2020-ci ilin Ən Yaxşı Kitabı — “HARADAN BAŞLAMALI”

“Təhsil Araşdırmalar Mərkəzi” teoloq-alim Hacı Şahin Həsənlinin ilk kitabına belə dəyər verib

 “Təhsil Araşdırmalar Mərkəzi”nin dəyərləndirməsinə əsasən, 2020-ci ilin ən yaxşı kitabı seçilən “Haradan Başlamalı” Hacı Şahin Həsənlinin ilk kitabıdır. Mərkəzdən araz.az-a daxil olan məlumatda deyilir ki, teoloq-alimin bu kitabı ümumi həyati yanaşmanın müqəddiməsi mahiyyətindədir və ən önəmli xüsusiyyətlərindən biri isə, xoşbəxtlik və həyatın mənası anlayışlarını eyni vaxtda ələ almasıdır.

Annotasiya: Müasir insan, nəzəri müzakirələrdən, diktəedici tonla yazılan və deyilən əxlaqi göstərişlərdən yorulub. Ona, daha praktik, sadə və konkret yol lazımdır. Bu problemi həll etməyi özünə prioritet vəzifə hesab edən Hacı Şahinin qələmə aldığı bu kitabda, usanmış insana, həyatla bağlı yeni və pozitiv yanaşmalar təqdim edir. Müəllifin fikrincə, nə mənəvi aramlıq axtarışında olan Şərq, nə də maddi rifaha köklənmiş Qərb cəmiyyətlərində, nə qədər populist səslənsə də, insan xoşbəxt deyil. Bəs, bu böhrandan necə qurtulmalı? Haradan başlamalı? Kitabda, bu suallara cavab axtarılır. Həmçinin “günah”, “cəhənnəm”, “kafir” kimi neqativ anlayışlara, yeni, çağdaş insanın dərdinə dəyəcək mənalar verilir, mənəvi mövzuların praktik həyatda canlı qalması üçün dərin təhlillər aparılır.
Onu da qeyd edək ki, “Təhsil Araşdırmalar Mərkəzi” kitabın tanıtım filmini də təqdim edib. Həmin filmə, aşağıdakı link vasitəsilə baxmaq mümkündür:

https://www.youtube.com/watch?v=iRbmtC0wcKQ

Sonda onu da qeyd edək ki, müəllifin bu əsərini kitab mağazalarından və “İrşad Nəşriyyatı”ndan əldə etmək mümkündür.

araz.az xəbər portalı.

araz.az xəbər portalı.