ramizBeynəlxalq Universiteti bitirmək qəbahətdirmi?

Deputat Həmkarımız Jalə Əhmədovanın birinci ali təhsilini Azərbaycan Beynəlxalq Universitetində alması Sosial şəbəkələrdə tənqid obyektinə çevrilib. Beynəlxalq Universitet göydənmi düşmüşdü? Beynəlxalq Universitet Nazirlər Kabinetinin 11 oktyabr 1997-ci il tarixli, 204s saylı qərarı ilə qeydiyyatdan keçərək özəl ali məktəb statusu alıb. Universitet, həmçinin Ədliyyə Nazirliyinin 17 oktyabr 1997-ci il tarixli 15 saylı şəhadətnaməsini alaraq dövlət qeydiyyatından keçmişdir. Təhsil Nazirliyinin 04.12.1997-ci il tarixli 48-11-4058/16 nömrəli qərarı ilə 6 il müddətinə, 2005-ci ildə isə 5 il müddətinə yenidən lisenziya almışdır. 2010-cu il iyulun 8-də ABU-nun lisenziya müddəti bitdiyi üçün Universitetin fəaliyyəti dayandırılıb.

Adı çəkilən Universiteti şöhrətə mindirən maraqlı bir faktı qeyd edim. Bu Ali məktəbdən BDU-nun Hüququ fakültəsinə və Tibb Universitetinə 100-lərlə tələbə köçürülüb. Köçürülmə mexanizmi maraqlıdır: Bu iki ixtisas üzrə tələbələrin siyahısı Prezident Adnministrasiyasının rəhbəri Ramiz Mehdiyevə göndərilirdi. Yalnız onun razılığı əsasında köçürülmə baş tuturdu. Bununla yanaşı Ramiz Mehdiyevin göstərişi olmadan Elşad Abdullayevin bioqrafiyası Azərbaycan Milli Ensiklopediyasına salına bilərdimi? İnandırıcı görünmür? Bu faktın özü Ensiklopediyanı nüfuzdan salmağa xidmət edir. Bundan danışmaq lazımdır…

P.S. Ramiz Mehdiyev indi də Azərbaycan Milli Ensiklopediyası Baş redaktorunun birinci müavini və Ensiklopediyanın kuratorudur.

Etibar Əliyev

Milli Məclisin deputatı

araz.az xəbər portalı.