Şəhid Əli Rzalı anılıb

Bu gün şəhid Əli Rzalının şəhidlik zirvəsinə yüksəldiyi gündür.

Şəhid Əli Rzalı 2002-ci il aprel 17-də Yardımlı rayonunun Bilnə kəndində anadan olub. Əli Rzalı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. Əli Rzalı oktyabrın 2-də şəhid olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün ölümündən sonra “Vətən uğrunda” medalı ilə təltif edilib.

VHP Yardımlı rayon təşkilatının Bilnə kənd özək təşkilatının üzvləri bu gün şəhidin məzarını ziyarət ediblər.

VHP mətbuat xidmətindən araz.az-a daxil olan məlumata görə, partiyanın Bilnə kənd özək təşkilatının sədri Əlövsət Əsədov şəhid Əli Rzalının həyat yolundan, Vətənə olan sevgisindən danışıb. Bildirib ki, Vətən Müharibəsi başlanan kimi döyüş tapşırığını yerinə yetirərkən şəhid olan Əli Rzali Bilnə kəndinin ilk şəhididir. Onun qəhrəmanlığı və vətənpərvərliyi gənclər üçün hər zaman örnək olacaqdır.

 

 

 

araz.az xəbər portalı.

araz.az xəbər portalı.