“Nar” minifutbol üzrə milli komandamızı təbrik edir!

“Nar” da, Avropa çempionatının qalibi olan minifutbol üzrə milli komandamızı, möhtəşəm uğuru münasibəti ilə təbrik edib. Bu barədə, mobil operatorun mətbuat xidmətindən araz.az-a daxil olan məlumatda bildirilir ki, bu möhtəşəm qələbəni qeyd etmək üçün, “Nar”ın dəstəyi və milli komandanın da iştirakı ilə, iyunun 15-də Bakı Bulvarında konsert proqramı baş tutacaq. Gənclər və İdman Nazirliyinin, Azərbaycan Minifutbol Federasiyasının, “Azfar Group”un və “Zirə” Peşəkar Futbol Klubunun təşkilatçılığı ilə baş tutacaq bu tədbirdə, kubokun xüsusi avtobusla tamaşaçılara təqdim olunması gözlənilir.
Qeyd edək ki, iyunun 11-də minifutbol üzrə Azərbaycanın yığma komandası Rumıniyanı 1:0 hesabı ilə məğlub edərək, tarixində ilk dəfə Avropa çempionu adını qazanıb.
Məlumatın sonunda o da qeyd olunub ki, ölkədə gənclər arasında idmanın təbliğinə hər zaman xüsusi diqqət ayıran “Nar”, milli komandamıza bundan sonrakı fəaliyyətində də uğurlar arzulayır. Ümumiyyətlə, “Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq, qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar”, ölkədə ilk dəfə olaraq, 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Şirkət son 3 ildə, Müştəri Loyallığı İndeksinə görə də, ölkədə lider mobil operator kimi tanınıb.

araz.az xəbər portalı.

araz.az xəbər portalı.