Xocalı faciəsi unudulan deyil VİDEO

Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. Qeyd etmək lazımdır ki, Azərbaycan xalqı 200 il ərzində erməni millətçi-şovinistlərinin davamlı olaraq etnik təmizləmə, soyqırım siyasətinə məruz qalmışdır. Azərbaycan xalqı tarixi torpaqlarından qovulmuş, qaçqına, məcburi köçkünə çevrilmiş və bütün bunlar ermənilər tərəfindən kütləvi qırğınlarla müşayət olunmuşdur. Azərbaycanlıların öz tarixi-etnik torpaqlarından qovulması sovet dövründə də davam etmişdir.1948-1953-cü illərdə Ermənistandan 150 min azərbaycanlı deportasiya olunmuş Azərbaycanın Kür-Araz düzənliyində yerləşdirilmişdir. 1988-ci ildə isə öz tarixi torpaqlarında yaşayan 250 min azərbaycanlı bu ərazidən qovulmuş, bununla da Ermənistan monoetnik dövlətə çevrilmişdir. 1988-ci ildən Dağlıq Qarabağ ətrafında başlayan hadisələr erməni ideloloqlarının “dənizdən dənizə Ermənistan” adlı sərsəm bir ideyasını reallaşdırmaq cəhdi kəndlərin, şəhərlərin dağılması, on minlərə günahsız insanın ölümü, yüz minlərlə azərbaycanlının öz tarixi torpaqlarından didərgin düşməsi ilə nəticələndi.
Xocalı soyqırımı ilə bağlı o vaxtlar “Səhər” qəzitinin Baş redaktoru olmuş, tanınmış jurnalist Məzahir Süleymanzadə də onlarla məqalə yazmış, kitab çap etdirmiş, xarici ölkələrdə mətbuat konfranslarında iştirak edərək  Xocalı həqiqətlərini dünyaya çatdırmağa çalışmışdır. 
Bizim ocaq saytı bu ərəfədə Məzahir Süleymanzadədən Xocalı ffaciəsi ilə bağlı eksklüziv olaraq  video- müsahibə almışdır. Həmin vide-müsahibəni oxucularımıza təqdim edirik.