“Nar” şəhid övladları üçün həyata keçirilən “YAŞAT” düşərgəsinə dəstək oldu

“Nar”, “YAŞAT” Fondunun və “ASAN Könüllüləri” Təşkilatının birgə təşkilatçılığı ilə, şəhid övladları üçün həyata keçirdiyi “YAŞAT” düşərgəsinə dəstək oldu. Bu barədə, “Nar”dan araz.az-a daxil olan məlumatda deyilir ki, uşaqlar üçün əyləncə saatları, öyrədici təlimlər, teatrlar, tanınmış şəxslər və qurum rəhbərləri ilə görüşlər, ekskursiyalar, konsultasiyalar və konsert proqramı keçirilib. İştirakçılara “Nar” tərəfindən müxtəlif hədiyyələr təqdim edilib.

Məlumatda o da bildirilir ki, düşərgə boyunca uşaqlar sığortalanmış olurlar, eləcə də, davamlı olaraq, həkim nəzarəti və psixoloqlar tərəfindən müşayiət olunurlar. Psixoloqlar tərəfindən fərdi və kollektiv görüşlər, konsultasiyalar zamanı müalicəyə ehtiyacı olan uşaqlar müəyyənləşdirilir və Fond tərəfindən, düşərgədən sonra, müalicə prosesinə cəlb olunurlar.

 

Məlumata görə, müxtəlif şirkətlərin dəstəyi ilə, 2021-ci ilin 12 iyul tarixindən şəhid övladları üçün başlayan yay düşərgələri avqust ayının sonuna qədər davam edəcək. Ümumilikdə, 300-dək uşağı əhatə edəcək 6 düşərgənin həyata keçirilməsi nəzərdə tutulub.

Onu da qeyd edək ki, müharibədən sonra şəhid ailələrinə və qazilərə xüsusi diqqətin göstərilməsi “Nar”ın sosial layihələrinin əsas istiqamətlərindən biridir.

Ümumiyyətlə, “Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq, qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı, həm də Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib və ölkədə ilk dəfə olaraq, 3G texnologiyasını təqdim edib, sonra geniş 4G şəbəkəsini abunəçilərinin istifadəsinə verib.

Onu da qeyd edək ki, “Nar” şəbəkəsi hazırda ölkə ərazisinin 92 faizini əhatə edir və 8780-dan artıq baza stansiyası ilə, 2,3 milyondan çox abunəçiyə yüksəkkeyfiyyətli xidmət göstərir.

araz.az xəbər portalı.

araz.az xəbər portalı.