“Şahin Məmmədovun adını çəkəndə məni allergiya tutur…” – İcra başçısının sabiq 1-ci müavinindən ilginc açıqlamalar

“Şahin Məmmədovun Masallıda etdiklərini hamı bilir. Mən heç onun işinə qarışmıram. Onun adını çəkəndə məni allergiya tutur”

Bunu Moderator.az-a açıqlamasında Masallı Rayon İcra Hakimiyyətində 16 il icra başçısının birinci müavini işləyən Nadir Abıyev deyib. N.Abıyev Masallı Rayon İcra Hakimiyyətinin başçısı Şahin Məmmədovu rayonda etdiyi özbaşınalıqlara görə tənqid edib:

“Şahin Məmmədovun Masallıda etdiklərini hamı bilir. Mən heç onun işinə qarışmıram. Onun adını çəkəndə məni allergiya tutur. “Kor-kor, gör-gör”, hər şey göz qabağındadır. Mən Masallı İcra Hakimiyyətində 16 il birinci müavin işləmişəm. Masallı camaatı sakit insanlardı, nəyə desən qulaq asırlar. Şahin Məmmədov özü kimi 5-6 adam tapıb və bu oyunu çıxaran da onlardı. İndi pensiyadayam. Mən 67 yaş yarımda, müqaviləmin bitməsinə 3 ay qalmış işdən çıxdım. Onun özünə də dedim ki, sənin kimisi ilə işləmək istəmirəm. Əslində mən iki il yarım artıq işlədim. Bunlar hamısı “moşennik”di, rayonlarımızı xaraba qoyublar”.

N.Abıyev deyib ki, ona başqa vəzifə təklif olunsa da, o, buna razı olmayıb:

2017-ci ildə Masallıya Cənab Prezident səfər edirdi. Onda Azərbaycan Meliorasiya və Su Təsərrüfatı ASC-nin sabiq sədri Əhməd Əhmədzadə də rayonda idi, mərkəzi parka su çəkirdlər. Əhməd Əhmədzadə dedi ki, “Hacı Nadir, Mərkəzi Komitə ləğv olunandan sonra Masallı və Cəlilabadda rayon rəhbərlərinin bəxti gətirmədi”. Sonra dedi ki, “gəl səni Viləş Su anbarına sədr təyin edim”. Dedim ki, Əhməd müəllim, qoca vaxtımda gedib bu adamlarla boğuşa bilmərəm”.

araz.az xəbər portalı.