Enerji içkiləri ilə bağlı əhaliyə ÇAĞIRIŞ

enerjik

Qida Təhlükəsizliyi Agentliyi son zamanlar cəmiyyətdə, xüsusən idmançılar arasında daha çox istifadə edilən enerji içkiləri ilə bağlı açıqlama yayıb.

araz.az  xəbər verir ki, agentlik gəncləri, o cümlədən, idmançıları bu içkilərdən istifadə etməməyə çağırıb.

Həmçinin, bəzi televiziya kanallarına da enerji içkilərini təşviq edən hər hansı reklamdan çəkinmək tövsiyə edilib.

“Enerji içkisi istehlak etməklə, “Biz daha yaxşı fiziki gücə malikik” təəssüratı yaratmaq istehlakçıya verilmiş yanlış mesajdır.

Tövsiyə edirik ki, tanınmış idmançılarımız bu tip enerji içkilərinin reklamında ehtiyatlı olsunlar.

Televiziya kanallarına da tövsiyəmiz ondan ibarətdir ki, KİV, ümumiyyətlə, idman verilişlərində, idman tədbirlərində enerji içkilərinin istehlakını təşviq edən hər hansı reklamdan istifadə etməsinlər”, - AQTA-nın Aparat rəhbəri Elxan Mikayılov İctimai Televiziyaya açıqlamasında deyib.

 

 

araz.az xəbər portalı.

Alman kəşfiyyatının şok “patı” məlumatı

1627383068 Alman kəsfiyyatinin sok pati məlumati 1024x538

Son günlər “patı” bəlası əsas müzakirə mövzularından biridir. Bu məhsulun ölkə daxilində istehsal edilməsi ilə bağlı da müxtəlif fikirlər var.

Dünya Azərbaycanlıları Assambleyasının rəhbəri Rəşad Quliyevin Almaniya hökumətindəki mənbələrdən əldə etdiyi məlumata görə, Azərbaycanda bəlaya çevirlən “patı” Xankəndidə hazırlanır. Alman kəşfiyyatının bununla bağlı dəqiq informasiya əldə etdiyi bildirilir. Ermənilər 44 günlük Vətən müharibəsi zamanı Azərbaycan gəncliyinin döyüş ruhu qarşısında rüsvayçı şəkildə məğlub olduqlarını həzm edə bilmirlər. Bu səbəbdən də gəncləri zəhərləməklə qisas almaq planını işə salıblar.

Mənbənin bildirdiyinə görə, Xankəndidə “Patı” istehasl edib Azərbaycana ötürürlər. Bunu isə İran vasitəsilə həyata keçirirlər.

Mənbə bildirib ki, əvvəllər “patı” istehsalını Zəngilanda həyata keçirirmişlər. Zəngilan işğaldan azad edildikdən sonra isə, bu işi Xankəndidə davam etdirirlər.

Qeyd olunur ki, Xankəndiyə xarici ölkələrdən tez-tez maşınlar gəlir, bəzi hallarda nömrələr dəyişdirilir.

Mənbə

xeberxetti.com

Mirsaleh Seyidov töhmət aldı

thumb600x0 2

Ədliyyə Nazirliyi Penitensiar Xidmətin Əməliyyat-rejim idarəsinin rəisi, ədliyyə polkovniki Mirsaleh Seyidov töhmət alıb. 

Bu barədə Azsiyaset.com-a daxil olan məlumatda qeyd olunur. 

Bildirilir ki, M.Seyidov işində yol verdiyi nöqsanlara görə, Penitensiar Xidmətin rəisi, ədliyyə general-leytenantı Ceyhun Həsənov tərəfindən cəzalandırlıb və bir neçə gün bundan öncə onun barəsində töhmət qərarı verilib. 

Qeyd edək ki, M.Seyidov Penitensiar Ximətin "Boz kardinalı" kimi tanınır, ölkənin cəzaçəkmə müəssisələrində baş verən bütün proseslərin əsas "dirijoru" hesab olunur.

araz.az xəbər portalı.

Rasim Quliyev YAP-dan ÇIXARILDI

1627288809.1547467584 32b5c2c7 92a0 41c8 8644 9bc819968025

Bakı Şəhər İcra Hakimiyyətinin keçmiş aparat rəhbəri Rasim Quliyev Yeni Azərbaycan Partiyasından (YAP) xaric edilib.

Unikal.org-un əldə etdiyi məlumata görə, o, partiyanın Səbail rayon təşkilatının şura üzvlüyündən çıxarılıb.

Qeyd edək ki, R.Quliyev korrupsiya əməllərinə görə aprel ayında həbs edilib.

 

Murad İBRAHİMLİ

DİN-dən sosial şəbəkələrdəki paylaşımlarla bağlı AÇIQLAMA

din

“Dünən sosial şəbəkələrdə iyulun 14-dən 15-nə keçən gecə Bakı şəhərində Azərbaycan Ordusuna dəstək məqsədilə keçirilən yürüş zamanı ictimai qaydanı pozan şəxslərdən bəzilərinin polis əməkdaşları tərəfindən saxlandıqdan sonra guya pul müqabilində buraxılmalarına dair statuslar paylaşılıb.

Çox təəssüflər olsun ki, cəmiyyətimizdə öz dövlətinə, onun qanunlarına və hamının asayişinin və təhlükəsizliyinin keşiyində duran polis əməkdaşlarına belə iftira atanlara hələ də rast gəlinir. Birmənalı olaraq bildiririk ki, həmin statuslarda yazılanlar qərəzdən, polisin işgüzar nüfuzuna xələl gətirən və heç bir konkret fakta söykənməyən əsassız iddiadan başqa bir şey deyil”.

araz.az  xəbər verir ki, bu fikirlər Daxili İşlər Nazirliyinin sosial şəbəkələrdə bəzi polis əməkdaşları barədə yayılanlarla bağlı açıqlamasında yer alıb.

“Onu da vətəndaşlarımızın nəzərinə bir daha çatdıraq ki, hazırda polis və prokurorluq orqanları əməkdaşları tərəfindən aksiya zamanı təxribatçı hərəkətlərə yol vermiş şəxslərin kimliyinin müəyyən edilməsi və hüquqi qiymət verilməsi istiqamətində tədbirlər görülür. İstintaq zamanı bu hərəkətlərə yol vermiş şəxslər ərazi polis orqanına dəvət edilir, təqsiri sübuta yetirilənlər barəsində müvafiq tədbirlər görülür, digərləri isə sərbəst buraxılırlar”, – deyə bildirilir.

 

 

araz.az xəbər portalı.

1 -dən səhifə 189

Əlaqəli xəbərlər