and Siraj Abishov is an indubitable indication that the problem of mined areas also hinders the activities of journalists, creates restrictions and makes the profession a very risky activity. It should be noted that the employees of both media outlets were in Kalbajar with the sole purpose of fulfilling their professional duties.WhatsApp Image 2021 06 04 at 22.48.38A
The Republic of Armenia refuses to provide maps of mined areas. This does not just restrict journalistic activity in those areas, but also prevents the return of IDP families, who were forcibly separated from their native lands as a result of the Armenian occupation. This renders the provision of information to society impossible and violates the right of people to live in their own homes. Armenia, which has been pursuing the policy of occupation for nearly three decades, is still demonstrating the intentions contrary to international law by refusing to provide mine maps, and opposing the establishment of peace and security in the region.WhatsApp Image 2021 06 04 at 22.48.38 1
It must also be noted that extensive construction work has begun in the liberated territories of Azerbaijan. Foreign companies are interested in the area. As a result, there is an influx of journalists from different countries to the region; therefore, Armenia’s refusal to provide the mine maps is also a threat to the lives of foreign media representatives. This is a deliberate act, a direct threat to human values. We would like international organizations, in particular, influential organizations in the field of journalism, to express their firm and principled position on the issue. We believe that their decisive response and condemnation could deter Armenia from its present anti-human position. This is the expectation of Azerbaijani journalists.WhatsApp Image 2021 06 04 at 22.48.38 2
We express our deepest condolences over the tragic death of Azerbaijani journalists Maharram Ibrahimov, correspondent of the Azerbaijan State News Agency, and Siraj Abishov, a cameraman of the Azerbaijan Television and Radio Broadcasting Closed Joint-Stock Company (AZTV). By signing this appeal, our goal is to draw the attention of the international community to Armenia’s actions contrary to human rights and freedoms. We call on our colleagues abroad to react seriously to this fact and to put pressure on the Republic of Armenia to provide the maps of mined areas. We are convinced that supporting this mission could seriously help to eliminate the threat to the lives of a wide range of individuals and, in particular, those of journalists. This support can also be a great contribution to the establishment of justice, peace, security, stability, and the resolution of the long-running conflict in the region.WhatsApp Image 2021 06 04 at 22.48.39

 

Rəsad CƏFƏRLİ,

araz.az xəbər portalının xüsusi müxbiri.

“Mən Şuşanı açıq səma altında muzey kimi təsəvvür edirəm” - Deputatdan TƏKLİF

modern.az 24.05.2021 1621839965

“Mən Şuşanı açıq səma altında bir muzey kimi təsəvvür edirəm və belə olmasını arzulayıram. Həm də Şuşanın şəhər idarəçiliyini elə tənzimləmək lazımdır ki, sonradan bu təcrübə bütün regionlarımıza daşınsın, çünki Azərbaycan bütövlükdə unikal bir ölkədir”.

Bu barədə Modern.az-a açıqlamasında Milli Məclisin Mədəniyyət komitəsinin üzvü, millət vəkili Əziz Ələkbərli  deyib.

Deputat həmçinin qeyd edib ki, bu il mayın 7-də Azərbaycan Respublikasının Prezidenti İlham Əliyevin sərəncamı ilə Şuşa şəhəri Azərbaycanın mədəniyyət paytaxtı elan edildi.  Bu gün isə “Azərbaycanın mədəniyyət paytaxtı – Şuşa şəhəri haqqında” Azərbaycan Respublikasının Qanunu müzakirəyə çıxarılır. Bu da gözlənilən idi:

“Çünki bizim üçün Şuşanın xüsusi yeri var, Şuşa bizim arzularımızın şəhəridir, Şuşa bizim Qələbəmizin şəhəridir, Şuşa 100 ildir süni olaraq Azərbaycanın məruz qoyulduğu Qarabağ probleminin sonunu gətirən şəhərdir.

