“Kimsə namusumu ləkələyə bilməz” – Hadisədən Rza Zərrab açıqlaması

Müğənni Hadisə həmkarı Ebru Gündeşin həyat yoldaşı Rza Zərrab ilə gizli eşq yaşaması barədə yayılan xəbərlərə münasibət bildirib.

Müğənni iddiaların həqiqəti əks etdirmədiyini bildirib.

“Günə haqqımda çıxan inanılmaz böhtanla başladım. Bu günə qədər mənə atılan bütün şərlərə, edilən təhqirlərə səbrlə yanaşdım, amma bu qədər də irəli getmək olmaz. Kimsə mənim namusumu, şərəfimi ləkələyə bilməz. Vəkilim hüquqi yollara baş vurub. Hər kəs layiq olduğu cavabı alacaq”.

Qeyd edək ki, müğənni Ebru Gündəş məhkəməyə baş vuraraq həyat yoldaşından boşanmaq istədiyini bildirib. E.Gündeş iddia edib ki, əri ona başqa qadınlarla xəyanət edir.

Bu gün isə Rza Zərrabın Amerikada gizli görüşdüyü qadının müğənni Hadisə olduğu barədə xəbərlər yayılıb.

araz.az xəbər portalı.