1652124986 c59c99c putin parad ria novosti Rusiya Prezidenti Vladimir Putin bu gün Moskvada keçirilən hərbi paraddakı çıxışında Ukraynada işğalçı müharibəni növbəti dəfə əsaslandırmağa çalışıb. Kreml sahibi deyib ki, əgər Rusiya “xüsusi əməliyyata” başlamasaydı, NATO Donbas və Krımda hücum əməliyyatına start verəcəkdi.

araz.az xəbər verir ki, bu sözləri politoloq Elxan Şahinoğlu Rusiya lideri Vladimir Putinin Moskvada keçirilən Qələbə paradında səsləndirdiyi fikirləri şərh edərkən deyib. 

O bildirib ki, Putin çıxışı zamanı Krımı tarixi Rusiya torpağı adlandırmağı unutmayıb:

“Kreml sahibi NATO-nun Rusiya sərhədlərinə yaxınlaşdığını bildirib. Rusiya Ukraynaya qarşı işğalçı müharibəyə başladıqdan sonra NATO Rusiya sərhədlərindən çoxmu uzaqlaşıb? Baltik ölkələrinin hamısının Rusiya ilə sərhədi var və hər biri NATO-nun üzvüdür. Putin gərək eyni məntiqlə Ukraydanan sonra Baltik ölkələrinə qarşı da işğalçı müharibəyə başlasın. Və ya Kreml NATO üzvlüyünü düşünən Finlandiyanı da hədələməyə başlayıb.

Putin Ukrayna uğrunda savaşanları həmişəki kimi “nasistlər” və “banderaçılar” kimi qiymətləndirib. Kreml sahibi Rusiyanın Ukraynada apardığı müharibəni “məcburi əməliyyat” kimi qiymətləndirərək, onun başqa yolu qalmadığını vurğulayıb. Başqa sözlə, Rusiya Ukraynanı dağıtmalı, minlərlə insanı öldürməli və beynəlxalq aləmlə münasibətləri gərginləşdirməliydi, “nasistlər” və “banderaçılar” ölkələrinin ərazi bütövlüklərini təmin edə bilməsinlər. Bu Putinin məntiqidir”.

Politoloq vurğulayıb ki, Putin çıxışında 2014-ci ildə Odessanın Həmkarlar binasındakı yanğında ölən tərəfdarlarını bir daha xatırlayıb.

Belə ki, 8 il əvvəl Odessada Rusiya tərəfdarları millətçilərlə toqquşmuş və nəticədə binada yanğın baş vermiş, ölənlər olmuşdu. Putin Ukraynada işğalçı müharəbəyə başlamaqla Odessada ölənlərin intiqamını özünəməxsus şəkildi almağa çalışır. Bu “intiqam” minlərlə günahsız insanın qətlə yetirilməsi, şəhərlərin bombalanmasıyla müşahidə olunur.

“Putin Qərbi tənqid edərkən, vaxtilə beynəlxalq terrorçuların Rusiya ərazisində fəaliyyətlərini də xatırlayıb:

“Beynəlxalq terrorçular Rusiyanı zəiflətmək, dinlər və millətlər arasında nifaq salmaq istəyirdilər. Heç nə alınmadı. Bu gün Rusiyada yaşayan müxtəlif millətlərin nümayəndəsi çiyin-çiyinə Ukraynada nasistlərə qarşı savaşır”.

Putin “beynəlxalq terrorçuların Rusiya əraizisindəki fəaliyyətlərindən” danışarkən heç şübhəsiz 1990-cı illərdə iki Çeçenistan müharibəsini nəzərdə tutub. Kreml sahibi “müxtəlif millətlər çiyin-çiyinə Rusiya uğrunda savaşırlar” dedikdə yenə çeçenləri nəzərdə tutub. Putin demək istəyib ki, çeçenlər 1990-cı illərdən fərqli olaraq bu dəfə Rusiyanın maraqları uğrunda savaşırlar. Əslində Putinin özü Ukraynada işğalçı müharibədə müxtəlif millətləri üz-üzə qoyub”.

E. Şahinoğlu onu da qeyd edib ki, Putin İkinci Dünya müharibəsində nasizmə qarşı savaşan müxtəlif millətlərin xatirəsini andığını bildirərkən, belə bir cümlə də işlədib:

“Biz Çin partizanlarının xatirəsini də anırıq”. Putinin “Çin partizanları” haqqında cümləsi keçmiş nitqlərində qeydə alınmayıb. Böyük ehtimalla Putin bu cümləsiylə vaxtilə Çin ərazisini işğal edən və İkinci Dünya müharibəsinin digər məğlub ölkəsi olan Yaponiyanın ünvanına daş atıb. Uzun illər Moskva ilə nəticəsiz danışıqlar aparan Tokio Rusiyanın Yaponiyaya məxsus Kuril adalarını geri qaytarmayacağını anlamaqla yanaşı Ukrayna məsələsində Qərb qədər prinsipial mövqe ortaya qoyub. Bu da Kremlin xoşuna gəlmədiyinə görə Putin qəfil “çinli partizanları” xatırlayıb”.

Qeyd edək ki, bu gün Rusiyada 9 May – Qələbə günü münasibətilə paytaxt Moskvanın Qızıl Meydanında hərbi parad keçirilib. Paradda Prezident Vladimir Putin də iştirak edib. 

araz.az xəbər portalı.

araz.az xəbər portalı.