 Xatırladıram ki, hələ 1977-ci ildə ulu öndər Şuşa şəhərinin tarixi hissəsini tarix-memarlıq qoruğu elan eləmişdi, bu gün isə Şuşa şəhərinin bütövlükdə Dövlət Qoruğu elan olunması təklif olunur, bu, təqdirəlayiqdir. Cənab Prezident dəfələrlə deyib ki, erməni vandalları şəhərin tarixi abidələrinə, infrastrukturuna nə qədər ziyan vursa da, biz Şuşanı yenidən quracağıq və onu dünyanın ən gözəl şəhərlərindən birinə çevrəcəyik. Və mənə elə gəlir ki, bu Qanun layihəsi də həmin istiqamətdə irəli atılan önəmli addımlardan biri olacaq”.

Aysel MƏHƏRRƏM 

Ölkəmizin Moldovadakı Səfirliyində Ümummilli Liderin anadan olmasının 98-ci ildönümünə həsr edilmiş maraqlı tədbir keçirilib

qudsi osmanov masetjpg 1615997455

Bu gün ölkəmizin Moldovadakı Səfirliyinin və Moldovadakı Azərbaycanlılar Konqresinin (MAK) birgə təşkilatçılığı ilə, Ümummilli Lider Heydər Əliyevin anadan olmasının 98-ci ildönümünə həsr edilmiş tədbir keçirilib. Səfirlikdən araz.az-a daxil olan məlumata görə, Səfirliyin həyətində baş tutan bu tədbirdə yerli ictimai-siyasi xadimlər, elm və iş adamları, eləcə də 400 nəfərə yaxın Moldovada yaşayan və təhsil alan soydaşlarımız, ailə üzvləri ilə birlikdə iştirak ediblər. Tədbir çərçivəsində Ulu Öndərin həyat və fəaliyyətinə həsr edilmiş fotolardan ibarət sərgi təşkil edilib. Sözügedən sərgi qonaqlar tərəfindən böyük maraqla izlənilib.


Məlumatda bildirilir ki, bu tədbirdə Azərbaycanın Moldovadakı Fövqəladə və Səlahiyyətli səfiri Qüdsi Osmanov qonaqları salamlayaraq, Səfirliyi azərbaycanlıların “Ata Evi" adlandırıb. Səfir çıxışı zamanı, müstəqil Azərbaycan dövlətinin müəllifi Heydər Əliyevin keçdiyi möhtəşəm həyat yolu, onun əvəzsiz siyasi fəaliyyəti, azərbaycançılıq fəlsəfəsi və ideologiyasından ətraflı danışıb, ölkəmizin inkişafında göstərdiyi xidmətlərinə görə, Ulu Öndərin bənzərsiz dövlət xadimi və siyasətçi kimi tarixə düşdüyünü xüsusi vurğulayıb. Qeyd edib ki, Ulu Öndərin layiqli davamçısı, hazırki Prezident İlham Əliyev ötən il Heydər Əliyevin ən əziz arzusunu gerçəkləşdirərək, düşmən tapdağında olan Azərbaycan torpaqlarını xalqımıza geri qaytararıb, müqəddəs üçrəngli Bayrağımızı Qarabağ üzərində dalğalandırmağa nail olub.


Tədbirdə, həmçinin MAK-ın sədri Elçin Bayramov, azərbaycanlı diaspor fəalı Maarif Rəhimov və digər qonaqlar çıxış edərək, hər il 10 may tarixinin yalnız Azərbaycanda deyil, Moldovadakı və bütün dünyadakı soydaşlarımız tərəfindən yüksək səviyyədə qeyd olunduğunu tədbir iştirakçılarının diqqətinə çatdırıblar. Natiqlər öz çıxışlarında xüsusi olaraq onu da vurğulayıblar ki, bu böyük siyasi xadimin əziz xatirəsi azərbaycanlıların ürəyində əbədi qalacaq. Çıxış edənlər bu dahi şəxsiyyətin xaricdəki soydaşlarımızın azərbaycançılıq ideyası ətrafında daha sıx birləşərək, təşkilatlanması üçün də əvəzsiz xidməti olduğundan söhbət açıblar.


