“Pepsi” içkilərinin Azərbaycandakı rəsmi təmsilçisi “Mars Overseas” tanınmış iş adamı İsfəndiyar Axundova məxsus “Şərur MTK”nı məhkəməyə verib.
araz.az “Qafqazinfo”ya istinadən xəbər verir ki, şirkət iş adamını müqavilə öhdəliklərini yerinə yetirməməkdə günahlandırır. İddiaya görə, “Şərur MTK” “Mars Overseas”dan 3400 manatlıq “Pepsi” məhsulu alıb, lakin pulunu ödəməyib. Buna görə də şirkət Bakı Kommersiya Məhkəməsində iddia qaldırıb. İşə hakim Leyla Əliyevanın sədrliyi ilə baxılır.
Qeyd edək ki, Şərurlu İsfəndiyar kimi tanınan İsfəndiyar Axundov ölkənin ən böyük tikinti maqnatlarından biri sayılır. O, Bakıda milyonlarla dəyəri olan bir çox binanın tikintisini həyata keçirən “Şərur MTK”-nın rəhbəridir.
“Mars Overseas” isə 1999-cu ildən Azərbaycan bazarında fəaliyyət göstərir. “Pepsi” məhsullarının Azərbaycanda istehsal və satış hüququna sahibdir.
araz.az xəbər portalı.
araz.az xəbər portalı.
Qəzada həlak olan 24 nəfərin nəşi Bakıya göndərilib
AZAL aviaşirkətinə məxsus təyyarənin qəzaya uğraması nəticəsində faciəvi şəkildə həlak olan 3 ekipaj üzvü …
