Yerevandan Tehrana kritik zəng – Vəziyyət müzakirə olunub

 Ermənistan və İran xarici işlər nazirləri Zöhrab Mnatsakanyan və Məhəmməd Cavad Zərif telefonla danışıblar. Sputnik Ermənistan xəbər verir ki, bu barədə məlumatı Ermənistanın Xarici İşlər Nazirliyi yayıb.

Telefon danışığı Ermənistan tərəfinin təşəbbüsü ilə baş tutub. Danışıqlar zamanı ikitərəfli münasibətlər müzakirə olunub.

Bundan əlavə, Mnatsakanyan və Zərif Cənubi Qafqaz və Yaxın Şərqdə sülh və sabitliyi, həmçinin bu məsələlərdə mövcud çağırışlar və beynəlxalq əməkdaşlıq barədə danışıblar.   /sputnik.az/