Bu maraqlı tədbir Moldovada yaşayan azərbaycanlı uşaqların Ümummilli Liderə həsr edilən və vətənpərvərlik mövzusunda olan şeirlər söyləmələri, milli rəqslər və musiqilərin, eləcə də dahi bəstəkar Müslüm Maqomayevin mahnılarının ifa edilməsi ilə davam etdirilib. Daha sonra, qonaqlara milli mətbəximizin təamları təqdim olunub. Yenicə inşa edilmiş Səfirlik kompleksinin həyətinə həmvətənlərimiz və qonaqlar tərəfindən ağac və qızılgüllər əkilməsi ilə, bu tədbir yekunlaşıb.


Onu da qeyd edək ki, yerli kütləvi informasiya vasitələri əməkdaşlarının da iştirak etdiyi bu tədbir, Moldova mediasında geniş işıqlandırılıb.

Rəşad CƏFƏRLİ,
araz.az xəbər portalının xüsusi müxbiri.

Yurd həsrətli qaçqınlarımız ikili vətəndaşlıq statusu arzusundadırlar

WhatsApp Image 2021 04 28 at 00.30.33

Bu istəklə, 32 il əvvəl Ermənistandakı dədə-baba yurdlarından qovulan, hal-hazırda isə, Qərbi Azərbaycana (Ermənistana) Qayıdış Birliyində və Göyçə-Zəngəzur Respublikasında birləşən qaçqınlarımız təşəbbüs irəli sürüblər

Bununla bağlı, Rizvan Talıbovun rəhbərlik etdiyi həmin qurumların adlarından ölkə başçısına, Milli Məclisə, eləcə də beynəlxalq təşkilatların rəhbərlərinə Müraciət ünvanlanıb

