eldeniz55“Azərbaycanın ərzaqlıq buğda idxal etdiyi Qazaxıstan və Rusiyanın ixracata mədudiyyətlər tətbiq etməsi nəticəsində ölkəyə idxal prosesində müəyyən çətinliklərin yaranması gözləniləndir. Lakin digər alternativ istiqamətlərin mövcudluğunu və Rusiya ilə Qazaxıstanın ixrac məhdudiyyətini ilin sonuna qədər deyil, iyun-iyul aylarına qədər tətbiq etdiklərini nəzərə almaq lazımdır. Həmçinin, Rusiya-Ukrayna müharibəsi başa çatan kimi ixraca qoyulan məhdudiyyətin aradan qaldırılacağı ehtimalı da var”.

araz.az bildirir ki, bunu iqtisadçı ekspert Eldəniz Əmirov deyib.

İqtisadçının sözlərinə görə, məhdudiyyətlərə, hətta qısa zamanda son qoyulmadığı halda belə, Azərbaycan alternativ xətlərdən – Avropa və Asiyadan, müvafiq olaraq Fransa və xüsusilə Hindistandan buğda ixdal edə bilər: “Hindistan hökuməti Rusiya, Ukrayna və Qazaxıstanın boş buraxdığı bazarları tutmaqda maraqlıdır. Hindistan tərəfindən dünyanın müxtəli ölklərinə, o cümlədən Azərbaycana bununla bağlı müraciətin daxil olduğu bildirilir. Nəzərə almaq lazımdır ki, 99 milyon tonluq buğda istehsalı ilə Hindistan dünyada Çindən sonra ikinci yerdə qərarlaşıb və buğda istehsalı səviyyəsini 110-112 milyon tona qədər artırmağı hədəfləyib. Yəni, Azərbaycanın buğda istehsalı ilə bağlı perspektiv və alternativləri mövcuddur. Sadəcə olaraq, coğrafi koordinatlar cəhətdən məsafənin uzaqlığı logistik xərclərin artmasına səbəb ola bilər. Eyni zamanda, ixrac rüsumlarının tətbiqi də ölkədə ərzaqlıq buğdanın qiymətində müəyyən artımlara gətirib çıxara bilər. Ona görə də dövlət tərəfindən indiyə qədər tətbiq edilmiş subsidiya mexanizmləri qiymətlərin tənzimlənməsində əhəmiyytəli rol oynayır. Əgər ixrac rüsumlarının artırılması və logistik xərclərin çoxalması nəticəsində qiymət artımı yenidən baş verərsə, subsidiya mexanizminin daha geniş tətbiqi həyata keçirilə bilər. Bu, ölkədə unun, o cümlədən çörəyin qiymət artımının qarşısının alınması üçün ən yaxşı vasitədir. Onu da qeyd etmək lazımdır ki, Azərbaycanda 600 min hektarlıq buğda əkin sahələrinin genişləndirilməsi və işğaldan azad edilmiş ərazilərdə məhsuldarlığın artırılması hesabına daxili tələbatın 70 faizə qədər ödənilməsi mümkündür”.

araz.az xəbər portalı.

araz.az xəbər portalı.