inam kerimovjpeg 1576566010Kənd Təsərrüfatı Nazirliyi yanında Aqrar Kredit və İnkişaf Agentliyinə sədr müavini təyin edilib. 

 “Report” xəbər verir ki, bu, Leyla Məmmədovadır. 

O, bundan sonra Seymur Mövlayevin müavini vəzifəsində çalışacaq.

Qeyd edək ki, həm S.Mövlayev, həm də Leyla Məmmədova “ASAN-Xidmət”də vaxtı ilə işləyiblər.

Mia.az onu da xəbər verir ki, L.Məmmədova bu ilin mart ayına qədər KTN-nin tabelyində olan “Aqrar Tədarük və Təchizat” ASC-nin İdarə Heyəti sədri olub. Mart ayında isə nazir İnam Kərimov onu vəzifədən çıxarıb. Yerinə isə KTN-nin aparat rəhbəri Aqil Quliyev gətirilib.

SEYMUR MÖVLAYEV, AQİL QULİYEV və LEYLA MƏMMƏDOVA

Həmin vaxt nazir L.Məmmədovanı işsiz qoymayıb. O, digər əmrlə Aqil Quliyevin ASC-də müavini təyin olunuib.

Qeyd edək ki, L.Məmmədova deputat Məlahət İbrahimqızının  bacısı qızıdır.

Yeri gəlmşkən, Aqrar Xidmətlər Agentliyinin (AXA) sədri, ixtisasca regionşünas Seymur Mövlayev bu ilin sentyabrın əvvəlində Aqrar Kredit və İnkişaf Agentliyinin (AKİA) sədri təyin olunub. Yəni o, təxminən 15 gün əvvəl bu vəzifədə Mirzə Əliyevi əvəz edib. Nazirin digər əmrilə isə AKİA-nın keçmiş sədri Mirzə Əliyev AXA-nın rəhbəri vəzifəsinə təyinat alıb.

 

 

Mia.az

araz.az xəbər portalı.