Naxçıvan Muxtar Respublikasının Ali Məclisinin sədri Vasif Talıbovla bağlı ard-arda gələn xəbərlər dayanmır. Məlum olur ki, Talıbovlar klanı 30 ildə yığdıqlarını itirməyə başlayır.
araz.az “Yeni Sabah”-a istinadən bildirir ki, Vasif Talıbovun itirdiyi böyük obyektlərdən biri də Bakıda Dərnəgül yolunda yerləşən Taxta Bazarı olub. Uzun illər idi ki, Talıbovlar ailəsi bu bazarda böyük pullar qazanır və bu vəsaitlər rəsmiləşdirilmirdi.
Sahibkarların saytımıza bildirdiyinə görə artıq bazarda Talıbovların adamları artıq gözə dəymir. Onlar obyektdən tamamilə uzaqlaşdırılıb. İndi Taxta Bazarına Bakı Şəhər İcra Hakimiyyətinin “Yeraltı Keçidlər üzrə Ticarət Birliyi” nəzarət edir. İcarə haqları bu birlik tərəfindən rəsmi olaraq qəbul edilir və həmçinin hər bir sahibkar Dövlət Vergi Xidmətinin kassa aparatları ilə təmin olunub.
Onu da qeyd edək ki, sözügedən Taxta Bazarı bir neçə dəfə güclü yanğınlarla gündəmə gəlib. Burada əsas problemlərdən biri ondan ibarət idi ki, Talıbovlar bazarda Fövqəladə Hallar Nazirliyinin təhlükəsizliyə qarşı önləyici tədbirlər görməsinə imkan yaratmırdı. Bu hadisələri də o zaman klanların savaşı kimi şərh edənlər vardı.
araz.az xəbər portalı.
araz.az xəbər portalı.
Qəzada həlak olan 24 nəfərin nəşi Bakıya göndərilib
AZAL aviaşirkətinə məxsus təyyarənin qəzaya uğraması nəticəsində faciəvi şəkildə həlak olan 3 ekipaj üzvü …