WhatsApp Image 2021 04 28 at 00.31.25

Göyçə-Zəngəzur Respublikasının və Qərbi Azərbaycana (Ermənistana) Qayıdış Birliyinin mətbuat xidmətlərindən araz.az-a daxil olan məlumata görə, 32 il əvvəl Qərbi Azərbaycandakı -- indiki Ermənistan Respublikasındakı tarixi dədə-baba torpaqlarından qovulan, olduqca çətin qaçqın ömrü yaşadıqları ötən həmin illər ərzində isə, bu qurumlar ətrafında bir araya gələrək, təşkilatlanan doğma yurd həsrətli qaçqınlarımız, ikili vətəndaşlıq statusu almaq arzusuyla bu yaxınlarda təşəbbüs irəli sürüblər. Bununla bağlı, rəhbəri Rizvan Talıbov olan həmin qurumların adlarından Azərbaycan Respublikasının Prezidentinə, Milli Məclisinin sədrinə və deputatlarına, eləcə də qaçqın problemlərinin aradan qaldırılması, onların haqlarının və hüquqlarının müdafiəsi əsas işləri olan beynəlxalq təşkilatların rəhbər şəxslərinə Müraciət ünvanlanıb.WhatsApp Image 2021 04 28 at 00.31.54
GZR Prezidenti, QAQB sədri Rizvan Talıbovun, bu təşkilatlar ətrafında bir araya gələn qərbi azərbaycanlı qaçqınlarımızın adlarından imzaladığı, şəxsən onun özünün araz.az-ın redaksiyasına da təqdim etdiyi həmin Müraciətin əvvəlində, dövlət başçısı, Ali Baş Komandan İlham Əliyevin rəhbərliyi altında Milli Ordumuzun 44 günlük Vətən Müharibəsində erməni faşizmi üzərində qazandığı zəfər dolu möhtəşəm tarixi qələbənin məcburi köçkünlərin Qarabağdakı dədə-baba yurdlarına qayıdışını mümkün etdiyi kimi, Qərbi Azərbaycandakı tarixi dədə-baba torpaqlarından xüsusi amansızlıqla və zorakılıqla qovulan soydaşlarımız arasında da, doğma yurdlarına yenidən qayıda biləcəklərinə hədsiz inam yaratdığı xüsusi vurğulanıb. Bundan sonra Müraciətdə qeyd edilib ki, Vətən Müharibəsindəki möhtəşəm tarixi qələbəmizin regionumuzda yaratdığı yeni reallığı nəzərə alaraq, ölkə Prezidentinin Göyçəyə, Zəngəzura və Qərbi Azərbaycandakı -- indiki Ermənistandakı digər tarixi yurdlarımıza qayıdışımızın tezliklə reallaşması yolunda atdığı qəti addımlara, yürütdüyü siyasətə daha effektiv, daha səmərəli dəstək verə bilmək üçün, QAQB Ali Məşvərət Şurasının 10 mart, 2021-ci il tarixli qərarı ilə, Qərbi Azərbaycana Qayıdış Birliyi, özünün bazası əsasında, Göyçə -- Zəngəzur Respublikasının yaradıldığını elan edib: "Cənab Prezident, Sizin bu istiqamətli möhtəşəm siyasətinizə tam dəstək üçün, indiyədək, GZR-in dövlət strukturlarının formalaşdırılmasında güclü işlər görmüşük.WhatsApp Image 2021 04 28 at 00.32.15 Bu yöndən olan işlərimizi daha da sürətləndirməyi planlaşdırmışıq. İnanırıq ki, Sizin, indiki Ermənistandakı tarixi yurdlarımıza qayıdışımızı reallaşdırmaq üçün yürütdüyünüz müdrik siyasət nəticəsində, məcburi köçkünlər kimi, biz qaçqınlar da, 32 ildir həsrətində olduğumuz doğma yurdlarımıza qayıda biləcək, orada uyuyan əzizlərimizin mənfur düşmən qüvvələr tərəfindən dağıdılmış məzarları üzərində Quran oxudub, onların narahat ruhlarını şad edə biləcəyik!".
Bir daha qeyd etməyi vacib bilirik ki, Müraciətdə, Göyçə -- Zəngəzur Respublikası və Qərbi Azərbaycana Qayıdış Birliyi tərəfindən, ölkə Prezidentinin bu yöndən yürütdüyü siyasətə tam dəstək ifadə olunub. Bundan başqa, Müraciətdə, tarixin bu həssas dönəmində, Prezidentin bu siyasətinə daha effektiv dəstək vermək üçün, zamanında Ermənistan qaçqını statusunda olan, sonradan isə, Azərbaycan vətəndaşlığına qəbul edilən bu kateqoriyadan olan soydaşlarımıza, könüllülük əsasında ikili vətəndaşlığın verilməsinin vacibliyi də önə çəkilib. Elə, qərbi azərbaycanlı qaçqınların bu istəklərinin tezliklə reallaşması üçün də, Milli Məclis tərəfindən bu istiqamətli Qanun layihəsinin tezliklə hazırlanıb, qəbul olunmasının vacibliyi barədə, daha bir təşəbbüs irəli sürülüb.WhatsApp Image 2021 04 28 at 00.32.47
Müraciətin sonunda isə, Milli Məclisin sədri Sahibə xanım Qafarovadan, onun müavinlərindən və millət vəkillərindən, Qərbi Azərbaycandan -- indiki Ermənistan Respublikasından xüsusi amansızlıqla qovulan soydaşlarımızın tarixi yurdlarına qayıdış arzularının tezləşdirilməsi üçün, daha sərfəli, daha önəmli, daha effektiv hüquqi yolun tapılmasını sürətləndirmələri bir daha xahiş olunub.

Rəşad CƏFƏRLİ,
araz.az xəbər portalının xüsusi müxbiri.

1 -dən səhifə 37

Əlaqəli xəbərlər