“Gəncədə qadınlar da daxil olmaqla yeddi nəfərdən çox mülki şəxs öldürülüb”

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev düşmənin gecə yarısı Gəncə şəhərini raket hücumuna tutması ilə bağlı məlumatı “Twitter” hesabında paylaşıb. 

Turkustan.info məlumatına görə paylaşımda qeyd olunub ki, gecə yarısı Azərbaycanın ikinci ən böyük şəhəri olan Gəncə Ermənistanın raket hücumuna məruz qalıb:

“3 yaşayış binası dağıdılıb. İndiyə qədər qadınlar da daxil olmaqla yeddi nəfərdən çox mülki şəxs öldürülüb, 33 nəfər ağır yaralanıb. Ermənistan azərbaycanlı mülki insanlara hücum etmək üçün humanitar atəşkəsin arxasında gizlənir”.  

araz.az xəbər portalı.